AP Quarter 1 Module 1

1. EMA EMITS COLLEGE PHILIPPINES
since 1945
AP 9 : Quarter 1 – Module 1
- 1 -
Learning
Area
Araling panlipunan Quarter Quarter 1
Grade Level 9 Week Week 1
Name of Teacher: Marvin L. Salva
I. Pokus na Kompetensi
Nailalapat ang kahulugan ng ekonomiks sa pang-araw-araw na pamumuhay bilang
isang mag-aaral, at kasapi ng pamilya sa lipunan.
Pagkatapos ng araling ito ikaw ay inaasahang:
1. Naipaliliwanag ang kahulugan ng ekonomiks.
2. Natatalakay ang mga mahahalagang konsepto ng ekonomiks.
II. Mga Kagamitan sa Pagkatuto
ballpen
Gadget at internet connection ( optional)
Sagutang papel
References: Araling panlipunan “KALAKARAN SA EKONOMIKS”pahina 1-29”
EKONOMIKS PARA SA KAUNLARAN” 1-15
” EKONOMIKS PARA SA MAKABAGONG PANAHON 1-13
III. Pagbabalik-aral
Bago tayo magsimula sa ating paksa sa unang quarter ng ating aralin.Anu-ano mga bagay o pamamaraan
ang maaari mong gamitin noong ikaw ay nasa ikawalong baitang pa lamang na magagamit mo ngayon ikaw ay
nasa ikasiyam na baitang na .sa iyong palagay makatutulong ba ang iyong mga nakalipas na aralin sa paksa natin
sa ngayon na ekonomiks.
IV. Pagtalakay sa Kompetensi
A. Digital/ On-Line Lesson
KAHULUGAN NG EKONOMIKS
I click ang link at panoorin ang video: youtube.comwatch EKONOMIKS ANG KAHULUGAN.
B. Pagpapalawak
Tuklasin/”PAG-ISIPAN MO”
Gawain 1. Suriin ang mga larawan at tukuyin ang pagkakaiba ng mga larawan. Sagutin ito sa iyong malinis na sagutang
papel.
Pagsususing katanungan
1.Anu-ano ang pagkakaiba ng unang pamilya sa ikalawang pamilya?
_________________________________________________________________________________.
2.Ipaliwanag ang posibleng sanhi ng pagkakaiba ng unang pamilya sa ikalawang pamilya.
_________________________________________________________________________________.

2. EMA EMITS COLLEGE PHILIPPINES
since 1945
AP 9 : Quarter 1 – Module 1
- 2 -
3.Paano malulutas ang suliraning ipinakikita ng unang larawan.
_______________________________________________________________________________.
Suriin
Kumusta? Handa ka na ba sa bagong aralin? Tunghayan at basahin ang mga impormasyon tungkol sa kahulugan at
kahalagahan ng ekonomiks.
BASA PARA SA KAALAMAN
Panuto: Basahin ang mga sumusunod na teksto at pagkatapos ay sagutan ang mga sumsusunod na gawain.
Kahulugan ng Ekonomiks
Ang Ekonomiks ay isang sangay ng Agham Panlipunan na nag-aaral kung paano tutugunan ang tila walang katapusang
pangangailangan at kagustuhan ng tao gamit ang limitadong pinagkukunang-yaman. Ito ay nagmula sa salitang Griyego na
oikonomia, ang oikos ay nangangahulugang bahay, at nomos na pamamahala
(Viloria, 2000).
Ang ekonomiya at sambahayan ay maraming pagkakatulad (Mankiw, 1997). Ang sambahayan, tulad ng lokal at
pambansang ekonomiya, ay gumagawa rin ng mga desisyon. Nagpaplano ito kung paano mahahati-hati ang mga gawain at
nagpapasya kung paano hahatiin ang limitadong resources sa maraming pangangailangan at kagustuhan. Ang pagpapasya
ng sambahayan ay maaaring nakatuon sa kung magkano ang ilalaan sa pangangailangan sa pagkain, tubig, tirahan, at ibang
mga bagay na nakapagbibigay ng kasiyahan sa pamilya.
Samantala, ang pamayanan katulad ng sambahayan, ay gumaganap din ng iba’t ibang desisyon. Ang pamayanan ay
kailangang gumawa ng desisyon kung ano-anong produkto at serbisyo ang gagawin, paano gagawin, para kanino, at gaano
karami ang gagawin. Lumalabas ang mga batayang katanungang nabanggit dahilan sa suliranin sa kakapusan. May
kakapusan dahil may limitasyon ang mga pinagkukunangyaman at walang katapusan ang pangangailangan at kagustuhan ng
tao. Dahil sa kakapusan, kailangan ng mekanismo ng pamamahagi ng limitadong pinagkukunang-yaman.
Ang kakapusan ay kaakibat na ng buhay dahil may limitasyon ang kakayahan ng tao at may limitasyon din ang iba pang
pinagkukunang-yaman tulad ng yamang likas at kapital. Ang yamang likas ay maaaring maubos at hindi na mapalitan sa
paglipas ng panahon. Samantala, ang yamang kapital (capital goods) tulad ng makinarya, gusali,at kagamitan sa paglikha ng
produkto ay may limitasyon din ang dami ng maaaring malikha. Sa gayon, kailangang magdesisyon ang pamayanan batay sa
apat napangunahing katanungang pang-ekonomiya na kapaki-pakinabang sa lahat.
Ang kakapusan na pinagtutuunan ng pag-aaral ng ekonomiks ay pang-araw-araw na suliraning kinakaharap hindi lamang ng
pamayanan at sambahayan, kundi ng bawat indibidwal pati ang mga mag-aaral na katulad mo.
Mahahalagang Konsepto sa Ekonomiks
Bahagi na ng buhay ng tao ang pagkakaroon ng mga choice. Sa pagproseso ng pagpili, hindi maiiwasan ang trade-off. Ang
trade-off ay ang pagpili o pagsasakripisyo ng isang bagay kapalit ng ibang bagay. Mahalaga ang trade-off, sapagkat sa
pamamagitan nito ay maaaring masuri ang mga pagpipilian sa pagbuo ng pinakamainam na pasya. Halimbawa, mag-aaral ka
ba o maglalaro?
Sa ginagawang pagsasakriprisyo ay may opportunity cost. Ang opportunity cost ay tumutukoy sa halaga ng bagay o nang
best alternative na handang ipagpalit sa bawat paggawa ng desisyon (Case, Fair at Oster, 2012). Ang opportunity cost ng
paglalaro sa naunang halimbawa ay ang halaga ng pag-aral na ipinagpalibang gawin.
Mahalagang makabuo ng matalinong desisyon sa bawat produkto o serbisyong pagpipilian, subalit minsan kahit nakabuo
na ng desisyon ay hindi pa rin maiiwasang magbago ng isip sa bandang huli. Ito ay dahilan sa mga insentibo na iniaalok ng
mga lumilikha ng produkto at serbisyo. Tulad ng pag-aalok ng mas mura at magandang serbisyo at pagbibigay ng mas
maraming pakinabang sa bawat pagkonsumo ng produkto o serbisyo. Maaari ding mailarawan ang incentives sa kung
magbibigay ng karagdagang allowance ang mga magulang kapalit ng mas mataas na marka na pagsisikapang makamit ng
mag-aaral.
May kasabihan sa ekonomiks na “Rational people think at the margin.” Ang ibig sabihin nito ay sinusuri ng isang indibidwal
ang karagdagang halaga, maging ito man ay gastos o pakinabang na makukuha mula sa gagawing desisyon. Sa gagawing
desisyon sa pagitan ng pag-aaral at paglalaro, karagdagang allowance at mataas na grado, ay masasabing maaaring maging
matalino sa paggawa ng desisyon ang isang tao.
Ang mga kaalaman sa konsepto ng trade-off, opportunity cost, incentives, at marginal thinking ay makatutulong sa
matalinong pagdedesisyon upang maging
rasyonal ang bawat isa sa pagbuo ng desisyon.
Pagyamanin
Binabati kita dahil sa natapos mo nang basahin at intindihin ang mga mahahalagang impormasyong patungkol sa ating
aralin. Ngayon naman ay gawin at sagutan mo ang mga sumusunod na pagsasanay para iyong lubos na pagkaunawa.
Gawain 2: HALINA’T MAGDESISYON!

3. EMA EMITS COLLEGE PHILIPPINES
since 1945
AP 9 : Quarter 1 – Module 1
- 3 -
Panuto: Punan ng tamang sagot ang sumusunod nagraphic organizer tungkol sa kung ano ang mga dapat isaalang-alang
sa paggawa ng desisyon.Isulat sa loob ng
Sagutin ito sa iyong malinis na sagutang papel.
1. Ano ang natutunan mo mula sa mga konseptong ito?
2. Paano nakatulong ang konseptong ito base sa iyong pamumuhay bilang mag-aaral at kasapi ng pamilya at
lipunan? Dugtungan ang mga salitang ito”nakatulong ang mga konseptong ito sapagkat nabigyan ako nito ng
kaalaman-
ukolsa.______________________________________________________________________________________
____________________________________________________________________________________________
Gawain 3: CODE DECODE
Panuto: I-decode ang mga nakatagong konsepto sa bawat bilang. Gamiting gabay ang mga numerong nakatalaga sa
titik ng English Alphabet sa pagdecode , gaya ng 1, para sa A, 2, para sa B, 3, para sa C….. Z para sa 26. Isulat sa
patlang ang na decode na konsepto.
CODE DECODED
9-14-3-5-14-20-9-22-5-19 __________________________
5-11-15-14-15-13-9-11-19 __________________________
20-18-1-4-5 15-6-6 __________________________
15-16-16-15-18-20-21-14-9-20-25 3-15-19-20 __________________________
13-1-18-7-9-14-1-12 20-8-9-14-11-9-14-7 __________________________
Pamprosesong Tanong:
1. Anong mga konsepto ang nakatago sa mga code?
2. Ano ang kahulugan ng mga konseptong ito?
V. Sukatin ang pag-unawa.
Panuto:Kumpletuhin ang mga pahayag sa ibaba. Sagutin ito sa iyong malinis na sagutang papel.
1Ang pag-aaral ng ekonomiks ay lubos na nakakatulong upang mahubog ang=
2.) Nararapat lang na pag-aralan ang ekonomiks upang ang pagsulong ng bansa ay manatiling=
3.) Sa konsepto ng ekonomiks, ang Trade off ay mahalaga sapagkat=
4.) Malaki ang impluwensiya ng Ekonomiks sa pag-unlad ng kabuhayan ng tao sapagkat=
VI. Pagtataya
Basahin at unawaing mabuti ang bawat tanong at piliin ang wastong sagot mula sa mga pagpipilian. Titik lamang ng
tamang sagot ang isulat sa sagutang papel.
1.Ang “____________________________”ay isang sangay ng Agham Panlipunan na nag-aaral kung paano tutugunan ang tila
walang katapusang pangangailangan at kagustuhan ng tao gamit ang limitadong pinagkukunang-yaman.
Matalinong
Desisyon
arrow ang sagot na konsepto at ang kahulugan nito.

4. EMA EMITS COLLEGE PHILIPPINES
since 1945
AP 9 : Quarter 1 – Module 1
- 4 -
a. Ecology B.Ekonomiks C.Ekonomista D.Komunista
2.ang oikos ay nangangahulugang .
a.Bahay b.Buhay c. Pamamahayag d.Pamunuan
3.Ito ay nagmula sa salitang Griyego na oikonomia
a.Ekonomiks b.kabuhayan c.Demand d.Trade Off
4.Paano inilalarawan sa ekonomiks ang mga pangangailangan at kagustuhan ng mga tao?
a. limitado B.dumadami c.walang saysay d.walang katapusan
5.Ano ang dahilan ng pagkakaroon ng suliranin upang matugunan ang pangangailangan ng mga tao?
a. suliraning pampulitika
b. suliraning pangkapaligiran
c. limitadong pinagkukunang-yaman
d. walang kaubusang pinagkukunang- yaman
6.Alin sa sumusunod na suliranin ang kaakibat ng buhay dahil sa pagkakaroon ng limitadong kakayahan ng tao, likas na yaman
at yamang kapital?
a. katamaran b.kahirapan c.kakapusan d.kamangmangan
7.May mga isinaalang-alang tayo sa bawat paggawa natin ng desisyon. Sa ekonomiks, ano ang tawag sa halaga ng isang
bagay na handang ipagpalit sa bawat paggawa ng desisyon?
a. trade-off b.incentives c.opportunity cost d.marginal thinking
8.Ano ang tawag sa pagpili o pagsasakripisyo ng isang bagay kapalit ng isa pang bagay?
a. incentives b.trade-off c.opportunity cost d.marginal thinking
9.Alin sa mga sumusunod na sitwasyon ang nagpapakita ng marginal thinking sa paggawa ng desisyon?
a. Inaayos ang mga suliraning maaring idulot ng napiling desisyon
b. Inaalam kung anong produkto o serbisyo ang sikat o naaayon sa uso
c. Sinusuring mabuti ang pakinabang, at maging ang gastos sa gagawing pagpili
d. Inaalam kung anong dagdag na pakinabang ang makukuha sa bawat paggawa ng pagpili
10.Paano makatulong sa mga mamamayan ang kaalaman tungkol sa mga konsepto ng ekonomiks?
a. Makakagawa ng matalinong desisyon sa pang-araw araw na pamumuhay.
b. Makapagpatunay na mas lamang ang mga taong may maraming alam sa buhay
c. Makahikayat ng iba na maging masinop sa buhay
d. Maging maingat sa pagharap sa hamon ng buhay
SUSI SA PAGWAWASTO
Gawain 3
1.INCENTIVES 2.EKONOMIKS 3.TRADE OFF 4.OPPORTUNITY COST 5.MARGINAL THINKING
Sukatin ang pag-unawa
1. Ang kaalaman at isipan ng isang indibidwal upang makagawa siya ng tamang pagpapasya o pagbuo ng mga plano kung
papaano masusulusyunan ang isang problema o suliranin na kanyang makakaharap sa kanyang lipunan ginagalawan.
2. Malusog ang estado ng ekonomiya ng Bansa .Ito rin ang mabisang sangkap sa pag-abot ng mga layuning pangkaunlaran
ng lahat nang mga bansa na naghihikahos sa pagkamit ng matibay , matatag at mapagsulong na ekonomiya ng bansa.
3. Sapagkat sa pamamagitan nito ay maaaring masuri ang mga pagpipilian sa pagbuo ng pinakamainam na
pasya.Nakakatulong ito na mas mapag-isipan pa ng mahusay ang isang bagay kung ito ba ay magiging kapakipakinabang sa
sarili.
4.Natutulungan nito ang bawat mamamayan na magkaroon ng panibagong pamamaraan o estratehiya kung paano sila
makakasabay sa makabagong teknolohiya na mas mainam na gamitin sa pangaraw-araw na gawain sa ating kumunidad.