3. Sapulin
Binabati kita mahal kong mag-aaral sa iyong kahusayang ipinamalas sa
nakaraang modyul! Ako ay labis mong napabilib sa iyong sipag at tiyaga upang
matapos ang lahat ng mga gawain. Kung kaya naman batid kong ikaw ay handang-
handa nang ipagpatuloy ang iyong paglalakbay sa pagtuklas sa mga panibagong
kaalaman sa asignaturang Filipino!
Napag-aralan mo sa Modyul 1 ang natatanging kultura ng bansang Kenya at
ang kanilang mitolohiyang Liongo. Nahasa rin ang iyong kakayahan sa pagsasaling-
wika at nalaman mo rin ang kahalagahan ng pagkakaroon ng kaalaman sa
pagsasaling-wika.
Ang Modyul 2 ay patungkol sa isang uri ng panitikan na tinatawag na
anekdota mula sa bansang Iran (Persia). Matutukoy mo rin kung ano ang kaibahan
nito sa mga kahawig nitong mga akdang pampanitikan. Tampok din sa sumusunod
na aralin, ang isang natatanging indibidwal na si Mullah Nassreddin na nagmula sa
Persia. Ang Persia (Iran sa kasalukuyan), ay tinaguriang kauna-unahang pinaka-
makapangyarihang imperyo sa kasaysayan. Ang Persia o Imperyong Achaemenid ay
tumagal mula 559 B.C.E hanggang 331 B.C.E. Sa imperyong ito umusbong ang mga
kilalang pinuno sa kasaysayan tulad ni Cyrus the Great at Darius the Great. Madalas
na ang mga anekdota ng Persia ay kakikitaan ng mga kasabihan, relihiyon, at
pagpapaunlad sa isang indibidwal. Mayaman rin sila sa mundo ng pilosopiya at
paniniwala na naiambag ng kanilang mga mahuhusay na mga manunulat.
Malilinang rin sa modyul na ito ang iyong kakayahan sa pagsasalaysay gamit
ang mga diskursong pasalaysay. Magagamit mo ang kakayahang ito sa paglikha ng
sariling-gawang anekdota.
Sa pag-aaral sa modyul na ito, inaasahang matatamo mo ang sumusunod:
Mga Pinakamahahalagang Kasanayang Pampagkatuto (MELC)
1. Nahihinuha ang damdamin ng sumulat ng napakinggang anekdota.
(F10PN-IIIb-77)
2. Nasusuri ang binasang anekdota batay sa: paksa, tauhan, tagpuan, motibo
ng awtor, paraan ng pagsulat at iba pa. (F10PB-IIIb-81)
3. Nabibigyang-kahulugan ang salita batay sa ginamit na panlapi.
(F10PT-IIIb-77)
4. Naibibigay ang sariling opinyon tungkol sa anekdotang napanood sa YouTube.
(F10PD-IIIb-75)
5. Naisusulat ang isang orihinal na komik strip batay sa isang anekdota.
(F10PU-IIIb-79)
6. Nagagamit ang kahusayang gramatikal, diskorsal at strategic sa pagsulat at
pagsasalaysay ng orhinal na anekdota. (F10PU-IIIb-79)
O ano kaibigan, handa ka na bang mag-aral? Kung gayon, maaari ka nang
magsimula sa mga gawain at aralin.
4. Aralin
2.1
Anekdota mula sa Iran
Panitikan: Mga Kuwento ni
Mullah Nassreddin: Ang Tatlong
Biyernes at Mula sa mga
Anekdota ni Saadi
Simulan
Bago natin simulan ang malalimang talakayan, hinihikayat kitang gawin ang
gawaing ito upang magkaroon ka ng idea patungkol sa anekdota.
Gawain 1: Suriin Mo!
Panuto: Basahin at unawain mo ang anekdotang “Akasya o Kalabasa”. Pagkatapos
ay sagutin mo ang gawain sa iyong sagutang papel.
Akasya o Kalabasa
(ni Consolation P. Conde)
Hindi maikakaila na kung malaki ang puhunan ay maaaring tumubo rin
iyon nang malaki kaysa maliit ang naturan. Gayondin ang paghahanda at
pagpupunyagi ng tao na pinamumuhunanan ng puu-puung taong pag-aaral at
pagpapakasakit. Karaniwan nang sa may mataas na pinag-aralan ay maamo ang
kapalaran. At ito’y maitutulad din nga sa paghahalaman.
Pasukan na naman. Nagbukas na ang mga pamantasan at matataas na
paaralan sa Maynila. Samantala, sa nayon ng Kamias, hindi kalayuan sa
lungsod… Maagang bumangon nang umagang yaon si Aling Irene at inihanda
kapagkaraka ang mga pangangailangan ng kabutong anak na si Iloy. Si Mang
Simon naman ay hindi muna nagtungo sa linang upang samahan sa pagluwas
ang anak na pag-aaralain sa Maynila.
Awa naman ng Diyos ay maluwalhating nakarating sa lungsod ang mag-
ama. Isang balitang paaralang sarili ang kanilang tinungo agad. Dinatnan nila ang
tagatala na abalang-abala sa pagtanggap ng di-kakaunting mga batang
nagsisipagprisinta.
Nagpalinga-linga si Mang Simon. Nang makita ang babalang nakasabit sa
may pintuan ng Tanggapan ng Punong-guro ay kinawit sa bisig si Iloy. “Halika at
makikipag-usap muna ako sa punong-guro.”
“Magandang umaga po sa kanila”, panabay na bating galang ng mag-ama.
“Magandang umaga po naman”, tugon ng punong-guro na agad namang nagtindig
sa pagkakaupo at nag-alok ng upuan. “Ano po ang maipaglilingkod ko sa kanila?”
“E, ibig ko po sanang ipasok ang aking anak dito sa inyong paaralan.”
“A, opo. Sa ano po namang baitang?” usisa ng punong-guro.
“Katatapos pa po lamang niya ng elementarya sa aming nayon noong
nakaraang Marso,” paliwanag ni Mang Simon. “Kung gayon po’y sa unang taon ng
haiskul, ano po?” “Ngunit… ibig ko po sanag malaman kung maaaring ang kunin
5. na lamang niya ay isang maikli-ikling kurso ukol sa isang tanging karunungan
upang siya’y makatapos agad, maaari po ba?”
“Aba, opo”, maaga pa na tugon ng punong-guro. “Maaaring ang lalong
pinakamaikling kurso ang kaniyang kunin. Iyan ay batay sa kung ano ang gusto
ninyong kalabasan niya. Kung ang nais ninyo ay magpatubo ng isang mayabong
na punong akasya, gugugol kayo ng puu-puung taon, subalit ang kakailanganin
ninyo ay ilang buwan lamang upang makapaghalaman kayo ng isang kalabasa.”
Tila di natubigan si Mang Simon sa huling pangungusap ng punong-guro.
Gayondin si Iloy. Pagkuwan ay nagbulungan ang mag-ama. At… umuwi nang nag-
iisa si Mang Simon. Habang naglalakbay na patungong lalawigan ay tatambis-
tambis sa sarili: “A, mabuti na nga ang kunin niyang buo ang kurso sa haiskul at
saka na siya kumarera. Higit na magiging mayabong ang kaniyang kinabukasan.”
Kumpletuhin ang talahanayan sa ibaba batay sa binasang anekdota. Gayahin
ang pormat sa iyong sagutang papel.
Tauhan Pangyayari Tema Tagpuan
Gawain 2: Know-What-Learn Ko Na! (KWL)
Panuto: Batay sa binasang anekdota, sagutin ang mga katanungan sa loob ng
graphic organizer. Gayahin ang pormat sa iyong sagutang papel.
Mahusay ang ipinakita mo mahal kong mag-aaral! Binabati kita sapagkat
nasagot mo ang mga gawain. Ngayon naman, dadagdagan pa natin ang iyong
kaalaman patungkol sa anekdota. Handa ka na ba? Alam kong nananabik ka na kung
kaya naman, unawain mo ito nang maiigi.
Anekdota
Ang alam ko
patungkol sa
anekdota ay?
Ang gusto kong
malaman
patungkol sa
anekdota ay?
Ang natutunan
ko patungkol sa
anekdota ay?
6. Lakbayin
Alam mo bang…
Si Mullah Nassreddin ay isang tanyag na dalubhasang pilosopo at
tagapayo ng mga hari sa kanilang lugar. Kilala siya sa Iran (Persia) dahil sa
kaniyang kahusayan sa pagkukuwento ng katatawanan? Dahil dito, siya ay
tinaguriang alamat sa sining ng pagkukuwento dahil sa kaniyang kahusayan at
kakaibang estilo sa pagsusulat ng kuwento. Madalas itong ikuwento sa mga bata
dahil bukod sa nakaaaliw ang kaniyang mga kuwento, kapupulutan din ito ng
mga mabubuting-asal. Sa katunayan, libo-libong kuwento ng katatawanan ang
naiambag ni Mullah Nassreddin na nagpasalin-salin sa mga taong naninirahan sa
Iran (Persia) mula noon hanggang ngayon. Ang kaniyang mga kuwento at likha ay
naging behikulo ng mga manunulat sa pagbuo ng mga kaisipan at paniniwala na
di-makakasakit bagkus makapagbibigay ng sigla sa mambabasa.
Handa ka na bang matunghayan ang isa sa mga kuwento ni Mullah
Nassreddin? Alam kong oo, kung kaya naman, basahin at unawain mo ito mahal kong
mag-aaral.
Mga Kuwento ni Mullah Nassreddin: Ang Tatlong Biyernes
(Isinalin sa Filipino ni Justin Carlos G. Villanueva)
Isang araw, abala si Mullah Nassreddin na nagbabasa ng mga libro sa
kaniyang tahanan nang biglang may kumatok sa kaniyang pintuan. Nang ito’y
kaniyang binuksan, bumungad sa kaniya ang mensahero ng hari. Iniimbitahan ng
hari si Mullah magturo sa tao sa Mosque sa tuwing biyernes. Naisip ng hari na
tawagin si Mullah dahil sa kaniyang talas ng isip at nakaaaliw na paraan ng
pagtuturo. Buo ang tiwala nito kay Mullah na matuturuan niya ang mga tao
patungkol sa kagandahang asal na mula sa banal na qu’ran. Bagama’t
nagdadalawang isip si Mullah dahil alam niyang mahihirapan siya sa utos ng hari
ay sinunod pa rin niya ito. Wala siyang idea kung papaano tuturuan kada linggo
ang mga tao ng mga kabutihang-asal sa loob ng isang oras.
Dumating ang unang biyernes at habang nasa daan si Mullah papunta sa
mosque ay iniisip niyang maiigi kung ano ang kaniyang sasabihin sa mga tao. Wala
siyang idea kung ano ang sasabihin kung kaya naman siya ay naglakad papasok
ng mosque at sa loob ay sinalubong siya ng mga taong matiyagang naghihintay sa
kaniyang sasabihin. Siya ay umupo sa harapan at tinanong ang mga tao. “Alam
ba ninyo ang sasabihin ko?” Sumagot ang kaniyang mga tagapakinig. “Hindi po.
Hindi po namin alam ang sasabihin ninyo.” Walang ano-ano’y tumayo si Mullah.
Natulala ang mga tao at hinihintay ang sasabihin nito. “Mga ginoo,
ipagpaumanihin ninyo ngunit wala akong panahong magsalita sa mga taong hindi
alam ang aking sasabihin.” at siya ay umalis. Nagulat ang mga tao sa loob ng
mosque at naguluhan sa nangyari.
Dumating ang ikalawang biyernes at bumalik ulit si Mullah sa mosque at
katulad nang nakaraang biyernes, hindi siya handa sa kaniyang sasabihin. Sa
biyernes na ito, naghanda ang mga tao sa loob ng mosque. Ang ilan sa kanila ay
bumuo ng mga grupo upang magbasa at mag-aral ng mga pahayag mula sa banal
7. Naunawaan mo ba ang anekdota mahal kong mag-aaral? Kung hindi, huwag
kang mag-alala, maaari mo ulit itong basahin. Kung ito ay naunawaan mo na, sagutin
mo ang susunod na gawain. Alam kong kaya mo yan!
Gawain 3: Pag-unawa sa Binasa
Panuto: Sagutin ang sumusunod na mga katanungan batay sa binasang
anekdotang, Mga Kuwento ni Mullah Nassreddin-Ang Tatlong Biyernes. Isulat ang
iyong kasagutan sa sagutang papel.
1. Ilarawan si Mullah. Anong katangian niya ang iyong nagustuhan? Ipaliwanag.
2. Itala ang mga nakaaaliw na bahagi ng kuwento. Ang mga ito ba ay
sumasalamin sa katangian ng isang anekdota? Patunayan.
3. Sumasang-ayon ka ba sa naging paraan ni Mullah sa pagtuturo sa mga tao?
Ipaliwanag ang sagot.
4. Ano ang kabutihang-asal na nais iparating ng binasang anekdota?
Patunayan.
5. Ilarawan ang tagpuan at mga pangyayari sa anekdota. Sumasalamin ba ang
mga ito sa kultura ng mga Persian? Ipaliwanag ang sagot.
Alam mo bang ang…
Panlapi ay mga salitang idinudugtong sa salitang-ugat? Sa pamamagitan ng
mga panlapi, nagkakaroon ng ibang layon o gamit ang mga salitang-ugat.
Tatlong Uri ng Panlapi
1. Unlapi – Ito ay ginagamit sa unahan ng salitang ugat. Ang mga madalas
ginagamit na mga unlapi ay ma-, mag-, na-, nag-, pag-, pala-, atbp.
Halimbawa:
• magtanim
• mahusay
• pagkabigat
• nahulog
• palabiro
na qu’ran upang paghandaan ang araw na iyon dahil na rin sa nangyari noong
nakaraang biyernes. Dumating na si Mullah at umupo sa harap. “Alam na ba ninyo
ang aking sasabihin?” tanong ni Mullah sa mga tao. “Opo! Nagbasa po kami ng
mga mahahalagang mga kasulatan mula sa qu’ran.” Tumayo si Mullah at sinabing,
“Dahil alam na ninyo at nakapagbasa na kayo ng mga kasulatan mula sa qu’ran,
hindi ko na sasayangin ang mga oras niyo.” At katulad noong nakaraang biyernes,
umalis si Mullah at iniwan ang kaniyang mga tagapakinig. Ang mga tao ay nalito
at nataranta sa nangyari.
Sumapit ang ikatlong biyernes. Nagtungo ulit si Mullah sa mosque at
katulad ng mga nakaraang biyernes, hindi siya ulit handa sa kaniyang sasabihin.
Tumayo siya sa harap ng mga taong naghihintay sa kaniya. Tinanong niya muli
ang mga tao, “Alam na ba ninyo ang sasabihin ko?” Hati ang kanilang naging sagot.
Ang kalahati ay nasabing oo, ang kalahati naman ay nagsabing hindi. Sagot
naman ni Mullah, “Dahil ang kalahati sa inyo ay alam na ang aking sasabihin,
ituro niyo na lamang ito sa inyong mga kasama na hindi alam ang aking
sasabihin.” Nalito lalo ang mga tao. “Ito ang magandang asal na itinuturo ng
qu’ran, kinakailangang matuto tayong ibahagi ang kung anong mayroon tayo.
Huwag mong pagdamutan ang iyong kapuwa mapa-materyal na bagay man yan o
karunungan mula sa qu’ran.” dagdag pa ni Mullah. Umalis si Mullah at iniwan
ang mga taong natuwa at bumilib sa kaniya.
8. 2. Gitlapi-Ito ay ginagamit sa gitna ng salitang ugat. Ang mga madalas
ginagamit na mga gitlapi ay -um-, at -in-.
Halimbawa:
• pinasok
• pinalitan
• tumakbo
• sumayaw
3. Hulapi-Ito ay nasa huli ng salitang ugat. Ang karaniwang ginagamit na hulapi
ay -an, -han, -in, -hin.
Halimbawa:
• kaligayahan
• palitan
• basahin
• sabihin
Gawain 4: Paglinang ng Talasalitaan
Panuto: Kumpletuhin ang talahanayan sa ibaba. Dugtungan ng mga panlapi ang
mga sumusunod na mga salitang-ugat. Tukuyin ang bagong kahulugan ng mga
salitang-ugat na iyong nilapian. Gayahin ang pormat sa sagutang papel.
Salitang-ugat May Panlapi Bagong Kahulugan
1. lito
2. aral
3. dasal
4. punta
5. salita
Galugarin
Alam mo bang ang…
Anekdota ay isang uri ng kuwentong nagsasalaysay ng mga nakatutuwa at
nakawiwiling mga insidente sa buhay ng isang tao? Layon nitong
makapagpabatid ng isang magandang karanasan na kapupulutan ng aral. Ito’y
magagawa lamang kung ang karanasan o ang pangyayari ay makatotohanan.
Isang malikhaing akda ang anekdota. Dapat na ang bawat pangungusap ay
kukuha ng interes ng mambabasa.
Katangian ng Anekdota
1. May isang paksang tinatalakay ang isang anekdota. Lahat ng mga pangyayari
at mga ideang ilalahad sa anekdota ay dapat na mabigyang kahulugan.
2. Ang isang anekdota ay nagdudulot ng ganap na pagkaunawa sa kaisipang
nais nitong ihatid sa mga mambabasa. Hindi dapat mag-iwan ng anomang
bahid ng pag-aalinlangan na may susunod pang mangyayari.
Naunawaan mo ba kung ano ang isang anekdota mahal kong mag-aaral?
Ngayon naman, ay babasahin mo ang isa pang anekdota mula sa Iran. Alam kong
nag-eenjoy ka sa iyong pag-aaral kaya naman, basahin mo na ito!
9. Gawain 5: Opinyon Ko Ay Mahalaga!
Panuto: Panoorin ang binasang anekdota ni Saadi sa youtube link na ito:
https://www.youtube.com/watch?v=fBOqh66B_bk at ibigay ang iyong opinyon
patungkol sa sumusunod na katanungan.
1. Magmungkahi ng isang matalinong desisyon batay sa pangyayari sa pinanood
na anekdota.
2. Sa iyong palagay, epektibo ba ang pagbabasa ng anekdota upang
makapagturo ng mabuting-asal? Patunayan.
Magaling! Nagtagumpay kang muli sa pag-aaral sa nakaraang paksa at
pagsagot sa mga gawain nang buong husay. Ngayon, mas linangin mo pa ang iyong
kasanayang pampagkatuto sa pamamagitan ng pagsasagawa ng inaasahang awtput
sa araling ito.
Palalimin
Gawain 6: Paggawa ng Komiks
Panuto: Mamili sa tatlong anekdotang iyong binasa at gumawa ng comic strip mula
sa isang piling pangyayari sa kuwento na pinakatumatak sa iyo. Gawin ito sa isang
bond paper.
Rubrik sa Pagtataya ng Awtput
Mula sa mga Anekdota ni Saadi:
Mongheng Mohametano sa Kaniyang Pag-iisa
(ni Idries Shah)
(Isinalin sa Filipino ni Roderic P. Urgelles)
Isang araw, may isang mongheng Mohametano na nag-iisa at namamanata
sa disyerto. Ang Sultan naman na namamaybay sa kaniyang ruta, sa kaniyang
nasasakupan ay matamang nagmamasid sa mga tao. Nakita niya na hindi nagtaas
ng kaniyang ulo ang mongheng Mohametano habang dumadaan siya.
Nagalit ang Sultan at nagwika “Ang nakasuot ng balabal ay walang
pakiramdam, tulad siya ng hayop, hindi siya nagtataglay ng paggalang at
kababaang loob.”
Kung kaya’t ang vizier o ministro ay nagwika “Mongheng Mohametano! Ang
Sultan ng buong mundo ay nagdaan sa iyong harapan. Bakit di mo siya binigyan
ng kaukulang paggalang?”
Sumagot ang Mongheng Mohametano, “Hayaan mong ang Sultan ang
magbigay ng paggalang para hanapin ang magbebenipisyo sa kaniyang
magandang gawa. Sabihin mo sa kaniya, ang hari ay nilikha para sa kagalingan
ng kaniyang nasasakupan at hindi nilikha ang mamamayan para paglingkuran
ang Sultan.”
Kalinisan ng pagkakagawa…………………………………………………15 puntos
Pagkamalikhain……………………………………………………………….15 puntos
Wastong pagkakalahad ng pangyayari…………………………………..10 puntos
Kabuoan……………………………..…………………..……………………40 puntos
10. Aralin
2.2
Wika at Gramatika:
Diskursong Pasalaysay
Simulan
Mahusay mahal kong mag-aaral. Binabati kita sa matagumpay mong pagsagot
sa mga gawain sa nakaraang bahagi ng learning material na ito. Ngayon, ikaw ay
magpapatuloy sa iyong aralin. Handa ka na ba? Sige magsimula ka na sa paunang
gawain.
Gawain 1: Isalaysay Mo!
Panuto: Balikan ang anekdota ni
Mullah Nassreddin mula sa
nakaraang aralin. Sa iyong sariling
paraan, isalaysay mo ang kuwento.
Sikaping isalaysay ito nang mas
maikli. Isulat ang sagot sa sagutang
papel.
Mahusay! Humahanga ako sa matagumpay mong pagsagot sa gawain.
Ipagpatuloy mo lang ang iyong pag-aaral upang mas malinang ang pa ang iyong
kakayahan.
Lakbayin
Pagsasalaysay
Alam mo bang ang…
Pagsasalaysay ay isang diskurso na naglalatag ng mga karanasang
magkakaugnay?
➢ Pagkukuwento ito ng mga kawili-wiling pangyayari, pasulat man o pasalita.
➢ Itinuturing itong pinakamasining, pinakatanyag at tampok na paraan ng
pagpapahayag.
➢ Ito rin ang sinasabing pinakamatandang uri ng pagpapahayag sapagkat dito
nagsimula ang alamat o epiko at mga kuwentong bayan ng ninunong mga
Pilipino maging sa ibang bansa man.
➢ Ang pagpili ng paksa ang unang mahalagang hakbang sa pagsulat ng
pagsasalaysay. Kailangang ito ay maganda at kawili-wili. Bukod dito,
mahalaga ring napapanahon ito at may dalang lugod at kabutihan sa mga
mambabasa.
Ang Tatlong Biyernes
11. Ilan sa dapat isaalang-alang sa pagpili ng paksa
1. Kawilihan ng Paksa – Dapat ay likas na napapanahon; may mayamang
damdaming pantao, may kapana-panabik na kasukdulan, naiibang
tunggalian at may malinaw at maayos na paglalarawan sa mga tauhan at
tagpuan.
2. Sapat na Kagamitan – Mga datos na pagkukunan ng mga pangyayari.
3. Kakayahang Pansarili – Ang pagpili ng paksa ay naaayon din sa
kahusayan, hilig at layunin ng manunulat.
4. Tiyak na Panahon o Pook – Ang kagandahan ng isang pagsasalaysay ay
nakasalalay sa malinaw at masining na paglalarawan ng panahon at pook
na pinangyarihan nito. Kaya, mahalagang iwasan ang labis na paghaba sa
panahong sakop ng salaysay at pagbanggit ng napakaraming pook na
pinangyarihan ng salaysay.
5. Kilalanin ang mambabasa – Sumusulat ang tao hindi para lamang sa
kaniyang pansariling kasiyahan at kapakinabangan, kundi para sa kaniyang
mambabasa.
Ang mga Mapagkukunan ng Paksa
1. Sariling Karanasan – Pinakamadali at pinakadetalyadong paraan ng
pagsasalaysay ng isang tao sapagkat ito ay hango sa pangyayaring
naranasan ng mismong nagsasalaysay.
2. Narinig o napakinggan sa iba – Maaaring usapan ng mga tao tungkol sa
isang pinagtatalunang isyu, mga balita sa radyo at telebisyon, at iba pa.
Subalit, tandaang hindi lahat ng narinig sa iba ay totoo at dapat paniwalaan.
Mahalagang tiyakin muna ang katotohanan bago isulat.
3. Napanood – Mga palabas sa sine, telebisyon, dulaang panteatro, at iba pa.
4. Likhang-isip – Mula sa imahinasyon, katotohanan man o ilusyon ay
makalilikha ng isang salaysay.
5. Panaginip o Pangarap – Ang mga panaginip at hangarin ng tao ay maaari
ring maging batayan ng pagbuo ng salaysay.
6. Nabasa – Mula sa anumang tekstong nabasa kailangangang ganap na
nauunawaan ang mga pangyayari.
Mga Uri ng Pagsasalaysay
1. Maikling Kuwento – Nagdudulot ng isang kakintalan sa isip ng mga
mambabasa sa pamamagitan ng paglalahad ng mahahalagang pangyayari sa
buhay ng tauhan.
2. Tulang Pasalaysay – Patulang pasalaysay ng mga pangyayari sa
pamamagitan ng mga saknong.
3. Dulang Pandulaan – Binibigyang diin dito ang bawat kilos ng mga tauhan,
ang kanilang panlabas na kaanyuan kasama na rito ang kanilang pananamit,
ayos ng buhok at mga gagamiting mga kagamitan sa bawat tagpuan. Ang
kuwentong ito ay isinulat upang itanghal.
4. Nobela – Nahati sa mga kabanata; punong-puno ng mga masalimuot na
pangyayari.
5. Anekdota – Pagsasalaysay batay sa tunay na pangyayaring nakawiwili.
6. Alamat – Tungkol sa pinagmulan ng isang bagay o anuman sa paligid.
7. Talambuhay – “Tala ng buhay” ng isang tao, pangyayaring naganap sa buhay
ng isang tao mula sa kaniyang wakas.
8. Kasaysayan – Pagsasalaysay ng mahalagang pangyayaring naganap sa isang
tao, pook o bansa.
9. Tala ng Paglalakbay (Travelogue) – Pagsasalaysay ng isang
pakikipagsapalaran, pagbibiyahe o paglalakbay sa ibang lugar.
12. Galugarin
Gawain 2: I-check Mo Yan!
Panuto: Gayahin ang pormat ng talahanayan sa ibaba. Suriin mo ang mga
katangiang dapat taglayin ng mga anekdotang iyong binasa. Lagyan ng tsek ang
hanay na sumasang-ayon sa iyong pagsusuri at ipaliwanag kung bakit ito ang iyong
sagot.
1. Mga Kuwento ni Mullah Nassreddin: Ang Tatlong Biyernes
Katangian Oo Katamtaman Hindi Paliwanag
Makatawag pansin ang mga
katangian ng tauhan.
Payak at maikli ang pagpapahayag.
Nakakalibang habang binabasa.
Nakatulong ito upang lalong
makilala si Mullah.
2. Mula sa Anekdota ni Saadi
Katangian Oo Katamtaman Hindi Paliwanag
Makatawag pansin ang mga
katangian ng tauhan.
Payak at maikli ang pagpapahayag.
Nakakalibang habang binabasa.
Nakatulong ito upang lalong
makilala si Mullah.
Palalimin
Gawain 3: Paggawa ng Sariling Anekdota
Panuto: Sumulat ng iyong sariling-gawang anekdota. Sundin mo ang mga gabay na
ito sa iyong paggawa ng anekdota.
1. Mag-isip ng isang nakatutuwang pangyayari sa iyong buhay noong nagsimula
kang mag-aral.
2. Mula sa iyong karanasan, ano ang iyong natutuhan?
3. Ano ang nais mong matutunan ng iba sa iyong karanasan?
4. Maging malikhain sa pagsasalaysay.
13. Rubrik sa Pagtataya ng Awtput
Krayterya Napakahusay
(10)
Papaunlad
(5)
Nangangailangan ng
gabay (2)
Nilalaman Natumbok nang buong husay
ang paksa maging ang
pangkalahatang tema ng
Anekdota.
Nakasulat ng ilang pahayag
na tumumbok sa paksa
maging ang pangkalahatang
tema ng Anekdota.
Hindi natumbok ang paksa
maging ang
pangkalahatang tema ng
Anekdota.
Gramatika Mahusay na nailapat ang
wastong gramatika sa
kabuoan ng Anekdota
Nailapat ang wastong
gramatika sa kabuoan ng
Anekdota nang may
kakaunting kamalian.
Hindi nailapat ang wastong
gramatika sa Anekdota.
Kahusayan sa
pagsasalaysay.
Mahusay na naisalaysay ang
mga pangyayari sa ginawang
anekdota.
Naisalaysay ang mga
pangyayari sa ginawang
anekdota ngunit hindi
gaanong maayos.
Hindi naisalaysay ng
maayos ang mga
pangyayari sa ginawang
anekdota.
Sukatin
Mahusay! Binabati kita dahil nakaabot ka sa parteng ito. Tiyak marami kang
natutuhan sa iba’t ibang mga aralin sa modyul na ito. Ngayon, tatayahin mo ang iyong
kaalaman sa nakalipas na mga aralin.
PANGWAKAS NA PAGTATAYA
Panuto: Basahin at unawain mo ang sumusunod na tanong o pahayag. Isulat sa
iyong sagutang papel ang letra ng tamang sagot.
_____ 1. Si Mullah Nassreddin ay kilala sa Persia sa larangan ng ______________.
A. Pagkanta C. Pagbabalita
B. Pagpapatawa D. Pagsayaw
_____ 2. Alin sa sumusunod ang TOTOO tungkol sa Anekdota?
A. Ito ay mahabang salaysay patungkol sa nakaaaliw na pangyayari sa
buhay ng isang tao.
B. Isinasalaysay ng anekdota ang buhay ng isang tao mula
kapanganakan hanggang sa kasalukuyang buhay nito.
C. Ang anekdota ay isang maikling pagsasalaysay ng isang
nakatutuwang pangyayari sa buhay ng isang tao.
D. Ito ay isang akdang pasalaysay na itinatanghal sa entablado upang
magbigay aliw sa mga manonood dahil sa nakakatawang tema nito.
_____ 3. Ilang biyernes ang inilagi ni Mullah sa mosque upang magturo?
A. Isa C. Tatlo
B. Dalawa D. Apat
_____ 4. Ito ay isang uri ng pagsasalaysay na nagdudulot ng isang kakintalan
sa isip ng mga mambabasa sa pamamagitan ng paglalahad ng
mahahalagang pangyayari sa buhay ng tauhan.
A. Anekdota C. Nobela
B. Maikling kuwento D. Alamat
14. Napakahusay mo mahal kong mag-aaral! Binabati
kita sa matiyaga mong pagsama sa paglalakbay
at pagtalakay natin sa Anekdota mula sa Iran
(Persia). Batid kong nakapapagod maglakbay pero
sulit naman dahil matagumpay mong natutuhan
ang mga dapat mong malaman. Ihanda mo ngayon
ang iyong sarili sa kasunod na modyul – Modyul
3: Talumpati mula sa South Africa,
_____ 5. Isang uri ng pagsasalaysay na nagkukuwento ng mga pangyayaring
naganap sa buhay ng isang tao mula kapanganakan hanggang wakas.
A. Talambuhay C. Alamat
B. Anekdota D. Tala ng Paglalakbay
_____ 6. Ito ay isang uri ng salaysay na nagkukuwento sa pinagmulan ng isang
bagay o kahit anoman sa paligid.
A. Talambuhay C. Alamat
B. Anekdota D. Tala ng Paglalakbay
_____ 7. Ito ay isang uri ng pagsasalaysay na nahahati sa mga kabanata.
A. Nobela C. Alamat
B. Maikling Kuwento D. Tala ng Paglalakbay
_____ 8. Ito ay isang uri ng pagsasalaysay patungkol sa mahalagang
pangyayaring naganap sa isang tao, pook o bansa.
A. Talambuhay C. Alamat
B. Kasaysayan D. Nobela
_____ 9. Pagsasalaysay ito ng isang pakikipagsapalaran o paglalakbay sa ibang
lugar.
A. Kasaysayan C. Anekdota
B. Talambuhay D. Travelogue
_____ 10. Alin sa sumusunod ang angkop na maaaring mapagkukunan ng paksa
sa pagsasalaysay?
A. Panaginip C. Tsismis
B. Nabasa D. Parehong A at B
16. Sanggunian
Department of Education – Curriculum and Instruction Strand (2020). Most
Essential Learning Competencies. p. 251
Ambat, Vilma C. et.al (2015). Filipino 10 Modyul para sa Mag-aaral. Pasig City: Vibal
Group, Inc.
Mullah Nasruddin Stories - The Three Fridays. Nahango noong Enero 8, 2021 mula
sa https://www.youtube.com/watch?v=A_nO7QV5YNs&feature=youtu.be
Persian Empire. Nahango noong Enero 8, 2021 mula sa
https://www.nationalgeographic.org/encyclopedia/persian-empire/
Ancient Persia. Nahango noong Enero 8, 2021 mula sa
https://www.ancient.eu/Persia/
Mula sa Anekdota ni Saadi. Nahango noong Enero 8, 2021 mula sa
https://www.youtube.com/watch?v=fBOqh66B_bk
