Edukasyon sa Pagkakatao, Grado 10
Module 10 - Mga Isyung Moral tungkol sa Seksuwalidad
Gloders College, Inc.
Sto. Nino, Puerto Galera, Oriental Mindoro Philippines
1. Salita ng Diyos para sa Araw na ito
”Ngunit sinasabi ko sa inyo, ang sinumang
tumingin sa isang babae nang may pagnanasa
ay nangangalunya na sa babaing iyon sa
kanyang puso”
Mateo 5:28
3. LAYUNIN
Ang mga mag-aaral ay:
Natutukoy ang mga isyung kaugnay sa kawalan ng paggalang sa
seksuwalidad
Nasusuri ang mga isyung kaugnay sa kawalan ng paggalang sa
seksuwalidad
Nakagagawa ng malinaw na posisyon tungkol sa isang isyu sa kawalan
ng paggalang sa
4. PANIMULA
Sa Baitang 8, natutuhan mo kung ano ang seksuwalidad.
Nalaman mo rin na binibigyan tayo ng hamon na buuin at
palaguin ito. Subalit sa panahon ngayon, marami tayong
makikitang mga manipestasyon na hindi na ginagalang ang
seksuwalidad. Marami tayong nakikitang mga isyu na hindi
maintindihan at natutugunan.
5. PAGGANYAK
1. Hebreo 13:4 “Dapat ituring na marangal ng lahat ang pag-
aasawa at maging tapat kayo sa isa't isa, sapagkat hahatulan
ng Diyos ang mga nakikiapid at nangangalunya.”
2. Hiniling ng isang kapitbahay ni Mela na kunan siya ng litrato
na nakabikini. Sinabi sa kaniyang maaari itong ipagbili sa
isang kompanya ng pagmomodelo at kumita ng malaking
pera. Tumanggi si Mela at sinabing ang katawan niya ay
hindi kailanman maaaring i-display.
6. PAGGANYAK
3. Si Aileen ay 15 taong gulang at miyembro ng mahirap na
pamilya. Wala na siyang interes na mag-aral mula ng paulit-
ulit siyang pagsamantalahan ng kaniyang amain. Nakilala
niya si Merly at niyaya siya nitong mamuhay sa lansangan at
magbenta ng aliw. Sumama siya rito at nagsabing lubog na
rin naman siya sa putik kung kaya’t marapat lang na ito ang
kaniyang gawin at kikita pa siya.
7. PAGPAPALALIM
◦ Ang seksuwalidad ay isang malayang pagpili at personal na tungkulin na
ginagampanan ng tao gamit ang kaniyang katawan at espiritu tungo sa
kaniyang kaganapan kaisa ang Diyos. Bawat isa sa atin ay hinahamon na
buuin at linangin ang seksuwalidad upang maging ganap ang pagiging
pagkababae o pagkalalaki.
◦ Ayon sa isang survey na ikinomisyon ng National Secretariat for Youth
Apostolate (NSYA), ang kabataang Filipino ngayon ay patuloy na
nakikibaka sa mga isyung may kinalaman sa seks at seksuwalidad.
8. Mga Isyung Moral tungkol sa Seksuwalidad
1. Pagtatalik bago ang kasal (Pre-marital sex)
Ang isang lalaki o babae ay nagkakaroon ng kakayahang makibahagi
sa pagiging manlilikha ng Diyos kapag tumuntong na siya sa edad ng
pagdadalaga o pagbibinata (puberty). Hanggang a) wala siya sa
wastong gulang at b) hindi pa tumatanggap ng sakramento ng kasal,
hindi siya kailanman magkakaroon ng karapatang makipagtalik.
9. Mga Isyung Moral tungkol sa Seksuwalidad
May iba’t ibang pananaw na siyang dahilan kung bakit ang isang tao lalo na ang
kabataan ay pumapasok sa maagang pakikikapagtalik.:
1. Ito raw ay normal at likas na gampanin ng katawan ng tao upang maging malusog siya
at matugunan ang pangangailangan ng katawan.
2. Maraming kabataan ang nag-iisip na maituturing na tama ang pakikipagtalik lalo na
kapag ang mga gumagawa nito ay may pagsang-ayon.
3. Naniniwala ang mga gumagawa ng pre-marital sex na may karapatan silang
makaranas ng kasiyahan.
4. Ang pakikipagtalik ay isang ekspresyon o pagpapahayag ng pagmamahal.
10. Mga Isyung Moral tungkol sa Seksuwalidad
2. Pornograpiya
Ang pornograpiya ay nanggaling sa dalawang salitang Griyego, “porne,” na
may kahulugang prostitute o taong nagbebenta ng panandaliang aliw, at
“graphos” na nangangahulugang pagsulat o paglalarawan. Samakatuwid,
ang pornograpiya ay mga mahahalay na paglalarawan (babasahin, larawan,
o palabas) na may layuning pukawin ang seksuwal na pagnanasa ng
nanonood o nagbabasa.
11. Mga Isyung Moral tungkol sa Seksuwalidad
Mga epekto ng pornograpiya sa isang tao:
1.Ang maagang pagkahumaling sa pornograpiya ay nagkakaroon ng
kaugnayan sa pakikibahagi ng tao o paggawa ng mga abnormal na
gawaing seksuwal, lalong-lalo na ang panghahalay.
2.May mga kalalakihan at kababaihan ding dahil sa pagkasugapa sa
pornograpiya ay nahihirapang magkaroon ng malusog na
pakikipag-ugnayan sa kanilang asawa.
3.Ito rin ay ginagamit ng mga pedophiles sa internet upang makuha
ang kanilang mga bibiktimahin.
12. Mga Isyung Moral tungkol sa Seksuwalidad
3. Mga Pang-aabusong Seksuwal
Walang pangkalahatang pagpapakahulugan ang
maaaring ibigay sa pang-aabusong seksuwal. Sa gitna
ng mga pang-aabusong ito, ang nangingibabaw na
posisyon ay ang pang-aabuso ay isinasagawa ng isang
nakatatanda na siyang pumupuwersa sa isang
nakababata upang gawin ang isang gawaing seksuwal.
13. Mga Isyung Moral tungkol sa Seksuwalidad
3. Mga Pang-aabusong Seksuwal
Karamihan sa mga nagiging biktima ng pang-
aabusong seksuwal ay ang mga bata o kabataang
may mahihinang kalooban, madaling madala,
may kapusukan at kadalasan, iyong mga
nabibilang sa mahihirap at pamilyang hiwalay
ang mga magulang.
14. Mga Isyung Moral tungkol sa Seksuwalidad
4.Prostitusyon
Ang prostitusyon na sinasabing siyang
pinakamatandang propesyon o gawain ay ang
pagbibigay ng panandaliang-aliw kapalit ng pera.
Dito, binabayaran ang pakikipagtalik upang ang
taong umupa ay makadama ng kasiyahang
seksuwal.
15. Mga Isyung Moral tungkol sa Seksuwalidad
4.Prostitusyon
Ayon sa mga pag-aaral, karamihan sa mga taong nasasangkot sa
ganitong gawain ay iyong mga nakararanas ng hirap, hindi
nakapag-aral, at walang muwang kung kaya’t madali silang
makontrol. Mayroon din naming may maayos na pamumuhay,
nakapag-aral ngunit marahil ay naabuso noong bata pa. Dahil dito
nawala ang kanilang paggalang sa sarili at tamang pagkilala kung
kaya’t minabuti na lang nilang ipagpatuloy ang kanilang
masamang karanasan.
16. Pagbubuod
Ang pagpayag, pagsasagawa, at pagiging kaugnay sa mga isyung
panseksuwalidad ay nagsasawalang-bahala sa sumusunod na
katotohanan:
1. Nilikha ng Diyos ang tao na mabuti at tumutungo sa sariling
kaganapan, at ang pagtungo sa kaganapang ito ay malaya at may
kamalayan.
2. Ang tao ay may espiritwal na kaluluwa (porma) at katawan (materyal)
na kumikilos na magkatugma tungo sa isang telos o layunin.
3. Upang marating ang kaniyang telos o layunin, kailangang gamitin ng
tao ang kaniyang isip at kilos-loob na siyang magpapasiya kung ang
kilos at pamamaraan ay mabuti o masama.
17. Pagbubuod
Ang mga seksuwal na faculdad o kakayahan ng tao ay
tumutukoy sa dalawang layuning maaari lamang
gawin ng isang babae at lalaki na pinagbuklod ng
kasal o pag-iisang dibdib: 1) ang magkaroon ng anak
(procreative) at 2) mapag-isa (unitive).