AP Q4 -W3-Day 1-5 1986 EDSA PEOPLE POWER REVOLUTION.pptx
Salik na Nagiging Dahilan ng Pagkakaroon ng Diskriminasyon
1. SALIK NA NAGIGING
DAHILAN NG
PAGKAKAROON NG
DISKRIMINASYON
SA KASARIAN
Araling Panlipunan 10 – 3rd Quarter | Topic 3 Part 2
Prepared by: Eddie San Z. Peñalosa
2. Katulad ng diskriminasyon sa lahi, mayroon ding
masasabing diskriminasyon sa kasarian. May mga salik
na nagiging dahilan ng pagkakaroon ng ganitong
diskriminasyon.
3. Mga Salik ng Diskriminasyon sa Kasarian
1. Relihiyon at Kultura.
2. Pisikal na Kaanyuan.
3. Trabaho.
4. Edukasyon.
4. Relihiyon at Kultura
Maraming mga kultura ang naglalagay sa mga babae sa
ilalim ng mga lalaki. Maging ang mga banal na Kasulatan ng
maraming relihiyon ay nagpapahiwatig ng higit na katayuan ng
kalalakihan. Halimbawa: Ang ama ang itinuturong dapat
mamuno sa pamilya at ang ina ay dapat magpasakop o sumunod
sa kaniya. Ito rin marahil ang dahilan kung bakit sa maraming
bansa, walang karapatan ang mga babae na bumoto at
kumandidato sa halalan.
5. Pisikal na Kaanyuan
Ang pisikal na kaanyuan ay madalas na maging salik din sa
diskriminasyon ukol sa gender. Ang mga babae ay pangkaraniwan
nang nakikita bilang mas maliit at mas mahihina. Kung ang
pagiging brusko ay tanggap na katangian ng lalaki, ang mga
babae naman ay inaasahan na maging mahihinhin. Ang ganitong
mga konsepto ay sinasabing nagbubunga rin ng diskriminasyon at
maging ng pang – aabuso sa mga babae.
6. Trabaho
Ang trabaho ay nagsisilbi ring salik ng diskriminasyon
sapagkat may mga uri ng hanapbuhay o propesyon na parang
nilikha lamang sa “mas malakas” na kasarian – lalaki. May mga
hanapbuhay halimbawang nangangailangan ng pisikal na lakas
ng kalalakihan kaya’t madalas na ang mga ganitong uri ng
trabaho ay hindi ibinibigay sa mga babae o sa mga kabilang sa iba
pang gender.
7. Trabaho
Sa maraming bansa, ang pagiging abogadi at inhinyero ay
nakalaan lamang sa mga lalaki. Ang ganitong sitwasyon ay
itinuturing na diskriminasyon sapagkat lumalabas na mas malaki
ang oportunidad ng mga lalaki na makahanap ng hanapbuhay.
8. Edukasyon
Lalo na sa nakaraang panahon, may mga kursong
pinaniniwalaang dapat kuhain ng lalaki lamang o kaya ay ng
babae lamang. Nabanggit na ang abogasya at pag – iihinyero ay
dating para lamang sa mga lalaki. Ang nursing naman ay dating
inaalok lamang sa kababaihan. Ang ganitong patakaran ay lalong
nagpapaigting sa paniniwalang ang mga gender ay hindi
magkakapantay.