Тақырыптық сабақ: «Бірліктеміз бәріміз!»

1. Сабақтың тақырыбы: Бірліктеміз бәріміз!
Сабақтың мақсаты: Балаларға туған елі, Отаны- Қазақстан мемлекеті
туралы білімдерін бекіту. Өлең, тақпақтар арқылы сөздік қорын дамыту.
Балалардың өзге ұлт өкілдерін құрметтеп, сыйлап, қадірлеуге тәрбиелеу.
Сабақ барысы: Сабақ еліміздің әнұранымен басталады.
Тәрбиеші: Бейбіт таңдар арайланып атады.
Туған жерді аймалады шапағы,
Байтақ елім- Қазақстан!
Ең бақытты балалардың Отаны!
Балалар, барлығымыз да Қазақстан картасына назар аударайық. Мынау
біздің байтақ жеріміз. Қазақстанның табиғаты алуан түрлі, жері кең, байтақ.
Қазақстан мемлекетінде әртүрлі ұлт өкілдері мекен етеді. Бір- бірімен дос,
тату- тәтті өмір сүреді. 1 мамыр- Халықтар достастығы мерекесі.
Күмісай: Отанды жас, кәріміз де
Туған жер деп сүйеміз
Өйткені онда бәріміз де
Туып өмір сүреміз.
Тәрбиеші: Біздің Қазақстанда көп ұлттар тұрады. Олар қалай тұрады екен?
Олар бір- бірімен дос, тату тұрады. Соның куәсі ретінде бүгін бізге қонақ келді.
Ол кісінің ұлты – орыс. Орыс болса да біздің ана тілімізді түсініп, тату- тәтті
өмір сүреді.
Сәлеметсіңдерме балалар! Мен сендерді бүгінгі мерекемен құттықтауға келдім.
Достық, татулық мерекесі жасай берсін! Орыс халқының ұлттық ойынын
ойнасақ қалай қарайсыңдар?
Ойын: « Жмурки» ( орыс халық ойыны)
Жарайсыңдар балалар, өте жақсы ойнадыңдар. Ал енді сендер өздеріңнің
өнерлеріңді көрсетіңдер!
Ән: « Балдырғандар жыры»

2. Тәрбиеші: Балалар айтыңдаршы біздің Қазақстанның жері қандай?
- Қазақстанның жері бай, үлкен, әдемі.
- Қазақстанның жерінде не бар?
- Қазақстанның жерінде үлкен қалалар, ауылдар, жасыл орман, биік
таулар, теңіз, өзендер бар.
Нұрай:
Менің елім – Қазақстан.
Бар ғой онда бәрі де,
Өзен де бар, көл де бар
Орман да бар, тау да бар.
Жайнаған сансыз қаласы бар.
Жайқалған жомарт даласы бар.
Сабина
Қазақстан – елім менің,
Қазақстан- жерім менің.
Саған арнап айтылады
Сүйікті әнім менің!
Ән: « Ағайынбыз бәріміз»
Тәрбиеші: Қазақстан мемлекетінде қазақ, орыс, татар, қырғыз, өзбек, корей,
қытай т.б. ұлт өкілдері достықта бірігіп тұрады. Әр халық туралы әңгімелеу.
Ойын: « сақина салу»( қазақ халық ойыны)
Анель:
Отан- сенің ата- анаң
Отан- досың бауырың
Дамир:
Отан- өлкең, астанаң.
Отан- тарих, Отан- тіл.

3. Ойын: « Қол күрес»
Тәрбиеші: Қазақстанда тұратын барлық халықтардың өмірі күндей
жарқырап, қырандай самғай берсін. Елбасымыз елімізді тыныштықта
сақтасын.
Камилла: Елімде бейбіт тыныш заман болсын.
Тілеймін әр адамға бақыт қонсын.
Елімнің ел ағасығ, елбасшысы
Нұрсұлтан Назарбаев аман болсын!
Міне, балалар, біз әсем де шуақты Қазақстан Республикасының болашақ
азамат пен азаматшасымыз. Оны көркейту де, көріктендіру сіздердің
қолдарыңызда. Бәрімізде тату- тәтті өмір сүрейік, дос болайық!

4. №7 « Айша» мектеп- бақшасы
Тақырыптық сабақ:
« Бірліктеміз бәріміз!»
Тәрбиеші: Таскенова А.А.
Көкшетау қаласы