2. Wat verwag jy?
Wat jy verwag, bepaal jou optrede
Wat jy verwag oorheers jou gesprekke
1 Joh. 3:3 Elkeen wat hierdie verwagting in verband met
Hom koester, hou homself rein soos Jesus rein is
1 Joh. 3:2 Geliefdes ons is nou reeds kinders van God.
Dit is nog nie geopenbaar wat ons sal wees nie, maar
ons weet dat, wanneer Jesus kom, ons soos Hy sal
wees. Ons sal Hom sien soos Hy werklik is
3. Verwag jy dat Jesus weer gaan kom?
As jy Hom regtig verwag, sal ander dit sien
As jy Hom regtig verwag, sal ander dit hoor
Jesus kom weer!
Is jy opgewonde oor hierdie gedagte?
1 Joh. 3:6 Iemand wat in Hom bly, hou nie aan met
sondig nie: iemand wat aanhou sondig, het Hom nie
gesien nie en ken Hom nie
4. Is jy gereed vir wanneer Jesus kom?
Verwag jy dat Jesus enige oomblik kan kom?
Editor's Notes
#Wat verwag jy?
As jy vanaand in een sin jou verwagting van die toekoms moes verwoord, hoe sou jy dit doen? Sou jy dit dalk beskryf as jy verwag: beter dae, slegter dae, jou eersteling, jy gaan die plaas kry wat jy so lankal van droom, ’n blink toekoms vir jou kinders, gesondheid, moeilike oudag, verwag dat die wereld ekonomie inmekaar gaan val, dat jy bevorder gaan word, ens. wat verwag jy gaan in die toekoms gebeur?
#Wat jy verwag, bepaal jou optrede
Vb., Ernest en Cara. Hulle verwag hulle 1steling. Hierdie verwagting het ’n massiewe impak op hulle lewe. Hulle het hulle geld anders begin spandeer (koop van klere e.a. goed vir Estiaan wat op pad is). Vereistes t.o.v. ’n voertuig en huisvesting het verander. Wat jy verwag, bepaal jou optrede.
Vertel van program: Doomsday Preppers
#Wat jy verwag oorheers jou gesprekke
Terug by Ernest en Carla wat verwag. Hierdie komende babtjie het hulle gesprekke verander. Dit het hulle gesprekke begin penetreer en heel moontlik begin oorneem. Dit is ongelukkig so dat ons nie ons diepste verwagtinge baie goed vir baie lank kan onderdruk nie. Dit gaan erens in ons gesprekke deurslaan. As jy wil weet wat mense verwag, luister na hulle gesprekke. Wanneer jy tussen ryk mense kom dan sal jy hoor baie van hulle praat oor geld. Dit is hulle verwagting om meer geld te maak. Die persoon wat vir jare finansieel sukkel, praat ook dat hy in die toekoms gaan sukkel.
Johannes skryf ...
#1 Joh. 3:3 ...
So Johannes praat ook van n bepaalde verwagting en die feit dat hierdie verwagting n invloed op jou lewe het. Van watter verwagting praat Johannes?
Ons kry die antwoord in vers 2 ...
#1 Joh. 3:2 ...
Johannes praat hier van die verwagting dat Jesus weer gaan kom.
#Verwag jy dat Jesus weer gaan kom?
Herhaal BG. Is die verwagting vir jou ’n werklikheid wat net wag om te gebeur. Dit kan enige oomblik gebeur. Dit is nie of dit gaan gebeur nie, dit is net wanneer gaan dit gebeur? Nou weet ek mense verskil baie oor wanneer Jesus weer sal terugkom aarde toe. Ek wil nie in die detail van hierdie waarheid betrokke raak vanaand nie. Ek glo Jesus gaan weer kom en dat Sy wederkoms voor die deur is. Nie meer baie lank, dan gaan ons Jesus sien. Very very soon, wê are going to see our King. Sien, gaan ons almal Hom sien. Elke knie sal buig en elke tong sal bely dat Jesus die Here is. Ek glo dit gaan in ons leeftyd gebeur. Al sou dit nie gebeur nie, is daar ’n dag wat elkeen van ons Jesus sal sien wanneer ons ons oë hier op aarde sluit. Verwag jy dat Jesus weer gaan kom?
#As jy dit regtig verwag sal ander dit sien
Ons het netnou na voorbeelde gekyk wat demonstreer en bevestig dat jou optrede gaan verklap wat jy verwag. Nou ek wil u verseker, dat enige iemand wat werklik verwag dat Jesus enige oomblik kan terugkom, se lewe gaan anders lyk as hulle wie Hom nie regtig verwag nie, of nie dink dat dit nou kan gebeur nie. Kan ek dit sommer se soos dit is? As ek verwag dat Jesus enige oomblik vir my kan kom, sal ek nie aanhou om in sonde te leef nie. So as ek sê ek verwag dat Jesus weer gaan kom maar ek hou aan om in sonde te lewe, is daar een van 2 probleme. Of ek lieg vir myself en vir ander, ek verwag dit nie regtig nie. Of ek weet nie wie hierdie Jesus regtig is en hoe Hy werk nie
#As jy Hom regtig verwag, sal ander dit hoor
Mense praat oor dit wat hulle verwag, goed of sleg. Hoor mense dat jy Jesus se wederkoms verwag. Hoor hulle dat jy verwag dat Hy enige oomblik vir jou kan kom? Kan hulle uit jou gesprekke agterkom dat jy besig is met voorbereidings vir Sy wederkoms? Dit is NB dat ons mekaar voortdurend sal herinner ...
#Jesus kom weer!
Vriend, vriendin, Jesus kom weer. Hy gaan kom op die wolke ja dis seker. Hy gaan kom vir elke mens op hierdie aarde soos wat Hy alreeds vir duisende miljoene in die verlede gekom het. Jy kan dit verwag, kyk maar daarvoor uit.
#Is jy opgewonde oor hierdie gedagte?
Ek onthou die beklemming wat hierdie gedagte vir my gebring het voordat ek Jesus begin dien het. Dit het my bang gemaak. Vir ’n tyd lank het ek geweet dat ek in die moeilikheid is as Hy sou kom. Vir ’n ander tyd was ek onseker oor wat met my sal gebeur as Hy sou kom. Vanaand is hierdie werklikheid iets wat my baie opgewonde maak. Ek sien uit dat Hy moet kom. Ek kan nie wag nie. Die Bybel sê:....
#1 Joh. 3:6 ...
Iemand wat in Hom bly....? Hoe bly ek in Hom. Ek bly in Hom wanneer ek Ag, slaan op Sy woord, wanneer ek begin leef wat in die Bybel staan. Wanneer ek my hele lewe vir Hom gee sodat Hy daarmee kan maak wat Hy wil. Die vers se al sou ek sê dat ek my lewe vir Hom gegee het maar nog willens en wetens aanhou met sonde, verstaan ek nie wat dit beteken om vir Hom te lewe nie. As kind van God kan ek nie met sonde aangaan nie.
#Is jy gereed vir wanneer Jesus kom?
As Hy jou vanaand moet kom haal, hetsy deur die wederkoms of jou aardse lewe wat eindig, sal jy by Hom wees? En ja, ons kan seker wees oor hierdie vers. Jy is gereed as jy jou hart en lewe vir Hom gegee het en Hom dien. As daar ’n dag was wat jy besluit het om jou rug op die sonde te draai en doelbewus vir God te begin lewe. Het jy dit al gedoen? Is jy nog op die pad?
#Verwag jy dat Jesus enige oomblik kan kom?
Bevestig jou optrede en jou woorde dat jy Hom verwag. Net so terloops, die feit dat ek daarvan praat sê nie ek is gereed vir wanneer Hy kom nie. Ek moes Hom gekies het bo almal.