carta Puca meses setembro e outubro

1. Cervo, 23 de setembro de 2016
Moi boas, nenas e nenos do noso cole e benvidos ao novo curso escolar!
Xa sei que me botabades de menos, pero estiven de vacacións, coma vós, e agora
veño coas pilas ben cargadiñas para traballar a reo. Estades preparados para vivir
un curso robótico na Mariña Lucense?
Ata o de agora a Biblio está pechada, pero non desesperedes, amigas e amigos, que xa teño casi
todo preparado para comezar. Xunto coas miñas axudantas, estiven a organizar as mochilas
viaxeiras, decidindo que libros recomendarvos para os Itinerarios lectores e poñendo a punto os
Pasaportes de Cine para que podades seguir levando pelis para as vosas casas… en fin, que
polas tardes, desde que vós marchades, eu non paro de traballar para tervos todo listo!
E por fin, podo darvos unha boa nova…
O día 7 DE OUTUBRO abre a Biblioteca e estades todos convidados a visitarme, xunto coas
profes, xa veredes cantas sorpresas vos agardan alí! Vouvos adiantar unha…
Queredes coñecelos?
NON VOS ESQUEZADES DA NOSA CITA, O 7 DE
OUTUBRO, DESPOIS DO RECREO!
Como sabedes, vós que tan ben me coñecedes, eu son
un pouco argalleira! E ocorréronseme unhas cantas cousiñas que vos vou propor:
Este mes que entra, é o MES DO MEDO, e por iso quérovos convidar a decorar unhas
fantásticas PORTAS ROBÓTICAS e a facer un pequeno traballo colaborativo coas vosas familias
que leva por título: O MEU ROBOT DÁ MEDO! Levaredes para as casas unha plantilla, canto
antes, e deberedes entregarlle o traballo feito ás profes antes do día 23 de outubro. Así o 24, e
aproveitando a xuntanza polo DÍA DAS BIBLIOTECAS ESCOLARES, poremos os nosos traballos
en común.
Tamén durante este mes quero animarvos a que realicedes, coa axuda das vosas mestras, un
pequeno traballo de investigación sobre “AS TRADICIÓNS E SUPERSTICIÓNS NA MARIÑA
LUCENSE”, que despois, o día 28 de outubro poremos en común na nosa biblio! Que
emocionante, non vos parece? Podedes facer unha peli, un mural, unha historia… deixade voar
a imaxinación! Ademais eu tereivos preparada unha sorpresiña… queredes facer conmigo un
percorrido polas marabillas da nosa comarca?
Non quería despedirme sen dar unha especial benvida ás novas lectoras e lectores que veñen
por primeira vez, este curso, ao noso cole. Espero que vos divirtades e aprendades tanto coma
nós coas actividades.
Eu estou desexando coñecervos ben de cerca!!
Agárdovos a todas e todos!
Apertas de ledicia!!!
PUCA