IBONG ADARNA BUOD.pptx

Pansinin ang larawan at
ilarawan ito batay sa
nakikita sa tatlo
hanggang limang
pangungusap. Isulat rin
ang maaaring
kaugnayan nito sa
tatalakaying paksa.
PAGGANYAK

IBONG ADARNA
“CORRIDO AT BUHAY NA
PINAGDAANAN NANG
TATLONG PRINCIPENG
MAGCACAPATID NA ANAC
NANG HARING
FERNANDO AT DONYA
VALERIANA SA
CAHARIANG BERBANIA”

MGA DAPAT TANDAAN
KASAYSAYAN NITO:
Walang tiyak na petsa kung kailan isinulat ang
tula.
 Hindi rin alam kung sino ang sumulat ng akda.
May ilang naniniwalang si Jose dela Cruz o
Huseng Sisiw ang nagsulat nito, ang makatang
nagturo kay Francisco Balagtas kung paano
tumula.

 Isang korido na isinulat noong panahon ng
Kastila na ngayon ay bahagi na ng Panitikan
at Mitolohiyang Pilipino.
 Ito ay tumatalakay sa kabayanihan, pag-ibig
at kababalaghan.
 Nakasentro ang kwento ng Ibong Adarna sa
isang Ibong nagtataglay ng mahiwagang
kapangyarihan na nakapagpapagaling ng
anumang karamdaman sa sandaling umawit
at marinig ang tinig nito.

Umiikot din ang kwento sa
pakikipagsapalaran ni Don Juan, isang prinsipe
ng kahariang Berbanya sa paghahanap sa
Ibong Adarna, paglalagalag sa iba’t ibang
lupain at pakikipag-ibigan kina Donya Leonora
at Donya Maria Blanca.
Isa itong salaysaying-bayan dahil ito ay
pasalindila hanggang sa ito ay naging bahagi
na ng ating Panitikang Pilipino.
Sa Bundok Tabor nananahan ang mahiwagang
ibon ( Har Tavor) “Mt. of Transfiguration”

 Mula sa Kanluran (west)
Ang Bundok Tabor ay matatagpuan o makikita
sa Silangang (east) bahagi ng Jezreel Valley,
11 milya (17km) ng kanluran (west) ng Sea of
Galilee. 1,843 talampakan (feet) (575m) ang
taas (high)
Piedras Platas – isang pambihirang puno na
matatagpuan sa Mt. Tabor na kung saan dito
nananahan ang Ibong Adarna.

Ang makapangyarihang ibon na
nakatira sa puno ng Piedras Platas
na matatagpuan sa Bundok Tabor.
Tanging ang magandang tinig niya
ang lunas sa karamdaman ng hari.
MGATAUHAN

• Don
Fernando:
Siya ang hari
ng Cahariang
Berbanya na
nagkaroon
ng
malubhang
karamdaman
Haring Fernando

Donya Valeriana-
siya ang kabiyak
ni Haring
Fernando at ang
ina nina Don
Pedro, Don
Diego at Don
Juan

Don Pedro
• Panganay na
anak nina
Haring
Fernando at
Reyna
Valeriana.Sya
ay nagtungo sa
kabundukan
upang hanapin
ang ibong
nakapagpapaga
ling sa
karamdaman
ng amang hari.

Don Diego
• Siya ang
pangalawang anak
nina Hari
Fernando at
Reyna Valeriana.
Siya rin tumungo
sa kabundukan
upang hanapin
ang ibong adarna.

Don Juan
Sya ang makisig na
bunsong anak nina
Haring Fernando
at Reyna Valeriana.
Siya ang
prinsipeng
nakahuli sa Ibong
Adarna sa Bundok
Tabor.

Donya Maria
Blanca
• Sya ang anak ni
Haring Salermo
na tunay na
inibig ni Don
Juan. Sya ay
nagtataglay ng
kakaibang
mahika.

Donya Leonora- sya
ang magandang
prinsesa ng
Armenya na
nagpakita ng tunay
na pag-ibig kay Don
Juan. Sya ang
naging kabiyak ni
Don Pedro

Donya Juana
• Prinsesa ng kahariang
Armenya na kapatid ni
Donya Leonora ang
nakatuluyan ni Don Diego.

Donya Isabela
• Sya ang kapatid ni Donya Maria Blanca na
anak ni Haring Salermo.

Ang Leproso
• Matandang
naninirahan sa
Bundok Tabor,
isa sa mga
tumulong kay
Don Juan.

Unang
Ermitanyo
Ermitanyong
nagsabi kay Juan
kung paano
hulihin ang
Ibong Adarna at
iligtas ang mga
kapatid.

Ermitanyong Uugod-ugod
• Ang tumulong kay
Don Juan upang
manumbalik ang
kanyang lakas
matapos syang
pagtaksilan ng
kanyang mga kapatid.

• Ang hari ng
Cahariang Reyno
delos Cristales na
nagbigay ng
matinding pagsubok
kay Don Juan. Sya ang
ama ni Donya Maria
Blanca.
Haring Salermo

Arsobispo
• Ang humatol
na dapat
ikasal sina
Donya
Leonora at
Don Juan.

Ang Higante-Ang
may bihag at
nagbabantay kay
Donya Juana.

• Malaking
ahas na
pito ang
ulo na
nagbabant
ay kay
Donya
Leonora.
Serpyente

Lobo
• Alaga ni Donya
Leonora na
siyang
gumamot kay
Don Juan sa
kaharian ng
Armenya.

Buod ng Ibong Adarna
Sa kaharian ng Berbanya ay may hinahangaang hari. Siya ay si
Haring Fernando at ang kaniyang kabiyak na si Reyna Valeriana. Sila ay
may tatlong magigiting na anak. Si Don Pedro, Don Diego at bunsong si
Don Juan. Sa hindi inaasahan ay nanaginip ang hari na ang kaniyang
bunso ay pinatay, nang magising siya ay hindi na makausap. Isang
manggagamot ang nagsabi na ang magiging lunas sa kaniyang sakit ay
ang awit ng Ibong Adarna. Ang Ibong Adarna ay matatagpuan sa bundok
ng tabor sa puno ng Pedras Platas. Ito ay pitong beses na aawit, pitong
beses na magpapalit ng anyo at saka iipot. Sinoman ang malaglagan ng
dumi ng ibon ay magiging bato. Inatasan ang panganay na anak na si
Don Pedro na hanapin ang Ibong Adarna ngunit hindi siya pinalad na
mahuli ito at siya’y naging bato. Sumunod si Don Diego subalit gaya ni
Don Pedro ay siya ay naging bato rin.

Si Don Juan ang bunso, ang huling naatasan. Hindi gaya ng kaniyang
mga kapatid na gumamit ng kabayo sa paglalakbay. Siya ay naglakad
lamang at sa tuwituwina ay hindi niya nalilimutan ang manalangin. Sa
kaniyang paglalakad ay nakasalubong niya ang isang sugatang pulubing
gutom na gutom. Kahit alam niyang sapat lamang ang kaniyang pagkain
sa paglalakbay ay binigyan pa rin niya ang pulubi. Sa busilak niyang
puso, tinulungan siya ng matandang sugatan at sinabing pagdating sa
tirahan ng Ibong Adarna tumingin sa ibaba at may makikitang dampa.
Tinungo nga niya ang dampa at nadatnan niya ang isang ermitanyo.
Pinayuhan siya kung paano mahuli ang Ibong Adarna at matagumpay
niya itong nakuha. Sa tulong pa rin ng ermitanyo nagbigay ng Agua
Bendita na ginamit sa pagwisik sa kaniyang mga kapatid at sila ay naging
taong muli. Habang naglalakbay ang tatlo ay naisip ni Don Pedro ang
isang kataksilan.

Nais niyang patayin si Don Juan upang hindi mapahiya sa kaharian,
subalit hindi pumayag si Don Diego na patayin ang bunsong kapatid,
kaya binugbog at iniwan sa bundok. Pagka-uwi nina Don Pedro ay hindi
umawit ang Ibong Adarna. Muli isang ermitanyo ang tumulong kay Don
Juan. Nang makauwi si Don Juan ay saka lamang umawit ang Ibong
Adarna. Ang awit nito ay patungkol sa pagtataksil nina Don Pedro at Don
Diego. Sa narinig ng hari sa Ibong Adarna ay hinatulan niya ang
dalawang taksil na ipatapon at bawian ng karapatan, subalit lumuhod si
Don Juan sa amang hari at hininging patawarin na lamang ang mga
kapatid. Hindi raw matitiis ni Don Juan ang mga kapatid na maparusahan.
Pinagbigyan ng hari ang hiling ni Don Juan. Inatasan ang tatlo na
magbantay sa Ibong Adarna. Muling nakaisip ang mga taksil nang hindi
maganda. Pinakawalan nila ang Ibong Adarna habang natutulog si Don
Juan. Nang malaman ito ni Don Juan, siya ay umalis na lamang upang
hindi maparusahan ang mga kapatid.

Nagtungo si Don Juan sa Bundok ng Armenya. Ipinahanap ng hari ang
bunso at natagpuan nila ito sa Bundok ng Armenya. Natuklasan nila ang
isang balon, nang lumaon ay sinubukan nila itong pasukin ngunit si Don
Juan lamang ang nagtagumpay sa paglusong dahil sa tibay ng loob at
pananalig sa Diyos. Natagpuan niya rito sina Donya Juana na
binabantayan ng higante at Donya Leonara na binabantayan ng
serpiyenteng may pitong ulo. Ang dalawang donya ay nabihag ang puso
ni Don Juan subalit si Donya Leonora ang nangibabaw. Nang magapi ni
Don Juan ang mga tagabantay ay pumanhik na sila sa balon. Habang
pabalik na sila sa Berbanya ay naalala ni Donya Leonora ang kaniyang
singsing kaya bumaba si Don Juan sa balon gamit ang tali, subalit muli na
namang nagtaksil si Don Pedro nang putulin niya ang lubid. Labis na
nagalit si Donya Leonora kay Don Pedro. Pagdating nila sa Berbanya ay
puro kasinungalingan ang kanilang isinalaysay. Ikinasal si Donya Juana
kay Don Diego subalit si Donya Leonora ay hindi pumayag na pakasal
kay Don Pedro.

Ikinasal si Donya Juana kay Don Diego subalit si Donya Leonora ay
hindi pumayag na pakasal kay Don Pedro. Samantala, si Don Juan ay
iniligtas ng mahiwagang lobo. Sa gitna nang kaniyang paghihirap ay hindi
niya nalimutang manalangin. Sa pagtulog ni Don Juan habang
nagpapahinga ay nagising siya sa awit ng Ibong Adarna na ipinayong
limutin na si Donya Leonora at magtungo sa isang kaharian, ang Reyno
delos Cristales. Doon niya makikilala si Donya Maria. Nagtungo nga si
Don Juan sa Reyno delos Cristales. Maraming hirap at pagod ang
kaniyang dinanas bago marating ang kaharian. Sa tulong ng mga
magkakapatid na ermitanyo ay natunton niya ito sakay ng agila. Naihatid
si Don Juan sa lugar na tinutukoy ng Ibong Adarna. Nagkita si Donya
Maria at Don Juan na kapuwa umibig sa isa’t isa. . Subalit hindi naging
madali ang kanilang pag-iibigan dahil nang makaharap ni Don Juan si
Haring Salermo ay iba’t ibang pagsubok ang ibinigay sa kaniya.

Sa tulong at kapangyarihan ni Donya Maria ay napagtagumpayan
niya ang lahat ng pagsubok. Sa hindi matanggap ng hari ang mga
pangyayari ay nagtanan ang dalawa ngunit hinabol sila ni Haring
Salermo. Nang matakasan nila ang hari ay nagtungo si Don Juan sa
Berbanya at iniwan muna si Donya Maria sa nayon. Bago umalis si Don
Juan ay binilinan siya ni Maria na huwag makikitungo sa mga babae
maging sa kaniyang ina, subalit nalimutan ito ni Don Juan. Sa paglimot ni
Don Juan sa bilin ni Donya Maria ay siyang paglimot din naman sa
kasintahang ipinaglaban. Pitong taon namang nagkulong si Donya
Leonora sa kuwarto at hindi nagpakasal kay Don Pedro. Nang malamang
dumating ang iniibig na si Don Juan ay siyang paglabas niya at inamin
kay Haring Fernando ang tunay na nangyari. Samantalang nagbihis
emperatres si Donya Maria at nagtungo sa Berbanya. Sa pamamagitan
ng kaniyang mahika ay nagbalik ang alaala ni Don Juan.

Ikinasal si Donya Leonora kay Don Pedro at si Don Juan ay kay
Donya Maria. Naghari si Don Pedro sa Berbanya dahil sa kagustuhan ni
Donya Maria. Bumalik naman sa Reyno delos Cristales sina Don Juan at
Donya Maria. Nadatnan nilang iba ang nakaupo sa trono. Iyon ay dahil
patay na ang magulang at mga kapatid ni Donya Maria. Sa huli, sila ang
naghari sa Reyno delos Cristales na napatanyag at nakilala.
Nagustuhan mo ba ang buod ng Ibong Adarna? Magaling! Alam kong sa
buod na ito ay marami kang natutuhan.

Pag-unawa sa Binasa
1. Ano ang naging epekto ng panaginip ng hari? Bakit kaya labis niyang
dinamdam at naging sanhi pa ng kaniyang pagkakasakit ang
panaginip na iyon?
2. Paano naiba ang paglalakbay ni Don Juan sa paglalakbay ng mga
kapatid?
3. Makailang beses ipinahamak nina Don Pedro at Don Diego si Don
Juan? Isaisahin ang naging sitwasyon kung saan ipinahamak siya ng
kaniyang mga kapatid.
4. Kung ikaw si Don Pedro sa kuwento, tutularan mo rin ba ang ginawa
niya sa kapatid na si Don Juan? Ipaliwanag ang iyong sagot.

Tukuyin ang mga pangyayari sa akda na nagpapakita sa
mga sumusunod na pagpapahalaga gamit ang grapikong
pantulong.

Umisip ng pangyayari sa kasalukuyan na maaaring
iugnay sa mga nakalahad na pangyayari sa akda.
MGA PANGYAYARI SA IBONG ADARNA KAUGNAY NA PANGYAYARI SA
KASALUKUYAN
Si Haring Fernando ay isang makaturangan at
mahusay na pinunong iginagalang at
sinusunod ng kanyang nasasakupan.
Ang hari ay dinapuan ng karamdamang
nagdulot ng labis na kalungkutan sa kanyang
pamilya at sa buong kaharian.
Sina Don Pedro at Don Diego ay naakit sa
kinang at ganda ng puno ng Piedras Platas
kaya’t sila’y nabiktima ng taglay nitong ganda.
Nagdasal at humingi ng gabay si Don Juan
bago siya sumuong sa kanyang misyon.

Bakit mahalagang
basahin at pag-aralan
ang Ibong Adarna?

IBONG ADARNA BUOD.pptx

Recommended

Recommended

More Related Content

What's hot

What's hot (20)

Similar to IBONG ADARNA BUOD.pptx

Similar to IBONG ADARNA BUOD.pptx (20)

More from chelsiejadebuan

More from chelsiejadebuan (13)

Recently uploaded

Recently uploaded (20)

IBONG ADARNA BUOD.pptx