1. Cervo, 18 de xaneiro de 2016
Ola compañeiras e compañeiros!
Como ben sabedes estamos comezando un novo trimestre, o segundo xa deste curso e
xuntos quédannos moitas aventuras por vivir e moitas actividades por descubrir.
Agora gustaríame explicarvos as cousiñas que pensei para estes próximos meses, a
ver si vos gustan tanto coma ás miñas axudantes e máis a min.
EN XANEIRO:
Durante este mes temos unhas novas do máis interesantes. Quérovos recordar que o
xoves, 21 de xaneiro viranos visitar, ás nenas e nenos de 3º, 4º, 5º e 6º de Primaria,
o escritor Joan Manuel Gisbert, despois do recreo. Moito me apetece coñecelo!
Tamén vos quero convidar a que, a partir do vindeiro xoves, levedes en empréstito
películas para a casa, películas de todo tipo, de todos os xéneros, antigas e modernas,
segundo os vosos gustos! Para esta actividade as mestras daránvos un Pasaporte de
Cine e seguro que elas vos explican moi ben o seu funcionamento!
Este mes de xaneiro tamén vos recordo que, coma todos os anos, se celebra o Día da
Paz, o vindeiro 30 de xaneiro, e con tal motivo organizaremos a Carreira Solidaria co
fin de axudar aos nenos e nenas máis desfavorecidos. Coñezo ben o voso nobre
corazón e todos os esforzos que poñedes ese día para axudar, estou moi orgullosa de
vós. Eu dende a biblio colaborarei tamén agasallándovos cun tríptico informativo,
para que podades coñecer máis cousiñas sobre a organización Save the Children e a
Paz.
EN FEBREIRO:
En febreiro teremos unhas das actividades que máis vos gustan! O ENTROIDO e o
KARAOKE DE CINE, polo Mes do Amor.
Para a elaboración dos disfraces de Entroido as mestras organizarán uns
obradoiros mixtos, como en cursos pasados e o desfile realizarase o vindeiro 5 de
febreiro pola tarde! Esa mesma semana teremos:
-A consigna do luns: Xénero da Ciencia Ficción
-A consigna do martes: Xénero do Western
- O mércores: Día do disfraz libre
-O xoves: Festa da Auga. (Recordade vir ben preparados para este día!)
Tamén en febreiro estou a organizar, polo MES DO AMOR, un karaoke de cine,
porque sei ben o que vos gustou o curso pasado!
Quedei abraiada con tanto talento musical e este ano quérovos ver repetir!! Non
podo esperar! Que ganas de oirvos!
2. Nesta ocasión, as cancións serán bandas sonoras de películas e cancións do Xabarín
Club, que vos parece? Os videos musicais colgaranos as miñas axudantes en
Bibliocervo e vós só teredes que apuntarvos no tablón da biblioteca e ENSAIAR!
Recordade que podedes presentarvos de xeito individual, por parellas, en grupos… ou
incluso participar en varias cancións. Tamén podedes vir caracterizados ese día para a
actuación se vos apetece! O KARAOKE DE CINE desenvolverase na Biblioteca o día
26 de FEBREIRO.
Outra actividade deste mes, en colaboración con EDLG, é a conmemoración do DÍA DE
ROSALÍA DE CASTRO, o 24 de febreiro. Ese día tamén haberá sorpresas…
Por último só dúas cousiñas máis, moi importantes…
Recordades que xa vos contara que este ano íamos facer unhas pelis? Pois xa
temos decidido os contos dos que partiremos. “A princesa que bocexaba a todas
horas” para Infantil e “ A cabra boba” para Primaria. A partir de agora
comezaremos a realizar o Storyboard, os escenarios, as personaxes, os diálogos… vai
ser un non parar, estades preparados?
Estou convencida de que si, con vós nunca dubido de que o proceso e o
resultado final será extraordinario!
Tamén quero propoñerlles ás nenas e nenos de 4º, 5º e 6º unha última actividade. Que
vos parece se realizamos un CLUB DE LECTURA chamado DA LITERATURA AO
CINE? Consistirá en que vós, poñéndovos de acordo, elixades un libro que vos guste
coa única condición de que no seu momento tamén fora levado á gran pantalla, logo
reuniríadesvos na biblio, un día de cada quince, nos recreos, para falar sobre el e
finalmente teríades a oportunidade de asistir a unha sesión de cine, dentro da biblio,
con palomitas e todo!
Por suposto estas últimas actividades son voluntarias, pero sei que vos emocionarán
tanto coma min e participaredes de boa gana!
Porque sempre o acabamos pasando estupendamente!
E creo que xa rematei coas actividades deste trimestre… non si? Pode que se me
olvide algunha porque son tantas cousas… e eu ás veces tamén me despisto!
En fin, xa me despido de vós, que vou preparar o meu disfraz para este Entroido…xa
veredes que guapa vou estar!
Biquiños amigas e amigos!
Ánimo e a disfrutar!
PUCA