Punim seminari në lënden e TIK-ut

1. UNIVERSITETI ‘’UKSHIN HOTI’’ – PRIZREN
FAKULTETI I EDUKIMIT
PROGRAMI PARASHKOLLOR
Punim seminari
Lënda: TIK në Edukim
Tema: Qasja pedagogjike e të mësuarit të teknologjisë se si të përdorim atë
Mentor: Punoi:
PhD.c: Mërgim H. Hoti Sarandë Shijaku
Prof. Asoc. Dr.: Samedin Krrabaj Yllka Badalli
Prizren, Prill 2021

2. Përmbajtja
Hyrje
SHQYRTIMI I LITERATURËS
I.1 Çfarë është teknologjia në Edukim
I.2 Përdorimi i teknologjisë në mësimdhënie
I.3Përfitimet nga shfrytëzimi i kompjuterit gjatë mësimdhënies
METODOLOGJIA E PUNIMIT
II.1 Qëllimi i punimit
II.2 Rëndësia dhe arsyeshmëria e puimit
II.3 Kontributi i punimit
KONKLUDIME DHE REKOMANDIME
III.1 Konkludime
III.2 Rekomandime
PYETJE

3. HYRJE
Një njohje e mirë e Informatikës dhe e Teknologjisë mund t’ i sigurojë
profesorëve dhe studentëve mundësi të reja në jetën didaktike të
përditshme.
Shkolla me traditën dhe vëmendjen e saj në të shkuarën, thekson rolin e
arsyes ku bazohet në objektiva dhe kohëzgjatje, duke synuar formimin
e qytetarit dhe të njeriut të integruar, teknologjia nga ana tjetër
paraqitet si një burim që i drejtohet aktualitetit, që ngre emocionet dhe
kënaqësinë duke rritur subjektivitetin. Ndër vite është treguar
gjithmonë kujdes i madh ndaj përfitimeve dhe mundësive që dalin nga
përdorimi i burimeve TIK, duke çuar shkollën në ridezajnimin e rolit të
saj duke ju përshtatur kohës sonë.
Informatika hyn në Shkollë në mënyrë disiplinore dhe tërthorazi: hyn
sepse të rinjtë e sotëm janë “të lindurit dixhitalë”, që kanë lindur dhe
janë rritur me një teknologji gjithnjë në rritje.
Mbrapa

4. I. SHQYRTIMI I LITERATURËS
I.1 Çfarë është teknologjia në Edukim
Ndërsa lundrojmë përmes shekullit 21, teknologjia në klasë po bëhet
gjithnjë e më tepër mbizotëruese. Tabletat po zëvendësojnë tekstet tona, dhe
ne mund të hulumtojmë për çdo gjë që ne duam të bëjmë në ‘smartfonët’
tanë.
Edukatorët gjithashtu kanë parë të mirat e teknologjisë në klasë. Sipas disa
statistikave, rreth 75 përqind e edukatorëve mendojnë se teknologjia ka një
ndikim pozitiv në procesin e arsimit. Edukatorët gjithashtu e njohin
rëndësinë e zhvillimit të këtyre aftësive teknologjike në studentë në mënyrë
që ata të jenë të përgatitur që të hyjnë në punë sapo të përfundojnë
shkollimin e tyre.
Ndikimi që teknologjia ka pasur në shkollat e sotme ka qenë mjaft
domethënës. Ky adoptim i përhapur i teknologjisë ka ndryshuar plotësisht
se si mësuesit dhe nxënësit mësojnë. Mësuesit po mësojnë si të edukojnë
me teknologjitë e reja (tableta, iPad, kamera digjitale, kompjutera, etj.),
ndërsa studentët po përdorin teknologji të përparuara për të formësuar
mënyrën e të nxënit. Duke përqafuar dhe duke integruar teknologjinë në
klasë, ne po i edukojmë studentët tanë për një jetë më të suksesshme jashtë
shkollës.

5. Ekzistojnë të paktën 3 arsye të vlefshme që mbështesin futjen e teknologjisë në
mësimdhënie:
 Aspekti praktik: teknologjitë e reja bëjnë të mundur aksesin në burimet
didaktike të dokumentuara, të paarritshme me mjete të tjera (librari,
multimedia, etj.). Nxit dhe mbështet disiplinat e ndryshme.
 Aspekti pedagogjik: ushtrojnë mbi të rinjtë një tërheqje që mund të jetë
shfrytëzuar në mënyrë të tillë që t’i nxisë të punojnë me më shumë efikasitet,
sipas metodës që ata pranojnë më me dëshirë.
 Aspekti social: ndërton edhe një mënyrë për të luftuar kundër pabarazisë së
të mësuarit. Ndëraktiviteti është cilësia që karakterizon kompjuterin, i lejon
nxënësit të punojë sipas ritmit të tij të të mësuarit. Ofron mjete për një qasje
në mënyrën e duhur me teknologjitë e reja që përbëhen nga kurthe të
rrezikshme (si vjedhje të identitetit online dhe të parave, akte të dhunimit të
privatësisë, etj).
Mbrapa

6. I.2 Përdorimi i teknologjisë në mësimdhënie
Teknologjia dhe mjetet teknologjike janë bërë pjesë e edukimit në shkolla dhe
synimi është të përdorim teknologjinë në klasa si një mjet që zhvillon dhe nxit
më tej procesin e të mësuarit
Kështu, për të pajisur nxënësit me aftësitë e nevojshme teknologjike, duhet të
përdorim metoda të reja të të mësuarit në krahasim me metodat e përdorura në
të mësuarit tradicional.
Nxënësit nga përdorimi i këtyre mjeteve të reja teknologjike kanë përfituar
aftësi kompjuterike, aftësi të cilat do të mund t`i përdorin në të ardhmen në
vendet e tyre të punës
Përdorimi me efikasitet i teknologjive të reja që mbështet procesin e të
menduarit te nxënësit, rrit aftësinë e nxënësit për t`u përqendruar në mësim,
përmirëson të kuptuarit dhe transferon përmbajtjen në një memorje afatgjatë.
Duke u mbështetur në këtë arsyetim, është synuar t`i kthejmë klasat tradicionale
në klasa të konceptuara mbi bazën e teknologjisë.

7. Mbrapa
Disa nga teknologjitë që mësimdhënësit duhet të përdorin:
 Kompjuteri: Shihet si një nga teknologjitë më të nevojshme në fushën e
mësimdhënies, deri para pak kohësh ai konsiderohej si një risi, tashmë ai është i
domosdoshëm për shkak të orientimeve teknologjike që kanë përfshirë
mësimdhënien.
 USB: Është njëra nga teknologjitë më të përparuara përsa i përket ruajtjes dhe
transmetimit të informacioneve të ndryshme, ato ekzistojnë në madhësi të ndryshme
dhe janë pjesë e pandashme tashmë e realitetit arsimor.
 CD/DVD: Janë mënyrat e vjetra të transmetimit dhe të ruajtjes së materialeve. Por
që janë mjaft frytdhënëse në rastet e prezantimeve të ndryshme.
 Aparatet fotografike dixhitale shumëfunksionale: Këto paisje kanë mjaft rëndësi
në fushën e mësimdhënies së gjuhëve të huaja, pasi me anën e tyre realizohet
regjistrimi dhe prezantimi i aftësive të çdonjërit nga nxënësit përsa i përket aftësimit
gjuhësor.
 Interneti: Është teknologjia e cila ka revolucionalizuar mësimdhënien në çdo skaj të
botës. Me anën e tij, tashmë mësuesi nuk është e vetmja pikë e referimit, por është
koodinatori i hyrjeve të reja në kulturën arsimore të nxënësit.
 Tabela Interaktive: Është një teknologji mjaft e përparuar e cila ende nuk është
futur në masë në sistemin arsimor shqiptar, por ama për shkak të thjeshtësive, risive
dhe avantazheve që ajo paraqet është mjaft e dëshiruar në dobi të punës së tij (saj)
nga çdo mësimdhënës.
 Video Projektori: Është një teknologji e cila gjendet mjaft në sistemin arsimor
shqiptar. Me anën e tij realizohet prezantimi i punimeve të ndryshme në fushën
didaktike dhe shkencore. Në të vërtetë ai është paraardhës i tabelës interaktive, por
ama për vetë kushtet e sistemit tonë arsimor ai ngelet si teknologjia më e përparuar e
cila përdoret në mësimdhënie.

8. Mbrapa
I.3 Përfitimet nga shfrytëzimi i kompjuterit
gjatë mësimdhënies
 Mbajtja dhe drejtimi i vëmendjes
Kompjuteri e tërheq vëmendjen me ndihmën e ngjyrave, zërave dhe fotografive
interesante. Vëmendja është më e madhe para kompjuterit pasi që njohuritë fitohen
përmes lojës.
 Kënaqësia
Kompjuteri është burim i kënaqësisë, që paraqet faktor të rëndësishëm për sukses. Çdo
detyrë e kryer me sukses për të cilën nxënësi merr lavdërime i jep vetëbesim dhe e rritë
dëshirën e tij për sukses.
 Autonomia
Kompjuteri lejon që të tejkalohen një pjesë të mossukseseve me të cilat zakonisht has
nxënësi kur punon me mjetet shkollore. Nxënësi mund të realizojë ndonjë aktivitet në
tërësi me pjesëmarrje minimale të personit të tretë, i cili do t’i ndihmojë gjatë punës me
veglat.
 Përshtatshmëria
Llojshmëria e mbështetjes dhe të veglave teknike lejon që të përshtatet vegla
kompjuteristike (mjete vizuale, auditive, audiovizuale), me përmbajtjet e nxënësve të
ndryshëm.
 Ndjenja e vlerësimit
Kompjuteri ofron ndjenjë të vlerësimit dhe vetë vlerësimit të nxënësit. Ai është burim i
marrjes së përgjegjësive dhe pjesëmarrjeve në grup dhe kontribuon në stabilizimin e
sjelljeve.

9. II.1 Qëllimi i punimit
Qëllimi kryesor i punimit është vënia në
pah e ndikimit të sistemit arsimor nga
teknologjia në vendin tonë. Duke parë se
bota e ditëve të tanishme është
shndërruar në një botë virtuale ku me
vetëm një klikim arrijm kilometra, është
e pamundur që kjo teknologji të mos
ndikojë edhe te fëmijët dhe mënyra se si
ata mendojnë, mësojnë dhe e përceptojnë
botën.
Mbrapa
II. METODOLOGJIA E PUNIMIT

10. II.2 Rëndësia dhe arsyeshmëria e punimit
Pasi që teknologjia ka evoluar dhe luan një rol shumë të rëndësishëm
në jetën tonë, ku shoqëria po ndryshon dhe Shkolla nuk mund të
ndalojë përballë ndryshimit që sjell futja e teknologjive të reja edhe në
mësimdhënie: po ndryshon mënyra e të mësuarit dhe ajo e
mësimdhënies e cila është një pasojë natyrale dhe e nevojshme për të
përgatitur “të rriturit e së nesërmes’.
II.3 Kontributi i punimit
Nga ky punim do të mësojmë më shumë për ndikimin e teknologjisë në
sistemin arsimor. Zhvillimi i hovshëm i teknlogjisë ka ndikuar në
modernizimin e jetës dhe të punës. Prandaj dhe sistemi arsimor është i
detyruar të ndjek ritmin e zhvillimit të saj.
Mbrapa

11. III. KONKLUDIME DHE REKOMANDIME
III.1 Konkludime
Teknologjia në mësimdhënie kontribuon në ndërtimin e një kulture të
përbashkët për të gjithë nxënësit. Ajo lejon të përdorësh në një mënyrë
logjike mjetet teknologjike si: kompjuterat, micro- kompjuterat, burime
audio-vizuale.
Teknologjia nuk mund të zhvillojë risi dhe të marrë vendime, nëse nuk
zhvillohet nga njerëzit (të paktën, për momentin); ajo nuk ofron vetvetiu
ndërtimin e njohurive, por mund të jetë mjet për t’i ndihmuar nxënësit,
nëse përdoren në mënyrën e duhur.
Mbrapa

12. III.2 Rekomandime
 Ne duhet të dijmë ta përdorim teknologjinë para se të mësojmë
ndihmën e saj.
 Ne përdorim teknologjinë për të mësuar të njëjtat gjëra si më
përpara sepse TIK na lejon që të kemi një mësimdhënie: më të
lehtë, më të shpejtë dhe më efikase.
 Kemi të bëjmë edhe me një barazi mbi zgjedhjet e akseset e
informacioneve. Përshembull edhe nxënësit e krahinave rurale të
izoluara kanë mundësi të kenë sinformacione mjaft të vlefshme
për mësimdhënien.
Mbrapa

13. PYETJE?
JU FALEMINDERIT PËR VËMENDJE!