Në takimin e njëzet e tre të Vatrës Biblike, ishin të pranishëm 20 pjesëmarrës. Në fillim të takimit Atë Flavio bëri një përshkrim të shkurtër të historikut dhe kuptimit të Kreshmëve. Më pas prezantoi seksionin e dytë të ungjillit të Mateut kapitujt 8-9. Gjysma e kapitullit të 8 është mbyll

1. JETA E VATRËS
B U L E T I N I I N F O R M A T I V I V A T R Ë S B I B L I K E K A T O L I K E
1 9 S H K U R T 2 0 1 8 N R . 2 3
Në takimin e njëzet e tre të Vatrës Biblike, ishin të pranishëm 20
pjesëmarrës. Në fillim të takimit Atë Flavio bëri një përshkrim të shkurtër
të historikut dhe kuptimit të Kreshmëve. Më pas prezantoi seksionin e dytë
të ungjillit të Mateut kapitujt 8-9.
Gjysma e kapitullit të 8 është mbyllja e Fjalimit të Malit dhe gjysma është
hyrje për fjalimin misionar. Sipas kriterit të kohës së ndërtimit të një vepre
letrare,lidhja e nje pjese me pjesën tjetër behet njësoj siç lidhen tjegullat, ku
njera mbivendoset dhe lidh dy të tjerat. Kjo e bën më gradual dhe të
përgatitur kalimin nga njëra pjesë tek tjetra. Pra pjesa treguese është ajo që bën kalimin nga
një katekezë tek tjetra. Në Fjalimin e Malit kemi marrë mesazhin: Drejtësia Epërme e
bazuar jo në legalitetin por në dashurinë. Mirëpo ky mesazh duhet shpërndarë. Kapitulli 8-
9 Mateu na paraqet 10 mrekulli njëra pas tjetrës. Kemi të bëjmë me një mënyrë
organizative të materialit që vinte nga tradita, që na tregojnë çfarë ishte veprimtaria e
zakonshme e Jezusit gjatë ungjillizimit. Siç edhe e kemi shpjeguar titujt janë redaksional,
nuk i përkasin tekstit origjinal tëBiblës. Mbas shërimit të tretë kemi një përmbledhje (Mt 8,
16-17), sipas stilit të përdorur zakonisht nga Ungjilltari në përfundim të një pjese.
Gjithashtu sipas stilit të Mateut kemi një citim nga BV.Është vepra e Krishtit që zbulon
kuptimin e profecisë sëIsaisë profet dhe jo e kundërta. Ai mori mëkatet tona.Kjo është edhe
mënyra me të cilën Mesia i afrohet njerëzve dhe hyn në botë. Nuk është restaurimi politik
dhe ushtarak i Mbretërisë së Davidit, por “Ai i mori lëngatat tona e i mbarti
sëmundjet tona”. Fakti që ai bënte mrekulli vërteton Fuqinë e Fjalës së Malit. Ketu
mbaron Fjalimi i Malit me frytet e veta. Ketu fillon një seksion i ri që katë bëjëme mësimin
për misionin. Pasi është dhënë Fjala, kërkohen nxënës që do e shpallin atë. Në këtë pjesë
na tregohet se çfarë nxënësish kërkon Jezusi. Jezusi na tregon çfarë gatishmërie pret prej
tyre dhe i qorton fepakët. Është duke u përgatitur Fjalimi për Misionin, por më parë duhen
gjetur nxënës. Fillon thirrja dhe përgatitja e nxënësve. I djallosuri qëi çliruar u bë nxënës.
Shërohen të verbrit, që simbolizon hapjen e syve të shpirtit, por gjithashtu shërohen
memecët, duke i bërë të aftë për të shpallur Fjalën. Në fund kemi një përmbedhje tjetër.
Preukupimi i parëështë për të formuar misionarët që do ta shoqërojnë në misionin e Tij që
karakterizohet nga dhembshuria për popullin.
Vatra Biblike takimi nr. 23
Mos harroni të
merrni Biblën
me vete!
“Të qenit të thirrur, nuk na jep një çertifikatë për sjellje të mirë dhe pa mëkate; nuk
jemi të veshur me një aureolë shenjtërie.”
Papa Françesku
INFORMACION
TAKIMI I RRADHËS
22 Shkurt 2018
Ora 19.00—20.30
Famullia “Zoja
Ndihmëtare”
Rruga “Don Bosko”
19.00
Meshë e Shenjtë
(tek kapela)
Më pas
Adhurim Eukaristik
dhe
Lutje Lirimi

2. F A Q J A 2
PROGRAMI I TAKIMIT nr. 24
J E T A E V A T R Ë S N R . 2 3
FJALOR I THJESHTË
TUNDUESI
Shfaqet për herë të parë në Bibël në formën e gjarprit, që në kulturën orientale
ishte simbol i pjellorisë; dhe është dinak, inteligjent por mashtrues. Më vonë,
në librat e shenjtë do të identifikohet me djallin, shpirtin e të keqes, dhe do të
marrë emrin Satan (kundërshtar).
E enjte, 22 Shkurt - është e enjtja e fundit e muajit.
 19.00 - Meshë e Shenjtë në kapelë
 Pas Meshës do të bëhet Adhurim Eukaristik dhe Lutje Lirimi;
Kjo mbrëmje lutjesh është e hapur për të gjithë, sidomos për ata që vuajnë
nga shqetësime shpirtërore dhe kanë nevojë të gjejnë lehtësim. Mund të sillni
edhe ndonjë mik apo një të afërm që e ka këtë nevojë.
Ju lutem respektoni orarin.
BIBLA NË KATEKIZMIN E KISHËS KATOLIKE
(KKK)
85 “Detyra për të interpretuar në mënyrë autentike Fjalën e Zotit të shkruar
ose të transmetuar i është besuar vetëm Magjisterit të gjallë të Kishës,
autoriteti i së cilës ushtrohet në emër të Jezu Krishtit”, domethënë ipeshkvijve
në bashkim me pasardhësin e Pjetrit, ipeshkvin e Romës.
“Mos u mundo
t’i shtosh më shumë
vite jetës tënde.
Më mirë t’i shtosh
më shumë jetë
viteve të tua”.
Blaise Pascal
(1623-1662)
“Koha e Kreshmëve vjen tek ne,
si kohë Provanore .
Për të ndryshuar rrugën,
për të rekuperuar aftësinë për të reaguar
përballë realitetit të së keqes
që na sfidon gjithmonë.”
Papa Françesku

3. “Është besimi
që ushqen lutjen
dhe në të njëjtën kohë
lutja është vaji
që e mban të ndezur
llambën e besimit.”
P. Livio Fanzaga
F A Q J A 3
J E T A E V A T R Ë S N R . 2 3
NA KONTAKTONI
E-mail: vatrabiblike@gmail.com
Vatra Biblike
Çdo të enjte, ora 19.00 - 20.30
Famullia “Zoja Ndihmëtare”
Rruga “Don Bosko”
101 PYETJE MBI BIBLËN
NJOFTIME
 24 Shkurt 2018: DITA E VATRËS. Të shtunën, 24 Shkurt të gjithë
anëtarët e VBK, miq dhe simpatizant, janë të ftuar të marrin pjesë në një tërhe-
qje shpirtërore, pranë shtëpisë së priftërinjëve Jezuit në Vaqarr.
Pas mësimeve mbi lutjen në Ungjillin sipas Mateut, Padre Flavio do të na ofroj
disa mësime të rëndësishme mbi “Lectio Divina” (Leximi hyjnor) pra mbi
mënyrën e lutjes të bazuar në Bibël sipas traditës së vjetër perëndimore të
murgjërve.
Do të ketë momente lutjeje dhe bashkëndarje të ecjes që po bëjmë në VBK.
Gjithë kjo do të na ndihmojë të përjetojmë më të impenjuar kohën e kreshmës.
Dreka - Secili do të kujdeset të sjellë diçka për të ngrënë duke bashkëndarë.
Rregjistrimet kanë filluar. Ju lutem na kontaktoni në adresën tonë të
e-mailit vatrabiblike@gmail.com
Pyetja 15: Njeriu është krijuar nga pluhuri i tokës apo e ka prejardhjen
nga majmuni?
Kur në shkencë studiohet origjina e njeriut, shpjegohen disa histori, ndër të cilat
edhe ajo sipas të cilës përpara se të shfaqej njeriu ka ndodhur një evolucion i
gjatë e kështu ndoshta njerëzit e parë ngjasonin pak me majmunët. Por shkenca
dëshiron të tregojë për mënyrën se si ka ndodhur diçka; përkundrazi Bibla
preokupohet për arsyen se përse ka ndodhur kjo gjë, për kuptimin dhe
domethënien e saj. Kështu pra nëse Bibla na tregon se Hyji ka marrë pluhurin e
tokës, e ka punuar, i ka fryrë frymën e tij dhe kështu është shfaqur njeriu, kjo
nuk do të na thotë se ka ndodhur pikërisht ashtu, se sa që Hyji ka dashur që
njeriu të jetojë dhe i ka dhuruar jetën. Sigurisht, autori njerëzor ka përdorur
shembuj e simbole nga kultura e kohës së tij, po kjo ishte mënyra më e mirë për
të, për të na treguar se Hyji është krijuesi ynë.
“Atëherë, le ta pyesim veten:
Si ftohet në ne bamirësia?
Cilat janë shenjat që na tregojnë se Dashuria rrezikon të shuhet në Ne?”
Marrë nga mesazhi i Papa Françeskut për fillimin e Kreshmëve 2018
“Sot,
miti i konsumit
pa limit
zëvendëson
besimin në jetën
e përjetëshme.”
Ivan Illich
(1926-2002)

4.  Fillon me Lavdet e Mëngjesit të së Mërkurës së Përhime
 Përfundon me Orën e Nëntë të së Enjtes së Madhe
Janë 5 javë dhe 40 ditë pa të dielat. E diela e fundit quhet e Diela
e Larit që kulmon 3 ditët e mëdha të misterit të Pashkëve, i cili
është qendra e vitit Liturgjik.
Historiku.
Viti Liturgjik u lind në shekullin e parë të Kishës si nevojë e
brendshme shpirtërore e saj. Në fillim festa fillestar ishte vetëm
dita e dielë dhe dalëgandalë fillon të evidentohet nga pranvera kjo
ditë që përkonte me Pashkën
e Krishtit. Megjithatë në kohën e persekutimit për Kishën çdo ditë
ishte Pashkë, çdo ditë kryq dhe çdo ditë ringjallje. Vetem pas Ediktit
të Milanos të Perandorit Kostandin, në vitin 313 fillon liria fetare. Në
këtë moment lind mundësia për një formë më të organizuar të vitit
liturgjik. Fillon dhe lind 40 ditëshi i katekumenatit, si fazë përfundim-
tare e atyre që janë të gjykuar të denjë për pagëzim. Pas një ecje të gja-
të për pagëzim, përcaktohet ky 40 ditësh si kohë më intensive kate-
kezash për katekumenat. Ne shekullin e 5 dhe 6 fillon e fiksohet e
Mërkura e Përhime sidomos në Romë dhe Kishat përreth saj si rit
pendestar. U caktua ditë jave pasi e diela është gjithmonë Pashkë dhe
për të bërë 40 ditë deri të Shtunën e Madhe u caktua e mërkura. Në këtë moment Kisha është rritur shumë
në numër dhe lind problem i atyre që ishin pagëzuar por kishin kryer mëkate të rënda. Meqenëse mëkatet
ishin të njohura publikisht, kishte nevojë për një ndjesë publike. Kështu Koha e Kreshmëve u bë si një
katekumenat i dytë për ato që kishin dështuar pagëzimin e tyre. Por ky ishte dhe shansi i fundit për to nga
ana e Kishës, si katekumenat pendestar. Kjo praktikë vazhdon deri në mesjetë.
Sot
Pas Koncilit te Vatikanit II, koha e Kreshmëve propozohet si një katekumenat shpirtëror për të gjithë
besimtarët, si një kohë ripërtëritje e Pagëzimit. Kremtohet Sakramenti i Rrëfimit për të qenë gati ditën e
Pashkëve, për të thënë edhe njëherë: “po, i bie mohit djallit”, “po, besoj”. Pra është si një ushtrim
shpirtëror i Kishës mbarë, i cili kulmon me ditën e Pashkëve, në të cilën jo vetëm ato që janë pagëzuar, por
të gjithë besimtarët përsërisin premtimin dhe stërpiken me ujin pagëzimor.
Pse 40 ditë?
Ka një domethënie Biblike. Numri 40 simbolizon një kohë të plotë në të cilën përjetohet dhe vepron në
mënyrë të veçantë Dora e Zotit. Kohë e shenjtë, kohë hiri, në të cilën zëri i Zotit tingëllon me një fuqi të
veçantë. Pra është një kohë e veçantë gjatë të cilës ne e lejojmë Zotin të veprojë më jashtëzakonisht në
jetën tonë. Numri 40 përdoret shumë herë në Bibël, si në BV edhe në BR.
KRESHMËT

5. Shenjat Liturgjike kryesore
 Ngjyra Liturgjike Vjollcë
 Fillon të Mërkurën e Përhime me vënien e hirit në kokat e besimtarëve
 Thjeshtësi ne shenjat e jashtme. Nuk përdoren lule, edhe muzika është më e përshtatshme
 Nuk përdoret himni ”Lavdi Hyjit në lartësitë qiellore”, pasi rezervohet si një brohoritje e gëzuesh-
me për ditën e Pashkës.
 Mospërdorimi i himnit “Aleluja” para leximit të Ungjillit.
Liturgjia e të dielave
E diela e 1 dhe e 2 janë gjithmonë të njëjta. Në të dielën e 1 tema është Tundimi dhe në të dielën e 2 tema
është Shndërrimi. Ndërsa të dielat e tjera ndryshojnë sipas vitit, por nëse famullia ka një grup që
pagëzohet, atëherë ndiqet skema pagëzimore A, e cila është më e vjetra dhe daton që prej shekullit të IV.
Veprat karakteristike të Kreshmëve
1) Lutja 2) Agjërimi 3) Lëmosha
Mënyra në të cilën realizohet është person-
ale ose komunitare, por këto janë tre dimen-
sionet kryesore për të zhvilluar në mënyrë praktike shpirtin pendestar.
Agjërimi do të thotë vetëm një vakt i plotë në 24 orë. Ky është rregulli i përgjithshëm, por secili përshtatet
sipas moshës dhe shëndetit. Rëndësi ka që të bëhet me bujari dhe dashuri. Është i detyrueshëm për t’u bërë
vetëm dy ditë në vit. Të mërkuren e Përhime dhe të Premten e Madhe. Ky është minimumi, por secili mund
të bëj më tepër sdomos ditëve të premteve. Agjërojmë mishin, pasi në mish u mundua Krishti. Agjërimi
është një shtesë e lutjes dhe pendimit. Tregon se na mungon Zoti më shumë se buka dhe uji. Dëshiroj të
zbuloj dhe zbatoj vullnetin e Atit më shumë se buka dhe uji. I krishteri është vazhdimisht në pritje të
Ardhjes së Dytë dhe derisa t`i mungojë fizikisht Dhëndri praktikon edhe agjërimin. Ky është kuptimi i
agjërimit të krishterë që dallon nga praktikat e tjera të agjërimit. Me agjërimin tonë ecim njësoj si Krishti
dhe përforcojmë lutjen për Ardhjen e Dytë dhe realizimin e plotë të Mbretërisë së Hyjit.