1. Ningunha ciencia, en canto a ciencia, engana; o engano está en quen non o sabe
IMPULSO
O escalón
Edita: Sección Sindical C.I.G.-Psa-Peugeot-Citroën U.P. VIGO
Nº 91 , MARZO 2010
Secc. Sindical. Psa-PEUGEOT-CITROËN
No mes de Abril o Sistema II
baixa a produción nun 40%,
afectando de 700 a 800 traballa-
dores/as con contrato Eventual.
Este é un motivo de gran preocu-
pación, xa que falamos de
emprego.
Dende que se desatou a cri-
se, a C.I.G. veu defendendo
unha maior racionalización das
producións, así como un equili-
brio entre as Liñas de produción.
É a nosa obriga tentar sempre o
menor impacto posible nos tra-
balladores/as.
A Dirección neste caso,
estase esforzando en convencer
a propios e estraños, que o equi-
librado das Liñas non pode ser
agora, dado o seu custe e falla
de tempo para reformar o taller
de Ferraxe.
Rebobinemos, en Decembro
do ano 2007, comunícasenos a
necesidade de parar a actividade
no Sistema II durante 19 días (6
de bolsa) para proceder a súa
reforma e poder así pasar
Furgonetas por esa Liña.
Efectivamente no primeiro
semestre do 2008 chegaron a
saír algunhas Berlingos polo
Sistema II. No último trimestre
dese ano entramos na crise, que
seguimos na actualidade, é dicir,
tivemos 18 meses con baixa acti-
vidade, incluso pechouse a
quenda de noite deste Sistema,
tempo e razóns suficientes como
para preparar Ferraxe e ter
ambas Liñas cunha carga máis
equilibrada, que cando menos
evitase o escenario que temos
agora, unha traballando 6 xor-
nadas semanais, e outra redu-
cindo persoal.
Sabemos que o equilibrado
non resolvería todo o problema,
pero axudaríanos a mitigar as
súas consecuencias.
Con independencia deste
debate técnico-laboral, hai un
factor engadido que tamén foi
exposto pola C.I.G. na última
reunión do 26 de Febreiro, ó pre-
guntarlle á Dirección, cómo podí-
amos estar a falar desta baixada
tan significativa de produción e,
ó mesmo tempo o día 1 deste
mes de marzo apróbase con
carácter urxente na Xunta, a soli-
citude de PSA de realizar 47 cur-
sos básicos para 700
parados/as, co compromiso de
incorporar un 60% como mínimo
á Planta. É dicir, en Abril vanse
800 traballadores/as, e ó mesmo
tempo estanse formando 700
desempregados para incorporar.
A isto respostaron que era "algo
natural".
Mentres todo isto sucede, no
outro extremo da balanza está o
persoal fixo, que seguirá mer-
mando, sen merecer a
Xubilación Parcial.
SUMARIO
.- O escalón
.- Antigüidade
.- 8 de Marzo
“Facendo camiño”
.- Amadeo
.- Comedor
.- 10 de Marzo “Día
da Clase Obreira
Galega
2. 2
IMPULSO SECCIÓN SINDICAL C.I.G. PSA-PEUGEOT-CITROËN
Estes son os argumentos que fixeron que
a C.I.G., lles transmitíramos a nosa dubida
razoable, sobre a xestión desta situación.
Unha situación que non esquezamos tamén
ten graves consecuencias para as empresas
Auxiliares.
Quizais en Setembro atoparemos parte
da resposta a este enorme escalón.
Déjalos que ladren Sancho.
Señal de que cabalgamos
¡Señor, los perros
ladran!
Antigüidade
Dende as C.I.G. seguimos presentando
ante a Sala do Social as reclamacións polo
recoñecemento da antigüidade de compañei-
ros/as que non se lles computan os anos na súa
etapa como eventual. Se ben é certo que o
Maxistrado non recoñece o dereito en tódolos
casos, dependendo do período entre contrato e
contrato, varios son os que fallaron a favor do
traballador.
A Dirección, como vén sendo costume,
estas sentencias que perde tenas recorridas
ante o TSXG, do que estamos a espera. Un
tema que por outro lado puido recoñecerse no
Convenio Colectivo, pero a Dirección resistiuse.
3. 3
IMPULSO SECCIÓN SINDICAL C.I.G. PSA-PEUGEOT-CITROËN
8 de Marzo
Facendo camiño
No día da muller traballadora, e cando criamos
que algúns dereitos estaban claros, unha compa-
ñeira, despois de que a Maxistratura de Vigo faiara
a seu favor, trala demanda por non poder gozar
das vacacións de Decembro por estar de permiso
de maternidade, a Dirección non conforme recorreu
o Tribunal de Xustiza Superior de Galiza, onde
unha vez mais, déronlle a razón desestimando o
recurso.
Parece mentira que unha Dirección que presu-
me dos dereitos das súas traballadoras polo País
adiante, chegara a estes extremos.
Isto revela, que a día de hoxe as mulleres
temos que implicarnos no sindicato para loitar
polos nosos dereitos e seguir facendo camiño ….
SITUACIÓNS DE I.T.
O Tribunal Supremo vén de emitir unha sen-
tenza favorable a unha Mutua de Accidentes, na
que sanciona a un traballador dunha empresa,
quitándolle o pago da prestación por Incapacidade
Temporal, por non acudir a unha cita para un reco-
ñecemento médico nas súas instalacións.
Se ben aquí os Delegados e delegadas da
C.I.G., xa vimos advertindo a todos os compañei-
ros/as de que estando en situación de Baixa (IT),
e se lles chega algunha citación da Mutua, deben
acudir, si fisicamente poden, ou de non ser posi-
ble notificarllo, para que se lle mude a cita. De non
facelo, a Mutua pode executar a opción da retira-
da da prestación, xa que así se contempla na
Lexislación como entidade pagadora da segurida-
de social.
COMEDOR
Aínda que algúns só estean interesados en
que a palabra calidade estea presente a hora de
traballar, para a C.I.G. debe formar parte do noso
vocabulario para ser tida en conta en tódolos con-
ceptos, por maiores ou menores que estes sexan.
É o caso do Servizo de Restauración, onde
vimos observando un deterioro.
No caso do bocadillo, o pan está brando, ben
por defecto de cocción, por estar quente no
momento do embolsado, ou polo tipo de envolto-
rio que non conta cos buratos de transpiración
necesarios.
No que atinxe ás comidas, ademais de que a
cantidade viuse reducida significativamente, se
cadra para facer xogo cos novos pratos que son
máis pequenos que os anteriores. Tamén son
empregados un maior número de produtos elabo-
rados, como poden ser as patacas (peladas e
embolsadas).
Sería interesante que máis alá da suba dos
prezos, como foi nesta ocasión a aplicación do
10%, os autores non perderan de vista, que o
Comedor, é un dereito que naceu coa Planta, que
non se deteriore.
4. IMPULSO SECCIÓN SINDICAL C.I.G. PSA-PEUGEOT-CITROËN
CONFEDERACIÓNINTERSINDICALGALEGA
O teu dereito: Organizarte
A nosa obriga: Informarte
10 de MarzoDía da Clase Obreira Galega
Como todos/as lembramos, esta data ven sendo conmemorada polos traballadores/as galegos/as
dende o ano 72. Data da era franquista, na que Daniel e Amador perderon a vida, ademais de outros
feridos, na Ponte das Pías, ó estar manifestándose xunto ós seus compañeiros do Estaleiro Bazán na
defensa do seu Convenio Colectivo.
Neste ano 2010, aqueles acontecementos collen máis vida, a tenor dos recortes sociais, que se
pretenden como é, a perda de emprego, o fomento da precariedade, baixada de salarios…e a propos-
ta de "reformar" a Seguridade Social en materia de Pensións, alongando a idade para acceder a ela (de
65 ós 67 anos), e ampliar os anos para o cálculo da Base Reguladora (de15 a 25 anos).
Por iso dende a C.I.G. faise un chamamento a tódolos traballadores e traballadoras a participar
nas manifestacións convocadas para este día 10. En Vigo sairá as 20 horas dende o cruce da Vía Norte
con Urzáiz.
NA DEFENSA DOS DEREITOS SOCIAIS ¡¡PARTICIPEMOS!!
AMADEO
Nestas datas pasadas foi dada a coñecer a
sentenza sobre a denuncia que ante Maxistratura
foi presentada pola C.I.G., sobre a sanción ó com-
pañeiro Amadeo (que por certo foi emitida polo
xuíz que ultimamente ven sendo o que nos "toca"
ós traballadores/as que demandamos xustiza). O
señor Xuíz só lle dá parte da razón ó compañei-
ro, rebaixándolle o tipo de Falta (o que impide o
posible recurso).
Por parte dos asistentes ó xuízo podemos
dar fe, que tanto a argumentación legal como a
declaración das testemuñas evidenciaron que era
unha inxustiza ter sancionado ó compañeiro. De
todos os xeitos, e como a nosa propia experiencia
nos indica, as sentenzas non sempre imparten
xustiza.
Quédanos a razón e xunto a ela a solidarie-
dade demostrada por todos/as os seus compañei-
ros/as, que no seu nome agradecemos.
