1. 1. Zein da Oinarrizko Hezkuntzako Curriculumaren aplikazio eremua?
Oinarrizko Hezkuntzako Curriculumaren aplikazio eremua Euskal Autonomia
Erkidegoko ikastetxe guztietan aplikatzen da, baldin eta Lehen Hezkuntza eta/edo
Derrigorrezko Bigarren Hezkuntza irakasten badute.
2. Zeintzuk dira Oinarrizko Hezkuntza osatzen dituzten ETAPAK?
Oinarrizko Hezkuntza eskolaldiko hamar urte hartzen ditu, normalean, sei urtetik
hamasei urte bitartekoak, eta bi hezkuntza-etapatan banatuta dago.Alde batetik,
Lehen Hezkuntza (lehen sei urteak); eta beste aldetik Derrigorrezko Bigarren
Hezkuntza (ondorengo lau urteak).
3. Nolakoa da Oinarrizko Hezkuntzaren izaera? Hautazkoa al da?
Oinarrizko Hezkuntza derrigorrezkoa eta doakoa da.
4. LH etapak zenbat urte hartzen ditu? Zenbat ZIKLOTAN banaturik dago?
Lehen hezkuntzako etapak 6 urte hartzen ditu, eta 3 ziklotan banatuta dago: 1. zikloa
(1. eta 2. maila hartzen ditu bere baitan), 2. zikloa (3. eta 4. maila) eta 3. zikloa (5. eta
6. maila).
5. Zerk jotzen du EAEko Oinarrizko Curriculum Diseinuak oinarrizko GAITASUNTZAT?
Eskakizun konplexuei erantzuteko eta askotariko lanak behar bezala egiteko ahalmen
bezala ulertzen da. Gaitasunek beren barnean hartzen dituzte trebetasun praktikoak,
ezagutzak, motibazioa, balio etikoak, jarrerak, emozioak eta gizarte-arloko nahiz
portaerazko elementuak, eta pertsonek batera erabiltzen dituzte horiek guztiak, lanak
modu eraginkorrean egiteko. Hauek dira gaitasunen ezaugarri nagusiak: “egiten
jakitea” da berez, hau da, errealitatean aplikatzen den jakintza, askotariko
testuinguruetara egokitzeko aukera eman eta izaera integratzailea duena, jakintzak,
prozedurak eta jarrerak biltzen baititu.
6. Zein proiektutan eman zen Gaitasunen definizioa eta hautaketa?
DeSeCo
7. Zeintzuk dira EAEren OINARRIZKO GAITASUNAK?
Jakintzen, trebetasunen, jarreren eta balioen elkarrekintza bateratua eta testuinguru
bakoitzera egokitua, Oinarrizko Hezkuntzak ikasle guztiek xedetzat izan eta lortu
beharrekotzat dituztenak, pertsonaren errealizazioa eta garapena lantzeko eta
herritartasun aktiboa eta gizarte-integrazioa lortzeko.
8. Zeintzuk dira Oinarrizko Hezkuntzako gaitasunak? Aipatu bakarrik.
1. Zientzia-, teknologia- eta osasun-kulturarako gaitasuna.
2. Ikasten ikasteko gaitasuna.
3. Matematikarako gaitasuna.
2. 4. Hizkuntza-komunikaziorako gaitasuna
5. Informazioa tratatzeko eta teknologia digitala erabiltzeko gaitasuna.
6. Gizarterako eta herritartasunerako gaitasuna.
7. Giza eta arte-kulturarako gaitasuna.
8. Norberaren autonomiarako eta ekimenerako gaitasuna.
9. Nola ulertzen du EAEko Curriculum dekretuak CURRICULUM terminoa?
Oinarrizko Hezkuntzako jakintza-arloen eta irakasgaien gidaritzako oinarrizko
gaitasunen, helburuen, edukien, pedagogia-metodoen eta ebaluazio-irizpideen
multzoa.
10. Zeintzuk dira Ikastetxe bakoitzak kontuan izan beharreko pedagogia printzipioak?
Pedagogia-proposamenak egiteko, hezkuntza-proiektuan jasotako printzipioez gain,
honako pedagogia-printzipio hauek hartuko dituzte kontuan ikastetxeek:
1.- Hezkuntza-gaitasun orokorrak jaso behar ditu irakaskuntza eta ikaskuntzako
prozesuak, eta kontzeptuzko, prozedurazko eta jarrerazko edukiak biltzen dituzten
oinarrizko gaitasunak lortzea izan behar du prozesu horren xedea.
2.- Lana proiektu osoen bidez eginez gero, erraztu egiten da oinarrizko gaitasunak
ikasleei helarazteko bidea eta jakintza-arloen eta irakasgaien arteko
diziplinartekotasuna.
3.- Ikastetxe-eredua hezkuntza-komunitatera eta, oro har, gizartera irekitzen ari dela,
beharrezkoa da ebaluazioaren parte hartzea handitzea.
4.- Familiek eta irakasleriak parte-hartze eta inplikazio handia izan behar dute eskola-
antolamenduan, eta indartu egin behar da irakasleen hezitzaile-izaera. Hala, bermatu
egin behar da Haur Hezkuntzaren, Lehen Hezkuntzaren eta Derrigorrezko Bigarren
Hezkuntzaren arteko koordinazioa.
5.- Irakurketa ezinbesteko faktorea da oinarrizko gaitasunak garatzeko eta
komunikaziorako gaitasuna sendotzeko. Lehen Hezkuntza ematen duten ikastetxeek,
hezkuntza-jarduera antolatzeko orduan, egunean gutxienez hogeita hamar minutuko
irakurketa-denbora sartu beharko dute, etapako maila guztietan.
11. Zeintzuk dira LHko jakintza arloak?
Jakintza-arlo hauek landuko dira Lehen Hezkuntzako ziklo guztietan:
- Natura, Gizarte eta Kultura Ingurunearen Ezaguera
- Arte Hezkuntza
- Gorputz Hezkuntza
3. - Gaztelania eta Literatura
- Euskara eta Literatura
- Atzerriko Hizkuntza
- Matematika
12. Zein Hizkuntza eredua bilatzen da Oinarrizko Hezkuntzarako?
Hezkuntza, Unibertsitate eta Ikerketa Sailak neurriak hartuko ditu hezkuntza-sistema
elebiduna sendotzeko eta ikasleek, Oinarrizko Hezkuntza amaitzean, Euskal Autonomia
Erkidegoko bi hizkuntza ofizialetan komunikatzeko gaitasuna eskuratuko dutela
bermatzeko. Xede hori lortzeko, ikastetxeek euskara eta gaztelania landuko dituzte
Oinarrizko Hezkuntzan, ikasleek eskura ditzaten bi hizkuntza horiek ulertzeko eta ahoz
eta idatziz adierazteko trebetasunak. Xedea da bi hizkuntza horiek harremanetarako
eta erabilerako hizkuntzak izatea eta eremu pertsonalean, sozialean eta akademikoan
erabiltzea.
13. Zein da aniztasunaren trataerako neurrien xedea?
Xedea: hezkuntza zabala denez, Derrigorrezko bigarren hezkuntzak ikasleei behar
bezalako erantzuteko neurriak hartu behar ditu , ahal den heinean ikasleak lan-taldetik
ez bereizteko eta gainera, eskola-jardueran aurrera egiteko aukera izan dezaten.
14. Zein da LHn ikasleen ratioa?
25 ikasle gelako.
15. Nolakoak dira ebaluazioaren printzipioak LHn?
Lehen Hezkuntzan, ikasleen gaitasunen ebaluazioa banakatua, jarraitua eta orokorra
izango da, eta ikasleak curriculumeko arlo guztietan egindako aurrerapenari
erreparatuko dio, oinarrizko gaitasunak kontuan hartuta.
16. Zeintzuk dira arlo bakoitzaren atal nagusiak?
Zientzia,teknologia eta osasun kulturarako gaitasuna, ikasten ikasteko gaitasuna,
matematikarako gaitasuna, hizkuntza-komunikaziorako gaitasuna, informazioa
tratatzeko eta teknologia digitala erabiltzeko gaitasuna, gizarterako eta
herritartasunerako gaitasuna, giza eta arte-kulturarako gaitasuna, norberaren
autonomiarako eta ekimenerako gaitasuna.