БАРИМТЫН АНГИЛАЛ
Нэг: Баримтыг үйлдэж буй субъектээс нь хамааруулан дотоод ба гадны баримт гэж ангилна.
Дотоодын буюу өөрийн баримт: гэж тухайн байгууллагын дотоод ажил гүйлгээг тусгасан баримтыг хэлнэ. Жишээ нь: тухайн байгууллагын зохион байгуулалтын дагуух алба нэгжүүдээс материал, үнэ бүхий зүйлийг авахыг хүссэн шаардах хуудас, цалингийн хүснэгт зэрэг баримтууд нь дотоод баримт юм.
Гадны баримт: гэж өөр байгууллагаас тухайн байгууллагад хүргэгдэж ирсэн баримтыг хэлнэ. Гадны баримт нь ямар нэг ажил гүйлгээг тухайн байгууллагад бүртгэх үндэс болно. Жишээ нь: Бэлтгэн нийлүүлэгч байгууллагаас худалдан авсан бараа, материалыг дагалдан ирсэн зарлагын баримт, төлбөрийн нэхэмжлэх зэрэг зэрэг баримтууд нь гадны баримт юм.
Хоёр: Баримтанд тусгаж буй ажил гүйлгээний утга агууллагаар нь Мөнгөн хөрөнгө, Бараа материал, Цалин хөлс, Үндсэн хөрөнгө, Тооцооны баримт гэж ангилна.