1. Nagagamit nang wasto ang mga pangngalan sa pakikipag-usap sa iba’t ibang
sitwasyonF6WG-1d-2
• Pansinin ang mga simbolo sa bawat larawan.
2. • Ano ang ibig sabihin ng sumusunod na mga
simbolo? Saan madalas makita ang mga
simbolong ito? Ano ang kapakinabangang
dulot ng mga simbolong ito? Sa iyong palagay,
nalalaman ba ng mga Pilipino ang mga
simbolong ito? Bakit hindi?
3. Basahin ang usapan ng mag-ama.
Joriz : Tay Kardo andami na pong basura sa likod
bahay. Itapon na po natin ang lahat ng ‘yun.
Mang Kardo : Joriz, anak tandaan mo hindi lahat
ng basura ay basura na. May mga basura na
maaari pa nating pakinabangan. Matutulungan
pa natin si Kapitan na maging maayos ang ating
paligid.
Joriz : Hala! Tulad ng ano po?
4. Mang Kardo : Halimbawa ang mga bote maaari
pa nating gamiting pandekorasyon tulad ng
plorera atbp. O di kaya ibenta natin. Ginagamit
rin ang mga lumang gulong at lata bilang
taniman ng mga halaman. Kulayan lang ito at
tiyak gaganda ang ating paligid. Noong bata pa
ako tinuruan ako ng aking mga magulang ng
wastong pagreresikulo ng mga basura. Kaya
ituturo ko naman sa iyo ito.
5. Joriz : Oo nga po naaalala ko na. Gawa sa mga
boteng plastik yung parol sa aming paaralan.
Pinakolekta kami ng aming mga guro ng boteng
plastik mula Hunyo hanggang Disyembre.
Tuwang-tuwa kaming magkakaklase sa aming
naipon. Pinagtulungan naming lahat ang pagbuo
ng parol na iyon.
Mang Kardo : Mahusay! Buti naman kahit
papaano ay naging bahagi ng gawain ninyo sa
klase ang pagreresikulo.
6. Joriz : Ano po ang pagreresikulo?
Mang Kardo : Ito ang proseso ng pagbubukod
ng mga nabubulok at hindi nabubulok. Ang mga
bagay tulad ng plastik, gulong, bakal at bote ang
mga bagay na hindi nabubulok at ilalagay natin
ito sa bukod na lagayan. Samantalang ang mga
balat ng prutas at gulay ay nabubulok. Maaari
nating gamitin bilang pampataba ng lupa ang
mga nabubulok samantalang ang mga hindi
naman ay lilinisin natin at gagamitin bilang
pandekorasyon at puwedeng ring ibenta.
7. Joriz : Ay! Ang galing po pala. Marami pong
salamat Itay.
8. • Ano ang napansin mo sa mga itiniman na mga
salita?
• Ano ang tinutukoy ng mga ito?
• Ano ang magagalang na salita na ginamit sa
usapan
9. Kasarian ng Pangngalan
1. Panlalaki- Tumutukoy ito sa pangngalang ukol
sa lalaki lamang.
Halimbawa: Gaudencio, Luis, Joriz, Pedro,
Juan,
2. Pambabae- Tumutukoy ito sa pangngalang
ukol sa babae lamang.
Halimbawa: Leticia, Maria, Agnes,
Blossom,
10. Kasarian ng Pangngalan
3. Walang kasarian- tumutukoy ito sa
pangngalan ng mga bagay na walang buhay.
Halimbawa: pambura, lapis, papel, upuan
4. Di- tiyak- tumutukoy ito sa pangngalang
hindi tiyak ang kasarian
Halimbawa: anak, kapatid, doktor,
abogado, pulis
11. Pangkatan
Balikan ang kuwentong “Ang Tambakan.”
• Ilista ang mga pangngalang ginamit sa
kuwento at tukuyin ang kasarian nito. Gamitin
ang mga ito sa isang usapan kasama ng iyong
pangkat.
12. Isaisip Mo
• Ano ang natutuhan mo sa aralin?
• Anong pagpapahalagang moral ang ginamit sa
usapan?
13. Isapuso Mo
• Isaisip at isapuso ang wastong pagreresikulo
dahil ito ay ugat ng malinis na pamayanan.
14. Isulat Mo
• Balikan ang “ Panata ng Kalinisan” na ginawa
noong nakaraang linggo. Isapinal ito at bumuo
ng iskrip kung paano mo ipaliliwanag ang
sumusunod na mga puntos na nakalahad rito.
15. Pagtataya
Tukuyin ang kasarian ng pangngalang may guhit sa
sumusunod na mga pangungusap. Gamitin ito sa
pangungusap.
1. Magkasamang nagbukod ng basura ang mag-
ama.
2. Nagturo ang guro ng wastong pagreresikolo ng
basura.
3. Pinagbukod-bukod ni Michelle ang mga
nabubulok sa hindi nabubulok.
4. Pinarangalan ang kanilang barangay bilang
pinakamalinis na barangay.
5. Tuwang- tuwa si nanay Leticia dahil sa paglilinis
ng kanyang mag-ama ng likod bahay.