2. LAU ZUTABEAK
XXI. Mendeko Hezkuntzari buruzko Nazioarteko Batzordeak,
Jacques Delorsek zuzenduta, dio hezkuntzaren lau zutabe
nagusietan oinarrituz gero, ezagutzen ikasten, egiten ikasten,
elkarrekin bizitzen ikasten eta izaten ikasten, gizarte guztiak
mugitzen direla behar-beharrezkoa dugun utopiarantz, eta
guztiontzat altxor ezkutua izango balitz bezala lurperatuta dugun
gaitasun guztiak agerian izango direla.
Hezkuntza gero eta ezaguera teoriko eta tekniko ebolutibo gehiago
transmititu beharko ditu non ezagutza horiek gizarteari egokituta
egon behar duten.
Jakinduria eguneratu, sakondu eta aberastu behar da.
XX. mendeko erronkei aurre egiteko hezkuntzari helburu berriak
ematea ezinbestekoa da.
Hezkuntzaren ikusmolde zabalagoan bakoitzak bere sormen
ahalmenak aurkitu, bizitu eta areagotu beharko lituzke.
3. EZAGUTZEN IKASI
Ezagutza honen bidez pertsona bakoitza inguruan duen mundua
ulertzeko, bertan duintasunez bizitzeko, lan gaitasunak
garatzeko eta besteekin komunikatzeko gai izan behar da.
Ezagutza erabilgarria izan behar da, beraz, haurrengan
arrazonamendu zientifikoa piztea garrantzitsua da.
Ikasten ikasteko arreta, oroimena eta pentsamendua erabili
behar da.
Arreta era desberdinetan landu daiteke bizitzako momentu
guztiak aprobetxatuz.
Oroimena txikitatik trebetasuna lantzen da.
Pentsamendua gurasoekin lantzen hasten da eta gero
eskolan.
Ezagutzeko prozesua ez da inoiz amaitzen. Hori dela eta,
eskolan oinarrizko ezagutza lortu behar da bizitza osoan ikasten
jarraitzeko.
4. EGITEN IKASI
Iraskaskuntza lan merkatura egokitu behar da eta ikasleak bere
ezagutzak praktikan jarri behar ditu.
Makinek gizakien lanpostuak ordezkatu dituzte . Horren
ondorioz, lanpostuak gero eta ezagutza handikoak eta
intelektualagoak dira ,eta jarduera ekonomikoen zerbitzuek
garrantzi handiagoa dute. Hori dela eta, ikaskuntzek
eboluzionatu behar dute.
Lan merkatuan eskatzen dituzten konpetentziak,
komunikatzeko eta elkarlanean aritzeko gaitasunak
hezkuntzaren bitartez irakatsi behar da.
Informazio eta komunikazio jarduerak garrantzitsuagoak bihurtu
dira. Gaiarekin eta teknikarekin izan beharreko erlazioa
harreman pertsonaletarako gaitasunarekin osatu behar da.
Zerbitzuen garapenari dagokionez, hezkuntzak giza ezaugarri
berriak irakatsi behar ditu.
5. ELKARREKIN
BIZITZEN IKASI
Eskoletan egunero liskarrak eta borrokak egoten dira, umeek haien
kideek dituzten kualitateak baloratzen ez dituztelako eta
aurreritziak sortzen direlako. Denek hoberenak izan nahi dutenez,
haien artean lehia bat sortzen da.
Umeak proiektu komunak eginez hobetzen dute egoera hori, azken
finean adiskidetasuna sortzen delako.
Orduan, komenigarria izango litzateke hezkuntzari bi orientazio
osagarri ematea.
Lehenengoz, bestea ezagutzea: Giza espeziearen aniztasuna
irakastea eta gizaki guztien artean dauden antzekotasunez eta
elkarren menpekotasunez ohartzen laguntzea. Gainontzekoak
ezagutzeko bakoitzak bere burua ezagutu behar du
besteen lekuan ipintzeko eta ondoren besteen erreakzioak
ulertzeko.
Bigarrenez, helburu komunetara jotzea: Eskolak bere
lankidetza proiektuetan parte hartzen utzi behar dituzte umeak
txikitatik, gatazkak konpontzeko metodo bat delako.
6. IZATEN IKASI
Hezkuntzak pertsonen garapen orokorrean lagundu behar du.
Pertsona guztiak prest egon behar dira autonomoak eta kritikoak
izateko, iritzia izateko eta erabakiak hartzeko.
Hezkuntzaren oinarrizko funtzioa pentsatzeko, iritzia osatzeko,
sentitzeko eta sormena izateko askatasuna ematea da.
Hezkuntzak jaiotzetik heriotzara doan bidaian lagundu behar du,
momentu horretan nor bere burua ezagutzen hasten delako eta
gero besteekin harremanetan jartzen duelako.
Beraz, hezkuntza prozesua banakakoa eta antolamendu sozial
elkarreragilea da.