2. A principios de curso, propúxose por parte da Biblioteca “CASTELAO”,
a posibilidade da creación de clubes de lectura. A proposta foi moi
ben recibida por parte dos alumnos de quinto e sexto de primaria,
dos que saíron dous clubes:
1. En quinto xurdiu un con oito participantes.
2. En sexto outro con doce participantes.
Por outra banda, o día internacional da biblioteca (24 de outubro), os
nenos de infantil recibiron o seu carnet de usuarios da biblioteca.
Pouco a pouco, e vendo que os clubes funcionaban (reunións en xoves
alternos no horario do recreo do comedor, para comentar o libro que
cada grupo estaba a ler), foi tomando corpo a idea do apadriñamento
con moi boa acollida por parte do alumnado.
Así, a comezos de decembro cada membro dos clubes de lectura se
comprometeu a acompañar nun recreo, cada quince días a un neno ou
nena determinado, para gozar dun rato de lectura.
Algúns padriños tiñan dous afillados polo que todas as semanas tiñan que
adicar un dos seus recreos ós seus compañeiros máis pequenos.
3. Dende o principio a actividade tivo moi boa acollida
por parte de padriños e afillados.
4. Ás veces o afillado
exixía vir
acompañado por un
amiguiño e o padriño
non tiña máis
remedio que acceder
de bo grao.
5. Os padriños poñíanse baixo as “ordes” dos apadriñados
que elixían o libro e a duración da actividade. Non se
trataba de aprender a ler, senón de gozar do que o
libro contaba ás veces lendo únicamente as imaxes.
6. Ás veces a zona de infantil da biblioteca parecía
“sobrepoboada”. Sen embargo respectábanse as
normas que rexen toda biblioteca, sobre todo en
canto a ruído se refire, aínda que parecía que
estivéramos arrodeados polo zumbido das abellas.
7. Paralelo a este “traballo” de
acompañamento, nos clubes estábanse a
facer adaptacións das súas lecturas
para compartilas cos máis pequenos do
cole.
8. O día das letras
galegas os clubes de
lectura celebrárono
agasallando cada
padriño ó seu afillado
cun libro de
pictogramas baseado
na lectura que fixeran
ó longo do curso os
membros do clube de
lectura de quinto, que
resumiron, traduciron
e adaptaron El
palacio de papel, de
José Zafra.
9. Por este ano acabouse, pero esperamos repetir para o
vindeiro curso, tanto padriños como afillados, e algún
día… tal vez os afillados nos transformemos en
padriños.
10. Somos conscientes que un a un non somos nen
sabemos nada. Todos xuntos conseguimos fermosos
obxectivos. Ata os máis pequeniños nos aportan
boas experiencias. Esperamos que disfrutárades co
noso traballo. Nos gozamos moito facéndoo e
compartíndoo con vós..
