AP7 Q4 LAS NO.7 Neokolonyalismo sa Silangan at Timog-Silangang Asya.

1. AP7 Q4 LAS NO.7 Neokolonyalismo sa Silangan at Timog-Silangang Asya
NAME:______________________________________ SECTION: ___________________ DATE: ________ SCORE: ______
PAGSUSULIT Panuto: Unawain at basahing mabuti ang mga tanong at piliin lamang ang titik ng iyong
napiling sagot at isulat ito sa iyong kwaderno.
1. Ito ay isang makabagong uri ng paraan ng pananakop ng isang makapangyarihang bansa sa isang mahinang bansa.
A. Kolonyalismo B. Neokolonyalismo C. Dominasyon D. Imperyalismo
2. Tumutukoy sa direktang paraan ng pananakop kung saan ginagamitan ng dahas o pakikipagdigma ang pagkontrol sa
isang bansa.
A. Neo-kolonyalismo B. Kolonyalismo C. Militarismo D. Komunismo
3. Alin sa mga sumusunod ang saklaw ng impluwensiya ng neokolonyalismo sa mga bansa sa Asya?
A. Pribadong buhay ng mga Asyano C. Likas na yaman
B. Ekonomiya, pulitika at kultura ng isang bansa D. Pagkontrol sa pamahalaan.
4. Alin sa mga sumusunod ang layunin ng neokolonyalismo?
A. Pagnanais na maipagpatuloy ng makapangyarihang bansa ang kanilang layunin at interes sa mga dating kolonya.
B. Upang mapanatili ang kapangyarihan at katanyagan.
C. Tulungan na makaahon at umunlad ang mga bansang kabilang sa Thirld world.
D. May mapagkukunan ng likas na yaman.
5. Pagkatapos ng ikalawang digmaang pandaigdig, lumaya ang maraming bansa at nagwakas ang sistemang ito:
A. Kolonyalismo B. Digmaan C. Cold war D. sistemang piyudal
6. Isa sa instrumento ng neokolonyalismo ang pagkakaloob ng tulong pang-ekonomiya.
A. Dayuhang pautang B. IMF C. debt trap D. Monetary fund
7. Kaisipan ang pangunahing naiimpluwensiyahan ng paraan na ito. Higit na pagtangkilik sa mga banyagang bagay.
A. Pangkabuhayan B. Ekonomiko C. Kultural D. Militarismo
8. Bahagi ng neo-kolonyalistang kultural ay ang pagpasok ng iba’t ibang pagkaing Amerikano tulad ng:
A. Mais at mansanas C. Hotdog at hamburger B. Puto at bibingka D. Latik at ginataan
9. Alin sa mga sumusunod ang hindi mabuting naidulot ng neokolonyalismo?
A. Pag-ahon ng mga bansa mula sa digmaan
B. Pagkakaroon ng maraming mamumuhunan.
C. Pagkawala ng interes sa sariling produkto at kultura.
D. Patuloy na pakikipagkalakalan sa mga dayuhang
bansa.
10. Alin sa mga sumusunod ang pinaka mabuting gawin upang mapigilan ang paglaganap ng neokolonyalismo?
A. Pagpa-alis sa mga dayuhang kapitalista sa bansa.
B. Pagboykot sa mga produktong banyaga.
C. Hindi manonood at makikinig ng anumang palabas na banyaga.
D. Pagtangkilik at pagmahal sa sariling kultura, produkto at kaalamang angkin ng sariling bansa.
11. Ito ay ang mapayapang pananakop sa likod ng kunwaring malasakit.
A. neo-kolonyalismo C. industriyalismo B. imperyalismo D. kolonyalismo
12. Ahensyang ginamit upang maisakatuparan ng mga mayayamang bansa ang kanilang mithiin
A. ADELA C. ASEAN B. World Bank D. United Nations
13.Sa papaanong paraan nawalan ng pagkakakilanlan ang mga bansang yumakap sa mga bagay na gawa ng dayuhan?
A. Pagbabayad ng buwis
B. Pagtangkilik ng sariling atin
C. Pagtangkilik sa mga produktong banyaga
D. Pag-eeksport ng produktong Pinoy
14. Lahat ng aspekto ng pamumuhay ay kontrolado ng dayuhan, maliban sa:
A.pagbibigay ng pinansyal na tulong C. polisiya sa pangkabuhayan
B.ganap na kalayaan ng bansa D. pakikipagkalakalan
15. Sa papaanong paraan nagbibigay ng tulong ang mga mayayamang bansa sa mga mahihirap na bansa pagdating sa
pangkabuhayan?
A. Pagbibigay ng mga sundalo
B. Pagpapautang
C. Pagbibigay ng armas
D. Pagbabayad ng buwis

2. BALIK-ARAL
Sa bahaging ito ay susuriin ang iyong mga dating kaalaman at pag-unawa tungkol sa bahaging ginagampanan ng
relihiyon sa iba’t ibang aspekto ng pamumuhay ng mga Asyano.
Isulat ang mga sagot sa iyong kwaderno.
1. Ano ang kahulugan ng relihiyon?
2. Ano-ano ang mga relihiyon na umiiral sa Silangan at Timog-Silangang Asya?
3. Bakit mahalaga ang relihiyon sa aspekto ng pamumuhay ng mga Asyano?
4. Paano nakakaapekto ang relihiyon sa araw-araw na pamumuhay ng mga Asyano?
Panuto: Suriin ang bawat larawan. Sagutin ang bawat tanong ayon sa nakaraang aralin. Isulat ang mga kasagutan sa
isang papel.
GAWAIN : TUKLASIN Naunawaan mo na ang Asya ay minsang pinaghati-hatian ng mga mananakop na kanluraning
bansa. Gumamit ang mga Asyano ng mapayapa at marahas na pamaraan upang makamit nilang muli ang kalayaan.
Subalit masasabi bang ganap na naging malaya ang bawat bansa sa Asya? Sa pagwawakas ng Ikalawang digmaang
pandaigdig ay nagkaroon ng bagong paraan ng pananakop ang ibang mga bansa na tinatawag na neokolonyalismo. Ito ay
hindi tuwirang pagkontrol sa isang malayang bansa ng isang makapangyarihang bansa.
GAWAIN: BASA-SURI-UNAWA
Sa pagwawakas ng Ikalawang digmaang pandaigdig, ang ibang bansang Asyano ay patuloy na napasailalim sa
dominasyon ng kanilang dating mananakop sa isang bagong anyo ng kolonyalismong tinawag na neokolonyalismo.
Ang mga bansang U.S at Japan ay larawan ng neo-kolonyalismo sa mga bansa sa Asya lalo na sa larangan ng
ekonomiya at kultura.Ang neokolonyalismo ay makabagong uri ng pananakop, ito ay hindi tuwirang pagkontrol sa
isang malayang bansa ng isang makapangyarihang bansa. Patuloy ang impluwensiya sa larangan ng pang-ekonomiya,
pampulitika at panlipunan ng mga mananakop sa mga bansang dati nilang kolonya ngunit wala silang tuwirang militar
o pulitikal na kontrol sa mga ito. Ang neokolonyalismo ay nangyayari sa hindi tuwiran at patagong pamamaraan.
Ang pagkakatulad nito sa kolonyalismo ay parehong may mananakop at sinakop ngunit nagkakaiba lamang sa paraan
ng pananakop kung saan direkta/tuwiran at ginagamitan ng dahas ang paraan ng kolonyalismo.
Dahil sa mga pinunong katutubo na ang nagkontrol sa pamahalaan, ang neokolonyalismo ay lumikha ng mga bagong
instrumento o kasangkapan ng dominasyon. Ang pagkakaloob ng tulong pinansiyal at kasunduang militar ay ilan
lamang sa anyo ito. Kabilang dito ang Military Assistance Pact noong 1947 ng Pilipinas at U.S, tulong militar at
pangekonomiko na karamihan ay may kondisyon, mga kasunduang pangkalakalan gaya mg General Agreements on

3. Tariffs and Trade (GATT) at Transnational Corporations (TNC) at mga Multilateral Lending Institutions gaya ng
International Monetary Fund (IMF), World Bank (WB), Asian Development Bank at maging ng United Nations (UN).
Ang pagkakaloob ng tulong militar at pinansiyal ay lumalabas na tinutulungan ng mga kapitalista o mauunlad na
bansa ang mga dating kolonya nito ngunit hindi rin naitatanggi na labis din ang kapakinabangang tinatamasa ng mga
kapitalistang bansa sa sitwasyon na ito. Katulad ng pagtataguyod at pamumuhunan sa mga bansang kanilang
tinutulungan.Ang mga instrumento na ginamit ng neokolonyalismo upang makuha nito ang mga kagustuhan mula sa
malalayang bansa ay kinabibilangan ng mga pamaraang pangekonomiya, pangkultura, pang-pulitika at pang-militar.
Pulitikal
Kung hindi mapasunod nang mapayapa, gumawa ng paraan ang mga neokolonyalista upang guluhin ang isang
pamahalaan o tuluyang ibagsak ito. Halimbawa, sa Pilipinas, ipinadala ng CIA si Edward Lansdale hindi lamang upang
sugpuin ang Huk kundi tumulong din na mailuklok sa katungkulan ang isang pangulong mananatiling tapat sa Estados
Unidos.
Ekonomiya
Dayuhang pautang o foreign debt
Ang anumang pautang ng International Monetary Fund (IMF), World Bank (WB), o ng Estados Unidos ay laging may
mga kondisyon. Kabilang sa mga kondisyong ito ang pagbubukas ng ekonomiya sa dayuhang pamumuhunan at
kalakalan, pagsasapribado ng mga kumpanya, at pagbaklas ng mga monopolyo, pagpapababa ng halaga ng salapi, at
pagsasaayos ng sistema ng pagbubuwis. Kung hindi masusunod ang mga kondisyon, ay maaaring hindi makautang ang
mangungutang.
Kultura
Kaisipan ang hinawakan sa ganitong pamaraan. Nabago ang ating pananaw sa mga bagay na likas na angkin ng bansa
dala ng mga ipinakilala ng mga dayuhan. Higit na pinahahalagahan ang musika, palabas, babasahin, teknolohiya ng
mga dayuhan at iba pa. Bahagi rin ng impluwensiya ng neokolonyalismo ang pagpasok ng iba’t ibang pagkaing
dayuhan tulad ng hamburger, hotdog, at mansanas na palasak na sa panlasang Pilipino. Paggamit at pagpapairal ng
wikang ingles na nakakaapekto sa kalinangan sa paggamit ng sariling wika.
Militar
Pagkatapos ng digmaan, ipinamigay ng Estados Unidos ang mga natirang kagamitang militar. Ang pagpapadala ng mga
pulis at sundalo sa Estados Unidos upang magsanay at pagpapalaganap ng mga tagapayong militar upang tulungan
ang pamahalaan sa pangangalaga ng seguridad ng bansa.
Epekto ng Neokolonyalismo
Ekonomiya at pangkabuhayan
Natural sa mga bansa sa daigdig ang humingi ng tulong sa ibang bansa. Natural din na tumulong ang ibang bansa sa
pangangailangan. Ngunit ang mga dayuhang tulong na ito ay nagagamit ng mga tumutulong na bansa para sa kanilang
kagustuhan.Hindi tinangka ng mga Amerikano na iahon ang kabuhayan ng mga Pilipino mula sa sistemang agrikultural
patungong industriyal. Pinilit na maitakda ang Pilipinas bilang agrikultural na bansa na maaring pagkukunan ng mga
hilaw na materyales para sa kanilang industriya. Ang mga tulong pinansiyal o pagpapautang ay may kaakibat na
kondisyon, dahil dito hindi rin makakaahon sa utang ang mga mahihirap na bansa, ang tawag sa sistemang ito ay debt
trap. Dahil walang layunin na gawing industriyalisado ang mga umuutang na bansa lalo lang silang hindi makaahon sa
pagkakautang at sa kahirapan. Dahil dito, nagkaroon ng hindi magandang resulta ang kita at trabaho. Paglaki ng agwat
ng mayayaman sa mahihirap. Apektado rin ang edukasyon dahil sa kahirapan, noong 1950, 22.7% ang hindi
makapasok sa paaralan dahil sa kahirapan at lumala ang paglaganap ng mga squatters
Pangkultura
Nagbigay ng masamang epekto sa mga Pilipino ang pagpapairal ng wikang Ingles bilang wikang ginagamit sa mga
paaralan. Napabayaan ang sariling kalinangan at maging ang sariling wika. Ang mga ito ay ilan sa ugat upang
magtaglay ang mga Pilipino ng kaisipang kolonyal na pumupuri at dumadakila sa anumang bagay na gawa sa Estados
Unidos at pagsasantabi sa mga bagay na gawa sa sariling bayan. Ang pagpasok ng mga pagkaing dayuhan at ipinagpalit

4. ang katutubong mga pagkain tulad ng kalamay, puto, latik at bibingka. Maging ang pananaw ng mga Pilipino sa buhay
ay nabahiran rin ng imperyalismo. Ang paghahangad ng mga Pilipino ng pagkakaroon ng mga materyal na bagay na
siyang batayan sa katayuan sa lipunan, kaya dahil dito nakaapekto ng malaki ang pag-aanunsyo sa mass media sa
pagbabago ng panlasa at kagustuhan ng mga tao, ang pangunguna ng mga produktong imported sa kaso ng Pilipinas,
nagbunga ng paglikas mula sa pook na rural tungo sa pook na urban na nagbunga ng kulturang slum o squatter at
nagbunga ng kaisipang kolonyal lalo na sa mga bansang di-maunlad.
ANG PAMAMARAAN NG NEO-KOLONYALISMO
Pagkatapos ng Ikalawang DIgmaang Pandaigdig, lumitaw ang makabagong uri ng pananakop upang mapanatili ng mga
Kanluranin ang kanilang kapangyarihan, ito ay ang neo-koloyalismo at interbensyon. Ang neo-kolonyalismo ay
nangangahulugan ng bago at ibang uri ng pagsasamantala sa mahihirap na bansa. Sa pag-aaral ng agham
pampulitika, ang neo-kolonyalismo ay patungkol sa pananatili ng kontrol ng isang dating kolonyalista. Ito ay sa
pamamagitan ng mas malumanay at patagong pamamaraan at pagmamanipula sa isang bansa. Layunin nitong
patatagin ang pamumuhunan, pigilin ang pagkamit ng tunay na Kalayaan, at kunin ang mas malaking kita mula sa
negosyo. Palakasin pa nito ang imperyalismo sa usaping pangekonomiya, pulitika, ideolohiya, at militar na
paninindigan ng isang bansa. Isa sa maituturing na pinakamahalagang sangkap ng sistemang neo-kolonyalismo ay ang
pagkakaroon nito ng makabagong pamamaraan para sa pagluluwas ng lipunan at kumpanya, pandaigdigan at
pampribadong pondo, pagkakaroon ng mga korporasyon at konsorsyum (samahan ng mga namumuhunan),
pagsisiguro ng pamumuhunan, paglalaan ng mga pautang na makakatulong hindi lamang sa nangangailangan kundi
magbibigay rin ng sapat na tubo para sa magpapahiram at iba pa. Ang mga imperyalista
ay nakatuon s akita ng kapital na kanilang inilagay sa mga negosyo ng papaunlad ng mga bansa. Sa kasalukuyan ay
nangunguna ang United States sa ganitong uri ng makabagong anyo ng pananakop. Samakatuwid, ang neo-
kolonyalismo ay isang uri ng suliraning pampulitika at pang-ekonomiya na ang lahat ng estado na mayaman at
mahirap ay maaring masangkot.
Gawain A: Panuto: Ipaliwanag ang mga sumusunod na tanong at isulat ang kasagutan sa sagutang papel.
1. Ano ang kahulugan ng neo-kolonyalismo?
2. Ano-ano ang pinakamahalagang sangkap ng sistemang ginamit nito?
3. Sa iyong palagay, ano-anong bansa ang nagsaggawa ng neo-kolonyalismo at ano ang tunay na layunin nila?
MGA ANYO NG NEO-KOLONYALISMO
May mga anyo na ginamit ang neo-kolonyalismo upang makuha ng mga Kanluranin ang kanilang gusto sa mga
malalayang bansa sa Silangan at Timog Silangang Asya at ito ang mga sumusunod:
MGA ANYO NG NEO-KOLONYALISMO
Mga Anyo ng NeoKolonyalismo Paraan ng
Pagpapalaganap
Mga Tugon sa Neo-kolonyalismo
EKONOMIKO Napalaganap ito sa pamamagitan ng
kunwaring tulong tungo sa
pagpapaunlad ng kalagayang
pangkabuhayan ng bansa ngunit sa
katotohanan ay nakatali na ang
bansang tinutulungan sa patakaran at
motibo ng bansang tumutulong.
Anumang pautang na ibigay ng
International Monetary Fund at
World Bank ay laging may kondisyon.
Kabilang sa mga kondisyon ang
pagbubukas ng ekonomiya sa
dayuhang namumuhunan at
nakikipagkalakalan. Ang mga bansang
may pagkakautang dito ay ang
Pilipinas, Myanmar, Laos, Vietnam at
Cambodia
KULTURAL Nabago ang ating pananaw sa mga
bagay na likas na angkin ng bansa.
Dala ng mga ipinakilala ng mga
dayuhan. Nagkaroon ng pagbabago
sa ating buhay. Higit na
Maraming mga Pilipino ang naipadala
sa United States upang
magpakadalubhasa. Tinatatawag
silang mga pensyonadong mag-aaral
at kumilos nang tila Amerikano nang

5. pinahalagahan ang musika, palabas at
babasahin ng mga dayuhan.
magbalik sa Pilipinas. Natutuhan din
ng mga Pilipino ang mga bagay na
totoong banyaga sa kanilang
kamalayan tulad ng Christmas, Santa
Claus, Snow White at Mistle Toe na
totoong hindi matatagpuan sa bansa.
Maging ang mga aklat sa paaralan ay
dumakila sa buhay ng mga bayaning
Amerikano tulad nina Washington,
Jefferson at Lincoln. Bahagi rin ng
imperyalistang kultural ang pagpasok
ng iba’t ibang pagkaing Amerikano
tulad ng hotdog, hamburger at
mansanas. Malaki rin ang
impluwensiya ng Wikang Ingles sa
ating pakikipagtalastasan at
edukasyon.
MILITAR Naisakatuparan ito sa pamamagitan
ng Pagpapadala ng mga sundalo ng
mga mayayamang bansa sa mga
kaalyadong bansa upang kalabanin
ang mga kalaban nito. May mga
pinamimigay ding armas ang mga
mayayamang bansa sa mga
mahihirap na bansa.
Pagkatapos ng digmaan, nagkaroon
ng usapan ang mga bansa Japan,
Korea, at Pilipinas sa United States
ukol sa pagkakatatag ng mga base
militar.
POLITIKAL Naisakatuparan ito sa pamamagitan
ng pagpapalaganap ng mga
ideolohiya matapos ang Ikalawang
Digmaang Pandaigdig.
Naisakatuparan rin ito sa
pamamagitan ng lihim na pagkilos o
covert operation, ibig sabihin kung
hindi mapasunod nang mapayapa,
gumawa ng paraan ang mga
neokolonyalista upang guluhin ang
isang pamahalaan o ibagsak ito ng
tuluyan.
Sa Vietnam, tinulungan ng United
States si Ngo Dinh Diem laban kay Ho
Chi Minh na maging pinuno ng Timog
Vietnam.
Sa Pilipinas naman ay ipinadala ng
Central International Agency o CIA ng
United States si Edward Lansdale
upang hindi lamang sugpuin ang mga
HUK kundi tumulong din na mailulok
sa katungkulan ang isang pangulong
mananatiling tapat sa United States.
ANG EPEKTO NG NEO-KOLONYALISMO
Maraming epekto ang neo-kolonyalismo sa mga bansang sinakop nito sa Silangan at Timog-Silangang Asya at ito ang
mga sumusunod:
1. Over dependence o labis na pagdedepende sa mga mayayamang bansa katulad ng United States of America
2.Kawalan ng karangalan sanhi ng impluwensya ng dayuhan
3. Patuloy na pang-aalipin dahil nakatali pa rin ang mga mahihirap na bansa sa mga mayayamang bansa.
4. Hindi makaahon ang mga mahihirap na bansa sa pagkakautang sa mga mayayamang bansa.
5. Patuloy pa rin nasasadlak sa kahirapan ang mga bansang umaasa sa mayayamang bansa
Gawain B. Tama o Mali: Isulat ang salitang TAMA kung wasto ang pangungusap at MALI kung hindi wasto ang
pangungusap.
1. Matatawag na malaya ang isang bansa kapag nagsasarili na ito sa lahat ng aspekto ng pamumuhay.
2. Sinasakop ang isang bansa kapag wala itong katatagan sa pulitika.
3. Sinasakop lamang ng makapangyarihang bansa ang mga mahihirap na bansa.
4. Ang mga tulong teknikal ng mga mayayamang bansa ay walang kaakibat na kapalit.

6. 5. Sa neo-kolonyalismo, ang mga mayayamang bansa ay hindi maaaring maging biktima.
GAWAIN C. Ishikawa Diagram: Iguhit ang ishikawa diagram sa inyong sagutang papel.
Matapos nito ay punan ng mga impormasyon ang dayagram.
Gawain A Activity 1: Piliin lamang ang sagot ng mga bilang sa hanay A mula sa hanay B. Isulat ang titik ng iyong sagot sa
kwaderno.
GAWAIN B. Activity 2: Isulat ang salitang Tama kung wasto ang pangungusap at Mali naman kung hindi.
______ 1. Ang neokolonyalismo ay isang makabagong uri ng pananakop na ginagamitan ng karahasan / pakikipagdigma
sa pagkontrol ng isang bansa.
______2. Nakakaimpluwensiya ang neokolonyalismo sa aspetong pang-ekonomiya, pangkultura, at pampulitika ng isang
bansa.
______3. Ang mga tulong na ginagawad ng mga makapangyarihang bansa ay may kaugnay na kapalit o kondisyon.
______4. May mabuting epekto ang neokolonyalismo sa bansang sinakop.
______5. Nagdulot ng kaisipang kolonyal ang neokolonyalismo.
Gawain C
Activity 3: Isulat sa patlang kung pangkultura at pang-ekonomiya na epekto ng neokolonyalismo.
1. Pagsasalita at paggamit sa wikang Ingles.
2. Pagkahilig sa mga pagkaing banyaga.
3. Pagkalubog sa dayuhang utang.
4. Paglaki ng agwat ng mayayaman at mahihirap.

7. 5. Unang pagtangkilik sa ibat-ibang produktong banyaga
GAWAIN D:
Pagkatapos makamit ng maraming bansa sa Silangan at Timog-Silangang Asya ang kalayaan mula sa mga mananakop
na kanluranin ay hindi pa rin lubusan na malaya ang maraming bansa dahil sa bagong paraan ng pananakop. Sa
bahaging ito ikaw ay gagawa ng isang reflection journal tungkol sa iyong sariling nararamdaman tungkol sa
neokolonyalismo. Ipaliwanag ang iyong sariling saloobin tungkol sa mga epekto o bunga na naidulot ng
neokolonyalismo sa iyong buhay at sa buhay ng maraming Asyano. Isulat ang iyong sagot sa iyong kwaderno.
Ang natutunan ko ____________________________________________________________________________
____________________________________________________________________________________________
Napagtanto ko ________________________________________________________________________________
_____________________________________________________________________________________________
_____________________________________________________________________________________________.
Dapat kong gawin _______________________________________________________________________________
______________________________________________________________________________________________
_____________________________________________________________________________________________.
GAWAIN E
Punan ang hinihingi ng sumusunod na tsart. Gawin ito sa inyong kwaderno.
I. Pagpili ng Wastong Kasagutan Panuto: Suriin ang bawat kahulugan sa katanungan at bilugan mo ang titik ng tamang
sagot.
1. Ang neo-kolonyalismo ay isinilang matapos ang:
A. Digmaang Korean C. Unang Digmaang Pandaigdig
B. Digmaang Vietnam D. Ikalawang Digmaang Pandaigdig
2. Paano lumaganap ang neo-kolonyalismo sa aspektong pulitikal?
A. Pagpapalaganap ng ideolohiya B. Pagpapautang ng World Bank
C. Pagpapadala ng mga sundalo D. Pag-alok ng mga scholarships
3. Paano lumaganap ang neo-kolonyalismo sa pamamagitan ng aspektong kultural?
A. Pagpapadala ng sundalo C.Pagbibigay ng mga armas

8. B. Paggamit ng wikang Ingles D. Pagpapalaganap ng ideolohiya
4. Sa aspektong ito higit na pinapapahalagahan ang mga palabas, musika at babasahin ng mga dayuhan.
A. Ekonomiko B. Kultural C. Militar D. Politikal
5. Bahagi ng neo-kolonyalistang kultural ay ang pagpasok ng iba’t ibang pagkaing Amerikano tulad ng:
A. bibingka at pinipig C. laing at latik
B. hamburger at hotdog D. kare-kare at adobo
II. Pagtukoy Panuto: Suriin ang mga anyo ng neo-kolonyalismo. Isulat ang E kung Ekonomiko, K kung Kultural, M kung
Militar at P kung Pulitikal.
_______1. Tinulungan ng USA si Ngo Dinh Diem laban kay Ho Chi Minh ng Vietnam.
_______2. Pagpapautang ng World Bank sa Pilipinas na may kondisyon.
_______3. Pagtatayo ng base militar ng US sa Japan
_______4. Higit na pinahalagahan ang musika, palabas at babasahin ng mga dayuhan.
_______5. Pagpasok ng mga pagkain mula sa mga bansang Kanluranin
GAWAIN F, PAGSUSULIT
Panuto: Unawain at basahing mabuti ang mga tanong at piliin lamang ang titik ng iyong napiling sagot. Isulat ang titik
ng tamang sagot sa iyong kwaderno.
1. Ito ay isang tuwirang paraan ng pananakop kung saan ginagamitan ng dahas o pakikipagdigma ang pagkontrol sa
isang bansa.
A. Kolonyalismo B. Neo-kolonyalismo C. Militarismo D. Komunismo
2. Alin sa mga sumusunod ang saklaw ng impluwensiya ng neokolonyalismo sa mga bansa sa Asya?
A. Ekonomiya, pulitika at kultura ng isang bansa C. Likas na yaman
B. Pribadong buhay ng mga Asyano D. Pagkontrol sa pamahalaan.
3. Ito ay isang patago at makabagong uri ng paraan ng pananakop ng isang makapangyarihang bansa sa isang
mahinang bansa.
A. Dominasyon B. Neokolonyalismo C. Kolonyalismo D. Imperyalismo
4. Pagkatapos ng ikalawang digmaang pandaigdig, lumaya ang maraming bansa at nagwakas ang sistemang ito:
A. Kolonyalismo B. Digmaan C. Cold war D. sistemang piyudal
5. Alin sa mga sumusunod ang layunin ng neokolonyalismo?
A. Tulungan na makaahon at umunlad ang mga bansang kabilang sa Thirld world.
B. Upang mapanatili ang kapangyarihan at katanyagan.
C. Pagnanais na maipagpatuloy ng makapangyarihang bansa ang kanilang layunin at interes sa mga dating kolonya.
D. May mapagkukunan ng likas na yaman.
6. Bahagi ng neo-kolonyalistang kultural ay ang pagpasok ng ibat-ibang pagkaing Amerikano tulad ng:
A. Mais at mansanas C. Hotdog at hamburger B. Puto at bibingka D. Latik at ginataan
7. Ang pagpapairal ng wikang Ingles ay uri ng neokolonyalismong:
A. Ekonomiko B. Pulitikal C. Kultural D. Pangkabuhayan
8. Ang mga sumusunod ay ilan lamang sa epekto ng neokolonyalismo. Alin dito ang hindi mabuting dulot ng
neokolonyalismo?
A. Pag-ahon ng mga bansa mula sa digmaan
B. Pagkakaroon ng maraming mamumuhunan.
C. Pagkawala ng interes sa sariling produkto at kultura.
D. Patuloy na pakikipagkalakalan sa mga dayuhang bansa
9. Isa sa instrumento ng neokolonyalista ang pagkakaloob ng tulong pang-ekonomiya.
A. Dayuhang pautang B. IMF C. debt trap D. Monetary fund
10. Alin sa mga sumusunod ang pinaka mabuting gawin upang mapigilan ang paglaganap ng neokolonyalismo?
A. Pagtangkilik at pagmahal sa sariling kultura, produkto at kaalamang angkin ng sariling bansa
B. Pagboykot sa mga produktong banyaga.
C. Hindi manonood at makikinig ng anumang palabas na banyaga.
D. Pagpa-alis sa mga dayuhang kapitalista sa bansa