More Related Content
Similar to Интернэт маркетинг
Similar to Интернэт маркетинг (20)
Интернэт маркетинг
- 1. МОНГОЛ УЛС ДАХЬ ИНТЕРНЕТ МАРКЕТИНГИЙН
ӨНӨӨГИЙН БАЙДАЛ
Г.Сайнзаяа г.Ариунбилэг
Монгол улс, ШУТИС КтМС
chelsey_fb@yahoo.com ariunbileg9@yahoo.com
Хураангуй
Интернет маркетинг нь уламжлалт маркетингийг өөртөө агуулсан түүний бие даасан
нэгэн хэлбэр юм. Энэ нь маркетингийн иж бүрдлүүдийг ч мөн өөрийн шинж
чанартаа тохируулан судалдаг. Интернет маркетинг нь янз бүрийн давуу талуудтай
боловч түүнийг дагасан хязгаарлалтууд ч их байна. Үүний хамгийн их хөндөгддөг
сэдэв бол аюулгүй байдлын асуудал юм. Хэрэглэгчдийг худалдан авалт хийх үед
ашиглагдсан хувийн мэдээллийг найдвартай хадгалж чадах аюулгүйн системийг
ашиглах нь нэн тэргүүний явдал мөн. Интернет маркетинг нь баннеран сурталчилгаа,
онлайн банкинг, интернет дэлгүүр, и-мейл маркетинг зэрэг арга хэрэгслүүдийг
ашиглан үйл ажиллагаагаа хэрэгжүүлдэг. Бидний хийсэн ажиглалтаас хархад
монголд баннеран сурталчилгаа болон онлайн банкинг нь хамгийн хурдацтай
хөгжиж байгаа юм. Энэхүү хөгжил тухайн улс орны технологийн хөгжилтэй
салшгүй холбоотой байдаг. Үүнтэй холбогдоод Монгол улсад интернет маркетинг
жинхэнэ утгаараа хэрэгжиж чадаагүй байгааг бид олж харлаа. Бидний гаргах санал
зөвлөмжүүд хэрэгжиж чадвал манай улсын хөгжлийн томоохон нэг үзүүлэлт нь
интернет маркетинг байх бүрэн боломжтой гэдэгт бид итгэлтэй байна.
- 2. Түлхүүр үг
баннеран сурталчилгаа
онлайн банкинг
интернет дэлгүүр
и-мейл маркетинг
е-коммерс
интернет дуудлага худалдаа
Оршил
Тус илтгэл нь маркетингийн хамгийн тулгамдсан хэрэг болоод буй маркетингд
орчин үеийн технологийг ашиглахад суурилан бичигдсэн. Ийнхүү орчин үеийн
дэвшилтэт технологуудаас бид интернетийг голлон авч үзлээ. Интернет маркетинг
нь бидний одоогийн хөгжил болон технологийн нөхцөлд тохирсон нэн тэргүүнд
хийгдэх ёстой ажил хэмээн бид үзэж байна. Ийнхүү тус илтгэлээр интернет
маркетингийн арга зүй, түүнийг моноголд хэрхэн хэрэгжүүлж буйг судлан түүнийг
бүрэн утгаар нь хэргэжүүлхэд чухам юу хэрэгтэйг тодорхойлохыг зорилоо.
1. Интернет маркетингийн тухай үндсэн ойлголт
1.1 Ерөнхий мэдээлэл
Интернет маркетинг гэдэг нь уламжлалт маркетингийн бүх арга хэрэгслүүдийг
интернетэд ашиглахыг хэлнэ. Үүнд нь маркетингийн 4Р иж бүрдэл ч мөн хамаардаг.
Интернет маркетингийн гол зорилго нь зорилтот зах зээлийн хэрэглэгчдийн буцах
холбоог ихэсгэн хариу үйлдлийг боломжтой хамгийн их хэмжээнд мэдэх явдал юм.
Бүтээгдэхүүн: Интернетийн тусламжтайгаар борлуулж буй бүтээгдэхүүн тань
хангалттай чанартай байх ёстой. Үүний шалтгаан нь тус бүтээгдэхүүн зөвхөн
интернет сайтуудаас гадна мөн уламжлалт дэлгүүрүүдтэй ч өрсөлдөж байдаг.
Үнэ: Ихэвчлэн уламжлалт дэлгүүрүүдийг бодвол интернетэд худалдаалагдаж буй
бүтээгдэхүүнүүдийн үнэ илүү хямд байдаг гэсэн ойлголт хүмүүст байдаг. Энэ нь
зардал бага гардагтай холбоотой. Үнээ хянаж бусад өрсөлдөгчидтэйгөө байнга
харьцуулж байх хэрэгтэй.
Идэвхжүүлэлт: Өөрийн сайтаа ч, бүтээгдэхүүнээ ч идэвхжүүлэх аргууд нь тэр
чигээрээ интернетийн хүрээнд явагддаг. Дотроо маш их хэмжээний хэрэгслүүдийг
багтаадаг. Үүнд хайлтын систем, текстэн сурталчилгаа, баннеран сурталчилгаа, и-
мейл маркетинг, вирус маркетинг, нуугдмал маркетинг, интерактив сурталчилгаа,
блогуудтай ажиллах зэрэг орно.
Хуваарилалт: Борлуулалтын цэг нь сайт байна. Сайтын график дизайн болон
хэрэглэгчдийн хэр хэмжээнд сайтыг ашигладаг нь ч маш том үүрэг оролцоотой.
- 3. Үүнээс гадна тус сайтын ачаалах хурд, төлбөрийн системүүдтэй ажиллах байдал,
хүргэлтийн нөхцөл, үйлчлүүлэгчидтэй борлуулалтаас өмнө, борлуулалтын үед болон
хойно хэрхэн ажиллаж буйд ч анхаарлаа хандуулах хэрэгтэй.
Интернет маркетинг нь е-коммерцийн нэг бүрэлдэхүүн хэсэг болно. Онлайн
маркетинг ч гэж хэлдэг. Дотроо интернет-интеграци, мэдээллийн менежмент, PR,
борлуулалт болон худалдан авагчидтай ажиллах алба зэргийг хамруулж болно. Е-
коммерци, интернет маркетинг хоёр нь хүмүүсийн интернетийн хангамж өсөж
эхэлснээс түгээмэл ашиглагдах болсон. Одоо үед интернет сурталчилгаа нь ямар ч
энгийн маркетингийн кампанит ажлын нэгэн салшгүй хэсэг болсон. Интернет
маркетинг болон сурталчилгааны хэрэглэгчийн болон байгууллагын зах зээл дэх
нөлөө өссөар байна. Өдөр ирэх тусам интернет дэлгүүрүүд маш ихээр нээгдэж буй
нь хэрэглэгчийн зах зээлд интернет маркетинг хэрхэн нөлөөлж буйг харуулна.
Интеренет маркетингийн хамгийн гол давуу талууд нь интерактив байдал, маш
тодорхой таргетинг, пост клик анализ явуулах боломж юм.
1.2 Давуу талууд
Интернет хамгийн эхэнд хэрэглэгчдэд тухайн бүтээгдэхүүний талаар мэдээллийг
олж авах боломжийг олгодог. Ямар ч хэрэглэгч интернет ашиглан бүтээгдэхүүний
тухай мэдээллийг авч бүр худалдан авч ч болно. Гэхдээ мэдээж ганцхан
бүтээгдэхүүний тухайд авч үзэхгүй юм. Үгүй бол хэрэглэгч зүгээр л тухайн
бүтээгдэхүүнийг олохгүй эсвэл өрсөлдөгчийн тань бүтээгдэхүүнийг худалдан авах
болно.
Интернет маркетингийн арга хэрэгслүүд хэрэглэх нь нөөцийн хэмнэлт /жишээлбэл,
борлуулалт болон сурталчилгааны албаны ажилчдын цалин/-ийг бий болгодог.
Түүнчлэн компаний үйл ажиллагааны хүрээг өргөжүүлэх /анхлан орсон зах зээлээсээ
олон улсын зах зээлрүү ч шилжих/ боломжтой. Ийм тохиолдолд том болон жижиг
хэмжээний компаниудын зах зээл дээрх өрсөлдөх чадвар илүү тэнцвэрждэг. Бусад
уламжлалт мэдээлэл сурталчилгааны хэрэгслүүдийг /хэвлэл, зурагт, радио/ бодвол
хамаагүй зардал багатай байдаг. Хамгийн гол нь бусад уламжлалт аргуудыг бодвол
интернет маркетинг нь маркетингийн кампанит ажлыг хэр идэвхитэй байгааг
харуулсан яг тодорхой статистик зураглал харуулдаг.
Бусад медиа маркетингуудын хэлбэрүүдийг бодвол интернет маркетинг маш
хурдацтай өсч байна. Зөвхөн бизнесийн ч биш жирийн хүмүүс, тэр дундаа
өөрийнхөө вэб сайт эсвэл блогийг хөгжүүлж түүн дээрээ мөнгө олох зорилготой юм.
Түүгээр ч барахгүй хөгжилтэй орнуудад интернет маркетингийн зардал нь нийт
сурталчилгааны зардлын 5%-ийг эзэлж байна.
1.3 Хязгаарлалт
Интернет маркетингийн хязгаарлалт нь компанид болон үйлчлүүлэгдэд ч асуудал
үүсгэдэг. Жишээ нь: Хэрэглэгчийн интернетэд холбогдох хурд удаан бол анимейшн,
үзүүлэх материал, HD графикуудыг үзэхэд хүндрэл гардаг. Гэхдээ сүүлийн үед
- 4. интернетийн хурдтай холбоотой асуудал бол ердөө л цаг хугацааны хэрэг юм. Өдөр
ирэх тусам интернетийг удаан хурдаар хэрэглэгчдийн тоо багассаар байна.
Дараагийн асуудал нь интернет маркетингаар хэрэглэгчид бүтээгдэхүүнээ худалдан
авахаас өмнө ямар нэгэн байдлаар мэдрэх боломжгүй юм. Гэхдээ ихэнх хэрэглэгчид
энэ асуудлыг хялбараар шийдэж байна. Тэд бүтээгдэхүүнтэйгээ энгийн дэлгүүрт
танилцаад дараа нь интернет дэлгүүрээс худалдаж авах нь элбэг тохиолдож байна.
Жишээ нь: Германд 2000 онд нэгэн хууль гарсан. Тус хууль нь хэрэглэгч
интернетээр худалдан авсан аливаа бүтэгдэхүүнийг ямар ч тайлбаргүйгээр буцаан
мөнгөө бүрэн хэмжээгээр авах боломжтой болсон юм. Энэ нь Германд интернет
худалдаа хөгжсөний үндсэн нэг шалтгаан юм.
Бас нэг хүчин зүйл нь хэрэглэгчдийн итгэдэг төлбөрийн хэрэгслүүдийн хязгаардлалт
юм. Гэхдээ энэ нь ерөнхийдөө зөвхөн хэрэглэгчийн зах зээлд л холбоотой.
1.4 Аюулгүй байдал
Интернет маркетингийн үед компаниудын ч хэрэглэгчдийн ч хувьд аюулгүй байдал
нь маш чухал юм. Олон хэрэглэгчид өөрсдийн хувийн мэдээлэл нийтэд нээлттэй
үлдэж болзошгүй хэмээн эмээдгээс интернетээс худалдан авалт хийхээс айдаг.
Онлайн бизнес эрхэлдэг компаниуд үйлчлүүлэгчдийнхээ хувийн мэдээллийг ил
гаргасан үйлдэл нь баригдсан тохиолдол ч олон байдаг. Тэдний зарим нь
үйлчлүүлэгчдийнхээ хувийн мэдээллийн нууц байдлыг хадгална гэж амалдаг ч
өөрсдийн үйлчлүүлэгчдийнхээ мэдээллийг худалдан өөрсдийн компаний дүрмийг
зөрчөөд зогсохгүй хэд хэдэн орнуудын хуулийг ч нэгэн зэрэг зөрчиж байна.
Зарим компаниуд хэрэглэгчдийн тухай мэдээллийг худалдаж авч, өгөгдлийн сангаас
арилгуулхаар хандахад нь тэднээс мөнгө нэхэн ашиг олдог. Иймэрхүү байдлаар
ихэнх хэрэглэгчид өөрсдийн хувийн мэдээллийг ил гаргахыг мэддэггүй бөгөөд хүн
чанаргүй тус компаниудын хооронд энэхүү мэдээлэл солилцож байгааг зогсоож
чаддаггүй.
Интернет бизнесд их ач холбогдол өгдөг компаниудын хувьд аюулгүй байдал нь
тэдний үндсэн асуудал болдог. Шифрлэлт - аюулгүй байдлыг хангах, интернетэд
дамжигдаж байгаа өгөгдлүүдийн нууц байдлыг хангах үндсэн аргуудын нэг юм.
1.5 Интернет маркетингийн бизнес дэх нөлөөлөл
Интернет маркетинг нь хөгжим, банк, электрон бараа/гар утас, тоглуулагч/-нй
салбаруудболон хамгийн чухал нь зар суриалчилгаанд маш том нөлөө үзүүлсэн.
Хөгжмийн салбарт хэрэглэгчид CD худалдаж авхын оронд интернетээс mp3
форматаар худалдаж мөн татаж авах болсон.
Интернет маркетинг нь банкны салбарт ч нөлөөлсөн. Улам олон банкнууд
өөрсдийнхөө үйлчилгээг онлайн хэлбэрээр санал болгож байна.
- 5. Онлайн банкинг нь үйлчлүүлэгчдийг багк болон салбаруудруу байн байн очуулах
шаардлагагүй учир тэдэнд илүү эвтэйхэн байдаг. Өнөөдрийн байдлаар АНУ-д 50 сая
хүн онлайн банкаар үйлчлүүлдэг. Онлайн банкинг нь интернет маркетингийн
хамгийн өсөлттэй байгаа салбар юм. Интернет холболтын хэрд эрчимтэй өсч байгаа
нь маш чухал үүрэг гүйцэтгэж байна. Нийт интщрнетээр үйлчлүүлэгчдийн
ойролцоогоор 44% нь интернет банкингаар үйлчлүүлдэг.
Интернет дуудлага худалдаа ч мөн маш алдартай байна. Урьд нь зөвхөн дуудлага
худалдаанд зарагддаг байсан эд зүйлс нь одоо eBay гэх мэт интернет дуудлага
худалдаануудад зарагдаж байна. Түүнчлэн дуудлага худалдаануудын хөгжил нь
эртний эдллийн болон хоюор зүйлсийн үнэд нөлөөлсөн. Хэрэв урьд нь үнийн тухай
мэдээллийг олход хэцүү байсан бол одоо дуудлага худалдаанаас үнийг нь харж
болно. Ямар нэгэн эд зүйл хэпээр худалдагдаж байсныг нь мэдэх боломжтой учраас
барааны үнийн тухай ерөнгхий ойлголттой байдаг болсон. Иймэрхүү барааны
худалдаачид улам ихээр гэртээ суунгаа бизнесээ охлайнаар эрхэлж байна.
Зар сурталчилгааны салбарт үзүүлсэн нөлөө нь урьд нь ч одоо ч маш том байсаар
байна. Хэдхэн жилийн дотор онлайн хсурталчилгааны эзэлхүүи эрчимтэй өсч, жилд
хэдэн арван сая долларт хүрээд байна. Реклам захиалагчид эрчимтэй тааллаа
өөрчилж, интернет сурталчилнаа нь радио сурталчилгаанаас илүү байр суурьтай
байна.
2. Интернет маркетингийн Монгол улс дахь хэрэгжилт
Интернет маркетинг Монгол улсад ид өсөлтийн үе дээрээ явж байна. Монгол улсад
интернет маркетингийн тодорхой хэдэн арга хэрэгслүүд хамгийн түгээмэл
ажиглагдаж байгаа нь баннеран сурталчилгаа, онлайн банкинг, интернет дэлгүүр
болон и-мейл маркетинг юм.
2.1 Баннеран сурталчилгаа
Баннеран сурталчилгаа нь интернет дахь онлайн зар сурталчилгааны хамгийн
нийтлэг хэлбэр юм. Баннер гэдэг нь таны сайт руу орох шууд холбоос бүхий график
болон хөдөлгөөнт дүрс бүхий сайтад байрлах сурталчилгаа юм. Эдгээр нь ихэнх
худалдааны ба олон сонирхогчдын вэбсайтын гялалзсан тэгш өнцөгт зар
сурталчилгааны дээд ба хажуу талд харагддаг юм. Double Click ба Link Exchange нар
нь баннерийн онлайн зар сурталчилгааг хамгийн том түгээгчид болно. Баннерын зар
сурталчилгаа нь маркетингийн кампаниар ирээдүйн мянга мянган худалдан авагчдад
хүрэх арга хэрэгсэл болдог юм.
Баннеран сурталчилгааг байршуулахдаа зорилтот зах зээлээ сегментчилвэл зохино.
Тухайн сурталчилгааны агуулгаас хамаарч ямар төрлийн сайтан дээр байршуулахаа
шийддэг. Энэ арга ч Монгол улсад хэрэгжиж байна.
- 6. Банк санхүүтэй холбоотой
баннерууд ихэвчлэн мэдээллийн
сайтууд дээр байрладаг.
Жишээлбэл, доорхи Худалдаа
Хөгжлийн банкны баннер
www.olloo.mn дээр байрлаж
байсан. Энэ нь банкны үйлчилгээ
авах боломжтой үйлчлүүлэгч
ямархуу сайтуудаар зочилж
болохыг харгалзаж үзсэн байгаа
юм. Харин төрөл бүрийн амралт
чөлөөт цагаа өнгөрүүлэх, эсвэл
худалдааны төвүүдийн баннерууд залуучуудад зориулсан www.caak.mn
www.ehlel.com зэрэг сайтуудад тавигдвал илүү үр дүнтэй байх боломжтой.
2.2 Онлайн банкинг
Онлайн банкинг буюу интернет банкинг нь бас нэгэн эрчимтэй хөгжиж буй салбар
юм. Онлайн банк нь үйлчлүүлэгчдээ гэрээсээ гаралгүй санхүүгийн харилцаанд орох
боломжийг олгодог. Онлайн банкууд нь ихэвчлэн бүх төрлийн үйл ажиллагааг нэгэн
зэрэг нэг сайтнаас явуулдаг ч тодорхой чиглэлээр дагнасан сайтууд ч байдаг. Үүний
нэг жишээ Худалдаа Хөгжлийн Банкны үндсэн сайт www.tdbm.mn боловч картаар
харилцагчдад зориулсан www.bankcard.mn сайтыг мөн ажиллуулдаг.
Монгол улсад одоогоор үйл ажиллагаа явуулж буй нийт 17 арилжааны банк байна.
Эдгээр 17 банкнаас 13 нь өөрсдийн вэбсайттай. Гэвч эдгээрийн 11 нь л интернет
банкингийг нэвтрүүлсэн байна. Энэ нь Монгол улсын нийт арилжааны банкнуудын
64,7% нь нитернет банкингийг ашиглаж байна гэсэн үг юм.
Хүснэгт 1. Монгол улсын арилжааны банкуудын вэбсайтууд
Банкны нэр Вебсайт Интернет банк
Голомт www.golomtbank.com www.egolomt.mn
Капитал www.capitalbank.mn www.capitalbank.mn
Капитрон www.capitronbank.mn www.ibank.capitronbank.mn
Монгол Шуудан www.postbank.mn www.postbank.mn
Төрийн www.zoosbank.mn www.zoosbank.mn
Хаан www.khanbank.com www.khanbank.com
Хадгаламжийн www.savingsbank.mn www.savingsbank.mn
Хас www.xacbank.mn www.xacbank.mn
Худалдаа Хөгжлийн www.tdbm.mn www.bankcard.mn
Улаанбаатар хотын www.ubcbank.mn www.ubcbank.mn
Чингис хаан www.chinggiskhaanbank.com -
Эрэл www.erelbank.mn www.ebank.erelbank.mn
Үндэсний хөрөнгө
оруулалтын
www.nibank.sr.mn -
- 7. 2.3 Интернет дэлгүүр
Интернет дэлгүүрүүд Монгол улсад ид нэвтрэлтийнхээ үед явж байна. Өнөөдрийн
байдлаар идэвхитэй үйл ажиллагаагаа явуулж буй интернет дэлгүүр хэдийн цөөн ч
цаашид хөгжих хандлагатай байна. Учир нь одоо үед хүмүүс гадуур дэлгүүр
хэсэхээсээ илүү гэрээсээ бүх ажлыг амжуулах эрмэлзэлтэй болсон.
Монгол улсад үйл ажиллагаагаа эрхэлж буй интернет дэлгүүрүүд ихэвчлэн гадаадын
орнуудаас бараа импортлон оруулж ирж борлуулдаг. Үүний нэг жишээ нь
www.shop.az.mn юм.
Интернет дэлгүүр нь цахим худалдааны сонгодог жишээ юм. Веб сайтын
тусламжтайгаар худалдаа хийж буй компани, хувь хүмүүс байж болно. Сайт нь
барааны каталог, тодорхойлолт, зураг, үнийг агуулахаас гадна online захиалгын
тусгай формтой байна. Захиалгын формоор дамжуулан бараагаа захиалж, үнийг
төлнө. Үнээ тооцоолохдоо хүргэх зардлаа оруулах хэрэгтэй. Захиалга ямар шатанд
биелэгдэж буй хянах систем байна. Худалдан авагчдын санал сэтгэгдлийн хэсэг,
хэлэлцүүлэг байна. Барааны нэр төрөл хэдэн арваас, хэдэн арван мянга байж болно.
Худалдан авагч бүрийг тогтоон барихын тулд бүртгэлийн систем байх ёстой.
Бүртгүүлээд, бараагаа сагсанд хийгээд илгээх, төлбөр хийх аргаа сонгоно. Эцсийн
үнэ гарч ирмэгц баталгаажуулна. Захиалгыг авсны дараа цахим шуудангаар дахин
баталгаажуулаад биелүүлнэ. Төлбөрийг бараа авахдаа юмуу онлайн төлбөрийн олон
аргуудыг ашиглан хийж болно. Өнөөдрийн байдлаар дэлхийн жижиглэн худалдааны
26% онлайн боллоо.
Гэвч одоохондоо Монгол интернет дэлгүүрүүд барааны сонголт багатай, мөн төлбөр
хийх нөхцөл ч муутай байна. Төлбөр хийх нөхцөл дутмаг гэдэг нь монголчууд
одоохондоо бүгд төлбөрийн карт ашиглаж сураагүй явдал юм.
2.4 И-мейл маркетинг
И-мейл маркетинг бол шууд
маркетингийн хэлбэр бөгөөд и-мэйл хаяг
ашиглан худалдааны болон зар
сурталчилгааны материал илгээх орчин
үед ихээхэн хөгжиж буй маркетингийн
идэвхжүүлэлтийн хэлбэр юм. Өөрийн
зорилтот хэрэглэгчид рүүгээ хандан
электрон шуудангаар өөрийн вэбсайт
болон бүтээгдэхүүн, үйлчилгээний тухай
мэдээллийг явуулдаг. Энэ арга нь
зорилтот хэрэглэгчиддээ хүрч чадсан
тохиолдолд үр дүнтэй идэвхижүүлэлтийн
арга хэрэгсэл юм. Гэхдээ мөн л
хэрэглэгчид спам гэж нэрлэгдэх хэрэггүй
захидлуудаас залхаж түүнийг
илрүүлэхийг хориглодог программыг
- 8. ажиллуулах болсон байна.
И-мейл маркетингийг ашигласнаар потенциал бүхий олон тооны хэрэглэгчид рүү
харьцангуй бага зардлаар мэдээлэл түгээх боломжийг олгодог. И-мэйл маркетинг нь
хамгийн найдвартай бөгөөд эрсдэл багатай сурталчилгааны хэлбэр юм. И-мэйл
маркетинг нь шууд эцсийн хэрэглэгчдэд хүрдэг хамгийн үр дүнтэй онлайн
маркетингийн хэлбэр юм. И-мэйлээр мэдээлэл хүргэх хугацаа маш богино, харин
бусад сурталчилгааг хүргэхэд нилээд хэдэн өдөр шаарддаг. И-мэйл маркетингийн
бас нэгэн давуу тал нь хянах боломжтой байдагт оршино. Таны зар сурталчилгааг
хэрэглэгч уншсан тухай статистик мэдээлэл таньд очно.
Энэ арга нилээд түгээмэл хэрэглэгдэж байгааг та өөрийнхөөрөө мейлийг тогтмол
шалгадаг бол мэдэх байх. Дээрхи зурагт и-мейл маркетингийн нэгэн энгийн жишээг
харуулсан байна.
3. Цаашид хэрэгжүүлэх санал зөвлөмж
Одоо Монголд улсад хэрэгжиж байгаа интернет маркетингаас товч жишээгээр авч
үзсэн бол одоо түүнд нөлөөлж буй хүчин зүйлүүд мөн шаардлагатай анхаарах
зүйлсүүдийг авч үзье.
3.1 Интернет үйлчилгээний ажиглалт
Монголын интернетийн зах зээлийн талаархи 4 дэх ажиглалтаа Миний компьютер
сэтгүүлийн дэргэдэх судалгааны багийнхан гүйцэтгэсэн байна. Бид ажиглалт
судалгаагаа албан ёсны статистик мэдээлэл дээр суурилан хүргэх тал дээр хичээсэн
боловч энэ талын албаны тоо баримт, мэдээллийн олдоц, судалгаа бага байдаг нь
хүндрэл болж байлаа.
1 дүгээр зураг. Интернет хэрэглэгчдийн тоо /2005-2009 он/
0
2000
4000
6000
8000
10000
12000
14000
16000
18000
2005
2006
2007
2008
- 9. 2 дугаар зураг. Интернет хэрэглээний бүтэц 2009 он
Хэдий 2009 оны интернет хэрэглэгчдийн тоо 42001 байгаа ч яг нарийн тоог гаргах
боломжгүй юм учир нь 1 интернетийн шугамын ард хэдэн ч хэрэглэгч байх
боломжтой.
Он 2007 2009 2009
Хурд 64 кб/с 256 кб/с 512 кб/с
Дундаж үнэ 20 ам. доллар 20 ам. доллар 20 ам. доллар
Хүснэгт 2. Үйлчилгээний хурд болон үнийн харьцуулалт /2007-2009 он/
Хүснэгт 1-ээс интернетийн хурд жил ирэх тусам ихсэж байгаа нь харагдаж байна.
Нийт судалгааны ажлаас интернет хэрэглэгчдийн тоо жил ирэх тусам огцом өсөж
байгаа нь харагдаж байна. Энэ нь интернет маркетингийн Монгол дахь хөгжилд
эерэгээр нөлөөлж байна.
Саяхан Хэвлэлийн Хүрээлэнгээс явуулсан судалгаагаар, судалгаанд оролцогчдын
22% нь интернэт хэрэглэдэг болсон нь мэдээлэлийн хэрэгслүүд дотроо телевизийн
сувгуудын дараа 2-р байранд орж байгаа үзүүлэлт юм. Энэ нь өмнөх оныхоос даруй
10 гаруй хувиар өссөн үзүүлэлт бөгөөд бусад мэдээлэлийн хэрэгсэлүүдийн байр
суурь 10-30%-иар буурсан байх юм. Тиймээ, интернэт бидний амьдралын салшгүй
хэсэг улам бүр болсоор байгааг дээрх судалгаа харуулж байна.
3.2 Цаашид анхаарах зүйл
Интернет маркетингад автах хэрэглэгчид нь зөвхөн интернет хэрэглэгчид
юм.Интернет маркетингийг цаашид эрчимтэй хөгжүүлэхэд таатай нөхцөл бүрдээд
Dial-up
4%
ADSL
1% Түрээсийн шугам
9%
Wireless
10% VSAT
0%
XDSL
36%
Бусад
40%
2009
- 10. байна. Тиймээс энэхүү боломжийг ашиглан интернет маркетингийг хөгжүүлэх
хэрэгтэй:
Анхаарах зүйл 1: Интернет хэрэглэгчид ямар бараа үйлчилгээ хэрэгтэй, харин ямар
нь хэрэггүй гэдгийг анхаарах
Анхаарах зүйл 2: Хэрэв интернет маркетинг хийх гэж байгаа бол энэ тухай мэдээлэл
сурталчилгаагаа интернет хэрэглэгчид ихээр үйлчлүүлдэг сайтууд, мөн зорилтот
хэрэглэгчдийнхээ зочилдог төрөлжсөн блогуудаар тавих нь зохимжтой:
Анхаарах зүйл 3: Төлбөрийн системийг сайжруулах
Анхаарах зүйл 4: Үйлчлүүлэгчиддээ эерэг сэтгэгдэл төрүүлэх. Үүнд сайтын үзэмж
дизайн ч хамаарна.
Анхаарах зүйл 5: Илүү интерактив байлгахв
Анхаарах зүйл 6: Монголд ажиллаж амьдарч буй гадаадын иргэдэд зориулсан
хэсэгтэй байх. Олон төрлийн гадаад хэл дээр сайтыг үзэж болохоор байх
Дүгнэлт
Интернет хэрэглэгчдийн тооноос интернет маркетингийн үйл явц шууд хамааралтай
болохыг бид судалгаа шинжилгээнээс олж харлаа. Сүүлийн жилүүдэд интернет
маркетинг нь өссөн. Энэ өсөлт нь интернет хэрэглэгчдийн тооноос гадна мөн тэдний
хэрэглэж буй технологиос хамаарчээ. Интернет холболтын хамгийн үзүүлэлт
муутайд нь тооцогддог байсан телефон утсаар дамжих интернетийн сүлжээ нь 2005
оноос 2008 оныг хүртэл тасралтгүй буурсаар байна. Утасгүй интернет 2005-2007
онуудад маш бага хэмжээгээр ашиглагддаг байсан бол 2008 онд огцом өссөн байна.
Ийнхүү технологийн хөгжил аажмаар гэлтгүй хурдацтай өсөж байгаа нь бидний
ажиглалтаас харагдсан. Монголд одоогийн байдлаар онлайн банкинг хамгийн өргөн
ашигдагдаж байна. Нийт монголд үйл ажиллагаа явуулдаг арилжааны банкуудын
дийлэнх нь өөрсдийн веб сайттай ба түүгээрээ дамжуулан онлайн банкингийг
хэрэгжүүлж байна.
Ашигласан ном, хэвлэл
[1] Баярмаа Д. Маркетинг. Мөнхийн үсэг. УБ.: 2007. – 29х
[2] Yap Tat Meng. Internet marketing. e-book
[3] Rob Stokes. eMarketing-Online marketing. e-book
[4] Dave Chaffey. Total e-mail marketing. e-book
[5] Халтар Т. Цахим бизнес хэрхэн эрхлэх вэ? илтгэл