1. Palas de Rei, 17 de novembro de 2020
Moi boas, nenas e nenos, familias e demais membros da Comunidade Educativa do
CEIP Palas de Rei.
Xa coñecedes ao meu novo amig@? Agora aínda é todo moito máis divertido na
biblio: falamos, facemos plans, imos de ruta polo cole…Se non o coñecedes, pasade
pola biblioteca.
Quero darvos os meus parabéns polo ben que o estades facendo neste comezo de
curso; dá gusto ver o ben que vos adaptástedes a esta nova situación: levades a
máscara posta sempre, mantedes a distancia…Todo isto non quere dicir que vir ao
cole non sexa divertido. Estamos traballando para que sexa igual de divertido, ou
máis…
Queredes saber algunhas das novidades?
Montamos unha radio escolar á que pouco a pouco lle iremos dando uso; moi pronto
poderedes escoitarnos. Que emoción!!
Proximamente tamén chegarán uns novos compañeir@s ao cole, uns robots que
nos axudarán a aprender unha morea de contidos. É un proxecto de robótica ao que
lle tiñamos moitas ganas.
Sabedes que? Cando fai bo gústame sair ao bosque e ler ao aire libre, de forma
relaxada. Gústavos como está quedando esta zona? Co Programa Voz Natura tamén
aprenderemos a disfrutar do medio, a valoralo e a coidalo.
Na biblioteca tamén hai libros que nos acompañan dende fai pouco tempo;
podedes atopalos no recuncho das novidades. Neste mes de novembre, mes da
ciencia, hai un recuncho sobre esta temática e sobre a igualdade.
Estou desexando que rematen as obras no cole…xa queda menos! Que bonito vai
quedar.
2. Como son moi deportista, seguimos levando a cabo o Proxecto Deportivo de Centro,
con moitas actividades para movernos, facer actividade física…e alimentándonos moi
ben para crecer sans e fortes.
Tampouco vos vou contar máis…pouco a pouco iredes descubrindo máis…
Seguirei pedindo a vosa axuda para poñer en práctica as ideas que se nos vaian
ocorrendo.
Como xa sabedes, estamos abertos a calquera suxestión que se vos ocorra para
incorporar á biblioteca; só tedes que escribir a vosa idea e metela na caixa de
suxestións.
Estade moi atentos/as ao noso blog: https://abibliodepalas.blogspot.com/ e ás nosas
redes sociais.
Apertas grandes!!
Daia, a mascota da biblioteca.