1. CALIBUNGAN HIGH SCHOOL
Calibungan, Victoria, Tarlac
IPINO SA PILING LARA
Bb. Rio M. Orpiano
IKAAPAT NA MARKAHAN
LINGGO 1
Pagsulat ng Katitikan ng Pulong
4. Bukod sa may mga pangunahing nangunguna sa pagpupulong, marahil
ang ilan naman ay nakikinig at naglilista ng mga tinatalakay sa pulong.
5. Mahalaga ang paglilista ng mga impormasyong nakalap sa isang
pagpupulong at samakatuwid laging nagtatalaga ang nangunguna sa pulong
ng isang sekretarya o tagarekord ng mga pinag-usapan sa pulong.
6. Ang mga nailista o nairekord ng sekretarya ang siya nating
tinatawag na “Katitikan ng Pulong” o Minutes of the
Meeting sa ingles.
7. Opisyal na tala o rekord ng mahahalagang puntong napag-
usapan sa pulong ng isang organisasyon ang katitikan. Sa
Ingles, ito ang tinatawag na minutes.
8. Sa paggawa ng katitikan inililista ang mga pangalan ng mga dumalo sa pulong
maging ang pangalan ng mga taong inaasahang kasama sa pulong ngunit hindi
nakadalo. Isinusulat din ang oras kung kalian nagsimula at nagtapos ang pulong.
Inirerekord dito ang mga pinag- usapan, napagkasunduan, at ang mga
usaping natugunan sa pulong.
9. Isinusulat din kung sino ang mga taong magsasagawa ng aksiyon upang
matugunan ang isang isyu at ang inaasahang panahon kung kailan ito dapat
maisakatuparan. Isinusulat din kung may mga suhestiyong inilatag sa pulong
at kung sino ang nagrekomenda nito.
10. Kung sakaling may nangyaring botohan sa pulong, itinatala kung ano
ang isyung pinagbotohan at ang resulta nito kasama ang pangalan ng
mga taong nakibahagi sa botohan at ang naging panig ng bawat isa.
14. Mas madaling makita at mabalikan ang mga napag-usapang
hakbang, mga dapat isagawa, at iba pang impormasyon
upang maisakatuparan ang proyekto.
15. Maiiwasan din ang hindi pagkakaunawaan at pagtatalo
dahil nakatala kung anuman ang napagkasunduan ng
lahat ng dumalo sa pulong.
16.
17. Nakasalalay ang haba ng katitikan sa mga napag-usapang desisyon sa
loob ng isang pulong. Higit itong magiging mahaba kung detalyado
ang mga napag-usapang desisyon at kumplikado o malaking usapin
ang napag-usapan.
18. Maaaring sinasagot lamang ng katitikan ang 5Ws at H
(Who, What, Where, When, Why, at How) o Sino, Ano,
Saan, Kailan, at Paano.
19. Kung walang katitikang nakatala, maaaring hindi maging
gayon kalinaw at maaaring maisulat ng iba ang
nakatakdang dapat isulat ng isa.
20.
21. Bilang paglalagom sa araling ito, punan ng angkop na salita ang hinihingi ng
bawat patlang upang mabuo ang pahayag. Nasa kahon ang mga pagpipilian.
PANUTO:
opisyal pulong pangalan
nakatalata pagrerekord
22. Laging nasa katitikan ang __________ ng organisasyong
nagpulong, petsa, oras, lugar, at pangalan ng mga dumalo at hindi
nakadalo.
opisyal pulong pangalan
nakatalata pagrerekord
23. Ang katitikan ay __________ na tala ng
mahahalagang desisyong napag-usapan sa isang
organisasyon.
opisyal pulong pangalan
nakatalata pagrerekord
24. Maaaring nakasulat ang katitikan nang
__________ o nakatalahanayan.
opisyal pulong pangalan
nakatalata pagrerekord
25. Sa pagsulat ng katitikan, kailangang nakatala ang
pinakaimportanteng desisyong napag- usapan sa
__________.
opisyal pulong pangalan
nakatalata pagrerekord
26. Makatutulong sa pagsulat ng katitikan ang
__________ ng mga napag-usapan.
opisyal pulong pangalan
nakatalata pagrerekord
27.
28. Sumulat ng isang talata tungkol sa kahalagahan ng Katitikan ng Pulong. Isulat ito
sa kahon.
PANUTO:
29. *Naisulat nang malinaw at organisado ang talata – 5 puntos
*Naisulat nang malinaw subalit may kailangang itama sa
paggamit ng bantas – 3 puntos
*Walang kinalaman sa paksa ang naisulat. – 1 puntos
PAMANTAYAN:
Editor's Notes
Let us learn something big today! Creative Nonfiction is on its way!
Be creative and wise for the new lesson that I am going to share with you for the
first week in Creative Nonfiction, quarter three. I am Ma’am Rio Orpiano, your
teacher radio broadcaster, I will be with you for the next 30 fruitful minutes of
learning.
Bago natin simulan ang ating paksa, nais ko munang balikan natin ang mga natalakay nating aralin o mga sulating akademiko noong nakaraang markahan. Natapos natin ang mga sulating akademiko gaya ng Abstrak, Sintesis o Buod, Bionote, Panukalang Proyekto at Talumpati. Sa pagsisimula ng unang linggo ng ikaapat na markahan, ipagpapatuloy natin ang pagtalakay sa iba pang natitirang sulating akademiko.
Ngayong umaga, tatalakayin natin ang isang akademikong sulatin na kung saan ay masusubok ang ating galing sa pag-oorganisa ng mga ideya. Upang magkaroon kayo ng ideya sa sulating ito, bibigyan ko kayo ng isang pahiwatig sa pamamagitan ng larawang ito. Ang larawang ito ay makikita sa inyong kompendyum at sa inyong group chat. Ano ang ipinakikita sa larawang ito? Mahusay! Ipinakikita sa larawang ito ang isang pagpupulong. Naranasan mo na bang makasali sa isang pagpupulong? o di kaya’y manguna sa isang pagpupulong?
Ano-ano ang karaniwang ginagawa ng mga taong kalahok sa isang pagpupulong? Bukod sa may mga pangunahing nangunguna sa pagpupulong, marahil ang ilan naman ay nakikinig at naglilista ng mga tinatalakay sa pulong.
Mahalaga ba ang paglilista ng mga impormasyong nakalap sa isang pulong? Mahalaga ang paglilista ng mga impormasyong nakalap sa isang pagpupulong at samakatuwid laging nagtatalaga ang nangunguna sa pulong ng isang sekretarya o tagarekord ng mga pinag-usapan sa pulong.
Ang mga nailista o nairekord ng sekretarya ang siya nating tinatawag na “Katitikan ng Pulong” o Minutes of the Meeting sa ingles. Iyon ang akademikong sulatin na ating tatalakayin ngayong umaga.
Handa na ba kayong makinig? Kung gayon, atin munang alamin kung ano ang Katitikan ng Pulong. Opisyal na tala o rekord ng mahahalagang puntong napag-usapan sa pulong ng isang organisasyon ang katitikan. Sa Ingles, ito ang tinatawag na minutes. Hindi ito nangangahulugang minu-minuto ang pagtatala ng mga detalyeng napag-usapan. Mahahalagang detalye lamang ang kailangang itala at hindi ang verbatim o ang bawat salitang binanggit sa pulong. May mga pagkakataong hinihingi ang verbatim na tala ng katitikan ngunit hanggang maaari, higit na kapaki-pakinabang sa mga mambabasa at magrerebyu ng katitikan na tingnan at analisahin lamang ang mahahalagang punto sa isang pulong. Higit itong magiging madali at produktibo sa mga taong nangangailangan ng katitikan.
Sa paggawa ng katitikan inililista ang mga pangalan ng mga dumalo sa pulong maging ang pangalan ng mga taong inaasahang kasama sa pulong ngunit hindi nakadalo. Isinusulat din ang oras kung kalian nagsimula at nagtapos ang usaping natugunan sa pulong.
Isinusulat din kung sino ang mga taong magsasagawa ng aksiyon upang matugunan ang isang isyu at ang inaasahang panahon kung kalian ito dapat maisakatuparan. Isinusulat din kung may mga suhestiyong inilatag sa pulong at kung sino ang nagrekomenda nito.
Kung sakaling may nangyaring botohan sa pulong, itinatala kung ano ang isyung pinagbotohan at ang resulta nito kasama ang pangalan ng mga taong nakibahagi sa botohan at ang naging panig ng bawat isa.
Dumako naman tayo sa Kahalagahan ng Katitikan.
Mahalaga ang katitikan sapagkat hindi lahat ng mapag-uusapan sa isang pulong ay maaalala ng bawat dumalo. Sa pamamagitan nito, mas madaling mababalikan anumang oras ang mga napag-usapan o napagkasunduan sa pulong.
Makatuutlong din ito sa mga taong hindi nakarating sa pulong dahil naisusuma nito ang mahahalagang napag-usapan.
Makatutulong din ito nang malaki sa mga gawaing aksiyon para sa isang proyekto o gawain dahil mas madaling makita at mabalikan ang mga napag-usapang hakbang, mga dapat isagawa, at iba pang impormasyon upang maisakatuparan ang proyekto.
Maiiwasan din ang hindi pagkakaunawaan at pagtatalo dahil nakatala kung anuman ang napagkasunduan ng lahat ng dumalo sa pulong.
Dumako naman tayo sa Kahalagahan ng Katitikan.
Nakasalalay ang haba ng katitikan sa mga napag-usapang desisyon sa loob ng isang pulong. Higit itong magiging mahaba kung detalyado ang mga napag-usapang desisyon at kumplikado o malaking usapin ang napag-usapan. Maaring isulat ito nang verbatim sa mga bahaging kailangang itala o sipiin ang mga mismong pahayag ng nagsasalita o sa mahahalagang impormasyon na kailangang tandaan.
Sa maliit at simpleng usapin, kadalasang hindi detalyado ang ginagawang katitikan at nakalista lamang ang mahahalagang puntong napag-usapan. Maaaring sinsagot lamang ng katitikan ang 5Ws at H (Who, What, Where, When, Why, at How) o Sino, Ano, Saan, Kailan, at Paano. Sa ganitong paraan, mas madali at mabilis na mababalikan ang mahahalagang punto ng pulong.
Kung walang katitikang nakatala, maaaring hind imaging gayon kalinaw at maaaring maisulat ng iba ang nakatakdang dapat isulat ng isa. Higit na nakatulong ang katitikan sapagkat walang nasasayang na oras at talino ng mga taong dumalo ng pulong at naiiwasan ang pagdodoble ng trabaho dahil sa malinaw na nakatala ang napag-usapan. Higit pa, makatutulong ito sa mga taong hindi nakadalo ng pulong na nais na makapag-ambag o malaman ang mga napag-usapan sa pulong.
Natapos na ang ating talakayan sa Katitikan ng Pulong at sa mga konseptong kaugnay nito. Sa susunod na linggo, kayo ay susuri ng isang halimbawa ng Katitikan ng Pulong. Kung kayo ay may katanungan at may bahagi sa ating tinalakay na nais bigyang-linaw, maaari kayong makipag-ugnayan sa akin sa pamamagitan ng messenger, sa aking profile na Rio Magadia Orpiano. Para sa inyong gawain, makikita ito sa inyong sagutang papel.
Bilang paglalagom sa araling ito, punan ng angkop na salita ang hinihingi ng bawat patlang upang mabuo ang pahayag. Nasa kahon ang mga pagpipilian. Ang mga pagpipilian ay opisyal, pulong, pangalan, nakatalata at pagrerekord.
Una, Laging nasa katitikan ang __________ ng organisasyong nagpulong, petsa, oras, lugar, at pangalan ng mga dumalo at hindi nakadalo.
Ikalawa, Ang katitikan ay __________ na tala ng mahahalagang desisyong napag-usapan sa isang organisasyon.
Ikatlo, Maaaring nakasulat ang katitikan nang __________ o naka-talahanayan.
Ikaapat, Sa pagsulat ng katitikan, kailangang nakatala ang pinakaimportanteng desisyong napag- usapan sa __________.
At ikalima, Makatutulong sa pagsulat ng katitikan ang __________ ng mga napag-usapan.
Para naman sa inyong Pangwakas na Gawain
, sumulat ng isang talata tungkol sa kahalagahan ng Katitikan ng Pulong. Isulat ito sa kahon.
Mamarkahan ang gawain sa pamamagitan ng pamantayang ito. Limang puntos kung naisulat nang malinaw at organisado ang talata. Tatlong puntos naman kung naisulat nang malinaw subalit may kailangang itama sa paggamit ng bantas at isang puntos naman kung walang kinalaman sa paksa ang naisulat.
