takimin e fundit të vitit 2018 Vatra Biblike organizoi Darkën e Dashurisë. Atë Flavion komentoi Lk 11, 37-41. Larja e duarve për hebrejtë është jo vetëm një çështje higjene por edhe një rit fetar përpara gjërave të bekuara siç është momenti i bashkandarjes së ushqimit. Por a është Jezusi kundra higjenës? Le të shikojmë 2 pasazhe të tjera të Ungjillit.

1. JETA E VATRËS
B U L E T I N I I N F O R M A T I V I V A T R Ë S B I B L I K E K A T O L I K E
3 1 D H J E T O R 2 0 1 8 N R . 5 7
Në takimin e fundit të vitit 2018
Vatra Biblike organizoi Darkën
e Dashurisë. Atë Flavion
komentoi Lk 11, 37-41.
Larja e duarve për hebrejtë është
jo vetëm një çështje higjene por
edhe një rit fetar përpara gjërave
të bekuara siç është momenti i
bashkandarjes së ushqimit. Por a
është Jezusi kundra higjenës? Le
të shikojmë 2 pasazhe të tjera të
Ungjillit.
Mt 6, 17.. kur të agjërosh, përeroje kokën tënde dhe laje fytyrën tënde.
Pra jo vetëm duart, por edhe fytyrën dhe kokën.
Mk 9, 3 Petkat e tij u bënë ndriçuese të bardha,
sa që asnjë zbardhues mbi tokë nuk mund t’i
zbardhojë ashtu. Duket si publicitet.
Pra Jezusi nuk ishte kundra higjenës dhe as ritit
fetar, por është duke bërë diçka që e bën shpesh,
provokatorin. I shkel qëllimisht rregullat për të
provokuar një reagim. Dhe cili është reagimi që
kërkon Jezusi në këtë rast ndaj nesh? Ai sposton
vëmendjen tonë nga kujdesshmëria ndaj enës,
gotës, duarve në personin tonë. Ai na thotë mirë
që keni pastruar çfarë është në tavolinë por a keni
pastruar personin tuaj. Mirë që i bëni dush trupit,
por ai bëni dush brendisë tuaj? Dhe ai na jep një
këshillë. A e dini kush është detergjenti më i mirë
për të pastruar brendinë tuaj? Jepni, pra, për
lëmoshë ç’është brenda gotës e kupës e do të jetë
gjithçka e pastër për ju. (Lk 11,41) Pra pastroni
ndjenjat, mendimet, qëllimet e gjithçka do të jetë
e pastër. Dhurohuni me zemër të pastër ndaj të
tjerëve e gjithçka do të jetë e pastër.
Vatra Biblike takimi nr. 57
Mos harroni të
merrni Biblën
me vete!
“Nëse s’keni dashuri për njëri tjetrin, si mund ta doni Krishtin? ”
Shën Tereza e Kalkutës
INFORMACION
TAKIMI I RRADHËS
10 JANAR 2019
Ora 19.00—20.30
Famullia
“Zoja Ndihmëtare”
Rruga “Don Bosko”
Lutja e Mbrëmjes
(tek kapela)
Mësimi:
(tek salla)
Padre
Flavio Cavallini
OFM
Ju lutemi lexoni
kapitullin 18
të Ungjillit
sipas Mateut!

2. F A Q J A 2
J E T A E V A T R Ë S N R . 5 7
BOTIMET E VATRËS
SHENJAT E FESË
Mistagogji
Përgatitur nën kujdesin e
Atë Flavio Cavallini,OFM
EKZORCISTI
LUFTA IME KUNDËR
DJALLIT
Nga
Dom Ermes Macchioni
MAGJIA DHE VEPRIMI
I DJALLIT
Qëndrimi i Kishës Katolike
Përgatitur nën kujdesin e
Atë Flavio Cavallini, OFM
DARKA E DASHURISË
Në takimin e fundit të vitit 2018,
të premten e fundit të Kohës së
Ardhjes Vatra Biblike Katolike
dhe Caritasi Dioqezan Tiranë
Durrës, organizuan “Darka e
Dashurisë”, me moton” të fes-
tojmë, bashkëndajmë dhe lutemi
së bashku”. Afro 200 të pran-
ishëm të ardhur kryesisht nga
famulli të ndryshme të Tiranës,
Kamzës dhe Bathores, por edhe miq të Vatrës Biblike Katolike dhe Caritas
Dioqezan Tiranë Durrës morën pjesë në këtë aktivitet. Kësaj darke iu bashkua
edhe Arqipeshkvi Metropolit i Tiranë – Durrësit, njëkohësisht edhe Presiden-
ti i Caritas Dioqezan Tiranë Durrës, Imzot George Frendo, si dhe bashkësia
Papa Giovanni XXIII. Destinacioni i fondeve që do të mblidheshin nga kjo
darkë ishte projekti i Caritas-it “Aftësohemi dhe thyejmë barrierat” për
“çunat dhe gocat” me aftësi ndryshe. Në fjalën e mirëseardhjes drejtuesi i
Vatrës Biblike Atë Flavio Cavallini tha se lutja, pendesa dhe lëmosha janë tripod
i jetës së Krishterë. Darka e Dashurisë ështe një mundësi e mirë që ta për-
jetojmë këtë tripod si bashkësi. Ndërsa Imzot Frendo në fjalën e tij theksoi se
Zoti është bërë solidar me ne dhe na ka bërë solidar me njëri-tjetrin. Ky është një
gëzim shumë i madh për ne dhe Kisha na fton që ta ndajmë këtë gëzim me të
tjetrët.
Më pas u vijua me liturgjinë e Darkës. Himni i dashurisë nga Letra e Parë e
Korintasve, na kujton se asgjë nuk mund të bëhet pa pasur dashurinë si
pikënisje. Nga ungjilli ishte përzgjedhur Lk 11, 37-41që mbyllet me vargun”
Jepni, pra, për lëmoshë ç’është brenda gotës e kupës e do të jetë gjithçka e pastër
për ju. Në fund u lexuan thënie nga Shën Tereza e Kalkutës, shenjtes të më të
varfërve mes të varfërve. Thënie të cilat ishin në përputhje të plotë me frymën
e këtij aktiviteti.
“Jo të gjithë ne mund të bëjmë gjëra të mëdha.
Por ne të gjithë mund të bëjmë gjëra të vogla
me dashuri të madhe.”
Shën Tereza e Kalkutës

3. “Është besimi
që ushqen lutjen
dhe në të njëjtën kohë
lutja është vaji
që e mban të ndezur
llambën e besimit.”
P. Livio Fanzaga
F A Q J A 3
J E T A E V A T R Ë S N R . 5 7
NA KONTAKTONI
E-mail: vatrabiblike@gmail.com
Vatra Biblike
Çdo të enjte, ora 19.00 - 20.30
Famullia “Zoja Ndihmëtare”
Rruga “Don Bosko”
JEZUSI I NAZARETIT
Qendra e universit dhe hi-
storisë.
nga Giacomo Biffi
LECTIO DIVINA
Leximi Shpirtëror i Shkrimit
Shenjtë
Përgatitur nën kujdesin e
Atë Flavio Cavallini,OFM
MËSOJMË TË LUTEMI
Letër për Probën
nga
Shën Augustini i Iponës
Më pas një prezantimi i
shkurtër nga Elidoni Drejtori i
Caritasit Dioqezan, i cili ia kaloi
fjalën Martinës, vullnetare e
Caritasit. Ajo bashkandau me
të pranishmit eksperiencën e saj
disavjeçare me miqtë e saj me
aftësi ndryshe. Në takimin me
këta miq ajo kishte rritur
marrëdhënien e vet me Zotin
dhe kishte kuptuar dinjitetin e lartë që Hyji i ka dhënë çdo personi njerëzor.
Në fund erdhi moment kulminant kur të pranishmit shijuan menunë pendestare -
groshë, panine dhe ujë.
Një falenderim i veçantë shkon Korit të të rinjve të Katedralës që i shoqëruan të
gjitha këto momente me muzikë të bukur kishtare dhe qytetare. Hareja dhe bukuria
e tyre rinore i dhanë shumë atmosferë Darkës.
Aktiviteti ia arriti plotësisht qëllimit të tij edhe për shkak të bujarisë së treguar nga
pjesëmarrësit, por edhe nga miq të tjerë që në pamundësi të pjesëmarrjes na
mbështetën me oferta.
Ofertat e mbledhura gjatë Darkës 82 930 Lekë
Shpenzimet për Darkën e Dashurisë 11 000 Lekë
Kontributi për Caritas-in 71 930 Lekë
Një urim i ngrohtë nga Vatra Biblike për të gjithë ju,
Gëzuar Krishtlindjet dhe Vitin e Ri!

4. F A Q J A 4
J E T A E V A T R Ë S N R . 5 7
PROGRAMI I TAKIMIT nr. 58
Lutja e Mbrëmjes: 19.00
Vazhdojmë të mësojmë të lutemi së bashku me Psalmet
Mësimi: 19.30
Do të fillojmë të lexojmë dhe komentojmë kapitullin 18 të Ungjillit sipas Mateut.
Dashuria
Unë po ju tregoj udhën më të lartë.
Sikur të flisja gjuhët e njerëzve
dhe të engjëjve,
por të mos kisha dashuri
do të isha si bronzi që kumbon,
ose si cimbali që tingëllon.
Edhe sikur të kisha dhuntinë e profecisë,
të njihja të gjitha të fshehtat,
të zotëroja të gjitha dijet,
dhe të kisha gjithë besimin
për të lëvizur malet prej vendit ,
por të mos kisha dashuri,
nuk do të isha asgjë.
Edhe sikur t’ua ndaja të varfërve
gjithë pasurinë
dhe ta jepja trupin të digjej,
por të mos kisha dashuri,
nuk do të më vlente asgjë.
Dashuria është zemërgjerë,
dashuria është e mirë,
nuk ka smirë,
nuk krekoset,
nuk mburret,
nuk sillet në mënyrë të pahijshme,
nuk kërkon përfitim,
nuk pezmatohet,
nuk mendon të ligën,
nuk gëzohet me padrejtësinë,
por gëzohet me të vërtetën.
Dashuria përballon gjithçka,
beson gjithçka,
shpreson gjithçka
dhe duron gjithçka.
Dashuria nuk shteron kurrë,
ndërsa profecitë do të rreshtin,
gjuhët do të pushojnë
dhe dijet do të marrin fund.
Në të vërtetë, ne kemi dije deri diku.
Po kur të vijë përsosmëria,
ajo që është e paplotë
do të marrë fund.
Kur isha fëmijë flisja si fëmijë,
mendoja si fëmijë
dhe arsyetoja si fëmijë;
po kur u bëra burrë,
i hodha tej gjërat fëminore.
Tani shohim në mënyrë të errët
si në pasqyrë,
por një ditë do të shohim
ballë për ballë.
Tani njoh deri diku,
por një ditë do të njoh plotësisht,
ashtu siç më njeh Perëndia.
Tani mbeten këto të tria:
besimi, shpresa dhe dashuria,
por më e madhja ndër to është
dashuria.
1 Korintasve 13
Varfëria
më e tmerrshme
është vetmia
dhe ndjenja
e të qenit pa dashuri.
“
”

5. VATRA BIBLIKE KATOLIKE
DARKA E DASHURISË