Download to read offline
Egunerokoa.urtarrila
- 1.
- 2. EGUNEROKOA. URTARRILA 0 URTARRIALK, 11astelehena Azkar pasa dira gabonak, konturatzerako egin nahi nituen hainbeste gauza alde batera utzi eta ikastolara bueltau behar izan gara denok. Egia esan, gaurko eguna nahiko arraroa izan da. Alde batetik, Olentzeroren opariak, oporraldian egindako jarduerak eta orokorrean gabonak ziren hizketagai. Betetik ordea, gabonetan bidalitako lanak biltzea, zuzentzea eta feedbacka ematea zegoen. Gainera ikasleak urduri zeuden, ez zeuden lanerako prestutasunez, mugituak zeuden batzuk, “euren munduan” beste batzuk. Tira, esaten den bezala “aterrizaje forzoso”-aren eguna delako izango da. Ea biharkoa ez den hain egun arraroa, istilutsua eta mugitua izaten. URTARRILAK 12, asteartea Gaurko egunean ez naiz ikastolara joan. PRACTICUMeko zein GRALeko tutoreekin bilera izan dut eta egia esan nituen buru hauste dexente argitu ditut baita nire esperientzia konpartitzeko aukera izan ere. GRALeko bilerari dagokionean, esango nuke guztiz aberasgarria izan dela gure esperientziak elkar trukatzea baita honen inguruko sentimenak ere. Izan ere, ikastetxe bakoitza mundu bat da eta irakasle bakoitza ere, beraz, ikasle bakoitzak esperientzia eta sentimen ezberdinak partekatu ditugu. Gainera, gainontzeko ikasleak berriro ikusteak poztasun handia eman dit. Bestalde, ondoren, Lorearekin elkartu naiz eta GRALeko oinarri izango den IKT esperientziarako prestaturiko materialaren oniritzia eman dit. Horrez gain, txostenaren nolakotasunaz eta orain arte egindakoaz ere jardun gara. Egia esan, Lorearekin oso eroso sentitzen naiz hizketan, ulertu egiten nau, nire lekuan jartzen da eta gainera aportazio ezberdinak ere egin dizkit. Okerrena, haurdun dagoela! Asko pozten naiz beragatik baina tira, orain tutore berria egokituko zait. Hala ere, ezin naiz kexatu! Jada Aingeru nire proiektuan interesatuta dago eta bera izango da nire tutore. Gainera, hau pertsonalki ezagutzeko aukera izan dut eta nire proiektuaren berri eman diogu Lorea eta biok. Uste dut, nahiz eta Loreak aurki baja hartuko duen ez nauela esku txarretan utziko ezta galduta ere. Egia esan, proiektu honetan murgiltzeko gogo handiak
- 3. EGUNEROKOA. URTARRILA 1 dauzkat etaez nuke nahi tutore aldaketagatik nire motibazioa galdetzerik! Gainera, hurrengo astean hasiko naiz O.G.-rekin proiektua gauzatzen! Irrikitan nago! URTARRILAK 13-14, asteazken-osteguna Egun hauetan ez dut ezer idatzi, ez dut ordenagailua piztu ere egin. Hiru egun pasa ditut etxean, gripeak jota ohetik ezin jaiki. Burutik gauza dexente pasa zaizkit baina asteburua aprobetxatuko dut argazki-egunkarian dena jasotzeko. Irakasleen ondoeza, ordezkapenak, hainbat berri… URTARRILAK 15, Ostirala Zelako pazientzia izan behar dugun irakasleok! Gaur, TG gelako ikasle batekin joan naiz LOGOPEDArekin lehen aldiz (hurrengo astean berarekin hasiko naiz eta ezagutze aldera) eta benetan harritzekoa iruditu zait Amaiak duen pazientzia. Gaur, goiz goizetik A.O. ikaslea aztoratuta ibili da, ez dio hitz egiteari utzi eta lana ere kostata egin du. LOGOPEDArekin izandako saioa ere halakoa izan da. Ez dakizue zenbat aldiz errepikatu dizkion gauzak Amaiak ikasleari. Besteak, kasurik ez, bere esaldiak errepikatzen ziharduen. Gainera, lanean hasi eta erantzun okerra emandakoan arkatza gorantza bota, garraxi egin eta gelan bueltaka hasi da. Egia esan, egoera ezhoikoa izan da logopedarena. Hala ere, Amaiak bere pazientzia osoarekin ez da bere onetik atera. Saio amaieran, azkenik, errepikapenaren bidez eta insitentzia handiarekin lanean jardutea lortu du. URTARRILAK 18, Astelehena Gaur, praktiketan berriro hasi naizela esango nuke. Amaia LOGOPEDArekin pasako dut aste hau eta egia esan gaur gauza berri ugari ikusi eta ikasi ditut. Lehen orduak Txioka eraikinean pasa ditugu eta bertan lehen ordutik gela egonkorrera lau ikasle etorri dira, haietako bat nire lehengusu Ibai! Egia esan izugarrizko gogoa neukan bere hezkuntza garapena nola gauzatzen duten ikusteko eta tira ez dut batere gaizki ikusi! Emozioz beteriko saioa izan da niretzat, duela urte batzuk mugitu ere ezin zitekeen lehengusua pixkanaka aurrera doala ikustea oso pozgarria izan da. Lehen ordua izan da, Amaia eta biok gelan geunden eta Oihanek atea jo
- 4. EGUNEROKOA. URTARRILA 2 du, hauireki eta Ibai ikusi dut, bere “kotxean” – ibiltzea ahalbidetzen dion ibilgailua – poz pozik. Ni ikustean, harrituta, irribarre batez agurtu nau. Amaia eta bien artean zer lantzen ari den azaldu didate eta asko saiatu da hitzen bidez ahoskapenak egiten. Egia esan, Ibairekin eta ikastolan, gelatik at bada ere behar bezalako esfortzua egiten dutela honen garapena emate aldera. URTARRILAK 19, Asteartea Gaurko egunean Izaro ezagutu dut eta aurretik teustuinguru ez formalean bistaz ezaguna banuen ere oso interesgarria izan da haur honekin hizkuntza nola lantzen duten ikustea. Izan ere, ikasle honek ahozko komunikaziorako zailtasunak erakusten ditu, ez da haur gorra baina ezin du apenas hitz egiten. Gauzak horrela, logopedarekin zeinu hizkunta ikasten ari da. Logopedarekin ikasitako zeinuak ordea ez dira gelaeta saio horietara muGatzen. Izaro bere gainontzeko kideekin hala komunikatzen da. Aste astero, Izarok ikasten dituen zeinu berriak bere gelara eraman eta gainontzekoek ere ikasten dituzte. Hau ikastolan, HPB dituzten ikasleekin bizitak esperientzia guztiz inklusibo bakarra dela esango nuke. Eredugarria guztiz! URTARRILAK 20, Asteazkena Gaurko egunean Amaiak hizkuntza froga ezberdinak erakutsi dizkit, HHn zein LH erabiltzen dituztenak. Honen harira, froga bakoitza noiz eta nola erabiltzen den, bakoitza zer iruditzen zaion… solasten egon gara. Solasean egon garen ordu luzea (libre geneukan) guztiz interesgarria izan da baita niretzat baliagarria ere- Egia esan, aste honetan ikusle gisa baino ez banago ere, izugarri ikasten ari naizela iruditzen zait. Orain arte hizkunza eta mintzirareiko ez dut inongo interesik izan baina saio hauetara joateko aukera izateak nire motibazioa eta interesa asko sustatu dute. http://web.teaediciones.com/plon -r-prueba-de-lenguaje-oral-navarra- revisada.aspx
- 5. EGUNEROKOA. URTARRILA 3 URTARRILAK 21,Osteguna Gaur bertan hasi gara! Azkenean! Irri handi batekin hartu nau ikasleak ikasgelan. Sartu bezain laster bertan zer egiten nuen galdetu dit baita eskuan neraman kaxa zer zen galdetu ere. Gaurtik aurrera proiektu interesgarri bat sortuko genuela esan diot eta horretarako ekarri dudala kutxa. Kutxa zabaldu aurretik musika intrumentu bat egingo genuela azaldu diot baina horretarako dakizkien gauzak gogoratu behar zituela. Jarraian aurre-ezagutzak lantzeko fitxa banatu diot eta bertako elementu guztiak, hitzez primeran esan ditu, letra zopa egitea ordea izugarri kostatu zaio (urduri jarri da eta hiru hitz aurkitu dituenean nahikoa zela ondorioztatu dugu). Beraz, letra zopa erdizka utzi eta elementu bakoitzarekin erlazio ezberdinak egin ditugu (janaria, informatika, musika…). Erlazioak primeran egin ditu eta orduan material eroaleen inguruko azalpena emateko “elektrizitatea-kablea-argia-piztu/itzali- indarra” hitzak ulertu nahiean aritu gara. Horretarako, ezinbestekoa izan da errealitatearekin erlazionatutako adibideak erabiltzea. Jarraian, kutxa zabaldu eta bertan zeuden elementuetatik elektrizitatea pasako ote zen galdetu zaio eta soilik kabletik eta MM xaflatik pasa zitekeela esan du. Ondoren, bertan zeuden gailu batzuekin musika instrumentu bat sortuko zuela esan zaio eta horretarako ordenagailura jo dugu adibide bila. MM xaflaren hainbat bideo ikusi ostean motibazio handia erakutsi du eta batez ere plastilina eta fruta/barazkiei arreta berezia ipini die. Material guztiak eskuekin manipulatu ditu eta gutxi bada ere MM xafla gainetik aztertzen jardun gara. Amaitzeko, gauzak ez ahazteko egunerokoan egindakoa, sentitutakoa, ikasitakoa… idazteko proposatu zaio eta kostata baina proiektuaren helburua modu gidatuan idaztea lortu du honakoa ipiniz: “Plastilinarekin, kableekin, frutekin eta xaflarekin musika instrumentua sortuko dugu.”
- 6. EGUNEROKOA. URTARRILA 4 URTARRILAK 22,Ostirala Gaur amaitu dut Amaia logopedarekin. Egia esan behar badut, berarekin igarotako saioen %90 ikusten begiratu dut baina benetan, izugarri ikasi dudala sentitzen dut. Logopediako teknika ezberdinak ikusi ditut, zeinu hizkuntzaren hastapenetan hasi, ikasle baoitzaren lanketa pertsonalizatuak bizi eta hare garrantzitsuagoa dena, berarekin saiotik saiora eta une libreetan hitzegindakoak izugarri balio izan dit. Ikasle bakoitzaz ez gara apenas aritu, aste batean ezagutzen joan naiz bakoitza eta Amaiak ahozkotasunean zeuzkaten zailtasunen berri eman dit ere, bakoitzarekin bertan zer lantzen zuten azalduaz. Hala ere, saioetatik haratago gehien harekin izandako solasaldiek balio izan didatelakoan nago. Maila instituzionalean HPB dituzten ikasleen gaineko protokoloak zein diren azaldu dizkit, ikasle bakoitzari pasa beharreko frogen inguruan ere aritu gara, HPBen munduko alderdi profesionalaz ere aritu gara. Konfintzaz kontatu dizkit gauzak eta gogotsu ikusi dut nirekin, horrek eman dit poztasun gehien! URTARRILAK 25, Astelehena Berriro ere ikasgelaz, ikaslez eta irakaslez aldatzea egokitu zait! Gaur Arraterekin hasi naiz, ikastolako ikasle ohia eta egungo PT. Neska gaztea da eta laguntza gelan ikasleei gauza ezberdinak, motibagarri zein interesgarriak eskaintzen saiatzen delakoan nago. Gaurko egunean ikasle berriak ezagutu ditut eta Arratek zera proposatu dit, begira Edurne ikasleak taldeka, banaka etab. pasatzen dira hemendik eta ea saio bakoitzean ikasle bakoitzarekin lantzen dugunaren arabera haien zailtasunak zeintzuk diren detektatzeko gai zaren. Erronka polita izan da, saioetan erne egon naiz, ikasleen erantzunetara, ikasleen mugimenduetara, Arrateren galderetara… Horrela, saio bakoitzaren ondoren nire usteak plazaratu dizkiot eta ateratako ondorio guztiak zuzenak izan dira. Hala ere, ondoren berarekin komentatzeko aukerak ikasleak modu zabalago batean ezagutzeko aukera eman dit. Uste dut aste polita pasako dudala! URTARRILAK 26, Asteartea Gaur Oierrekin bigarren saioa neukan baina gaurkoa ezberdina izan da, ez naiz bakarrik egon, Joxemi ere bertan egon da IKT interbentzioa behatzen. Honen inguruan denbora luzez hitz egiteko aukera izan dugu eta proiektu honekin aurrera egiteko aukeren inguruan aritu gara. Begiak zabaldu dizkit, baita gogoak ere! Gainera, proiektuarekiko
- 7. EGUNEROKOA. URTARRILA 5 erakutsi dueninteresak honekin aurrera egiteko motibazioa areagotu dit. Egia esan, ikastetxean muga dexente izan baditut ere proiektu interesgarria gauzatzen ari naizelakoan nago eta praktika huts batean gelditzeak pena emango lidake. Ea UPV edo Hezkuntza Berrikuntzaren programaren bati heldu naitekeen! Agian nire lehen ikertzaile pausoak izan daitezke! Nork daki! Amaitzeko, hona hemen saioaren garapena: Aurreko saioan egindakoa birgogoratuz, ikasleari material eroaleak (elektrizitatea pasako ote da?) identifikatu behar genituela azaldu zaio eta horretarako MM xafla lagungarria izango zela. Gauzak horrela, lehenik, MM xaflaren ezaguera sakona egiteari ekin zaio (soilik gaineko aldea; gezia,xagua,tartea,”lurra” ). Horretarako, 1.txantiloiaren laguntza ezinbestekoa izan da, hauen azalpenarekin zein laguntzailearenarekin, ikasleak ordenagailu-xaflaren arteko erlazioak egiteko gai izan delarik. Kasu honetan, xaflaren ezagupena bermatzeko forma geometrikoak (gezia, borobilak, laukia, zuloak…) landu dira baita eskuin- ezker kontzeptuak ere. Behin xaflaren elementuak ezagututa, honen konexioa gauzatzeko kableak ezagutzeari ekin zaio (kokodrilo kableak eta USB kablea). Era berean, MM xaflak funtziona dezan 1.txantiloiaren webgunera jo dugu eta “Bongos” (http://makeymakey.com/bongos/) aplikazioa zabalduz (modu autonomoan nabigatzailera jo du baita webgunean aritu ere). Esperimentazioan hasi aurretik, aurreko saioko “elektrizitatea” kontzeptua sakondu da, material eroalearen kontzeptura iristeraino (argia, kablea, indarra, elektrizitatea, eroalea) eta jarraian ikasleari esperimentatzera bideratu zaio. Horretarako ondorengo galdera bota zaio: Kutxako material guztietatik elektrizitatea pasako ote da? MM xaflarekin frogatzea posible al da? Gauzak horrela, bidean gidatuz eta hainbat unetan MM xafla konketatzeko zein sarean nabigatzeko laguntza eskainiz ordenagailua kutxako material guztiekin konektatzea lortu da hasierako galderei esperimentazio bidezko erantzuna emanaz. Guztiz aipatzekoa da ere ikaslea modu guztiz autonomoan orokortzeak egitera ere iritsi dela, esaterako, fruta guztiak eroaleak direla ondorioztatzera iritsi da edota plastikodun materialetatik elektrizitatea
- 8. EGUNEROKOA. URTARRILA 6 ez delapasatzen baieztatzera ere. Honen ebidentzia 3.txantiloian jaso da, non ikasleak elementu eroale guztiak arazorik gabe identifikatu dituen. Saioa amaitzeko, berriro ere egunerokoan idazteko gonbitea egin zaio eta saioan eduki/kontzeptu berri ugari landu baditugu ere laburki egindakoa idazteko gai izan da: “Esperimentua egin dugu elektrizitatea pasatzen den ikusteko” URTARRILAK 27, Asteazkena Gaur Oierrekin 3. Saioa izan dut. Oso pozik nago, esperotakoa baino askoz gehiago barneratzen ari ditu kontzeptuak eta ez zaio inongo momentuan motibaziorik falta! Gainera, nahiz eta berarengan oso ohikoa izan, ez da blokeatu, bapateko erantzuna eman du eta hitzezko zein idatzizko komunikazioan biziki saiatu da. Gaur beraz, saioaren garapena elkarbanatu nahiko nuke: Saioari hasiera emanaz, lehenik aurreko saioan egindakoa birgogoratu dugu ikasleari gogoratzen zuenaz galdetuz. Segidan, ikasleari gaurko egunean, musika instrumentu ezberdinak frogatuko dituela esan zaio, bere proiekturako ideiak har ditzan. Gauzak horrela, lehenik eta behin, MM webgune ofizialeko software ezberdinak ezagutzera jo dugu ikaslea gidatuz (webgunea ingeleraz zegoen arren aurreko saioan nabigatutakoaz oso ondo oroitzen zen). Behin bertan, aplikazio ezberdinak erabili ditugu piano sinpletik hasi eta logika jolasetara iristeraino. Erabilitako softwarearen arabera material ezberdinak erabili ditugu, esaterako musika intrumentuak jotzeko fruta eta barazki ezberdinak erabili dira (plakaren aurreko aldeko konexio guztiak) eta jolasetarako plastilina. Saio honetan, eroaletasun kontzeptua guztiz barneratu duela ondoriozta daiteke baita gizakiok eroaleak garela ondorioztatu ere. Ezagutza hau esperimentazioaren bidez gertatu da, izan ere, bere kabuz konturatu da zirkuitua isten duen persona izango dela soinuak sortzeko gai den bakarra baina era berean, ondoan dagoen kideak zirkuitua ikututako persona ikutuz gero posible izango da soinuak sortzea. Bestalde, interesgarria izan da ikasleak ateratako ondorioa eta arazo horri erantzuteko erakutsitako premia: jolasten hasi garenean ikasleak modu horizontalean jarritako frutekin ezin zuen efektibotasunez geziekin solastu eta horretarako gezi forman jarri behar genituela esan du. Gauzak horrela, frutekin gezi bat egin behar zuela esan du, bera ez liatzeko. Horren harira eta galdera gidatzaileen bidez plastilina bidez joystick bat sortu du.
- 9. EGUNEROKOA. URTARRILA 7 URTARRILAK 28,Osteguna Gaur bi ikasle falta dira (badirudi HHn ikaslegoaren erdia gripeak hartuta edo eskusitisak jota etxean gelditu direla azken aste honetan!) eta hau aprobetxatuz Arraterekin denbora luzez solasteko aukera izan dut. Jorratutako gaien artean aipatzekoa iruditu zait irakasleen formakuntzaren harira solastutakoa. Haren esanetan, formakuntza etengabekoa izan behar da baina formakuntza asko oso gainetikoak direla dio. Esaterako, adibide bat jartzearren aurreko hilabetean parte harturiko bullying ikastaro batez jardun gara. Aste osoz, arratsaldez 3 orduz, hau da 15 ordutan ezer berririk ikasi izana onartzen zuen. Bullyingaren oinarriez aritu ziren, zer den eta zer ez den, nola ekidin baina dena modu orokorretan eta esku-hartzeko metodologia edo estrategietan gehiegi zentratu gabe. Arrateren esanetan irakasleen formakuntzak haien beharretara egokituak egon behar dira eta haien egunerokotasunean praktikan jartzeko baliagarritasuna bermatu beharra dago. Guztiz ados horrekin, askotan ikastaro batzuetara jo eta espektatiba guztiak zapuztu egiten dira aurrea egin ahala oraindik ere gauza orokorrak baina azaltzen ez direnean eta noski, elkartrukeari garrantzirik ematen ez zaionean. http://eibz.educacion.navarra.es/ web/index.php?option=com_user&view=log in&return=aHR0cDovL2VpYnouZWR1Y2F jaW9uLm5hdmFycmEuZXMvd2ViL2luZG V4LnBocC9pa2FzdGFyb2FrLmh0bWw= URTARRILAK 29, Ostirala Egia esan gaur oso lasai ibili gara, hiru ikaslek ondoezik jarraitzen dute eta gainera gaur Orientazio departamentuko bilera atzeratu egin da. Gauzak horrela gaur saio gutxi izan ditugu haurrekin. Hala ere, Orientazio departamentuko bilerei helduaz, pena handiarekin baina ez naute bertan parte hartzera gonbidatu. Beti kanpo gelditu naiz. Hala ere badakit Isabel orientatzaileak egun hauetakoren batean gonbidatzeko intentzioa duela baina oraindik zain nago. Egia esan, nahiz eta saio horiek libre izaten ditudan uste dut bertan asko ikasi dezakeedala koordinazioa nola gauzatzen den, ikasleen ebaluazioa nola egiten den… ikusi ahal izango nukeelako baina tira, ni ez naiz eskola honetan erabakiak hartzen dituela eta haien esku utziko dut.