1. Ariketa honetan, EAEko curriculuma oinarri hartuta hurrengo galderei
erantzuna eman beharko zaie.
1.- Zein da Oinarrizko Hezkuntzako Curriculumaren aplikazio eremua?
Dekretu hau Euskal Autonomia Erkidegoko ikastetxe guztietan aplikatuko
da, baldin eta Lehen Hezkuntza eta/edo Derrigorrezko Bigarren Hezkuntza
irakasten badute.
2.- Zeintzuk dira Oinarrizko Hezkuntza osatzen dituzten ETAPAK?
Lehen Hezkuntza: 6-12 urte
Derrigorrezko Bigarren hezkuntza. 12-16 urte
3.- Nolakoa da Oinarrizko Hezkuntzaren izaera?Hautazkoa al da?
Oinarrizko Hezkuntzaren izaera ez da hautazkoa, hezkuntza derrigorrezkoa
eta doakoa da EAEn 16 urteak arte.
4.- LH etapak zenbat urte hartzen ditu? Zenbat ZIKLOTAN banaturik
dago?
Sei urte irauten du Lehen Hezkuntzak eta hiru ziklotan banatuta dago.
Lehenengo zikloa: 1. eta 2. maila. 6-7, 7-8 urte.
Bigarren zikloa: 3. eta 4. maila. 8-9, 9-10 urte.
Hirugarren zikloa: 5. eta 6. maila. 10-11, 11-12 urte.
5.- Zerk jotzen du EAEko Oinarrizko Curriculum Diseinuak oinarrizko
GAITASUNTZAT?
Eskakizun konplexuei erantzuteko eta askotariko lanak behar bezala egiteko
ahalmena. Horrenbestez, gaitasunek dena behar denean hartzen dituzte
trebetasun praktikoak, ezagutzak, motibazioa, balio etikoa, jarrera,
emozioak eta gizarte arloko naiz portaerazko elementuak.

2. 6.- Zein proiektutan eman zen Gaitasunen definizioa eta hautaketa?
DeSeCo izeneko proiektuan eman zen definizioa eta autaketa.
7.- Zeintzuk dira EAEren OINARRIZKO GAITASUNAK?
Zientzia-, teknologia eta osasun-kulturarako gaitasuna.
Ikasten ikasteko gaitasuna
Matematikarako gaitasuna
Hizkuntza-komunikaziorako gaitasuna
Informazioa tratatzeko eta teknologia digitala erabiltzeko gaitasuna
Gizarterako eta herritartasunerako gaitasuna
Giza eta arte-kulturarako gaitasuna
Norberaren autonomiarako eta ekimenerako gaitasuna
8.- Zeintzuk dira Oinarrizko Hezkuntzako helburuak? Aipatu bakarrik.
Arduraz bizitzen ikastea
Ikasten eta pentsatzen ikastea
Komunikatzen ikastea
Elkarrekin bizitzen ikastea
Ikaslearen giza alderdiak garatzen ikastea
Egiten eta ekiten ikastea
9.- Nola ulertzen du EAEko Curriculum dekretuak CURRICULUM
terminoa?
Oinarrizko hezkuntzako jakintza-arloen eta irakasgaien gidaritzako
oinarrizko gaitasunen, helburuen, edukien, pedagogia-metodoen eta
ebaluazio-irizpideen multzo bezala ulertzen de EAEk Curriculum terminoa.
10.- Zeintzuk dira Ikastetxe bakoitzak kontutan izan beharreko
pedagogia printzipioak?
Hauek dira Ikastetxe bakoitzak kontutan izan beharreko pedagogia
printzipioak:

3. Hezkuntza-gaitasun orokorrak jaso behar ditu irakaskuntza eta
ikaskuntzako prozesuak, eta kontzeptuzko, prozedurazko eta
jarrerazko edukiak biltzen dituzten oinarrizko gaitasunak lortzea izan
behar du prozesu horren xedea.
Lana proiektu osoen bidez eginez gero, erraztu egiten da oinarrizko
gaitasunak ikasleei helarazteko bidea eta jakintza-arloen eta
irakasgaien arteko diziplinartekotasuna.
Ikastetxe-eredua hezkuntza-komunitatera eta, oro har, gizartera
irekitzen ari dela, beharrezkoa da ebaluazioaren parte hartzea
handitzea.
Familiek eta irakasleriak parte-hartze eta inplikazio handia izan behar
dute eskola-antolamenduan, eta indartu egin behar da irakasleen
hezitzaile-izaera. Hala, bermatu egin behar da Haur Hezkuntzaren,
Lehen Hezkuntzaren eta Derrigorrezko Bigarren Hezkuntzaren arteko
koordinazioa.
Irakurketa ezinbesteko faktorea da oinarrizko gaitasunak garatzeko
eta komunikaziorako gaitasuna sendotzeko. Lehen Hezkuntza
ematen duten ikastetxeek, hezkuntza-jarduera antolatzeko orduan,
egunean gutxienez hogeita hamar minutuko irakurketa-denbora sartu
beharko dute, etapako maila guztietan.
11.- Zeintzuk dira LHko jakintza arloak?
Lehen Hezkuntzako jakintza-arloak
1.- Jakintza-arlo hauek landuko dira Lehen Hezkuntzako ziklo guztietan:
Natura, Gizarte eta Kultura Ingurunearen Ezagutza
Arte Hezkuntza
Gorputz Hezkuntza
Gaztelania eta Literatura
Euskara eta Literatura
Atzerriko Hizkuntza
Matematika

4. 12.- Zein Hizkuntza eredua bilatzen da Oinarrizko Hezkuntzarako?
Elebitasuna bermatuko da. Hurrengo bi hizkuntzak ofizialak dira, euskara
eta gaztelera. Nahiz eta bi hizkuntza hauek oinarrizkoak izan, hirugarren
hizkuntza bat (ingelesa) garrantzitsua da ikastoletan.
13.- Zein da aniztasunaren trataerako neurrien xedea?
Ikasle guztien garapena bideratzea bakoitzaren premiei egokituz, eta hauen
hezkuntza- aurrerapen egokia bermatuz.
14.- Zein da LHn ikasleen ratioa?
Lehen Hezkuntzan, 25 ikaslek osatuko dute, gehienez, unitate bakoitza, eta
Derrigorrezko Bigarren Hezkuntzan, berriz, gehienezko kopurua 30
ikaslekoa izango da. Lehenen hezkuntzan 28 ikaslera igo nahi dute ratioa
eta Bigarren hezkuntzan 35 ikaslera.
15.- Nolakoak dira ebaluazioaren printzipioak LHn?
Banakatua
Jarraitua
Orokorra
16.- Zeintzuk dira ARLO bakoitzaren atal nagusiak?
Denak atal nagusiak konpartitzen dituzte: oinarriko helburuak etapa
osorako, edukiak 3 ziklotan banatzen dira eta ebaluazio irizpideak zikloka.