Memoria Matrix Decodificado

A FILOSOFÍA NO CINE
Matrix Decodificado
IES. VIRXE DO MAR. NOIA
ALICIA EVA GAREA TRABA
SINOPSE:
Estes materiais queren conseguir que o alumnado sexa capaz de introducirse na elaboración dun
xuízo crítico elaborado de forma teórica, a partir da reflexión sobre a triloxía cinematográfica The
Matrix, de xeito que adquiran algunhas das competencias básicas que establece o curriculum do
Bacharelato: A formulación crítica de problemas filosóficos, a capacidade de lectura de textos
fílmicos e a competencia na expresión escrita do pensamento.
CAMPO DE TRABALLO
O nivel e complexidade dos temas e os traballos require que sexan aplicados no contexto do
Bacharelato. Así, o tema “o real” é indicado para traballar como introdución e/ou aplicación de
coñecementos nos cursos de 1º e 2º de Bacharelato. O tema “relacións entre ser humano e
tecnoloxía” está pensado para desenvolver en 1º de Bacharelato ou como complemento ás materias
de Ciencias para o Mundo Contemporáneo e Filosofía da Ciencia e da tecnoloxía.
Os temas “a liberdade” e “o ser humano” están pensados para introducir estes coñecementos
vinculándoos á materia de Filosofía de 1º de Bacharelato.

ÍNDICE:
1. PRESENTACIÓN
2. GUÍA DIDÁCTICA
a. Xustificación
Aprender a aprender
As secuencias cinematográficas como textos.
Filosofía e ciencia ficción
The Matrix
b. Obxectivos
c. Contidos
d. Metodoloxía
e. Temporalización
f. Organización
g. Actividades
h. Plan de Avaliación
1. A observación sistemática da vida da aula.
2. O caderno de Traballo
3. O traballo colaborativo
4. A avaliación do alumnado
3. OUTROS MATERIAIS
1. PRESENTACIÓN
A forma de achegar o alumnado aos problemas filosóficos a través do cine supón, xa de seu, unha
forma lúdica de acadar unha competencia básica na formulación de problemas filosóficos. Sen
embargo, un dos obstáculos fundamentais ven sendo adquirir a capacidade de superar esa fase lúdica
para que o alumnado sexa quen de introducirse na elaboración dun xuízo crítico elaborado de forma
teórica.
Esta tarefa de abstracción e teorización dun problema filosófico levouse a cabo, na historia da
ensinanza, xeralmente a través da explicación do profesor e do estudio dos textos históricos.
Comezar vendo cine persegue, non só achegar os temas ao alumnado, actualizándoos, senón lograr
involucrar os alumnos e alumnas no desenvolvemento do tema.

2. GUÍA DIDÁCTICA
a. Xustificación
Aprendendo a aprender
Aprender vai máis aló de recompilar información, aprender implica acción, reflexión e
interacción. Un alumno ou alumna só pode facerse preguntas acerca do mundo social que o
rodea se primeiro toma conciencia dos esquemas, estruturas e ideas que ten acerca dese
mundo e de que estas ideas teñen a súa orixe na propia experiencia. As ideas acerca do
mundo que se constrúen a través da experiencia producen estruturas que dan aos suxeitos
certo grao de certeza. Estas estruturas constitúen “modelos intuitivos” que, só no caso de se
faceren explícitos, poden ser susceptibles de reflexión e/ou cambio.
Por iso é tan importante provocar os contextos que obriguen o alumnado á reflexionar sobre
esas concepcións, e o cine de ficción abunda en exposicións deste tipo. O noso intento é
darlle aos alumnos e alumnas a posibilidade de xerar intuicións que poidan servir de base á
reflexión posterior seguindo a trama dunha película, no que o debate filosófico se propón de
fondo.
Esta actividade é fundamentalmente unha investigación práctica na que o soporte básico
serán as secuencias da película sobre as que se xera a discusión filosófica. Neste contexto
tratamos de transmitir ao alumnado que:
Cuestionarnos o coñecemento permanentemente facendo preguntas acerca de
cuestións que poden parecer obvias é unha forma de avance intelectual.
As preguntas non as formula quen non sabe, senón que se fan sempre desde
coñecementos previos, que non sempre son conscientes.
As preguntas poden ter distintas respostas, e un mesmo problema pode ser enfocado
desde ópticas diversas.
As preguntas xorden da reflexión sobre a nosa experiencia
As secuencias cinematográficas como textos.
O cine forma parte do noso imaxinario colectivo e, por iso, ofrece unha oportunidade case
única para a análise das formas de representación do mundo no que vivimos. Resulta
empiricamente evidente que as mensaxes dos medios de comunicación de masas constitúen
hoxe o medio comunicativo no que medran as novas xeracións. Os rapaces e rapazas
recoñecen hoxe as imaxes como o sistema de representación e transmisión de mensaxes máis
directo e aceptado. Non se pode esquecer que o xeito de establecer comunicación co
alumnado debe pasar polo uso dos medios de representación que lle son propios, así como
recoñecer que a imaxe é un dos mellores vehículos para expresar os problemas reais da nosa
sociedade e, sobre todo, o que mellor conecta coa sensibilidade das novas xeracións.
Pero a capacidade ou competencia para comprender, interpretar e usar imaxes, require tanto
comprender a mensaxe que levan consigo como xerar novos coñecementos. Hai imaxes que
din ou pensan e outras que dan que dicir ou que pensar. Optamos por un uso do cine, non
meramente instrumental, senón tamén crítico e conformador das nosas representacións:
O cine nas aulas debe producir espazos e tempos escolares onde se xere a reflexión e
a polémica.

Debe usarse como unha actividade de traballo e non como un accesorio para facer
máis agradable a aprendizaxe. Os usos posibles que adquiren as escenas fílmicas neste
traballo serán:
Uso Proxectivo: que ofrezan a oportunidade dunha asociación de experiencia
nos receptores.
De Identificación: que favorezan a conexión coa realidade inmediata
De Desequilibrio: que tenten proporcionar un efecto de sorpresa ou
desconcerto que obrigue os receptores a cuestionar as ideas preestablecidas
sobre o tema
De Competencia: que tenten mostrar a pertinencia do tema e as novas dúbidas
que se suscitan en relación co mesmo.
O visionado dunha película debe completarse cun repaso das secuencias que se van utilizar
para centrar o tema. Estas secuencias deben ter unha duración breve que equivale, en
ocasións, ao tempo de lectura dun texto e o seu visionado pode reforzarse coa lectura do
guión da escena.
A natureza das actividades que se propoñen esixe que se deixe sentir a voz do alumnado,
creando unha comunidade de diálogo que estimule a capacidade de elaborar respostas e
repensar os problemas filosóficos básicos.
Filosofía e ciencia ficción
Basicamente, a filosofía, é o intento de dar resposta ás preguntas que se formula o ser
humano, tales como “que é o universo”, “cal é a natureza da realidade”, “a posibilidade de
acceso ao coñecemento”, “o sentido da vida”. Todas estas preguntas e moitas outras teñen
cabida na especulación filosófica, co único límite da racionalidade e a exclusión de
xustificacións dogmáticas.
Os mundos narrativos teñen como fondo o mundo que asumimos como real e as súas leis
deséñanse a partir da comprensión que temos do mundo real. Así, a narración de ficción
constrúe mundos análogos ao universo real que permiten comprender mellor a estrutura da
realidade e mesmo mostran aspectos desta que doutra forma permanecerían en penumbra. A
ciencia ficción tense ocupado dos interrogantes metafísicos tratándoos cunha amplitude,
liberdade e imaxinación que non pode permitirse a racionalidade filosófica.
Na ficción, a verdade asoma a través da fábula, como unha metáfora da realidade, de forma
que podemos propoñer cuestións que transcenden a propia realidade. Todo traballo de
ficción instala o espectador dentro dun novo sistema de realidade, con novas posibilidades,
como se fose un viaxeiro a un novo mundo. O mundo de ficción ten o seu propio sistema de
coñecementos, crenzas, soños e alucinacións que actúa coma un mundo de segundo orde para
o espectador o que lle permite crear novas forma de enfrontar o mundo real.
Escritores como P. K. Dick ou Asimov deron lugar a obras (literarias e cinematográficas)
nas que temas como “o sentido da vida humana” ou “a posibilidade de vivir nun mundo
irreal” son o tema principal. Entre outros sirvan como exemplo:
Dark City (1998) dirixida por Alex Proyas e Desafío Total. (1990) dirixida por Paul
Verhoeven. Solaris (1972) dirixida por Andrei Tarkovsky. Fundamentalmente xiran ao

redor de como se pode establecer un criterio de certeza para os nosos contidos mentais e
sobre o criterio de realidade
Blade Runner. (1982) dirixida por Ridley Scott, I.A 2001 dirixida por Steven Spielberg. ou
El Hobre Bicentenario 1999 dirixida por Chris Columbus. Fundamentalmente tratan sobre a
definición do ser humano e o sentido da súa vida.
The Matrix
Escollemos para comezar este traballo sobre a Filosofía no cine a Triloxía Matrix porque
asume toda a problemática anterior e inscríbese nas novas tendencias da Ciencia ficción.
Nos derradeiros anos a Ciencia Ficción abandona a pretensión de anticipar inventos e
descubrimentos e comeza a ocuparse do cosmos interior do home. Elixe como un dos seus
temas as repercusións da ciencia na vida e no futuro do ser humano. Tendencias como o
“ciberpunk” e a “New Wave” son unha consecuencia deste cambio de enfoque que
transformou a Ciencia Ficción nunha literatura de ideas que pretende mostrar algúns dos
problemas do mundo actual. Os avances tecnolóxicos e as consecuencias dun mundo
dominado polo universo dixital fan de vehículo para o debate sobre as grandes cuestións que
se propón o ser humano.
A Triloxía Matrix proponnos un percorrido por estas cuestións entrelazándoas de forma que
se poden seguir ao longo dos tres filmes a maior parte das teorías que sobre estas cuestións se
elaboraron na historia da humanidade.
Na Triloxía Matrix podemos ver a influencia das grandes relixións (Xudeo-cristianismo e
Budismo), das Mitoloxías (Gregas, Exipcias e Asiáticas), das filosofías (Platonismo,
Empirismo, Racionalismo...) e, por suposto das Tecnoloxías (Maquinas, Robots,
Intelixencias Artificiais...). Deste xeito, Podemos ver a Triloxía como unha metáfora do
percorrido que o ser Humano leva feito para respostar as cuestións fundamentais: que é o
universo? quen somos? somos libres? onde imos?
b. Obxectivos
1. Que o alumnado aprenda a ver, máis aló, do guión argumental da película, un fondo
simbólico de referencias culturais, que poidan servir para a súa aplicación noutros
contextos.
2.Que os alumnos e alumnas usen a película para situar algunhas das reflexións
filosóficas máis relevantes dun xeito lúdico, pero ao mesmo tempo motivador. Que
poidan ler unha película como se fose un texto a través do cal se poidan recoñecer as
formas que os seres humanos tivemos de pensar historicamente os problemas básicos da
filosofía (a definición do real, a relación do ser humano coa tecnoloxía, o problema da
liberdade e a propia definición do ser humano)
3. Que o alumnado poida introducirse no coñecemento dalgúns dos textos máis famosos
da historia da filosofía dun xeito lúdico
4. Que o alumnado poida producir a súa propia reflexión sobre os temas sinalados

c. Contidos
O traballo que se propón inclúe os seguintes temas:
O real: Unha proposta de traballo para respostar á cuestión “que é real? . O traballo
desenvólvese a partir de:
a) escenas das películas The Matrix e The Matrix Reloaded
b) presentación en pps sobre o tema
c) caderno de traballo para o alumno/a
A liberdade:
Unha proposta de traballo para respostar á cuestión “somos libres? O traballo desenvólvese
a partir de:
a) escenas das películas The Matrix e The Matrix Reloaded e Matrix Revolutions
A Tecnoloxía:
Unha proposta de traballo para respostar á cuestión “o home ou a máquina? O traballo
desenvólvese a partir de:
O Ser humano:
Unha proposta de traballo para respostar á cuestión “quen somos? O traballo desenvólvese
a partir de:
Ademais no CD pódense atopar:
The Matrix
a)Explicación do filme
b)Ficha de recollida de datos
The Matrix Reloaded
The Matrix Revolutións
As fontes de Matrix

d. Metodoloxía
Como queira que a película foi elixida porque propón un debate, non só pola súa temática,
senón tamén polo seu xénero (ciencia ficción) ten que ser o debate o eixe rector de todo o
proceso de realización do traballo. As técnicas de traballo colaborativo poden facer moito
máis produtivo este debate ao organizar o traballo e facer que cada alumno ou alumna
asuma un rol específico nel. A proposta de traballo que facemos está baseada nesta técnica,
pero pode tamén levarse a cabo dun xeito menos formal.
Comézase constituíndo os grupos de traballo. Para iso o profesor ou profesora deberá
conformar 5 grupos de traballo de 5 alumnos cada un deles (25 alumnos dun aula tipo). É
fundamental que a constitución dos grupos de faga escollendo unha distribución
homoxénea dos mesmos. Para iso determinarase o nivel de desenvolvemento moral do
alumnado e terase en conta as características sociolóxicas dos mesmos:
-Non deberán coincidir no mesmo grupo os alumnos e alumnas co mellor
desenvolvemento moral. Para evitar isto, e previamente ao inicio do traballo pode
presentarse ao alumnado un dilema moral que demostre o seu grao de razoamento.
-Deberán distribuírse con coidado os alumnos desprazados dentro da aula,
mesturándoos con alumnos moi aceptados.
-Debe distribuírse equitativamente o número de nenos e nenas.
Os elementos dos grupos así formados terán máis oportunidades de formarse mutuamente.
Na primeira reunión dos grupos constituídos terán que distribuírse as funcións e traballos.
Todos os grupos realizarán o mesmo traballo e, todos eles, seleccionarán un experto en
cada un dos temas a debater. Os roles e funcións poden distribuírse seguindo o seguinte
documento:
MATRIX E A LIBERDADE
(EXEMPLO)
CALENDARIO DE REUNIÓNS
REUNIÓNS INTERGRUPAIS DE EXPERTOS: (a proposta do profesor)
Deben servir para poñer en común os diversos aspectos que cada grupo pensa que se deben
tratar no tema. É importante que un dos asistentes tome nota para que logo poida presentar ao
seu grupo as diversas propostas.
REUNIÓNS DE GRUPO (a proposta dos alumnos, pero deben coordinarse coas
reunións de expertos) Teñen que servir para poñer en común as distintas fases do traballo e
decidir cal vai ser a liña a seguir. Deberá tomarse nota das decisións que se tomen para que
todo o mundo teña claro o modelo de traballo a seguir. O experto en cada tema deberá
comezar explicando como debe abordarse o tema e logo o grupo suxerir propostas.

Fixarase un calendario de traballo que contemple as reunións e as datas de entrega.
PLANTEXAMENTO E REPARTO DE TAREFAS………DATA:
POSTA EN COMÚN PRELIMINAR (parte 1).…………...DATA:
REVISIÓN DE TRABALLOS……………………………..DATA:
DESPOIS DA REUNIÓN INTERGRUPAL……………….DATA:
REVISIÓN XERAL DOS CONTIDOS.....………………...DATA:
ELABORACIÓN DA PRESENTACIÓN………………….DATA:
FINALIZACIÓN DO TRABALLO………………………...DATA:
AS ELECCIÓNS DE NEO 1………………………….……DATA:
AS ELECCIÓNS DE NEO 2………..……………………...DATA:
AS ELECCIÓNS DE NEO 3 ……………………………...DATA:
LIBERDADE OU DESTINO…..…………………………..DATA:
LIBERDADE OU DETERMINISMO………..…………….DATA:
Finalmente, cada grupo presentará o seu traballo e conclusións ante o resto dos grupos.
e. Temporalización
2º Bacharelato. O problema do Real. (este traballo está pensado para realizarse ao longo
do curso académico tendo en conta que debe realizarse a medida que se van impartindo as
clases de historia da filosofía. Non debe verse a segunda película antes de ter comezado a
impartir a filosofía moderna e debe deixarse para final de curso a derradeira película da
triloxía)
1º Trimestre:
Visionado The Matrix Duración: 136 min. 3 clases.
Elaboración da Ficha do Filme e discusión aberta. 1 clase
♣Traballo cos autores da Época Clásica.
Elaboración das cuestións sobre The Matrix 3 clases.
2º Trimestre:
Visionado The Matrix Reloaded. Duración: 138 min. 3 clases
Elaboración da Ficha do Filme e discusión aberta 1 clase
♣Traballo cos autores da Época Moderna
Elaboración das cuestións sobre The Matrix Rloaded 3 clases
Presentación Power Point sobre o tema do Real 2 clases
3º Trimestre:
Elaboración do traballo final
Presentación 1 clase por grupo

1º de Bacharelato:
O problema do Ser humano: Quen somos?: 1º Trimestre:
Este traballo está pensado para poder realizarse como reforzo das clases de filosofía e/ ou
antropoloxía, para traballar o tema da definición do ser humano. Deberá traballarse
conxuntamente cos temas: -O dobre proceso de evolución biolóxica e cultural:
hominización e humanización. E -A dialéctica entre natureza e cultura e as diferentes
concepcións do ser humano a que dá lugar.
O problema da liberdade: Somos libres?: Este traballo está pensado para poder
realizarse como reforzo das clases de filosofía e/ ou antropoloxía, para traballar o tema da
liberdade. Deberá traballarse conxuntamente cos temas: -Os fundamentos da acción moral:
liberdade e responsabilidade. E -O tránsito da heteronomía á autonomía moral.
A tecnoloxía e o Ser humano: Homes ou máquinas?: traballo está pensado para poder
realizarse como reforzo das clases de filosofía e/ ou ciencias para o mundo contemporáneo,
para traballar o tema do uso e abuso da tecnoloxía polo ser humano. Deberá traballarse
conxuntamente cos temas: -A revolución tecnolóxica da comunicación e tratamento da
información. Repercusións na vida cotiá. E -A sociedade da información e as súas
oportunidades e riscos.
En calquera dos casos a temporalización deberá ser a seguinte:
Visionado The Matrix Duración: 136 min. 3 clases.
Elaboración da Ficha do Filme e discusión aberta. 1 clase
Elaboración das cuestións sobre The Matrix 3 clases.
Posta en común das cuestións (con discusión aberta) 1 clase
Visionado The Matrix Reloaded. Duración: 138 min. 3 clases
Visionado The Matrix Revolutions. Duración: 130 min. 3 clases
Presentación Power Point sobre o tema do Ser humano 1 clase (a cargo do
profesor)
Elaboración do traballo final (fora da clase) e Presentación 1 clase por grupo

f. Organización
1. Visionado das películas. (Preferentemente na aula de vídeo e a pantalla completa)
2. Despois de cada unha das películas deberá realizarse o cuestionario correspondente a
cada unha e a lectura dos textos que se aportan. Débese facer inmediatamente despois de
ver as películas na propia aula de vídeo ou ben na aula ordinaria. Este traballo deberá
facerse de forma individual.
3. O profesor deberá explicar a película mediante os powerpoints correspondentes ao tema
elixido. Deben volver a visualizarse as escenas a través dos vínculos para poder
comprender as explicacións
4. O alumnado realizará un traballo final de reflexión sobre a película e o tema, seguindo os
guións de traballo que poderán imprimir desde o CD. Este traballo poderá realizarse
seguindo a técnica do traballo colaborativo. Este traballo pode comezarse na clase e
continuarse fóra dela e deberá rematar cunha exposición ao resto da clase sobre o tema
proposto.
g. Actividades
Reflexión sobre secuencias audiovisuais: Recoñecer as analoxías que se establecen
entre as secuencias e os textos propostos, así como entre as secuencias e os problemas
presentados. Emitir novos xuízos sobre a secuencia propoñendo interpretacións
alternativas.
Lectura de textos filosóficos: Entre todos os obxectivos deste materiais é básico non
esquecer o fundamental, capacitar o noso alumnado para traballar coa ferramenta de
traballo intelectual máis potente que existe, a capacidade de entender as mensaxes
escritas, de analizar, sintetizar e expoñer as ideas dun texto, porque só a partir da
lectura dos pensamentos dos outros poderemos xestionar e potenciar a nosa propia
forma de ver o mundo.
Investigación na Rede sobre os temas propostos: Investigación guiada pola rede
para a recompilación da información debe ir acompañada sempre da clasificación da
información, o carácter das fontes a fiabilidade...etc
Elaboración de materiais en diversos soportes: permita producir eles mesmos
textos escritos, conceptualmente ben expostos, usando as ferramentas propias dun
pensamento racional. Producir presentacións usando diferentes soportes dixitais (pps,
movies, webs ou blogs).
h. Plan de Avaliación
A avaliación deste proxecto levouse a cabo mediante 4 mecanismos básicos:
1. A observación sistemática da vida da aula.
2. O caderno de Traballo
3. O traballo colaborativo
4. A avaliación do alumnado

1. A observación sistemática da vida da aula, valorando o grao de participación, o
esforzo realizado, o interese e implicación nas tarefas diarias, os intercambios e
intervencións orais, as exposicións de informacións específicas etc.
TRABALLO NA AULA
ESTUDIANTE____________________________________________________________
CUALIFICACIÓN 1 2 3 4 5 6 7 8 9 10
Esforzo
Implicacións nas
tarefas diarias
Intervencións orais
oportunas
Cooperación co
grupo de clase
Achegas persoais
CUALIFICACIÓN MEDIA:
Os resultados xerais que puidemos observar na aplicación destes materiais foi un elevado
incremento nas intervencións orais e na cooperación co grupo de clase. En cambio o esforzo
individual non se veu aumentado nin a implicación nas tarefas diarias. Na gráfica adxunta
pódense observar as porcentaxes de cualificacións acadadas.
TRABALLO NA AULA : O Problema do Real
2º BACH
70 estudiantes
0-5 6-7 8-10 0-5 6-7 8-10 0-5 6-7 8-10 0-5 6-7 8-10 0-5 6-7 8-10
Esforzo Implicación Intervención Cooperación Achegas

2. O caderno de Traballo: nel aparecen reflectidas actividades propostas para cada tema.
Debe valorarse, ademais do traballo, as achegas persoais do estudiante, a presentación do
traballo a súa completude, etc.
APELIDOS E NOME:
CURSO:
CUALIFICACIÓN DATA: 10 8 6 4 1
Actividades: 1 2 3 4 5 6 7
Están completas.
Están razoadas as respostas.
Está corrixido
Aspectos xerais.
Redacción do traballo.
Ortografía.
Aspecto xeral do traballo.
Achegas persoais:
Comentarios persoais sobre outros textos, imaxes….
Aplicacións a situación distintas das plantexadas
Achegas de opinións persoais razoadas
Presentación de materiais alternativos
CUALIFICACIÓN GLOBAL 10 8 6 4 1
Observacións:
S: Sí. N: No
Os resultados que puidemos observar respecto ao Caderno de Traballo foi un aumento
significativo na capacidade de razoamento e na aplicación deste a situacións filosóficas
significativas. En xeral, os cadernos completáronse con rapidez e foi significativa a ausencia
de presentación de materiais alternativos.

Traballos colaborativos, elaborados a nivel grupal. Valóranse segundo a seguinte ficha
TRABALLO COLABORATIVO GRUPAL
TÍTULO___________________________________________
ESTUDIANTE____________________________________________________________
6 8 10
Cooperación
• Achega de algunha
idea
• Achega dalgunha idea
• Achega de novos
puntos de vista sobre o
problema.
• Achega dalgunha idea
• Achega de novos puntos de vista
sobre o problema.
• Participación moi activa.
• Vinculación estreita co grupo.
Responsabilidade
Individual
• Elaboración da
parte individual do
traballo
• Elaboración da parte
individual do traballo
Posta en común do
traballo individual
• Elaboración e
aceptación de críticas.
• Elaboración da parte individual
do traballo Posta en común do
traballo individual
• Elaboración e aceptación de
críticas.
• Adaptación do traballo individual
incorporando as achegas dos
compañeiros.
Dinámica de
interacción
• Seguindo as
indicacións do
profesor.
• Seguindo as indicacións
do profesor.
• Segundo as necesidades
de cada momento
• Seguindo as indicacións do
profesor.
• Segundo as necesidades de cada
momento
• Aceptaron os cambios de
situación, reformando o grupo.
Resolución de
conflictos
• Escoita as opinións
dos compañeiros
• Escoita as opinións dos
compañeiros
• Aporta opinións
argumentadas
• Escoita as opinións dos
compañeiros
• Aporta opinións argumentadas
• Chegan a un consenso
Organización del
espacio y el
Tiempo
• Presentan o
traballo no prazo
proposto polo
profesor.
• Presenta o traballo no
prazo proposto.
• Organizan o calendario
e cumpren os seus
prazos.
• Presentan o traballo no prazo
proposto.
• Organizan o calendario e
cumpren os seus prazos.
• Cumpren coas reunións de
traballo
Criterios de
organización del
material
• Presentan o
material
organizado
• Presentan o material
organizado.
• Organizan o material
segundo criterios
lóxicos e coherentes.
coherentes
• Presentan o material organizado.
• Organizan o material segundo
criterios lóxicos e coherentes.
coherentes
• Establecen previamente os
criterios lóxicos (cronolóxicos ou
temáticos) en función do tema
CUALIFICACIÓN
MEDIA

4.- A avaliación dos materiais razoada, encamiñada a autorregular a propia aprendizaxe con
responsabilidade e autonomía. Ademais de fomentar a autoestima do alumnado, pode aportar
unha valiosa información sobre as expectativas de éxito ou fracaso. Compromete ademais,
democraticamente, o alumnado na valoración da propia aprendizaxe e na toma de decisións.
Esta avaliación é especialmente indicativa para a reformulación do traballo. Neste caso
levouse a cabo coa seguinte enquisa:
ENQUISA DE AVALIACIÓN DE MATERIAIS
APELIDOS E NOME: __________________________________
CURSO:
Valora de 1 a 10 segundo o teu grao de conformidade co enunciado
Sobre os contidos.
1 2 3 4 5 6 7 8 9 10
Son interesantes.
Son adecuados.
Son excesivos
Influíron sobre a miña opinión respecto ao tema.
Sobre os materiais:
Comprendín os textos
A película axudoume a entender os contidos
Entendín mellor os textos despois de ver a película.
A película foi axeitada para o tema
Sobre a película:
É un bo medio de achegarse á filosofía
É excesivamente longa
Non entendín nada
Non gusto da ciencia-ficción
Sobre as explicacións do profesor
Axudáronme a entender os materiais
Foron fáciles de entender
Usa unha linguaxe moi técnica
Foron suficientes
Os resultados da enquisa que se levou a cabo entre o alumnado foi bastante irregular. Os
mellores resultados obtivéronse entre o alumnado de 2º de Bacharelato, entre os que a

discusión deu moitos froitos, sobre todo despois de acadar uns coñecementos teóricos de
historia da filosofía. A opinión maioritaria foi que a metáfora Matrix permitía comprender
mellor a teoría Platónica e Cartesiana respecto da verdade. A comprensión dos elementos
mitolóxicos implícitos na película axudaron tamén na comprensión dos textos da época
clásica.
A obxección máis xeralizada foi a relativa ao tempo dedicado á actividade, a extensión da
película e os inconvintes de vela en etapas. O resultado da enquisa entre o alumnado de 2º
de Bacharelato tivo as seguintes porcentaxes:
ENQUISA DE AVALIACIÓN DE MATERIAIS
Sobre os contidos.
Son interesantes.
Son adecuados.
Son excesivos
Influíron sobre a miña opinión respecto ao tema.
Sobre os materiais:
Comprendín os textos
A película axudoume a entender os contidos
Entendín mellor despois de ver a película.
A película foi axeitada para o tema
Sobre a película:
É un bo medio de achegarse á filosofía
É excesivamente longa
Non entendín nada
Non gusto da ciencia-ficción
Sobre as explicacións do profesor
Axudáronme a entender os materiais
Foron fáciles de entender
Usa unha linguaxe moi técnica
Foron suficientes
3. OUTROS MATERIAIS: CD-ROM (versión completa para o profesorado) Inclúe un CD
autoexecutable con todos os materiais necesarios para realizar estas actividades.

Memoria Matrix Decodificado

Recommended

Recommended

More Related Content

Similar to Memoria Matrix Decodificado

Similar to Memoria Matrix Decodificado (20)

More from Eva Garea

More from Eva Garea (20)

Memoria Matrix Decodificado