1. Эдийн засгийн онол
хичээлийн тодорхойлолт
1. Хичээлийн индекс ECT-120
2. Хичээлийн кредит 3
3. Судлах улирал Хавар
4. Урьд нь үзсэн байх хичээлийн нэр, индекс -
5. Хичээлийн зорилго:
Оюутнуудад эдийн засгийн онолын ерөнхий ойлголтуудыг танилцуулах, микро болон
макро эдийн засгийн тоо үзүүлэлтүүдэд энгийн түвшний дүн шинжилгээ хийх чадварыг
эзэмшүүлэхэд оршино.
6. Хичээлийн товч агуулга:
Эдийн засгийн онол хичээл нь микро эдийн засаг ба макро эдийн засаг гэсэн хоѐр
бүлгээс бүрдэнэ. Хичээлийн хүрээнд эдийн засгийн онолын судалгааны үндсэн асуудлуудыг
микро болон макро түвшинд хэрхэн шийдвэрлэдэг, эдийн засаг дахь агентуудын үүрэг оролцоо
ямар байдаг талаар эдийн засгийн үндсэн, энгийн ойлголт, хамаарлуудыг ашиглан судална.
Микро эдийн засгийн онол бүлгийн хүрээнд микро эдийн засагт шийдвэрлэдэг үндсэн
асуудлууд, ойлголтуудтай танилцана. Зах зээлийн тэнцвэр хэрхэн тогтдог, түүнд нөлөөлөгч
хүчин зүйлс, эрэлт, нийлүүлэлтийн мэдрэмжүүдийг бүтээгдэхүүний шинж чанар, онцлогоос
хамааруулан тодорхойлж чаддаг болно. Пүүсийн онолын хүрээнд урт ба богино хугацаа,
зардлуудын ангилалуудтай танилцана. Ашгийн тооцоог хийж чаддаг болно. Бүтээгдэхүүний
болон хүчин зүйлсийн зах зээлүүд, тэдгээрийн өрсөлдөөний хэлбэрүүд, тухайлбал төгс ба төгс
өрсөлдөөнт зах зээлүүдийн тухай судлах болно.
Макро эдийн засгийн онол бүлгийн хүрээнд Үндэсний Тооцооны Системээр макро эдийн
засгийн агрегат үзүүлэлтүүдийг хэрхэн тооцоолдог аргуудыг судална. Макро эдийн засгийн
үзүүлэлтүүдийн хоорондын уялдаа холбоог, үүнд, эдийн засгийн мөчлөг, инфляци, ажилгүйдэл
зэргийг авч үзнэ. Эдийн засгийн өсөлтийг хэмжих хэмжүүр, улс орнуудын хөгжлийн ялгаатай
байдлыг энгийн түвшинд судална. Монгол улсын эдийн засгийн тоон үзүүлэлтүүдийн
динамикийг харгалзах сэдэв тус бүр дээр харьцуулан судална.
7. Эзэмшүүлэх мэдлэг, чадвар:
Оюутнууд микро болон макро түвшний тоон үзүүлэлтүүдэд энгийн түвшний шинжилгээ
хийх чадварыг эзэмшинэ. Эдийн засгийн үндсэн ойлголтууд, үзүүлэлтүүд, тэдгээрийн логик
хамаарлуудыг тайлбарлаж сурах ба бодит эдийн засгийн төлөв байдалд онолын ойлголтуудад
тулгуурлан энгийн дүн шинжилгээ хийж сурна.
8. Хичээлийн үнэлгээ (идэвх, явц, шалгалтын оноо):
 Хичээлийн ирц. Оюутнуудыг хичээлд бүрэн суухыг шаардана. Нэг удаагийн бүртгэлийг
шалтгаангүй тасалсан тохиолдолд ирцийн онооноос 1 оноо хасагдахыг анхаарна уу.
 Бие даалт. Оюутанууд ганцаарчлан мөн баг болон сонгосон сэдвийн дагуу бие
даалтын ажил гүйцэтгэнэ. Бие даалтын ажлыг гүйцэтгэх зааврыг блогоос авах
боломжтой. Блог хаяг: http://tserendavaa-davaa.blogspot.com. Бие даалтын ажил нь
Монгол улсын эдийн засаг дахь бодит тоо баримтыг ашиглан шинжилгээ хийх
агуулгатай байна.
 Шалгалт. Явцын шалгалтыг 2 удаа авна. Шалгалтыг нөхөж авахгүй. Оюутан хүндэтгэх
шалтгаангүйгээр шалгалтад ирээгүй бол тухайн шалгалтад тэг оноо авна. Эрүүл
1

2. мэндийн шалтгааны улмаас шалгалтад ирж чадаагүй тохиолдолд эмчийн баталгаатай
магадлагаанд үндэслэн өмнөх, эсвэл дараа өгсөн шалгалтын оноогоор дундажыг
тооцно. Шалгалтын өдрүүдийг тусгайлан зарлана.
 Идэвх. Идэвхийн оноог бүрдүүлэх зорилгоор хичээлийн явцад гурван удаагийн богино
хугацааны тест (quiz) авна. Энэхүү тестүүдийн дундаж оноо нь идэвхийн оноог
бүрдүүлнэ.
 Үнэлгээний журам.
Ирц 10 оноо
Идэвх 20 оноо
Бие даалт 20 оноо
Явцын шалгалт 20 оноо
Эцсийн шалгалт 30 оноо
9. Заавал унших эх сурвалж, ном зохиол:
1. À. Áàêåé, Ð. Îðîñîî “Эдийн засгийн ухаан”,1998, 2002, УБ
2. Б. Сувд, Б. Алтанцэцэг “Экономикс”, 2000, УБ
3. Г. Миеэгомбо, Б. Сувд “Зах зээлийн эдийн засгийн онол, практикийн үндэс”, 1997, УБ
4. Г.Менкю “Микроэкономикс”, 2008, УБ
5. К. Р. Макконелл, С. Л. Брю “Экономикс”, 1993, (англи, орос хэлээр)
6. П. Самуельсон, В. Нордхаус “Экономикс”, 1993 (англи, орос хэлээр)
Нэмэлт унших материалууд:
1. Б. Баярдаваа, Д. Гансүлд. “Микро экономикс”, 2005, УБ
2. Б. Баярдаваа, Д. Гансүлд. “Макро экономикс”, 2005, УБ
3. Ï. Æàñðàé “Эдийн засгийн ухаан”, 2003, УБ
4. Ð. Àìàðæàðãàë, Ä. Батжаргал, Æ.Батхуяг “Эдийн засгийн ухаан”,1992, 2000, УБ
5. Б. Алтанцэцэг, Б. Отгонтөгс. “Макро эдийн засаг”, 2005, УБ
6. Монгол улсын статистикийн эмхтгэл 1990-2009, Үндэсний статистикийн газар, УБ
7. Монгол Банкны жилийн тайлан 1998-2009, Монгол Банк, УБ
Хичээлийн тодорхойлолтыг боловсруулсан багш:…………………………/Ц.Цэрэндаваа/
2010 он
2