3. GAWAIN 7: PAGSULAT NG REPLEKSIYON
Sumulat ng maikling repleksiyon tungkol sa
iyong mga natutuhan at reyalisasyon tungkol
sa kahulugan at kahalagahan ng ekonomiks
sa iyong buhay bilang mag-aaral at bilang
kasapi ng pamilya at lipunan.
BILANG MAG-AARAL
KAHULUGAN
Katulad ng lokal at pambansang ekonomiya na kung saan gumagawa ng iba’t-
ibang desisyon, bilang isang butihing mag-aaral, sumasailalim din sa masusing
pagdedesisyon ang isang mag-aaral katulad ng maayos na paggamit ng baong
pera, pagbabadyet ng oras na nakalaan para sa pag-aaral at pati na rin sa
tamang pagdedesisyon pagdating sa paggawa ng mga takdang-aralin, proyekto
at iba pa.
KAHALAGAHAN
Sa pag-aaral ng ekonomiks, magkakaroon tayo ng maayos at mabuting
pamamahala at pagbubuo ng matalinong desisyon. Bilang isang mag-aaral, ang
kahalagahang nakapaloob dito ay posibleng lubos tayong maging matalino,
mapagmatyag, mausisa at mapagtanong sa mga kaganapan sa kapaligiran ng
lugar na ating kinalalagyan. Isa pang kahalagahan nito sa mag-aaral, hindi lang
sa akin kundi sa lahat ng kapwa ko mag-aaral ay maaari din itong luminang at
humubog sa ating mga gawi, pang-unawa at pag-uugali sa isang paaraang tiyak
na makapagbibigay tulong sa ating pagsasagawa ng isang desisyon para sa
ating pagtatrabaho para sa kinabukasan upang magkaroon ng
napakaginhawang pamumuhay sa hinaharap.
4. BILANG KASAPI NG PAMILYA
KAHULUGAN
Bilang kasapi ng isang simpleng pamilya, maiuugnay ang ekonomiks sa wastong
paggamit ng bawat miyembro na bumubuo ng isang partikular na pamilya ng
kanilang pera, isa na rin ang pagbabahaginan ng kani-kaniyang tulong nang sa
gayon ay matugunan ang mga pangangailangan at kasama na rin ang
matalinong pagpapasya, hindi lang ng bawat isang miyembro kundi ang buong
pamilya, para sa ikabubuti ng nakararami.
KAHALAGAHAN
Ang kahalagahan ng ekonomiks bilang isang kasapi ng pamilya ay ating
masasalamin sa wastong pang-unawa sa mga desisyon na isasagawa ng ating
pamilyang kinabibilangan. Maaari din nating magamit ang ating kaalaman sa
ekonomiks, partikular na sa kaalaman sa alokasyon at pamamahala sa
pamamagitan ng kapag may isang isyu na nakakasangkutang ng isang pamilya
katulad na lamang ng tungkol sa pag-aaral, paglilibang, paggasta, pagkita, at
pagtugon sa pangagailangan at kagustuhan ng pamilya ay maaari nating
ihalintulad sa ating nalalaman tungkol sa ekonomiks. Ang kaalaman na ating
natutunan sa ekonomiks ay lubos na makakatulong upang ang bawat isa sa atin
ay makapagbigay ng isang makatuwiran, makahulugan at makabuluhang
opinyon tungkol sa pagsasagawa ng desisyon ng pamilya.
5. BILANG KASAPI NG LIPUNAN
KAHULUGAN
Bilang isang kasapi ng lipunan, ating maiuugnay ang ekonomiks sa
wastong paggamit ng ating tinataglay na mga likas na yaman, pati
na rin ang pagbabayad ng kaukulang buwis at isa pa ay ang
pakikisangkot sa mga isyung panlipunan.
KAHALAGAHAN
Maaari nating magamit ang ating kaalaman sa ekonomiks bilang
isang kasapi ng lipunan at ito ay ating maisasagawa sa
pamamagitan ng pag-unawa ng mahusay sa mga napapanahong
isyu na kinasasangkutan ng lipunang kinabibilangan at syempre ang
mga isyung ito ay may kaugnayan sa mga importanteng usapin
tungkol sa ekonomiya ng bansa. Para naman sa mga batas,
programa at proyektong ipinapatupad at isinasagawa ng
pamahalaan na kung saan ang mga ito ay may kaugnayan sa
pagkamit ng kaunlaran sa ekonomiya ng bansa ay maaari nating
maunawaan ng mabuti kung ito ay ating ihahalintulad sa mga bagay
na ating natutunan sa ekonomiks.
6. GAWAIN 8: SITWASYON AT APLIKASYON
Pag-isipan ang sumusunod na sitwasyon: Si Mat at Tam ay pareho mong
kaibigan. Si Mat ay isang negosyanteng nagmamay-ari ng malawak na
palaisdaan at manukan sa inyong komunidad, at si Tam ay isang sikat na
basketball player at nagmamay-ari ng isang kilalang kainan sa
kaparehong komunidad. Kung may kakayahan ang inyong pamilya na
magtayo ng negosyo, ano ang maaari ninyong itayo? Kapareho ba ng mga
negosyo nina Tam at Mat o hindi? Ilahad ang iyong sagot sa pamamagitan
ng iyong kaalaman sa mga konsepto, kahulugan, at kahalagahan ng ekonomiks
sa pang-araw-araw na pamumuhay bilang mag-aaral, kasapi ng pamilya at lipunan.
Kung ang aking pamilya ay biniyayaan ng kakayahan na makapagtayo ng isang
negosyo, ang pipiliin kong negosyo ay katulad ng negosyo ni Mat na kung saan
ay isa siyang negosyanteng nagmamay-ari ng malawak na palaisdaan at
manukan. Bakit ito ang napili ko? Simple lang, dahil sa ekonomiks. Kung ating
iintindihing mabuti ang pinagkaiba ng dalawang nasabing negosyo, mauunawaan
natin na mas maganda talaga ang negosyo ni Mat kaysa kay Tam. Ang negosyo
kasi ni Mat ay isang uri ng pangkabuhayan na kung saan hindi ka malulugi. Sa
isang kainan kasi, kahit saan at kahit kailan ay may posibilidad na malugi ang
negosyo depende na rin sa kalidad ng pagkain na inihahanda. Bilang isang mag-
aaral, ako ay naging mapanuri at mausisa sa kung ano ang maaaring maidulot ng
negosyong ito. Bilang isang kasapi ng pamilya naman ay nakapagbigay ako ng
makabuluhang rason sa pagdedesisyon sa pagpili ng negosyong tatahakin. At
ang huli, bilang isang kasapi ng lipunan, aking lubos na naunawaan ang mga
posibleng problema na maaaring makasangkutan ng isang negosyo.
7. GAWAIN 9: BAITANG NG PAG-UNLAD
Ngayong natapos mo na ang lahat ng mga gawain sa araling ito ay muling
magmuni-muni at pag-isipan ang iyong mga nalaman at naunawaan sa aralin.
Muling sagutan ang BAITANG NG PAG-UNLAD at sa pamamagitan nito ay ibigay
ang kahulugan ng ekonomiks at ang kahalagahan nito sa iyong pang-araw-araw na
pamumuhay bilang isang mag-aaral, kasapi ng pamilya, at lipunan.
Ano ang kahalagahan ng
ekonomikssa iyong pang-araw-
araw na
pamumuhay bilang isang mag-
aaral at kasapi ng pamilya at
lipunan?
FINAL NA KAALAMAN
Ang ekonomiks ay nakatuon sa pagtugon sa hamong dulot ng kakapusan sa pinagkukunang-yaman at
walang katapusang pangangailangan at kagustuhan ng tao. Mahalaga ang pag-aaral ng ekonomiks
sapagkat makatutulong ito sa mabuting pamamahala at pagbuo ng matalinong desisyon. Malaki ang
maitutulong nito sa iyo bilang mag-aaral at kasapi ng pamilya at lipunan.
Mag-aaral- Bilang isang mag-aaral, ang kahalagahang nakapaloob dito ay posibleng lubos tayong maging
matalino, mapagmatyag, mausisa at mapagtanong sa mga kaganapan sa kapaligiran ng lugar na ating
kinalalagyan.
Kasapi ng Pamilya- Ang kaalaman na ating natutunan sa ekonomiks ay lubos na makakatulong upang
ang bawat isa sa atin ay makapagbigay ng isang makatuwiran, makahulugan at makabuluhang opinyon
tungkol sa pagsasagawa ng desisyon ng pamilya.
Kasapi ng Lipunan- Maaari nating magamit ang ating kaalaman sa ekonomiks bilang isang kasapi ng
lipunan at ito ay ating maisasagawa sa pamamagitan ng pag-unawa ng mahusay sa mga napapanahong
isyu na kinasasangkutan ng lipunang kinabibilangan at syempre ang mga isyung ito ay may kaugnayan sa
mga importanteng usapin tungkol sa ekonomiya ng bansa.