1. Lamigueiro
chopo negro
(Populus nigra)
chopo negro
black poplar
peuplier
choupo

2. CLASE
Anxiospermas
ORDE
Salicales
FAMILIA
Salicáceas

3. É unha árbore orixinaria de
Europa e oeste de Asia que pode
acadar ata 30 m de altura, de
forma columnar, coa copa longa
e estreita, algo máis ensanchada
nas femias e nos exemplares
vellos.

4. En Galiza é máis abundante na zona
oriental, especialmente á beira dos
ríos. Foi introducida desde a Idade
Media e atópase como especie
cultivada ou subespontánea.
Medra moi rápido nos primeiros
anos e gosta de terreos húmidos.

5. TALO
Toro dereito coas ponlas
ascendentes que comezan a saír
desde o pé. A tona é lisa, de cor
gris-castaña nos novos e con
fendas verticas negras a medida
que se fai vello.

6. FOLLAS
Caedizas, simples, alternas, co
limbo de forma triangular ou ovo-
romboidal, coa punta prolongada
e a beira dentada, de 5 a 9 cm de
lonxitude, de cor verde brillante
polo dereito e máis claras polo
envés. Cando nacen son de cor
verde-amarela nos exemplares
machos e verde-encarnada nos
exemplares femia. No outono
adquiren unha cor amarela viva.

7. FLORES
Unisexuais, separadas
en distintos pés e saen
antes que as follas.
As flores femininas
son amentos de 6 a
7 cm de lonxitude.
As flores masculinas
son amentos 5 cm de
lonxitude, cos
estames vermellos.

8. FROITOS
Cápsulas de cor verde e despois
castaña que se abren na madurez
para liberar unhas sementes
diminutas rodeadas de peliños
brancos. Maduran a finais da
primavera.

9. CICLO ANUAL-LAMIGUEIRO
Folla
Flor
Froito
xaneiro febreiro marzo abril maio xuño xullo agosto setembro outubro novembro decembro

10. Chopos na beira do Sil
(Augasmestas)

11. A forma longa e estreita é a
característica máis destacada
dos chopos da variedade
“Itálica”, coñecida como
chopo lombardo.

12. Nalgunhas zonas do Sil, a Terra Chá e
o Xurés aparece naturalizado o chopo
tremedor (Populus tremula) que se
caracteriza por ter os rabos das follas
aplanados e máis longos.

13. Pazo de Mariñán (Bergondo)
-26 m de altura e 4,60 m de perímetro.

14. Xardíns do Campo de San Francisco. Noia.
Hai 14 chopos, de ata 26 m de altura,
plantados na segunda metade do século XIX.

15. Lamas
(Xinzo de Limia)
Gondomar
(Pontevedra)

16. Paseo da Calzada (Cambados)
-3,30 m de perímetro.
O Convento (Cambados)
-3,20 m de perímetro.

17. Xardíns Méndez Núñez
(A Coruña)

18. Alameda de Santiago
de Compostela

19. Padrón (nas ribeiras do Ulla)
5,03 m de perímetro.

20. USOS
A madeira é branda e lixeira e utilízase
especialmente para embalaxes, xoguetería
e carpintería lixeira. A tona emprégase en
curtiduría e para facer tintes.
En mediciña popular as infusión das
xemas empréganse contra as afeccións
das vías urinarias, bronquite, artrite,
reumatismo, hemorroides.
Foto de Internet

21. Os chopos cultívanse polo seu
rápido desenvolvemento.
Tamén se poden plantar como
depuradores dos solos e das
augas residuiais porque
reteñen os metais pesados.
O chopo é a árbore máis produtiva
que existe. Hai variedades que
poden talarse en turnos de 8-10
anos. A especie máis cultivada é o
Populus deltoides e o “chopo
americano” (P. x euramerican),
híbrido deste e do P. canadensis.

22. Os lamigueiros, tan tremelantes sempre,
adormentáronse
dentro da tarde.
Luis Pimentel “Sombra do aire na herba”

23. MONTAXE e FOTOS: Adela Leiro, Mon Daporta
Xullo 2015