Paglalahad ng Resulta ng Pananaliksik

1. PAGLALAHAD NG RESULTA NG
PANANALIKSIK

2. PAGLALAHAD NG RESULTA NG PANANALIKSIK
 Ipinahahayag sa bahaging ito ang kongkretong ibinunga at mga
natuklasan sa pag-aaral batay sa mga impormasyon o datos na
nakalap sa pananaliksik nang sa ganoon ay makapagmungkahi at
makagawa pa ng mas malalim na pag-aaral.
Halimbawa:
Ang mga mag-aaral, bagamat wala sa hilig nila ang pagbabasa ng mga aklat pampanitikan, ay
napipilitan silang magbasa sapagkat ito ay kasama sa kanilang kurikulum. Lumalabas sa pag-aaral,
maraming salik kung bakit hindi nahihilig ang mga mag-aaral na pahalagahan ang mga
pampanitikang akda sa Filipino ay dahil sa sumusunod:
1. gurong nagtuturo
2. pamamaraang ginagamit sa pagtuturo
3. kagamitang angkop sa level ng tinuturuan
4. iba pang salik

3. LAGOM, KONGKLUSYON at REKOMENDASYON
 Ilalahad sa bahaging ito ng pag-aaral ang mga
napatunayan sa pananaliksik; ang buod ng pag-
aaral; ang mga paglalahat sa pormang
kongklusyon; at ang mga rekomendasyon para sa
kalutasan at kabutihan ng mga suliranin.

4. LAGOM
 Ito ay ang maikling pahayag tungkol sa pangunahing layunin ng pag-aaral.
 Ito ay ang pinagsama-samang ideya mula sa natuklasan sa pag-aaral na
hindi na nangangailangan pa ng anumang paliwanag.
 Presentasyon ito ng kabuuan ng pag-aaral na inilalahad sa paraang payak
at tiyak.

5. DAPAT ISAALANG-ALANG SA PAGBUO NG ISANG LAGOM:
 Gumamit ng mga payak na pagpapahayag tungkol sa layunin ng pag-aaral,
mga kalahok o respondent, panahon ng pag-aaral, paraan ng pananaliksik,
instrument at disenyong ginamit.
Halimbawa:
Layunin ng pag-aaral na ito na malaman ang mga kadahilanan kung bakit kulang ang pagpapahalagang
ibinibigay ng mga mag-aaral sa pag-aaral ng Panitikang Pilipino. Ang pag-aaral ay batay sa mga naitala at
ibinigay na sagot ng mga guro at mag-aaral sa unang taon sa kolehiyo. Sa pamamagitan ng ibinigay na
mga tanong sa mga respondent at isinagawang intervyu, natuklasan ang mga sumusunod:
1. Ang pagkatuto ng mga mag-aaral sa asignaturang itinuturo ay nakasalalay sa katangiang taglay ng
mga guro.
2. Ang paggamit ng iba’t-ibang istratehiya sa pagtuturo ay nakatutulong para mapahalagahan ng mga
mag-aaral ang Panitikang Pilipino.
3. Higit na pinahahalagahan ng mga mag-aaral ang mga akdang makabago subalit may temang
makabayan.

6. KONGKLUSYON
 Ito ay mga hinuha, implikasyon o mga paglalahat batay sa mga
napatunayan.
PANUNTUNAN SA PAGSULAT NG KONGKLUSYON:
o Kailangang angkop ang ibibigay na sagot sa mga inilahad na tiyak na mga
tanong.
o Kailangang makita sa kongklusyon ang mga natutuhang patotoo sa pag-aaral.
o Kailangang ilahad ito sa isang maikli ngunit tiyak na paglalahad ng mga
kinakailangang impormasyon.
o Kailangang ipahayag sa isang daang bahagdan (100%) ng pagkamatotohanan
at kawastuhan.

7. KONGKLUSYON
Halimbawa:
Batay sa natuklasan sa pag-aaral, nabuo ang mga sumusunod na kongklusyon:
1. Mabisang-mabisa ang mga hakbang na isinasagawa sa pagsubok sa pag-unlad ng pagkatuto
sa Filipino.
2. Ang paggamit ng iba’t-ibang pamamaraan/istratehiya sa pagtuturo ng panitikan ay
nakatutulong nang Malaki upang mapahalagahan ang pag-aaral ng Filipino.
3. Ang iba’t-ibang gawain sa iba’t-ibang pamamaraan/istratehiya ay angkop na angkop at
mabisang-mabisa sa paglinang ng iba’t-ibang kasanayan sa komunikasyon.

8. REKOMENDASYON
 Inilalahad sa bahaging ito ang mungkahing maaaring makatulong sa
iniharap na suliranin o tagubilin ng mananaliksik upang lalong maging
kapaki-pakinabang ang isinagawang pag-aaral.
PANUNTUNAN SA PAGSULAT NG REKOMENDASYON:
1. Kailangang kaugnay lamang ng mga natuklasan at tinalakay sa
pagsisiyasat.
2. Kailangang magkaroon ng modelo na maisasagawa sa paraang praktikal
at kapanipaniwala.
3. Kailangang nakatuon sa tao, ahensiya o tanggapang may kakayahang
maisagawa ang inirerekomenda.
4. Ang pagkalohikal at balido ng rekomendasyon ay dapat isaalang-alang.

9. REKOMENDASYON
Halimbawa:
Ang mga sumusunod ay mga rekomendasyon bunga ng mga natuklasan sa pag-
aaral:
1. Gamitin ang iba’t-ibang pamamaraan/istratehiya sa pagkatuto ng Filipino upang
hindi sawaan ang mga mag-aaral sa talakayan.
2. Gawing malawakan ang pagpapatupad ng mga repormang pangkurikulum ng
edukasyon ukol sa pagbabago, pagpapayaman at pagpaparami ng mga mabisang
pamamaraan/istratehiya sa pagtuturo ng Filipino.
3. Hikayatin ang mga guro ng maraming pamamaraan/istratehiya sa pagtuturo upang
ang mga kakayahan at kasanayan ay lubusang malinang sa mga mag-aaral.
4. Magkaroon ng iba pang pananaliksik tungo sa makabagong pamamaraan o
istratehiya sa pagtuturo ng Filipino.

10. RITCHELLE S. DACLES
Tagapag-ulat