Автор: Жон Перкинс

1. А.Хишигтөгс
Номын шүүмж
Эдийн засгийн алуурчны наминчлал
Автор: Джон Перкинс /АНУ/
Оригинал нэр: Confessions Of an Economic Hitman
Нэр: Эдийн засгийн алуурчны наминчлал
Орчуулсан: Д.Болор
Хэвлэл: Соёмбо Принтинг ХХК
ISBN: 978-99929-4-378-5 (мон.)
Хэвлэгдсэн он: 2010
Хуудасны тоо: 265
Эдийн засгийн алуурчид гэдэг нь дэлхийн улс орнуудаас их наядаар нь доллар
суйлдаг, өндөр цалинтай эдийн засгийн зөвлөх, мэргэжилтнүүд юм. “Тусламж” үзүүлдэг
икс-орнууд (томоохон хөрөнгө оруулагч орнуудыг томъёолов) гадаадын томоохон
санхүүгийн болон Олон улсын байгууллагуудаас тусгаар орнуудад өгсөн мөнгийг том
корпорациудын данс ба дэлхийн байгалийн нөөцийг хянаж байгаа хэдхэн гэр бүлийн
халаасанд оруулдаг байна.
Улс төрийн сонгууль ч тэр аль эрт үр дүн нь төлөвлөгдсөн байх ба энэ нь
санхүүгийн эздийн бодлогын нэгээхэн хэсэг нь болдог. Зохиогч хэлэхдээ “Би юу ярьж
байгаагаа мэдэж байна. Учир нь би өөрөө эдийн засгийн алуурчин байсан юм” гэж Жон
Перкинс бичжээ. Мөн тэрээр Индонез, Панам, Эквадор, Колумб, Саудын Араб, Иран
зэрэг олон улсад том хэмжээний “эдийн засгийн” тусгай ажиллагаануудыг зохион
байгуулдаг байсан тухайгаа маш дэлгэрэнгүй бичсэн байна.
Эдийн засгийн алуурчны зорилго нь байгалийн баялаг ихтэй орнуудыг олон
тэрбум долларын өрөнд оруулах явдал бөгөөд түүнийгээ засгийн газар, үндэстэн
дамнасан компаниудын дэмжлэгтэйгээр Засгийн газруудыг мэхлэж, ингэхдээ хэлэлцээ
хийгч талуудын дундуур гуравдагч этгээд мэт харагдаж зөвлөгч гэсэн нэрээр үндэсний
эрх ашгаа мэдэрдэггүй Засгийн газруудад, ард түмэнд худлаа хэлдэг. Үүний үр дүнд их
хэмжээний өрөнд орсон аль ч орон нь үндэстэн дамнасан компаниудад байгалийн
баялгаа хямдхан өгөх байдалд ордог байна. Эдийн засгийн алуурчныг тусгай албад
шалгаруулан бэлтгэдэг бөгөөд тэднийг томоохон зөвлөх компани,аль эсвэл Олон Улсын
Валютын Сан, Дэлхийн Банкны удирдлагад ойражиллуулдаг. Тэр нь эс бүтвэл тэр улсыг
дотроос нь үймүүлж "дампуурсан улс" болгон хувиргаж НҮБ-ын мандат нэрээр
халхавчлан цэрэг оруулдаг юм. Ийм схемээр Африк, Өмнөд Америк, Зүүн Өмнөд Азийн
болон Арабын олон орон байгалийн баялгаа өөрсдөө хянах чадваргүй болсоор байгаа
зэрэг шалтгаануудыг дэлгэрэнгүй бичжээ.
Ялангуяа долларын эзэд дэлхийд Англо-Саксончууд ноёрхох бодлогыг эртнээс
зүтгүүлж ирсэн ба тэд хөгжиж буй орнуудыг гаднаас нь удирдаж байдаг. Терроризм гэх
мэт хэн хүний муугаар хардаг зүйлс нь үнэндээтэднийг муугаар харагдуулсанд л байдаг.
Өөрөөр хэлбэл гадны харийн санхүүгийн ноёрхогчдоос үндэстэн эх орноо хамгаалахын

2. төлөөх тэмцлийг нь мөнгөөр зодож хэвлэл мэдээллийг худалдан авч тэднийг аймшигт
алан хядлага үйлдэгч террористууд хэмээн олон нийтэд итгүүлдэг.
Эдийн засгийн нууц бүлэглэл нь тухайн улсын улс төрчдийг нь ашиглах замаар
өөрсдийн бодлогоо хэрэгжүүлдэг. Мөн тэд олон улсын эдийн засгийн байгууллагуудаар
тухайн улс оронд хөгжил дэвшлийг амладаг боловч хэрэг дээрээ тусгаар тогтносон улс
орнуудыг өрийн дөнгөнд хийж дэлхийн эзэнт гүрэнд дагаар оруулах урхи занга болсон
том төслүүдийг тулган хүлээлгэх замаар бүхэл бүтэн улс орнууд, ард түмнүүдийг
мөлжиж байдаг ажээ.
Перкинс нэгэн ярилцлагадаа ингэж хэлжээ: - Тухайн улсын төрийн эзэмшилд
байгаа цэвэрлэх байгууламж, сургууль, авто тээвэр, тэр ч байтугай шоронг хүртэл
томоохон корпорациудад худалдах бодлогыг батлуулдаг. Хувьчлаад л, хувьчлаад л...
Эцэст нь “корпоратокраси” -уудын боол болгодог. Энэ бол тэр чигтээ асар том хаант улс
бөгөөд асар том корпорацийн хэмжээний дүрэм журамтай. Тэд АНУ хийгээд дэлхийн
өнцөг булан бүрт байгаа орнуудын бодлогыг маш хатуу хянаж байна.
Ямар ч тусгаар улсад дотоод зөрчил байдаг ба үүнийг нь гаднаас нь ашиглаж,
тухайн орны байгалийн баялгийг гадагшаа урсган гаргаж авдаг энэ аргыг Теодор
Рузвелтийн ач хүү Рузвелт нь үүсгэсэн гэжээ. Уг нь тухайн орны мөнгөн тэмдэгт нь
тухайн орны баялгаар баталгааждаг. Гэтэл гаднаас нь тэрхүү мөнгөн тэмдэгтийг нь хатуу
хянаж, эмиссийг нь барьснаар хэчнээн их байгалийн баялаг олборлож экспортоллоо ч
хөгжил дэвшил ирэхгүй болдог. Нэг үгээр тодорхойлбол санхүүгийн аргаар
неоколоничлол явуулдаг тухай энэ номыг өөрийн томьёоллоор нь дүгнэвэл:
Мянгыг хулгайлахад хулгайчийн гар хангалттай
Саяыг хулгайлахын тулд үгссэн бүлэглэл хангалттай
Тэрбумыг хулгайлахын тулд хууль гаргуулахад хангалттай
Бүгдийг хуу хулгайлахад ганцхан ҮЗЭЛ СУРТАЛ хангалттай! ©