actividades abril

1. Cervo, 29 de marzo de 2017
Ola compañeiras e compañeiros!
Casi sen darnos conta estamos a puntiño
de chegar ás vacacións de Semana Santa.
O tempo voa cando un se divirte! E
crédeme se vos digo, que eu con vós
sempre o PASO XENIAL! Sodes do
mellorciño que unha ratiña/o bibliotecaria coma min pode esperar! Aiiiiiiiiiii, canto vos
quero, amiguiños/as!
Pois ben, nesta carta vouvos contar todas aquelas novas que temos por diante para o mes
de ABRIL, que como veredes son moitas!! Imos alá e espero que vos gusten!
EN ABRIL, O MES DO LIBRO
Durante este mes seguirán en funcionamento os CLUBES DE LECTURA sobre
LITERATURA ROBÓTICA para os nenos e nenas de 4º a 6º de Primaria, que polo que teño
entendido están a ser todo un éxito, grazas ao voso gusto pola boa lectura!
Durante este mes tamén estades a desenvolver nas vosas casas o traballiño colaborativo
coa Microrrede da Mariña, que este ano leva por título “A MARIÑA CON MOITA ARTE”, e
que no noso caso pretende profundar na Arte de Sargadelos e na súa relación coas Edicións
do Castro. Recordade que a exposición no cole será do 18 de abril ao 28 de abril.
Podedes ir traendo os traballo cando queirades, pouco a pouco.
Neste mes, coma todos os anos, para conmemorar o noso mes do libro; a biblioteca
organiza un montón de actividades culturais moi interesantes, apuntade!
• O 19 de abril ás 12:30 recibiremos a visita do CONTACONTOS do libro “A NAI DA
NAI DA MIÑA MAMÁ”, para o alumnado de 1º e 2º de Primaria.
• O 20 de abril teremos, ao longo da mañá, un MARATÓN DE LECTURA DO
QUIXOTE, onde todo o alumnado de Primaria, por quendas lerá anaquiños desta
marabillosa obra literaria, e os demáis poderemos mergullarnos nas abraiantes
aventuras do famoso Fidalgo.
• O 21 de abril ás 11:15 teremos os nosos espectaculares APADRIÑAMENTOS
LECTORES, recordade que os nenos e nenas de 3º, 4º, 5º e 6º ao ser os padriños e

2. madriñas deberedes ir elexir os libros para lerlles aos vosos apadriñados, con tempo
e atendendo ao gusto dos máis peques! En breve faremos o sorteo, paciencia!
• Tamén o 21 de abril, ás 15:30 recibiremos a visita de Sabela Núñez Singala, a
escritora do libro “O AGASALLO DE ANYA”, para o alumnado de 3º, 4º, 5º e 6º de
Primaria. Estou desexando coñecela e fixo que vós tamén!
• Por certo, con respecto a esto, estiven pensando que poderiamos axudar a nenos e
nenas do SÁHARA, que como sabedes non teñen tantas oportunidades coma nós,
recollendo MATERIAL ESCOLAR para mandarlles; do mesmo xeito que fai Xiana
para os nenos e nenas de Ucraína, que vos parece? Xa vos daremos máis detalles
sobre isto máis adiante, pero espero que vos ilusione tanto coma min esta
ACTIVIDADE SOLIDARIA!
• O 28 de abril ás 12:00 da mañá iremos ver unha REPRESENTACIÓN TEATRAL
chamada “AS MARABILLAS DE GALICIA”, grazas á colaboración da Asociación para
a axuda ao enfermo mental, que ten un centro no noso concello e nos invitou moi
agarimosamente.
• Tamén neste mes se celebra na nosa comarca “A SEMANA DAS ARTES
PLÁSTICAS”, e con tal motivo avísovos de que teremos unha visita ao CENIMA (
Centro de Interpretación da Mariña Lucense), en Foz, entre finais deste mes e
principios do seguinte, para ver unhas grandes exposicións artísticas, como paso
previo á celebración no noso cole de XUÑO, MES DA ARTE.
• Por último, para este mes, informarvos que a partir da volta das vacacións estarán a
disposición dos titores e especialistas as MOCHILAS ESCORNABÓTICAS, para
levar en préstamo para as aulas, por días! Estas mochilas conterán un escornabot,
taboleiros e fichas didácticas de actividades que se poden desenvolver nas clases.
Acordádevos de que hai que rexistrar o préstamo e a devolución!
Bueno, creo que non me queda máis por este mes… ou quizais si… XA VEREMOS!!
SAÚDOS PRIMAVERAIS!
PUCA