Në takimin e 65 të Vatrës Biblike, ishin të pranishëm 17 pjesëmarrës. Nën drejtimin e Atë Flavios filluam me komentimin e kapitullit të 20 të Mateut. 20,1-16: Shëmbëlltyra e punëtorëve
Buletini Jeta e Vatres Biblike nr 28 (12 Prill 2018)
Buletini Jeta e Vatres Biblike nr 65 ( 7 Mars 2019)
1. JETA E VATRËS
B U L E T I N I I N F O R M A T I V I V A T R Ë S B I B L I K E K A T O L I K E
0 4 M A R S 2 0 1 9 N R . 6 5
Në takimin e 65 të Vatrës Biblike, ishin të pran-
ishëm 17 pjesëmarrës. Nën drejtimin e Atë Flavios
filluam me komentimin e kapitullit të 20 të Mateut.
20,1-16: Shëmbëlltyra e punëtorëve. Shëmbëllty-
ra vihet në vazhdimësi të ngushtë me dialogun
pararendës me të cilin bashkëndan tematikën e
shpërblimit të fundit. Shëmbëlltyra është e am-
bientuar në kohën e vjeljes në të cilën, vreshtarëve të rregullt, u shtoheshin mëditës ditor.
Shpesh në Shkrimet e shenjta, vreshta është simbol i Izraelit, ndërsa tema e vjeljes shpesh
shoqërohet me mbarimin e kohës. Zotëria i vreshtit, natyrisht, aludon vetë Hyjin. Marrja
në punë e mëditësve fillon rreth orës 6 të mëngjesit (ora I). Dita e punës mbyllet në orën
18 të mbrëmjes (ora XII). Edhe fakti që përmendet mbrëmja është një aludim i kontekstit
eskatologjik që e karakterizon shëmbëlltyrën. Shpërblimi i drejtë që jep zotëria i vreshtit
nuk bazohet mbi parimin e drejtësisë shpërndarëse e cila mbështetet mbi meritat person-
ale, por mbi atë drejtësi të tepruar që e karakterizon të vepruarit e Atit në historinë e
shëlbimit. Në thelb, shpërblimi i fundit është një e mirë që nuk matet me para apo që
fitohet, por vetëm merret si dhuratë. Të jeshë i ftuar për të bashkëpunuar në vresht,
në bashkim me Atin,është tashmë një privilegj, shpërblim në vetvete, nuk ka as nuk
mund të ketë një tjetër më të madh. Vullneti shpëtimtar i Atit është i gatshëm që të pranojë
bijtë e tij deri në çastin e fundit. Për të gjithë, punëtore të hershëm apo të vonë, thelbësore
është që të gjenden në vresht në orën e fundit. Qëndresa dhe kthimi në momentin e fundit i
pëlqejnë njëlloj Atit.
Drejtësia e tepruar e Atit nuk i heq asgjë atyre që meritojnë më shumë dhe është e gjitha
në favor të atyre më të largtëve. Në sfond të simboleve të paraqitura mund të shohim Iz-
raelin dhe zgjedhjen e tij parake që nuk mund të bëhet motiv për të përjashtuar paganët
nga shëlbimi. 20,17-19: Jezusi lajmëron për të tretën herë
mundimin e tij
-Në krahasim me lajmërimet e përparshme, ky i fundit, paraqitet
shumë më i detajuar:
-dorëzimi-tradhtia në duart e skribëve dhe kryemeshtarëve
-dënimi me vdekje
-dorëzimi autoriteteve romake me tallje, frushkullime dhe
kryqëzim
-ngjallja ditën e tretë.
(Grafiku me shpjegimin e harkut kohor të dhënë në shëmbëlltyrë është
në faqen 5)
Vatra Biblike takimi nr. 65
Mos harroni të
merrni Biblën
me vete!
“Sa më shumë i afrohet Zotit, aq më i thjesht bëhet njeriu.”
Shën Tereza e Jezusit Fëmijë
INFORMACION
TAKIMI I RRADHËS
07 MARS 2019
Ora 19.00—20.30
Famullia
“Zoja Ndihmëtare”
Rruga “Don Bosko”
Shërbimi i Fjalës
(tek kapela)
Kremtuar
nga
Atë
Flavio Cavallini
OFM
2. F A Q J A 2
J E T A E V A T R Ë S N R . 6 5
1. Toka e premtuar
Zan 12,1
Zoti i tha Abrahamit:“Dil prej vendit tënd dhe prej vëllazërisë sate, e
prej shtëpisë së babait tënd në drejtim të një vendi që do të ta tregoj”.
Hebreu e di se të gjithë njerëzit banojnë në botën e krijuar nga Yahve. Por është i
bindur se zemra e botës është vendi që Zoti i ka premtuar Izraelit: toka e të
parëve, e premtimit dhe e besëlidhjes. Zoti e ka zgjedhur për të bashkëjetuar me
popullin e vet. Izraeli nuk do të pushojë kurrë së luftuari për t'u vendosur i vetëm
në atë vend. Përgjatë historisë së vet merr vazhdimisht premtimin se do të arrijë ta
marrë tokën e vet në mënyrë paqësore. Me këtë shprehje (‘toka’), Bibla
nënkupton “qiellin e ri” dhe “tokën e re”, të cilat do të jenë “streha e Zotit me
njerëzit”. Egjipti dhe Mesopotamia kanë tokën e vet. Edhe popujt paganë kanë një
tokë. Izraeli jo. Toka e popullit të zgjedhur është një dhuratë e Yahve. Dhe është
pjesë e rëndësishme e planit shpëtimtar të Zotit. Në këtë tokë “Dhe fjala u
mishërua e banoi mes nesh.” (Gj 1, 14)
TOKA E BIBLËS
PROGRAMI I TAKIMIT nr. 66
FJALOR I THJESHTË
TENDA
Jeta e një të krishteri
nuk është gjë tjetër veçse një luftë
e vazhdueshme kundër vetvetes:
Nuk mund të ketë lulëzim të shpirtit
në përsosmëri përveçse me
çmimin e dhimbjes.
“
” Shën Pio i Pietralçinës
Shërbimi i Fjalës: 19.00
Vatra Biblike Katolike do të kremtoj Shërbimin e Fjalës tek kapela e famullisë së
Zonjës Ndihmëtare. Do të kërkojmë dhuratën e Shpirtit të Shenjtë, i nevojshëm
për misionin e ungjëllizimit. Mision, i cili i është besuar Kishës dhe komunitetit
tonë si Vatër Biblike.
Kur luteni
duhet të kuptoni që lutja
nuk është vetëm për
ti kërkuar diçka Zotit
apo të gjesh një ndihmë
të veçantë.
Edhe pse lutjet me kërkesa
janë mënyra lutjeje.
Lutja duhet të jetë mbi
të gjitha e karakterizuar
nga veprimi i Hirit
dhe nga Lavdi.
Nga adhurimi,
nga dëgjesa me kujdes
dhe nga kërkesa e faljes
ndaj Zotit.
Nëse ndiqni këshillat e
Jezusit, nëse i luteni me
përkushtim Zotit,
atëherë do të mësoni të
luteni mirë.
Vetë Zoti ka për t’ju
mësuar.
Shën Gjon Pali II
Banesa e popullsisë nomade. Gjatë pelegrinazheve në shkretëtirë, pas ikjes nga
Egjipti, tenda përfaqësoi shenjtëroren e popullit të Izraelit. Aty ruhej Arka e
Besëlidhjes me Rasat e Ligjit. Pas pushtimit të Tokës së Premtuar, ajo e humbi
rëndësinë e saj para disa shenjtëroreve të ndryshme.
3. “Është besimi
që ushqen lutjen
dhe në të njëjtën kohë
lutja është vaji
që e mban të ndezur
llambën e besimit.”
P. Livio Fanzaga
F A Q J A 3
J E T A E V A T R Ë S N R . 6 5
NA KONTAKTONI
E-mail: vatrabiblike@gmail.com
Vatra Biblike
Çdo të enjte, ora 19.00 - 20.30
Famullia “Zoja Ndihmëtare”
Rruga “Don Bosko”
Pyetja 58: Përse Jobi, kur është i mërzitur, shqyen rrobat dhe bie përmbys
në tokë?
Jobi kishte marrë lajme jo shumë të gëzueshme: i kishte vdekur njëkohësisht e
gjithë gjëja e gjallë, të gjithë rojtarët, e mbi të gjitha, të gjithë fëmijët e tij. Pra,
kishte arsye të mëdha për të qenë plot me dhimbje. Kur dikujt i vdisnin persona të
dashur, të afërm, përdoreshin veprime e shenja zije e pendese. Në kohën e Jobit,
por edhe përpara tij, kur ishin në zi, ishte zakon që të qanin e të ulërinin, duke
shqyer rrobat, duke prerë flokët, duke mbuluar kokën me pluhur e duke agjëruar:
ishin të gjitha shenja pendese, që donin të largonin çdo gjë që kishte të bënte me
gëzimin dhe të bukurën. Prandaj, Jobi bie me gjunjë në tokë, domethënë i
drejtohet Hyjit i shtrirë plotësisht në tokë, në nder të tij: në fakt, nuk inatoset me
të por, përkundrazi, e bekon duke thënë se, nëse Hyji e kishte bërë këtë, me siguri
e kishte një arsye.
VATRA BIBLIKE KATOLIKE
DURRËS
Të premten, më 01 Mars, Vatra Biblike
Katolike në Durrës zhvilloi takimin e 17-të
ku morën pjesë 9 persona. Takimi u drejtua
nga At Flavio, i cili vazhdoi me shpjegimin e
kapitullit të pestë të Ungjillit sipas Mateut.
VATRA BIBLIKE KATOLIKE
BABRRU
101 PYETJE MBI BIBLËN
UNGJILLI SIPAS
MATEUT
UDHËRRËFYESI PËR NJË
LEXIM TË
VAZHDUESHËM
Nga
At Flavio Cavallini, OFM
Macchioni
Të shtunën, më 02 Mars, Vatra Biblike
Katolike në Babrru, në famullinë e Shën
Mëhillit, zhvilloi takimin e 17-të. Takimi u
drejtua nga Atë Flavio i cili vazhdoi me
shpjegimin e kapitullit të pestë të Ungjillit
sipas Mateut.
”
Lëngoj të fluturoj në krahët e Nënës Mari,
Të pushoj në atë fron të panjollë lumturie;
Dhe e mbrojtur aty ndaj telasheve dhe vështirësive
të ndjej për herë të parë puthjen e saj të ëmbël.
Shën Tereza e Jezusit Fëmijë
“
4. nga Don Gianni Cioli, Docent i Teologjisë Morale
Lexuesi e kap shumë mirë konfliktin midis disa thënieve të ligjit të
Besëlidhjes së Vjetër, që urdhërojnë kundërshtimin e të keqes me
akte dhune dhe po ashtu kërkesën e ungjilltarëve për të hequr dorë
krejtësisht nga dhuna. Rrjedhimisht ai dyshon se thënie të tilla mund
të kenë qenë vërtetë shprehje e vullnetit të Zotit. Ato duken si një
interpretim jo shumë i përshtatshëm i vullnetit Hyjnor nga ana e
autorëve biblikë. Ata janë njerëz që sigurisht kanë qenë të frymëzuar
dhe kanë shkruar nën ndikimin e Shpirtit të Shenjtë, por gjithësesi
janë njerëz të kushtëzuar nga kultura e kohës së tyre.
Më duket se kjo ide e hedhur nga lexuesi gjen konfirmim në një tekst, tashmë klasik, në hyrjen e Shkrimit: Bibla si
Fjala e Zotit, nga Valerio Mannucci, një biblist i famshëm fiorentin, i cili fatkeqësisht vdiq disa vite me parë. Duke u
përballur me çështjen problematike të herem, shfarosja e shenjtë, e udhëruar në emër të Zotit, Mannucci pohon se
“mund të bëhet dallimi midis ‘vullnetit - udhërit’ të Zotit dhe ‘interpretimit njerëzor’, e panevojshme dhe e
përkohëshme e vullnetit dhe e udhërimit hyjnor. Ideja fetare, që frymëzon bllokimin, është detyra nga ana e Izraelit
për të qenë besnik ndaj Jahve-së dhe besëlidhjes së tij, pra të evitojë çdo rrezik të infektimit idhujtar (...). Por masat e
marra, pra konkretisht herem-i, janë ato që diktonin traditat e kohës; ato përbëjnë të paevitueshmen (atëherë).
Interpretimi njerëzor është prodhim i detyrimit hyjnor kundër idhujtarisë” (V. Mannucci, Bibla si Fjala e Zotit. Hyrje e
përgjithshme në Shkrimin e Shenjtë, Brescia 2007).
Dallimi mund të bazohet mbi hamendësimin teologjik se, “nëse Shkrimi i Shenjtë do të ishte lexuar dhe interpretuar
nën dritën e të njëjtit Shpirt nën të cilin është shkruar, për të marrë me saktësi kuptimin e teksteve të shenjta duhet të
merret parasysh, me shumë vëmendje, përmbajtja e gjithë Shkrimit të Shenjtë, duke marrë parasysh traditën e gjallë të
gjithë Kishës dhe analogjisë së besimit” (Dei Verbum 12).
E vërteta teologjike e teksteve të veçantë të Testamentit të Vjetër nuk do të kishte një karakter përfundimtar, por do të
kuptohej në këndvështrimin e tërësisë së mesazhit biblik: “Zbulimi i ligjit të përsosmërisë ndodhi vetëm me Jezu
Krishtin, dhe me të dhurata e Shpirtit, i cili e lejon njeriun të mbajë urdhërimet”. Pra, teologjia biblike duhet të
kuptohet si një shkencë "me natyrë historike: ajo duhet të ndjekë zhvillimin e ideve dhe të argumentave nga njëri cep
në tjetrin të të dy Besëlidhjeve për të arritur bazat e dogmave dhe të moralit të krishterë”. (P. Grelot, Bibla dhe
teologjia, Romë 1969, 120).
Ashtu sikurse e ka vënë në dukje edhe lexuesi, risia ungjilltare lind në mënyrë të veçantë në të ashtuquajturat
“antitezat” që dalin në Ungjillin sipas Mateut, në Fjalimin e Malit (Mt 5, 20-47). Këtu Jezusi prezanton nevojat e
Besëlidhjes së Re dhe plotëson ligjin e vjetër në një mënyrë të dyfishtë: nga njëra anë tregon se do të çojë në pasoja
ekstreme nevojat e dhëna në të, duke i radikalizuar dhe duke kërkuar që të bëhen pjesë e vetvetes. (“Keni dëgjuar se të
parëve u qe thënë: Mos vrit. Ai që vret, do të dalë në gjyq. Por unë po ju them: kushdo që zemërohet kundër vëllait të
vet, do të dalë në gjyq, [...] Keni dëgjuar se është thënë: Mos bëj tradhëti bashkëshortore. Por unë po ju them: kushdo
që e shikon një grua me dëshirim, ka bërë tashmë tradhëti bashkëshortore me të në zemrën e vet”); nga ana tjetër,
deklaron në vend që të vërë në pikëpyetje themelet e vetë ligjit, mbrojtje dhe fortesë kundër së keqes së pranishme në
histori dhe duke e dhënë si kërcënim të përhershëm ndaj shenjtërimit të bashkësisë së të zgjedhurve (“Keni dëgjuar se
është thënë: Sy për sy e dhëmb për dhëmb. Por unë po ju them: mos hyr në luftë me të ligun! Përkundrazi, nëse dikush
të jep një shuplakë në faqen e djathtë, ktheji edhe tjetrën [...]. Keni dëgjuar se është thënë: Duaje tjetrin, por urreje
armikun tënd. Por unë po ju them: duajini armiqtë tuaj dhe lutuni për ata që ju përndjekin, që të bëheni bij të Atit tuaj
që është në qiej, sepse ai bën të lindë dielli i tij mbi të këqijtë e mbi të mirët dhe të bjerë shiu mbi të drejtët e mbi të
padrejtët”).
Duhet pranuar se përdorimi i dhunës ndaj dhunës në një histori të karakterizuar nga konflikti është mëkatare. Në rastin
e shpagimit, ashtu si edhe në raste të tjera, ka mundur të kishte një arsye ose hakmarrje pa fund. Por Jezusi, duke
zbuluar fytyrën e vërtetë të Zotit, Atë i mëshirshëm, duke thirrur dishepujt për ta ndjekur, jep mundësinë e një alterna-
tive: të fitosh me të mirë mbi të keqen (cf. Rm 12, 21). Kjo është dëshmia që ende sot, Zoti ia beson të krishterit për
jetën në botë: një sfidë, rezultati i të cilës, ashtu siç na mëson historia, nuk mund të merret asnjëherë e mirëqenë dhe
që na thërret vazhdimisht drejt kthimit.
Mësime mbi Biblën
DHUNA: SI SHPJEGOHEN NDRYSHIMET MIDIS BESËLIDHJES SË VJETËR DHE
BESËLIDHJES SË RE
5. Shpjegimi grafik i harkut kohor të një dite në shëmbëlltyrën—Punëtorët e Vreshtit.
(Mt 20, 1-19).
6. BOTIMET E VATRËS BIBLIKE
UNGJILLI SIPAS
MATEUT
UDHËRRËFYESI PËR NJË
LEXIM TË
VAZHDUESHËM
Nga
At Flavio Cavallini, OFM
Macchioni
EKZORCISTI
LUFTA IME KUNDËR
DJALLIT
Nga
Dom Ermes Macchioni
MAGJIA DHE VEPRIMI
I DJALLIT
Qëndrimi i Kishës Katolike
Përgatitur nën kujdesin e
Atë Flavio Cavallini, OFM
SHENJAT E FESË
Mistagogji
Përgatitur nën kujdesin e
Atë Flavio Cavallini,OFM
LECTIO DIVINA
Leximi Shpirtëror i Shkrimit
Shenjtë
Përgatitur nën kujdesin e
At Flavio Cavallini,OFM
MËSOJMË TË LUTEMI
Letër për Probën
nga
Shën Augustini i Iponës
JEZUSI I NAZARETIT
Qendra e universit dhe
historisë.
nga Giacomo Biffi