Ang pelikulang 'Anak' ay tungkol kay Josie, isang ina na nagtatrabaho sa Hong Kong bilang domestic worker upang masuportahan ang kanyang mga anak. Pagkatapos ng ilang taon, nang umuwi siya, naharap siya sa mga problemang dulot ng kanyang pagkawala sa pamilya, kabilang ang masamang ugali ng kanyang panganay na anak. Sa kabila ng mga hamon, unti-unti nilang naibalik ang ugnayan at respeto sa isa't isa, na nagbigay-diin sa sakripisyo ng mga Overseas Filipino Workers (OFW) para sa kanilang mga mahal sa buhay.

1. Sophia Marie D. Verdeflor Grade 10-1 STE
ANAK: SURING PELIKULA
Ang pelikulang “Anak” na
pinagbibidahan ng mga batikang artista sa
industriya ng pag-arte na sina Vilma Santos at
Claudine Baretto noong 2000 na sinasabing
kumita ng mahigit 110 milyong piso, ang
pelikulang ito ay handog ng Star Cinema sa
direksyon ni DirekRory B.Quintos.
Tayo nang dumako sa buod ng
pelikulang ito. Ang pelikulang ito ay tungkol sa isang
ina na nagtatrabaho sa Hong Kong bilang domestic
worker, ang ina ay si Josie na
ginampanan ni Vilma Santos. Ang kanyang
pagtatrabaho sa ibang bansa ay para sa
kanyang mga anak upang makapagpadala ito
ng perang panustos sa kanilang araw-araw na
pangangailangan upang mabigyan ang
kanyang mga anak ng isang magandang kinabukasan.
Tiniis ni Josie ang lahat ng pasakit
na sinapit niya sa kanyang amo.
Lumipas ang ilang taon at nakauwi na rin si Josie sapagkat siya ay
nagpasya ng hindi na magtrabaho pa sa Hong Kong at siya ay magtatayo na
lamang ng negosyo. Sakanyang pagbabalik, sinalubong siya ng kanyang mga
anak na sina Daday,ang bunso na hindi siya kilala sapagkat bata pa lamang ito
ay umalis na siya patungong HongKong, si Michaelna mahiyain at walang imik at
si Carla na panganay na hindi man lang siya binibigyang respeto at galang. Tiniis
niya ang lahat ng paghihirap para lamang makuha ang atensiyon ng kanyang
mga anak, lahat ay ginawa niya. Habang lumilipas ang panahon, unti-unti na
niyang nakikilala ang kanyang mga anak. Isang araw, nasilayan niya ang
kanyang anak na si Carla na naninigarilyo, at ditto na niya nalaman ang mga
iba pang bisyo at masasamang gawain na ginagawa ng kanyang panganay na
anak at kabilang na rito ang paglalagay ng tattoo, pagpapalaglag ng bata,
panlalalake at paghihithit ng rugby. Napakaraming problema ang nakasalamuha
ni Josie at kabilang na rito ang paghinto ng scholarship ni Michaelsa pribadong
paaralang kanyang pinag-aaralan, pagkabangga ng taksing kaniyang ipinundar
at ang pag-iwan sa kaniya ng kaniyang mga kaibigan sa kanilang negosyo
sapagkat kanilang nagastos ang perang dapat sana ay ibabahagi nila rito.
Nagkaroon ng napakaraming pagkukulang si Josie. Para sa anak
niyang si Carla, ubod ng sama ang kaniyang ina sapagkat naranasan niya ang
paglaki ng walang inang gumagabay sa kaniyang tabi. Nagkaroon ng alitan

2. sina Josie at ang kaniyang anak na si Carla tungkol sa bagay na iyon ngunit
kalaunan naman ay paunti-unti nang naiintindihan ni Carla ang mga
bagay-bagay at dahil dito nagbalik na ang loob ni Carla sa kaniyang ina at simula
noon ay nagpakatino na siya bilang panganay na anak at bilang nakatatandang
kapatid na siyang magsisilbing gabay sa kaniyang mga nakababatang kapatid
sa pag-alis ulit ng kanilang ina patungong Hong Kongupang doon muli
magtrabaho upang nang sa gayon ay magkaroon ng magandang kinabukasan
ang kaniyang mga minamahal na anak.
Ang pelikulang ito ay para sa mga Overseas Filipino Workers (OFW) sa
iba’t ibang dako ng mundo. Masasabi kong isa itong napakagandang pelikula
sapagkat nagsilbi itong tagapagmulat sa lahat ng Pilipino patungkol sa mga
karanasan ng ating mga OFW saan mang lupalop ng mundo. Napakaganda ng
takbo ng pelikula sapagkat ito ay sumasalamin sa buhay ng isang ina na siya
namang makatotohanan at napapanahon magpasahanggang ngayon. Kudos para
sa mga tauhang nagsipagganap sa pelikulang ito, damang-dama ang bawat
bugso ng damdamin at nagsilbi silang inspirasyon sa bawat OFW sa buong mundo.
Ang bawat sakripisyo ay may kapalit na kaginhawaan! Huwag sumuko kaagad-
agad. Laban lang! Para sa magandang kinabukasan ng pamilya 
Hindi kataka-takang humakot ang pelikulang ito ng napakaraming
karangalan sapagkat ito ay sobrang napakabuluhang palabas. Sana ay
magkaroon pa ng iba pang pelikula na ganito rin kaganda ang pagkakagawa o
produksiyon sapagkat ito ay paniguradong papatok sa takilya! Good job, “Anak”!