ROLI I BABAIT ....BROSHURE Babai në familjet shqiptare është konsideruar si kryetari i familjes, si rregullator i marrëdhënieve nënë-fëmijë, fëmijë-fëmijë, por dhe disiplinues në sjelljet dhe veprimet e tyre. Është babai ai që u mëson fëmijëve masën dhe kufijtë, rregullat shoqërore dhe disiplinën. #MesueseAurela

1. Broshure roli i babait
Ese Dhe Projekte Per Studentet
#MesueseAurela
ROLI I BABAIT
Babai në familjet shqiptare është
konsideruar si kryetari i familjes, si
rregullator i marrëdhënieve nënë-
fëmijë, fëmijë-fëmijë, por dhe
disiplinues në sjelljet dhe veprimet e
tyre. Ai kishte të drejtën e gjykimit të
sjelljeve dhe dhënies së shpërblimeve
e dënimeve. Babai mbante të gjitha
përgjegjësitë për mirëqenien
ekonomike e sociale të familjes.
Roli i babait nuk përfshinte kujdesin,
rritjen dhe edukimin e fëmijëve. Kjo
ishte detyre e nënave.
Sot familja shqiptare ka pësuar
ndryshime, përfshi këtu edhe rolin e
babait. Babai është pjesëtar i
mirërritjes dhe edukimit të fëmijëve.
Dashuria dhe kujdesi i nënës janë të
pakushtëzuara nga sjelljet e fëmijës.
Ndërsa dashuria atërore është e
kushtëzuar: babai të do dhe të
shpërblen, nëse sillesh ashtu si ai e
gjykon të drejtë.
Është babai ai që u mëson fëmijëve
masën dhe kufijtë, rregullat
shoqërore dhe disiplinën.
Kur ju si prindër vendosni rregullat
dhe kufijtë brenda familjes, mos
gjykoni sipas këndvështrimit dhe
interesit tuaj, si të rritur; merrni në
konsideratë edhe nevojat, aftësitë dhe
interesat e fëmijëve tuaj!
Fëmijët duhet të respektojnë rregullat
që vendosen brenda familjes, por ju
duhet t’i gjykoni ata në bazë të
aftësive të tyre sipas moshës që kanë.
Kujtoni, ata nuk janë të rritur dhe
nuk e kuptojnë moralin e të rriturit;
ndaj mos i gjykoni si të tillë!
NEVOJAT E NJË FËMIJE !!!
Një fëmijë ka nevojë për ushqim,
strehim, veshmbathje; dashuri,
ngrohtësi, kujdes, mbështetje,
siguri; shoqërizim me
bashkëmoshatarët, etj.
Roli i babait në plotësimin e këtyre
nevojave është parësor.
Babai nuk duhet të kujdeset vetëm
strehimin, ushqimin dhe
veshmbathjet. Ai duhet ta kuptojë sa
e rëndësishme është prania, biseda,
loja e tij me fëmijën. Vetëm kështu
fëmija do të ndjehet i dashur dhe i
kujdesur nga të dy prindërit.
Baballarët ankohen për kohën e
pakët që kanë në dispozicion të
fëmijëve. Ata nuk duhet të
shqetësohen për sasinë, por duhet të
kalojnë kohë cilësore me fëmijët e
tyre!
- Loja me top me fëmijët,
- Leximi i një përrallë përpara
gjumit,
- Shoqërimi i fëmijëve në këndet e
lojërave,
- Një shëtitje së bashku, etj...
KËSHILLA PËR KOMUMIKIMIN
BABA – FËMIJË !!!
 Mbani të hapur rrugën e
komunikimit me fëmijën duke e
vlerësuar për sjelljen e tij.
 Dëgjojeni me vëmendje fëmijën
tuaj dhe mos e ndërprisni. Ajo që
fëmija ju tregon është po aq e
rëndësishme sa dhe ato që i
thoni ju.
 Gjeni kohë për fëmijën tuaj, edhe
kur jeni shumë të lodhur. Bëni
një përpjekje; e nesërmja do të
jetë vonë!
 Shmangni moralin dhe
etiketimet ndaj fëmijëve: i mirë /
i keq, sepse kjo nuk ndihmon
fëmijën të kuptojë dhe krijojë
modelin.
 Tregojini fëmijës tuaj që e
pranoni atë ashtu siç është,
pavarësisht sjelljes së tij. Kjo do
ta ndihmojë të përmirësohet.
 Bëni diçka zbavitëse me fëmijën
tuaj ose gjeni mënyra argëtuese
për t’i mësuar sjelljet e
pëlqyeshme.
BABA ME OSE PA MODEL
Të edukosh fëmijën do të thotë ta
bësh atë sa më të pavarur.
Ju duhet të mbani përgjegjësitë
tuaja dhe ai do të mësojë të mbajë të
tijat.
Shpesh ne u imponojmë fëmijëve
dëshirat tona pa gjykuar nëse ato
janë të përshtatshme dhe me interes
për ta.
Prindërit duhet t’i nxisin dhe t’i
mbështesin fëmijët në iniciativat e
tyre.

2. Broshure roli i babait
Ese Dhe Projekte Per Studentet
#MesueseAurela
Lëreni fëmijën të lirë brenda
rregullave, që ai të mësojë pa u
cenuar siguria e tij.
Me kalimin e kohës baballarët
mësojnë si të përfshihen më mirë në
procesin e rritjes dhe edukimit të
fëmijëve të tyre.
TË QËNURIT BABA ËSHTË ART
APO SHKENCË
Dëshira dhe koha kushtuar kujdesit
për fëmijën është dhurata më e
vlefshme që mund t’i bëni atij.
Ai ka dy prindër të aftë që kujdesen
për të në çdo moment. Nëna ndjehet
shumë mirë kur e di se, në mungesë
të saj do të kujdeset babai dhe, ky i
fundit ndjehet mirë që është pjesë e
një procesi të rëndësishëm si
mirërritja dhe edukimi i fëmijës.
Çdo baba e realizon këtë rol duke i
kaluar më shumë kohë me fëmijën e
tij. Ky është një proces i gjatë
edukimi i cili nuk mbaron asnjëherë.
Fëmijët rriten, ndryshojnë qëndrimet
dhe sjelljet e tyre, dhe roli i babait
në familje ndryshon bashkë me ta.
Gjatë kohës që njihni dhe zhvilloni
vlerat e fëmijës tuaj, ju ndani me të
dy thesare të çmuara: besimin që
ata janë të rrethuar nga dashuria
dhe sigurinë për të njohur botën
që i rrethon.
Në këtë mënyrë ju bëheni
bashkudhëtarë me fëmijën tuaj.
A jam unë një baba i mirë?
Nuk ka receta për t’u bërë BABA I
PËRKRYER!
Nuk duhet të shqetësoheni dhe
alarmoheni se si ta mësoni këtë rol. Të
qenit prind është një proces i
vazhdueshëm njohjeje i vetes dhe i
fëmijës tuaj. Roli i babait nuk ka
kufij, ai mësohet dhe ushtrohet gjatë
gjithë jetës.
Mesazhi më i rëndësishëm dhe më i
thjeshtë për t’u bërë baba i mirë
është thjesht të bësh babanë...
Ese Dhe Projekte Per Studentet
#MesueseAurela
ROLI I BABAIT
NË
ZHVILLIMIN E
FËMIJËS
Mos pyesni përse fëmija
është ashtu siç është...
Pyesni veten se çfarë duhet
të bëni ju për ta ndryshuar...