1. TEKNOLOGJIA E INFORMIMIT DHE E KOMUNIKIMIT
Teknologjia e informimit dhe e komunikimit - TIK për klasën e dhjetë është
vazhdimësi dhe zgjerim i njohurive paraprake nga kjo fushë. Kjo lëndë nxënësit i
familjarizon me tektologjitë moderne të informimit dhe të komunikimit siç janë: puna
me kompjuter, puna me pajisjet tjera përcjellëse: DVD, skaneri, aparati digjital,
kamera digjitale, etj., demonstrimi i shkathtësive në përdorimin e këtyre pajisjeve dhe
programeve përkatëse. Përfshinë gjithashtu sistemet që mundësojnë grumbullimin,
organizimin, ruajtjen, përdorimin dhe transmetimin e informacioneve në forma të
ndryshme. Kjo përfshin komunikimet audio (zëri) dhe video (grafika), si dhe
përdorimin e multimediave interaktive. Në klasën e dhjetë nxënësit gjithashtu marrin
dituri nga programi aplikativ për përpunim tabelar dhe grafik të të dhënave, mundësitë
multimediale në sistemet kompjuterike si dhe nga programi aplikativ për përgatitjen e
prezentimeve.
QËLLIMET
Qëllimet kryesore të mësimit të TIK-ut tek nxënësit janë:
• Zhvillimi dhe thellimi i njohurive në lëminë e TIK-ut dhe rëndësia e saj në shërbim
të njeriut.
• Krijimi i shprehive dhe shkathtësive gjatë punës teorike dhe praktike, aftësive të
kërkimit të informacioneve nga fusha e TIK-ut.
• Tabelat, grafikët dhe vizatimi me përdorimin e programeve aplikative kompjuterike
janë gjithashtu thelbësore në praktikat teknologjike për përcaktimin dhe sqarimin e
ideve dhe zgjidhjeve të propozuara.
• Fuqizimi për t’i kontribuar shoqërisë teknologjike.
OBJEKTIVAT E PËRGJITHSHME
Objektivat e përgjithshme të mësimit të lëndës mësimore TIK janë:
• Të njohë nxënësit me dimensionin e TIK-ut në veprimtarinë e njeriut.
• Të zhvillojë mundësitë për lidhjen e teorisë me praktikën në fushën e TIK-ut në
veprimtarinë e njeriut.
• Të ushtrojë përdorimin e mjeteve, procedurave dhe teknikave kompjuterike me
qëllim të zgjidhjes së problemeve në mënyrë krijuese në situatat e jetës së përditshme.
• Që nxënësit të jenë në gjendje t’i përdorin aplikacionet softverike (EXCEL; POWER
POINT) për realizimin e tabelave, grafikëve, administrimin e të dhënave, rezentimeve,
datotekave.
• T’i njohin mundësitë e pajisjeve multimediale që komunikojnë përmes kompjuterit
dhe të jenë në gjendje t’i përdorin kombinimin e tyre në funksion të një prezentimi
multimedial.