Pananakop ng Espanya sa Pilipinas

1. Ang sumusunod ay bansa sa Timog Silangang Asya na sinakop noong
Unang Yugto ng Imperyalismong Kanluranin
Sumakop: España
Mga lugar na sinakop: Halos kabuuan ng
Luzon at Visayas at ilang bahagi ng
Mindanao.
Dahilan: Mayaman ang Pilipinas sa ginto,
May mahusay na daungan tulad ng Maynila.
Paraan ng Pananakop
Unang dumaong sa isla ng
Homonhon si Ferdinand Magellan, isang
Portuges na naglayag para sa Hari ng
España noong Marso 16, 1521. Nabigo
siyang masakop ang Pilipinas dahil napatay
siya ng mga tauhan ni Lapu Lapu sa
Labanan sa Mactan. Nagpadala ang Hari ng
España ng iba pang paglalakbay na ang
layunin ay masakop ang Pilipinas. Ang
paglalakabay na pinamunuan ni Miguel
Lopez de Legazpi ang nagtagumpay na
masakop ang bansa sa pamamagitan ng
pakikipagsanduguan sa mga lokal na pinuno
at paggamit ng dahas. Itinayo ang unang
pamayanang Español sa Cebu noong Abril
27, 1565 mula dito ay sinakop din ang iba
pang lupain tulad ng Maynila na itinuturing
na isa sa pinakamagandang daungan at
sentro ng kalakalan sa Asya. Nakatulong
din sa pananakop ng España ang
pagpapalaganap ng relihiyong
Kristiyanismo. Natuklasan din ng mga
Español ang karangyaan ng Pilipinas sa
ginto lalo na sa mga lugar ng Ilocos,
Camarines, Cebu at Butuan sa Mindanao.
PILIPINAS Mindanao
Hindi tulad ng Luzon at
Visayas, ilang bahagi
lamang ng Mindanao ang
nasakop ng mga Español
dahil sa matagumpay na
pakikipaglaban ng mga
Muslim.
* Ano ang kaugnayan ng
relihiyong Islam sa
tagumapay ng mga
Muslim?
Gabay na tanong:
1. Ano ang pangunahing dahilan ng mga Español sa pagsakop sa Pilipinas?
2. Paano sinakop ng mga Español ang Pilipinas? Ipaliwanag ang pamamaraang
ginamit.
Lapu Lapu
Pinuno ng Mactan na
kauna-unahang Pilipino na
nagtagumpay na mapaalis
ang mga mananakop na
Español. Pinamunuan niya
ang Labanan sa Mactan
kung saan napatay ng
kaniyang mga tauhan si
Magellan.
* Maituturing ba na isang
bayani si Lapu Lapu?
Bakit?
Ferdinand Magellan
Narating niya ang
Silangan gamit ang
rutang pa-Kanluran.
Napatunayan sa
kaniyang paglalakbay na
bilog ang mundo.
* Ano ang kahalagahan
ng paglalakbay ni
Magellan?
Sanduguan
Iba-iba ang paraan ng mga
Español. sa pananakop. Isa rito
ay ang pakikipagkaibigan sa mga
lokal na pinuno na pormal nilang
ginagawa sa pamamgitan ng
Sanduguan. Iniinom ng lokal na
pinuno at pinunong Español.
ang alak na hinaluan ng kani-
kanilang dugo. Sa ibang lugar
naman ay ginagamitan nila ng
puwersa o dahas upang masakop
ang lupain.
* Tama ba ang ginawang
pakikipagkaibigan ng mga
lokal na pinuno sa mga
Español? Bakit?
Kristiyanismo
Relihiyong ipinalaganap ng
mga Español. Isa ito sa
mga paraan na ginamit ng
mga Español sa
pananakop sa Pilipinas.
Nakatulong ang mga
misyonero na
mapalaganap ang
Kristiyanismo pagkatapos
maisakatuparan ang
patakarang reduccion (ito
ay naglalayon na mailipat
ang mga katutubo na
naninirahan sa malalayong
lugar upang matiyak ang
kanilang kapangyarihan sa
kolonya, gayundin ang
pagpapalaganap ng
Kristiyanismo ). Nasakop
ng relihiyon ang pag-iisip
at damdamin ng mga
Pilipino kung kaya’t mas
madali silang napasunod
ng mga Español.
* Paano nakatulong ang
Kristiyanismo upang
mapasunod ang mga
Pilipino?

2. Ang sumusunod ay patakaran na ipinatupad ng mga Español upang maisulong ang kanilang mga interesa sa
pananakop sa Pilipinas.
Tributo – Sa patakarang ito,
pinagbayad ng mga Español ng
buwis ang mga katutubo. Ilan sa
maaaring ipambayad ay ginto, mga
produkto at mga ari-arian. Dahil sa
pang-aabuso sa pangongolekta,
maraming katutubo ang naghirap
at nawalan ng kabuhayan.
Pangkabuhayan
Polo y Servicios – Sa
ilalim ng patakarang ito
ay sapilitang
pinagtrabaho ang mga
kalalakihan edad 16-60.
Pinagawa sila ng mga
tulay, kalsada, simbahan,
gusaling pampamahalaan
at barko. Marami sa
kanila ang nawalay sa
pamilya at namatay sa
hirap.
Monopolyo – kinontrol
ng mga Español ang
kalakalan . Hinawakan
nila ang pagbebenta ng
mga produktong mabili sa
Europe tulad halimbawa
ng tabako. Kumita rin sila
ng malaki sa Kalakalang
Galyon. Maraming
pamilya ang nagutom dahil
hindi na sila
makapagtanim ng kanilang
makakain. May ilang
pamilyang Pilipino ang
kumita sa Kalakalang
Galyon, sila ang tinatawag
na mga ilustrado.
Pampolitika
Sentralisadong
Pamamahala – Napasailalim sa
pamumuno ng mga Español ang
halos kabuuan ng bansa.
Itinalaga ng Hari ng España bilang
kaniyang kinatawan sa Pilipinas
ang Gobernador-Heneral. Siya
ang pinakamataas na pinunong
Español sa Pilipinas. Nawala sa
kamay ng mga katutubo ang
karapatang pamunuan ang
kanilang sariling lupain.
Pinayagan silang maglingkod sa
pamahalaan subalit sa
pinakamababang posisyon.
Ang Simbahang
Katoliko –Dahil sa
impluwensiya sa taong-
bayan, naging
makapangyarihan din ang
mga Español na pari at kura
paroko noong panahon ng
pananakop ng mga Español.
Gobernador-Heneral
AlcaldeMayor
/Corregidor
Gobernadorcillo
Cabeza de
barangay
Pangkultura
Pagpapalaganap ng
Kristiyanismo – Niyakap
ng mga katutubo ang
Kristiyanismo. Ipinapatay
ang mga pinuno ng mga
katutubong relihiyon. Dahil
dito, maraming katutubo
ang naging Kristiyano at
mas madaling napasunod
ng mga Español ang mga
katutubo.
Wika, at mga
Pagdiriwang – Natuto ang
mga katutubo ng wikang
Español. Idinaos din ang mga
taunang pagdiriwang tulad ng
piyesta ng bayan,
santacruzan, araw ng mga
patay, pasko. Kadalasan, ang
mga pagdiriwang ay may
kaugnayan sa Kristiyanismo.
Lalong nagpakulay sa kultura
ng mga katutubo ang mga
nabanggit na pagdiriwang.
Mga patakarang
ipinatupad ng mga
Español sa Pilipinas
Alin sa mga
patakaran ng
mga Español
ang makikita pa
rin ang epekto
sa
kasalukuyan?
Patunayan.