Көк байрағым биікте желбірей түс!

1. 1
Көк байрағым биікте желбірей түс!
Еркін елде өскен ұрпақтың рухы әрдайым биік болуы тиіс.Осы орайда
бүлдіршіндерді өршіл, намысшыл, елжанды, Отаншыл патриот болуға
үйретудемін.
Дәл қазіргі өзгермелі заманда "Мәңгілік ел" идеясын насихаттауға дөп
келіппін. Елбасымыз Нұрсұлтан Назарбаев әрқашан "Күшіміз -
жауапкершілікте.Бірлігіміз - әралуандықта.Еркіндігіміз - келісімде.
Абыройымыз - игілікте. Қауіпсіздігіміз - ашықтықта. Тәуелсіздігіміз -
серіктестікте. Болашағымыз - бүгінде", деп әрдайым осы жеті тірекке
сүйенеді. Тәуелсіздік таңы атып, егемен ел атанып, шекарамызды шегендеген
сәттен бастап, ұлттық идея мәселесі белсенді қолға алынды.
Осы сәттен бастап, тәрбиешілер қауымы да ұлттық идеямызды берік
ұстау үшін тер төгудеміз. Ұлттық идея - туған жер, өскен орта әсерлерінен
қалыптасып, халықтың тілі, ауыз әдебиеті, салт - санасы, әдет - ғұрпы,
ырымдары мен тыйымдары арқылы жүйеленген этностық сезім. Міне,
өскелең ұрпақтың бойына осы құндылықтарды сіңіре алсақ, әрбір қазақтың
перзенті болашақта "Мәңгілік ел" орнатудың қозғаушы күші болары
күмәнсіз. Әрине, бұл орайда сүбелі жұмыстар жүргізу біздің еншімізде.
Жүйткіген уақыт - ай десеңізші! Тәуелсіздік таңы атқанына 25 жылдың
жүзі болып қалыпты. Бірлігіміз арқасында аға - апаларымыз еліміздің
жүрегі, тәуелсіздігіміздің тірегі Елорданы тұрғызғанына куә болдық. Иә,
мектеп қабырғасында Тәуелсіздік батырлары Қайрат, Ербол, Ләззат сынды
ержүрек аға - апаларының ерлігін кітаптан оқып өстік. Тәуелсіздік аясында
"Қазақ халқы хандығына 550 жыл", "Қазақстан халқы Ассамблеясына 20 -
жыл" мерекелерінің де бірліктің арқасында аталып өткені біз үшін үлгі -
өнеге. Тәуелсіз Қазақ елінің Көк байрағын өз қолымен тұңғыш көтеріп, ата -
бабамыз ғасырлар бойы армандаған тәуелсіз Қазақстан мемлекетін құрған

2. 2
Елбасымыз Нұрсұлтан Назарбаевтың аз жылдың аясында елімізді әлемге
танытқанын достарымның да түсіне білгені қуантады. Тәуелсіздік – тәу етер
жалғыз киеміз. Қазақ елі Тәуелсіздігінің 25 жылдығына аяқ бастық. Осынау
тәуелсіздігіміздің тұғыры бекіп, еліміз еңсесін көтерген тұста мемлекеттік
тілдегі кітапханада да біраз ауқымды істердің атқарылып, ана тіліне көбірек
көңіл бөлініп келеді.
Бұл тұста Елбасымыздың "Қазақ қазақпен қазақша сөйлессін" деген
даналық сөзі есіме түседі. Тәуелсіздіктің тірегі, қазақ халқының қанына
біткен ынтымаққа ынтызар пейілі мен бірлікке деген берекелі ниетінің өзегін
насихаттау мұғалімдердің басты міндетіне айналды. Елбасы Н.Ә.Назарбаев
мемлекетімізде тілдердің даму барысын биылғы дәстүрлі Жолдауында «бұл
– Тәуелсіздіктің орасан зор жетістігі» деп бір-ақ ауыз сөзбен жеткізген жоқ
па? Сондықтан әрбір қазақстандықтың көкейінде "Тәуелсіздік бізге не
берді?" деп емес, "Біз тәуелсіздікке не бердік?" деген сауал тұруы тиіс.
Иә, Қазақстан Тәуелсіз ел атанды. Ал, алыстағы қандас
бауырларымыздың өз туған жерімізде бас қосып, біріккеніміз Тәуелсіздікке
қол жеткізгеніміздің бір куәсі іспеттес.Тәуелсіз - ел болу дегеніміз кеудеңді
кере дем алып, еңсеңді көтере ұрпақтан-ұрпаққа мұра болып келе жатқан
салт-дәстүріңді, тіліңді, дініңді қастерлеу. Сонымен қатар кітапханаға жыл
сайын барып, «Тәуелсіз Қазақстанның тарихи кезеңдері», «Желтоқсан –
тәуелсіздіктің ұлы рухы», «Тәуелсіздік – ел тірегі», «Әр жүректе –
Қазақстан» сияқты іс-шараларға ат салысуым да өскелең ұрпақты ұдайы
Тәуелсіздікті дамытуға күш салғаным деп білемін. Тәуелсіздік менің ана
тілімді қайтарды. Сондықтан да мен үшін Тіл мен Тәуелсіздік - егіз ұғым.
Уақыт көші оза келе сол қасиетті Ана тіліміз Тәуелсіздік туына айналды.
Халқымызға ғасырлар бойғы арман болған тәуелсіздік, егемендк
ұстанымдарын биікке көтеретін күн – мен тәрізді тәрбиеші үшін қастерлі
мереке. Бұл мереке күнтізбеде «Қазақстан Республикасының мемлекеттік
тәуелсіздігі туралы» Конституциялық Заңының 1991 жылы 16 желтоқсанда
қабылдануына байланысты тұрақты түрде аталып өтілуде. Тәуелсіздігімізді

3. 3
жариялағаннан бергі мезгіл ішінде көптеген елеулі табыстарға қол жеткіздік.
Бұл Президентіміздің жүргізіп отырған парасатты саясатының нәтижесі –
Еліміздің тыныштығы мен қауіпсіздігінің, көп ұлтты Қазақстан
халқының жарастығы мен ынтымақтастығының арқасында болып отыр.
Еліміздің тәуелсіздігі мен мемлекеттілігінің орныға түсуі, ұлттық
қауіпсіздігі, экономикамыздың жедел қарқынмен дами беруі, Қазақстан
халықтарының өз болашақтарына деген берік сенімі, қазіргі замандағы
өркениетті қауымдастық ортасында іргелі елге айналуы – стратегиялық
негізгі бағыттарды құрайды. Сондықтан бұл күн жас мемлекетіміз үшін –
біртұтас елдіктің, ынтымақтастық пен татулықтың, сонымен қатар, өткенге
деген тағзымды са-лауат пен болашаққа деген сенімді үміттің мерекесі болып
табылады.
Мен Тәуелсіздікке не бере алдым? Еліміздің ұлы тарихына, ата-баба
рухына, аға ұрпақтардың қаһармандық өмір жолына құрметпен басымызды
иіп, Отанымыз – Қазақстанға деген құрметтеу сезімін әкелетін осынау мереке
күні алға қарай тағы да берік сеніммен қарап, болашақтың тыныш өмірінің
негізін қалау үшін қазір де бұл бағыттағы іс-әрекетті жалғастырып келемін.
Қоғамдық өмір сабақтары мен Отанымыздың мүддесі қазіргі таңда
патриоттық дәстүрге сай келетін жаңа талаптарды алдымызға қойып отыр.
Ата-бабаларымыздың жүрегінде тәуелсіздік үшін күресу мақсаты тұрған
болса, біздің алдымызда оны нығайта түсу міндеті тұр емес пе? Елімізді бұл
күнге дейін жеткізген ұмытылмас оқиғалар – ел қорғау соғыстары, ұлт-
азаттық көтерілістері, ата-бабаларымыздың қандай ауыртпалықты да көтере
білген, жасымайтын асқақ жігерлі рухы, қайтпайтын табандылығы - өшпес
өнеге, өлмес мұра ретінде сақталуға тиіс. Бұл тікелей мен тәрізді тәрбиешіге
жүктеледі. Осындай мүддеден шықсам менің Ұлы дала перзенті ретінде
өзімді-өзім көрсете алғаным.Ендеше, бүлдіршіндерді тәрбиелеуде еңбегімізді
еселей түсейік!