Recommended
Recommended
More Related Content
Similar to 4TH FSPL WEEK 6 ADYENDAADYENDAADYENDAADYENDAADYENDAADYENDA.pptx
Similar to 4TH FSPL WEEK 6 ADYENDAADYENDAADYENDAADYENDAADYENDAADYENDA.pptx (20)
More from RioOrpiano1
More from RioOrpiano1 (20)
Recently uploaded
Recently uploaded (20)
4TH FSPL WEEK 6 ADYENDAADYENDAADYENDAADYENDAADYENDAADYENDA.pptx
- 2. Calibungan, Victoria, Tarlac Bb. Rio M. Orpiano
- 5. POSISYONG PAPEL Ang posisyong papel ay isang paraan upang ipahayag ang paninindigan. Ito ay sanaysay na naglalahad ng mga opinyon tungkol sa partikular na paksa o usapin. Dito, kailangang pumosisyon sa isang panig. Anuman ang posisyon, kailangang magbigay ng malinaw at matatag na argumento at mga makatuwirang ebidensiyang susuporta sa mga ito sa kabuuan ng papel. Layunin nito na kumbinsihin ang mga mambabasa na may saysay at bisa ang mga argumentong inihain sa kanila.
- 6. Ang pagtatakda ng isang gawain na dapat maisakatuparan ay isang bagay na dapat paghandaan sa lahat ng aspeto ng pamumuhay. Marapat itong planuhing maigi upang matiyak ang tagumpay sa magiging resulta nito higit lalo kung mayroong mga taong kabilang o kabahagi sa gawaing ito.
- 7. Upang maisakatuparan ang maiging pagpaplano ng mga tagapanguna at mga kabahagi ng isang samahan, inaasahan ang paghaharap ng bawat isa o ang pagkakaroon ng isang pulong.
- 9. Ito ay kalipunan ng mga usapin na mabibigyang pansin sa isasagawang pagpupulong. ADYENDA
- 10. Ang adyenda ay isang sulatin na naglalaman ng lahat ng usapin na dapat pag- usapan o talakayin sa isasagawang pagpupulong. Ito’y nagsisilbing balangkas o plano ng mga paksaing isa-isang pag- uusapan at tutugunan. ADYENDA
- 11. Ang pagbuo ng adyenda para sa isasagawang pagpupulong ay mahalaga upang mapanatili sa pokus na usapin ang daloy ng pagtitipon. Naiiwasang matalakay ang mga paksang walang kinalaman sa pagpupulong kapag may nakahandang adyenda na nagsisilbing gabay ng bawat kabilang sa pagtitipon.
- 13. May sinusunod na balangkas ang ganitong uri ng adyenda. Isinasaalang-alang dito ang klase ng pagpupulong na isasagawa, listahan ng mga fasiletaytor, at mga inaasahang kalahok sa pagpupulong. PORMAL
- 14. Hindi tulad ng pormal na agenda, ang impormal na agenda ay hindi nagtataglay ng madetalyeng usapin. Kadalasang isinasagawa ang ganitong adyenda para sa mga biglaang pagpupulong. IMPORMAL
- 15. Ang pinakakontrobersyal na usapin ay dapat ilagay sa pinakahuling prayoridad na dapat pag-usapan upang hindi maubos ang oras o maiwasan ang pagbababad sa iisang paksa lamang. PRAYORIDAD
- 16. May nakatakdang oras para sa pagtalakay sa mga paksa sa ganitong adyenda. Naglalaan ng eksaktong oras o minuto para pag-usapan ang isang tiyak na usapin sa pamamagitan ng mga itinakdang agwat ng oras para sa bawat isyung tutugunan o pag-uusapan. TIMED O NAKAORAS
- 17. Upang magbigay ng impormasyon. DALAWANG LAYUNIN: Upang manghingi ng pagtugon.
- 18. 09127180418
- 19. Basahin at suriin ang isang halimbawa ng adyenda. Makikita ito sa inyong sagutang papel. Matapos nito’y sagutin ang mga sumusunod na tanong upang magsilbing gabay sa pagsusuring isasagawa. AKTIBIDAD :
- 20. Lokasyon: Bulwagan ng Paaralan Petsa at Oras: Ika-30 ng Oktubre taong 2019, 3:00 n.h. Tagapangasiwa: Pangulo sa Departamento ng Filipino *Introduksyon *Pagtala ng Bilang ng Dumalo *Pagpresenta at Pagtalakay sa Adyenda (Pagpaplano para sa pagdiriwang ng Buwan ng Wika) -Petsa ng pagdiriwang -Skedyul ng klase -Balangkas ng programa -Pagtatalaga ng mga tagapamahala -Listahan ng mga magpeperform -Palamuti sa entablado. *Karagdagang Impormasyon o Tanungan *Pangwakas na Salita.
- 21. Mga Gabay na Tanong: Nailahad ba sa adyenda kung saan patungkol ang isasagawang pagpupulong? Ipaliwanag ang sagot. Naitala ba ang mahahalagang detalye para sa isasagawang pagpupulong? Ipaliwanag ang sagot. Makatotohanan ba ang mga paksang tatalakayin sa naipakitang halimbawa? Ipaliwanag ang sagot. Kung may nais kang baguhin, idagdag o ibawas sa ipinakitang halimbawa, ano ito at bakit nais mo itong baguhin? Ipaliwanag ang sagot.
- 22. Mula sa mga kaalamang nakapaloob sa natalakay na aralin, umisip ng isang paksa na nais pagpulungan kasama ang mga kamag-aral at guro. Sumulat ng isang adyenda para rito. PANGWAKAS NA GAWAIN:
- 23. Napapanahon at kapaki-pakinabang ang napiling paksa. – 10 puntos Angkop at maayos ang pagkakasunud-sunod ng mga bahagi at paksang tatalakayin. – 10 puntos Espesipiko at pokus sa mga puntong dapat pag- usapan. – 10 puntos KABUUANG MARKA: 30 puntos PAMANTAYAN SA PAGMAMARKA:
- 24. Calibungan, Victoria, Tarlac Bb. Rio M. Orpiano
Editor's Notes
- Mula sa nangniningas na munting pluma ni Rizal ay ang nag-aalab na damdamin ng isang kabataang pinaigting ng pangarap at determinasyon sa buhay. Palawakin ang kaalaman sa gintong biyayang ipinagkaloob ng Maykapal. Kayo’y nakikinig sa 87.6 Tatak CHS (Campus Radio)!
- Mapagpalang araw mga minamahal naming mag-aaral sa Baitang Labindalawa. Halina’t matuto at ating pagsaluhan ang panibagong leksiyon sa asignaturang Filipino sa Piling Larang para sa ikatlong linggo ng ikaapat na markahan. Sa pamamagitan ng radyo at maging sa fb livestreaming sa tulong ng streamyard, makakasama ninyo ang inyong lingkod, Bb. Rio Orpiano, mula sa Calibungan High School.
- Patuloy kayong nakikinig sa 87.6 Tatak CHS (Campus Radio)! Ang oras ay ________ minuto, makalipas ang ika-walo ng umaga – araw ng biyernes, ika-apat ng Hunyo, dalawanlibo’t dalawampu’t isa.
- Paalala, sa pagsisimula ng ating talakayan (PAUSE) siguraduhin lamang na inyong magagampanan ang mga sumusunod: Una, siguraduhing kayo’y nasa isang komportableng lugar at maayos na nakikinig sa ating live broadcast. Ikalawa, kailangang may laman ang inyong mga sikmura upang mas maging epektibo at mabunga ang ating talakayan (PAUSE) at ang huli, siguraduhing hawak na rin ninyo ang inyong compendium para sa linggong ito. Mas mainam rin kung may mga nakahanda kayong kwaderno o papel para sa pagtatala o paglilista ng mga mahahalagang detalye ng mga tatalakaying paksa.
- Bago natin simulan ang ating paksa, muli nating sariwain ang mga leksiyong tinalakay natin noong nakaraang linggo. Ano nga bang sulating akademiko ang ating tinalakay noong nakaraang sesyon? (MUSIC) Mahusay! Ito ay ang posisyong papel. Ang posisyong papel ay isang paraan upang ipahayag ang paninindigan. Ito ay sanaysay na naglalahad ng mga opinyon tungkol sa partikular na paksa o usapin. Dito, kailangang pumosisyon sa isang panig. Anuman ang posisyon, kailangang magbigay ng malinaw at matatag na argumento at mga makatuwirang ebidensiyang susuporta sa mga ito sa kabuuan ng papel. Layunin nito na kumbinsihin ang mga mambabasa na may saysay at bisa ang mga argumentong inihain sa kanila. (PAUSE) Ngayong araw, mayroon na naman tayong isang panibagong akademikong sulatin na tatalakayin. Handa na ba kayo? (PAUSE) Kung handa na,simulan na natin ang ating talakayan.
- Ang pagtatakda ng isang gawain na dapat maisakatuparan ay isang bagay na dapat paghandaan sa lahat ng aspeto ng pamumuhay. Marapat itong planuhing maigi upang matiyak ang tagumpay sa magiging resulta nito higit lalo kung mayroong mga taong kabilang o kabahagi sa gawaing ito. Kinakailangan na ang anumang gawain ay dapat dumaan sa maiging pagpaplano at maiharap sa mga taong maaepektuhan o makikinabang dito nang sa gayo’y makapagbahagi sila ng kanilang pagsang-ayon o suhestiyon kung hindi kombensido sa mungkahing gawain ng mga tagapanguna ng isang samahan. Bawat hakbang na isasakatuparan ay inaasahang maihahayag ng maayos at malinaw sa madla upang matiyak ang kanilang pagsang-ayon o di kaya’y kabatiran sa anumang bagay na dapat maisakatuparan.
- Upang maisakatuparan ang maiging pagpaplano ng mga tagapanguna at mga kabahagi ng isang samahan, inaasahan ang paghaharap ng bawat isa o ang pagkakaroon ng isang pulong. Karamihan sa mga miyembro ng isang samahan ay hindi nakikibahagi sa ganitong klase ng pagtitipon dahil sa iba’t ibang rason at isa sa mga dahilan kung bakit iniiwasan nilang makibahagi sa pagpupulong ay dahil sa oras o panahon na kinakailangan nilang ilaan para sa pagtitipon mismo. (PAUSE) Ano – ano nga ba ang mga dahilan kung bakit tumatagal ang isang pagtitipon o pagpupulong? Paano kaya mapadadali at mapaiiksi ang oras na kailangan gugulin para sa pagsasakatuparan nito?
- Kung ikaw ang magiging tangapanguna o tagapagpadaloy ng isasagawang pagpupulong, ano-ano ang mga dapat mong ihanda bago, habang at matapos ang pagpupulong upang matiyak na magiging maayos ang pagsasakatuparan nito? Para sa inyong panimulang gawain, makikita ito sa inyong sagutang papel. Ilista ang mga nararapat na tandaan bago, habang at pagkatapos ng pagpupulong. Isulat ang mga ito sa inyong sagutang papel. Ang aktibidad na ito ay ipapasa sa susunod na iskedyul ng pagpapasa ng mga awtput.
- Ang sistematiko at organisadong pagpupulong ay kailangang nakaplano. Ang bawat paksang dapat mapag-usapan ay inaasahang nakabalangkas nang maayos upang walang makaligtaan at maiiwasan ang pagsasayang ng oras sa talakayan. Ang pagbabalangkas ng mga paksang dapat matalakay sa pagpupulong ay dapat maipabatid sa mga tagapanguna at mga dadalo sa pagtitipon. Ang balangkas ng mga paksang mapag-uusapan sa isang pagtitipon ay tinatawag na adyenda. Ito ay kalipunan ng mga usapin na mabibigyang pansin sa isasagawang pagpupulong.
- Ang adyenda ay isang sulatin na naglalaman ng lahat ng usapin na dapat pag- usapan o talakayin sa isasagawang pagpupulong. Ito’y nagsisilbing balangkas o plano ng mga paksaing isa-isang pag-uusapan at tutugunan. Inihahanda ang sulating ito ilang araw bago ang isasagawang pagpupulong upang maipamigay sa mga inaasahang kalahok sa pagtitipon. Kasabay ng imbitasyon, ang agenda ay ipinamimigay sa mga kalahok o kung minsan ito na mismo ang nagsisilbing imbitasyon.
- Ang pagbuo ng adyenda para sa isasagawang pagpupulong ay mahalaga upang mapanatili sa pokus na usapin ang daloy ng pagtitipon. Naiiwasang matalakay ang mga paksang walang kinalaman sa pagpupulong kapag may nakahandang adyenda na nagsisilbing gabay ng bawat kabilang sa pagtitipon. Nakatutulong din ito sa bawat nilalang na inaasahang dadalo upang magkaroon sila ng ideya sa kung ano ang mapag-uusapan o tatalakayin. Mainam din ito upang sa gayo’y magkakaroon sila ng oras na magsaliksik o kaya’y mag-isip sa kung ano ang maaari nilang ibahagi o ikomento sa bawat paksang tatalakayin. Naikokonsidera rin ng mga kalahok ang kanilang oras kapag may nakahandang adyenda na ipinamimigay sa kanila.
- Narito naman ang mga uri ng adyenda.
- Ang una ay ang Pormal na Adyenda. May sinusunod na balangkas ang ganitong uri ng adyenda. Isinasaalang-alang dito ang klase ng pagpupulong na isasagawa, listahan ng mga fasiletaytor, at mga inaasahang kalahok sa pagpupulong. Binabanggit din dito ang mga paksang natalakay o napagkaisahan sa nakaraang pagpupulong bago talakayin ang mga bagong usapin na siyang nais bigyang pansin ng isasagawang pagpupulong.
- Ang ikalawa naman ay ang Impormal na Adyenda. Ito ay tala ng mga paksang pag-uusapan, problemang susolusyonan o kaya’y usapin na tutugunan na inihahanda bago simulan ang mismong pagpupulong. Hindi tulad ng pormal na agenda, ang impormal na agenda ay hindi nagtataglay ng madetalyeng usapin. Kadalasang isinasagawa ang ganitong adyenda para sa mga biglaang pagpupulong.
- Ikatlo, Prayoridad na Adyenda. Ang ganitong uri ng adyenda ay nakaayos mula sa kahalagahan ng mga paksang dapat pag-usapan. Ang pinakakontrobersyal na usapin ay dapat ilagay sa pinakahuling prayoridad na dapat pag-usapan upang hindi maubos ang oras o maiwasan ang pagbababad sa iisang paksa lamang.
- Ikaapat, Timed o Nakaoras na Adyenda. May nakatakdang oras para sa pagtalakay sa mga paksa sa ganitong adyenda. Naglalaan ng eksaktong oras o minuto para pag-usapan ang isang tiyak na usapin sa pamamagitan ng mga itinakdang agwat ng oras para sa bawat isyung tutugunan o pag-uusapan. Halimbawa, 9:30- 9:35 panimulang pagbati, 9:35- 9:40 pagbabalik-tanaw sa nakaraang pagpupulong. Mas detalyado at espesipiko sa oras ang ganitong uri ng adyenda.
- Mayroong dalawang layunin ang adyenda. Ang una ay upang magbigay ng impormasyon. Sa isasagawang pagpupulong, ang mga kalahok ay hindi inaasahang magbigay ng anumang suhestiyon o komento bagkus, sila ay inaasahang makikinig lamang sa pagtitipon. Ang ikalawang layunin naman ng adyenda ay manghingi ng pagtugon. Kinakailangan ng mas mahabang panahon para pag-usapan ang ganitong uri ng adyenda sapagkat inaasahan ang komento o kaya’y boto ng mga kalahok sa pagpupulong. Sa ganitong klase ng adyenda, mas makabubuti na ipamigay ang kopya ng adyenda sa mga kalahok ng mas maaga nang sa gayo’y mapag-usapan na nila ang mga usaping dapat tugunan para sa mas komprehensibong talakayan sa mismong pagpupulong. Ang pagsulat ng adyenda ay kailangang isaalang-alang bago ang pagsasagawa ng isang pagpupulong sapagkat nakatutulong ito nang malaki sa pagpapanatili sa pokus ng pagtitipon o pagpupulong. Sa pamamagitan din ng sulating ito’y mapadadali ang pagtalakay sa mga usaping dapat matalakay ng isang samahan. Sa pagbuo ng adyenda, tiyaking naitala lahat ng dapat matalakay sa harap ng madla. Siguraduhin ding ang mga paksang nakatala rito ay makatotohanang maisasakatuparan sa itinakdang oras ng pagtitipon.
- Naintindihan ba ang ating talakayan tungkol sa lakbay-sanaysay? Mayroon ba kayong mga katanungan ukol dito? Kung wala na, dito nagtatapos ang ating talakayan tungkol sa akademikong sulating adyenda. Ang stream na ito ay recorded kaya’t maaari ninyo pa rin itong panuorin mamaya pagkatapos ng lahat ng broadcast. Kung kayo ay may katanungan at may bahagi sa ating tinalakay na nais bigyang-linaw, maaari kayong makipag-ugnayan sa akin sa pamamagitan ng messenger, sa aking profile na Rio Magadia Orpiano. Maaari rin kayong tumawag o magtext sa aking numerong 09127180418.
- Para sa inyong aktibidad, basahin at suriin natin ang isang halimbawa ng adyenda. Makikita ito sa inyong sagutang papel. Matapos nito’y sagutin ang mga sumusunod na tanong upang magsilbing gabay sa pagsusuring isasagawa.
- Narito ang halimbawa. (PAUSE) Lokasyon: Bulwagan ng Paaralan Petsa at Oras: Ika-30 ng Oktubre taong 2019. 3:00 n.h./Tagapangasiwa: Pangulo sa Departamento ng Filipino. Ang unang bahagi ay ang Introduksyon, Ikalawa, Pagtala ng Bilang ng Dumalo, ikatlo, Pagpresenta at Pagtalakay sa Adyenda (Pagpaplano para sa pagdiriwang ng Buwan ng Wika). Kabilang sa mga Adyenda ng Pagpupulong ay ang Petsa ng pagdiriwang, Skedyul ng klase, Balangkas ng programa, Pagtatalaga ng mga tagapamahala, Listahan ng mga magpeperform at Palamuti sa entablado. Ikaapat na bahagi ay para sa Karagdagang Impormasyon o Tanungan at ang huli ay ang Pangwakas na Salita.
- Narito naman ang mga gabay na katanungan. Isulat ang inyong kabuuang kasagutan sa inyong sagutang papel. Para sa unang tanong, nailahad ba sa adyenda kung saan patungkol ang isasagawang pagpupulong? Ipaliwanag ang sagot. Ikalawa, naitala ba ang mahahalagang detalye para sa isasagawang pagpupulong? Ipaliwanag ang sagot. Ikatlo, makatotohanan ba ang mga paksang tatalakayin sa naipakitang halimbawa? Ipaliwanag ang sagot. Ikaapat, kung may nais kang baguhin, idagdag o ibawas sa ipinakitang halimbawa, ano ito at bakit nais mo itong baguhin? Ipaliwanag ang sagot.
- Para naman sa inyong Pangwakas na Gawain, mula sa mga kaalamang nakapaloob sa natalakay na aralin, umisip ng isang paksa na nais pagpulungan kasama ang mga kamag-aral at guro. Sumulat ng isang adyenda para rito.
- Narito ang pamantayan sa pagmamarka. Una, napapanahon at kapaki-pakinabang ang napiling paksa, sampung puntos. Ikalawa, angkop at maayos ang pagkakasunud-sunod ng mga bahagi at paksang tatalakayin, sampung puntos. Ikatlo, espesipiko at pokus sa mga puntong dapat pag-usapan, sampung puntos. Ang kabuuang marka ay tatlumpung puntos. Ang gawaing ito ay ipapasa sa susunod na iskedyul ng pagpapasa ng mga output.
- Mapagpalang araw mga minamahal naming mag-aaral sa Baitang Labindalawa. Halina’t matuto at ating pagsaluhan ang panibagong leksiyon sa asignaturang Filipino sa Piling Larang para sa ikatlong linggo ng ikaapat na markahan. Sa pamamagitan ng radyo at maging sa fb livestreaming sa tulong ng streamyard, makakasama ninyo ang inyong lingkod, Bb. Rio Orpiano, mula sa Calibungan High School.
- Siguruhing nakatutok sa ating paaralang panghimpapawid martes hanggang biyernes mula alas-otso ng umaga hanggang pasado alas-kwatro ng hapon. Hanggang sa muli, ako ang inyong guro sa Filipino, Binibining Rio Orpiano na nag-iiwan ng mga katagang “ang kaalamang itinanim sa isipan ay lubos na magagamit pagdating ng araw, at ang kabutihang inuukit sa puso ninuman ay aanihin magpakailanman.” Ito ang 87.6 Tatak CHS (Campus Radio), hanggang sa muli. Paalam!