4. Күтілетін нәтиже:
Мәтіндегі негізгі ойды,идеяны ұғынады,
мәтіндегі сөздерді пайдаланып,оқушылардың
байланыстыра сөйлеу дағдылары ,мәнерлеп оқу
және танымдық білімі артады,ой-өрісі жетіледі.
5. Бір-бірімізді сыйлаймыз, тыңдаймыз.
(сол қолдарын көтеру)
“Сәттілік” баспалдағы:
Бүгінгі сабақта жақсы нәтижеге қол
жеткіземіз.(екі қолдарын шапалақтау)
Біз бір-бірімізбен доспыз және әрқашан
біргеміз. (иықтарын түйістіріп, құшақтасу)
Бүгінгі сабақта жақсы көңіл күйде боламын.
(оң қолдарын көтеру)
ролик
7. “Білім” баспалдағы:
'Асқар Оразақын (16.5.1935 жылы туылған, ҚХР, Іле аймағы, Мүкей-Қаратас ауылы)
— ақын.
1961 жылы ҚазМУ-ді бітірген. 1961-95 жылдары ҚР ҒА Тарих, этнографиялық және
археологиялық институтында, Қазақстан Жазушылар одағында, республикалық
Мемлекеттік кітап палатасында, "Жалын" баспасында әр түрлі жауапты қызмет
атқарды. "Түңғыш"(1964), "Мейірім" (1969), "Күнгей" (1975), "Ләйла" (1977),
"Көкорай" (1979), "Балқарағай" (1981), "Сәулет" (1984), "Таудайбол!" (1984),
"Белжайлау" (1985), "Өркеш" (1987), "Керімсал" (1991), "Баркөрнеу" (1992), "Орбұлақ"
(2000), "Тәуелсіздік тартулары" (2001) атты жинақтары жарык көрді. Асқар қазақтың
қара өлең түрлерін ұзақ жылдар бойы ел ішінен жинап, жиырма мың жолдық екі
кітабын жариялады ("Қара өлең" (1989, 1997).
Жетістіктері:
1996 жылдан Қазақстан Жазушылар Одағы басқармасының мүшесі. Халықаралық
«Алаш» әдеби сыйлығының лауреаты. «Ерен еңбегі үшін», «Тәуелсіздіктің" 10 жылы»
медальдарының иегері. Мұқағали атындағы сыйлықтың иегері.
8. “Білім” баспалдағы:
І. Оразақын Асқардың “Достық” өлеңін оқу
І топ: 1-2 шумақ
ІІ топ: 3-4 шумақ
ІІІ топ: 5 шумақ
Топтық тапсырма:
І топ:
- Нағыз дос қандай болу керек?
- Достар бір-біріне қаедай жақсылық жасай алатынын өлеңнен
теріп жаз.
ІІ топ: - Өлеңнің қай шумағын оқып, достық туралы мақал-мәтел
айтуға болады?
ІІІ топ: - Нағыз достықтың адамдарды жақсы қылыққа
тәрбиелейтінін ақын қалай түсіндіреді?
9. “Зейін” баспалдағы:
Мінездеме беру:
Тірек сөздер:
Адал, жомарт, адамгершілігі мол, қарапайым, мейірімді, кешірімді,
төзімді, ақылды, сабырлы, салмақты, кек сақтамау, ашықтық,
бүкпесіздік, арам, өз қамын ойлайтын, кекшіл, сөзге түсінбейтін,
жалқау, тәкаппар, қатал, мейірімсіз, сараң, қызғаншақ, тұйық.
Жағдаяттан шығу:
1.Сенің ең жақын досың өзінен кіші баланың ұялы телефонын тартып
алды. Сынып жиналысында оны талқылап жатыр. Ол сенен көмек
күтіп отыр. Сен не айтар едің?
2. Сенің досыңды үлкен балалар күш көрсетіп соғып жатыр. Сенің
оларға шамаң жетпейді. Сен не істейсің?
10. Тәмсілмен жұмыс:
Мінезі жаман бір жас жігіт болса керек. Оны ешкім түзей алмапты,
қателігін айтқан сайын ызалана түсіпті. Бір күні әкесі оған іші шегеге толы
бір жәшік беріп: “Маңайыңдағы достарыңмен әр жанжалдасып қалған
сайын тақтайға бір-бірлеп шегеден қағып отыр”,- деп табыстапты.
Алғашқы күні-ақ баласы тақтайға көп шеге қағып тастапты. Келесі
күндері де аз болмапты. Осы қарқынымен, әлгі тақтайды толтыруға аса көп
уақыт жұмсамапты. Тақтайдың толғанын көргенде әкесі оған: “Енді сол
достарыңмен жеке-жеке татулас. Әр татуласқан сайын бір шегеден суырып
отыр”,- дейді.
Біраз күн өтіпті. Бір күні қараса қағылған бар шеге суырылып біткен
екен. Сонда оны сырттай бақылап жүрген әкесі баласын тақтайдың алдына
ертіп әкеліп: “Балам, жарайсың,- депті,- алайда, мына тақтайға жақсылып
тұрып қарашы? Шегелерді суырғанда қалып қойған қарайған көп тесікті
көріп тұрсың. Тақтай әуелгісіндей таза қалпында, әдемі болып қалмады.
Достарыңмен төбелескен сайын арада жаман сөздер айтылады. Әр реніш
сөз көңілде мына шегенің орны тәрізді бір-бір қара дақ қалдырып отырады,
жолдасыңа мың жерден кешірдім дегеніңмен, дәл мына тесіктер секілді
кірбіңнің көңілде сыз болып бәрібір қалып қоятындығы шындық.
Сондықтан дос қадірін біліп, ешкімнің көңіліне кірбің ұялатпағайсың,
балам”,- деген екен сонда ісінің астарын түсіндіріп, өмірлік ұмытылмас
сабақ ұқтырған әкесі.