2. Panonood at pagbabasa ng tekstong “Kapag Naiisahan Ako ng Aking Diyos” upang
alamin kung paano nakatulong ang pandiwang panaganong paturol upang mapalutang
ang mensahe sa teksto.
https://www.youtube.com/watch?v=2Q
OQlxKG1K0
3. 1. Ano ang naunawaan sa bandang huli ng nagsasalita sa teksto
tungkol sa kinasapitan ng kaniyang mga plano sa buhay?
2. Ano ang nais ipahiwatig ng nagsasalita sa pagsasabing: “Iniisahan
ako ng aking Diyos”? Pangatuwiranan ang sagot.
3. Paano haharapin ng tao ang lahat ng mga kabiguang dumarating
sa kaniyang buhay?
4. Kung ikaw ang nasa katayuan ng nagsasalita, iisipin mo rin bang
iniisahan ka ng iyong Diyos? Bakit? Bigyan ng patotoo ang iyong
sagot.
5. Bakit ipinalalagay na impormal ang kababasa mong teksto?
Patunayan.
Pansinin ang mga salitang hango mula sa tekstong binasa (kontrolin,
pumapalpak, ginagawa, matuklasan, ipaubaya). Ano ang tawag sa
mga ito?
4. Tahasang isinasaad ng pandiwang panaganong paturol
ang kilos na ipinahahayag nito. Kadalasan ay tuwirang
ginagawa o naaapektuhan ng tagaganap ang
ipinahahayag ng kilos ng pandiwa. Lahat ng uri ng
pandiwa ay nababanghay para sa aspekto: nagsasaad
na ang kilos ay (perpektibo) naganap na,
(imperpektibo) kasalukuyang nagaganap at
kontemplatibo (kilos na gagawin pa lamang).
5. Mga Halimbawa:
1. Kumuha sa mesa ng makakain natin si Edzel. (perpektibo)
2. Nagsusuklay si Jane habang pinanonood ang mga batang naglalaro.
(imperpektibo)
3. Tiyak na magugustuhan ni Eric kapag natikman niya ang dala mong
kakain. (kontemplatibo)
4. Kaiinom lang niya ng gamot. (katatapos)
Kasama rin dito ang pang-apat na aspekto, ang perpektibong katatapos.
Nabubuo ito sa pagsasama ng panlaping ka + pag-uulit ng unang pantig ng
salitang-ugat + salitang-ugat.
Mga Halimbawa:
1. Katutuklas ko lamang na ang may pakana ng lahat ng ito ay ang aking
Diyos.
2. Kaiimbita ko sa aking Diyos na bulabugin ako sa aking buhay.
6. Bumuo ng dayalogo tungkol sa pananalig natin sa Panginoon. Gamitan ng mga ekspresyong
magpapahayag ng katotohanan.
Pamantayan Puntos
Diyalogo (Kaugnayan sa Paksa) 5
Nailapat sa sariling katauhan 5
Paggamit ng ekspresyong
nagpapahayag ng katotohanan
5
KABUUAN 15
7. Gamitin o piliin ang tamang pandiwa upang magamit ang mga ekspresyong nagpapahayag ng
katotohanan (sa totoo, talaga, tunay, iba pa).
•“Sa totoo lang (maiisahan, iniisahan, naisahan) na naman ako ng aking Diyos
kanina”.
•Tunay na hindi dinukot ng bata ang kalupi sapagkat (maiiwan, naiwan, iniiwan)
ito ni Aling Marta sa kanilang tahanan.
•“Kailangang may ebidensya tayo na siya talaga ang (kumuha, kukuha,
kumukuha) ng inyong pitaka bago natin siya ikulong”.
•“Totoong siya ang kumuha ng aking pitaka sapagkat (nararamdaman,
naramdaman, mararamdaman) ko ang kaniyang kamay noong banggain niya
ako”.
•“Tunay na madalas (inimbita, iimbitahan, iniimbitahan) ko ang aking Diyos na
bulabugin ako sa aking buhay”.
8. Sumulat ng isang maikling talatang nagsasalaysay ng pangyayaring
nagbibigay ng impormasyon tungkol sa isa sa sumusunod. Gumamit
ng mga pandiwang nasa panaganong paturol at ekspresyong
nagpapahayag ng katotohanan. Isulat sa isang malinis na papel.
A. SONA 2015
B. K to 12 isulong
C.Mr. & Ms. Nutrition
D.Pagdiriwang ng Mabini Day
E. Sariling karanasan / Karanasan ng iba