2. POR QUE EXISTEN TAN POUCOS
TEXTOS?
O galego funcionaba como lingua asociada ao
xénero lírico, privilexiando o castelán para a prosa.
A prosa, cultivada na corte de reis e señores,
estaba ao servizo do poder político. Os reis de
Castela e Portugal promovían as súas respectivas
linguas romances.
É posible que existisen máis textos en galego ca os
que coñecemos hoxe, pero as revoltas medievais, o
abandono de arquivos ou a destrución de
pergameos tras a chegada da imprenta fixeron
posible a súa perda.
3. PROSA DE FICCIÓN (1)
CICLO ARTÚRICO ou MATERIA DE BRETAÑA:
hai moitos textos desta temática e influíron na
literatura posterior. Sitúan as súas historias na
actual Bretaña francesa ou en Gran Bretaña,
recreando aventuras do rei Artur e dos cabaleiros
da Táboa Redonda na procura do Santo Graal.
As obras pertencentes a este ciclo son:
Libro de Xosé de Arimatea.
Demanda do Santo Graal.
Libro de Merlín.
4. PROSA DE FICCIÓN (2)
CICLO CLÁSICO ou MATERIA DE TROIA:
textos que recrean o asedio e destrución da
cidade de Troia e o destino dalgúns dos heroes
que participaron nesa guerra. A esta temática
pertencen:
Historia Troiana: con fragmentos en galego e en
castelán.
Crónica Troiana.
5. PROSA HAXIOGRÁFICA
Na Idade Media eran frecuentes as obras en
prosa centradas na narración de milagres. Este
textos contribuían a lexitimar a autenticidade de
certas reliquias e actuaban como medio de
propaganda dos santuarios.
Os Miragres de Santiago (finais do século XIV ou
principios do XV), é unha tradución ao galego
dalgunhas partes do Liber Sancti Jacobi escrito
en latín, do que é unha versión o Códice
Calixtino. Nos Miragres de Santiago traduciuse
só unha parte que inclúe relato de milagres
realizados polo Apóstolo, a expedición de
Carlomagno, algúns episodios de traslado de
reliquias e parte da guía de peregrinos.
6. PROSA HISTORIOGRÁFICA
Elaboráronse amparadas polo poder, co obxecto
de lexitimar determinados feitos e persoas.
Inclúen elementos lendarios e fantásticos.
Conservamos:
Crónica Xeral Galega.
Crónica de 1404.
General Estoria
Crónica de Santa María de Iria.