1. DIE ONSKULDIGE BETAAL
Jes 53:1-7
Hoekom moet ek betaal?
Weermag voorbeeld
Die onskuldige moet betaal
Persoonlike belewenis
2. Dit is nie billik nie
Die stem van die Heilige Gees
Daar is ’n onskuldige wat betaal vir my foute
Jes 53:5 “Maar Hy is ter wille van ons oortredinge
deurboor, ter wille van ons ongeregtighede is Hy
verbrysel; die straf wat vir ons die vrede aanbring, was
op Hom, en deur sy wonde het daar vir ons genesing
gekom.”
Die Onskuldige betaal
3. ’n Ander perspektief
Wat sou van my geword het as Jesus my gesindheid moes
hê?
Ander se foute my ongerief
Jesus se ongerief
Die onskuldige betaal
Jes 1:18 Kom nou en laat ons die saak uitmaak, sê die HERE:
al was julle sondes soos skarlaken, dit sal wit word soos
sneeu; al was dit rooi soos purper, dit sal word soos wol.
4. 2014, die jaar van verandering
Jou pa sal betaal
Wat staan ons te doen?
Editor's Notes
#Jes 53:1-7#Hoekom moet ek betaal?Was jy al ooit in ’n posisie waar jy voel jy word onbillik hanteer. Jy word gepenaliseer vir iets wat iemand anders verkeerd gedoen het. Jy het niks verkeerd gedoen nie, jy dalk nie net niks verkeerd gedoen nie, jy het niks gedoen nie. Nou is jy die een wat aan die pen ry. Jou baas het nie sy werk gedoen nie en nou word julle almal uitgetrap. Vanwee iemand anders se oneerlikheid moet jy nou meer betaal vir jou mediese fonds of kt. versekering. Miskien het jou ouers in die huis gerook en nou sit jy met die long probleme. Dalk het jou ma alkohol gebruik terwyl sy swanger was met jou en nou moet jy saamleef met die gevolge van haar leefstyl.# Weermag voorbeeldDie manne wat in die weermag was, sal goed onthou. Daar was altyd iemand wat verantwoordelik was vir almal se swaarkry. Jou bed was netjies opgemaak en al jou ander goed was in orde tydens inspeksie. So was al die ander se goed ook behalwe die een ou. Omdat sy goed nie reg, skoon en netjies was nie moet julle almal nou vir die volgende uur of 5 baie swaar kry.#Die onskuldige moet betaalDie ergste van alles is dit lyk nie eers asof dit die skuldige party pla nie. Selfs tydens die betaal proses bring hy nie sy kant nie.#Persoonlike belewenisDaar was in die week ’n insident in ons huis wat ek vir ’n rukkie gevoel het hoekom moet die onskuldige betaal. Ek het so gevoel omdat ek gedink het ek is die onskuldige en nou moet ek betaal. Derise het per ongeluk my voertuig gestamp. Die goed gebeur en ek was nie kwaad nie maar ek het myself vir ’n oomblik baie jammer gekry. Die vyand was ook baie vinnig om die situasie uit te buit. Hy is mos ’n super opportunis. Hy herinner my toe sommer aan 2 ander geleenthede in die voorafgaande 18 mnde. U is bekend met hulle. In 2012 ry ’n man oor ’n stopstraat en skryf amper my bakkie af. Hy het nie versekering of geld on my voertuig reg te maak nie. Verlede jr. ry ’n ander man voor Dawie in. Groot skade. Hy het versekering maar ek moet deur my versekering werk en hulle sal dan kwansuis weer van hom terugeis. So ek moes die bybetaling betaal en na die insidente is my versekeringspremie verhoog. Tot vandag toe het ek nog nie my bybetaling terug ontvang of is my premie weer afwaarts aangepas nie. Die onskuldige moet betaal. Die gedagtes wat dadelik by my opgekom het, is ....
#Dit is nie billik nieAs jy vir iets moet betaal wat jy verkeerd gedoen het, is dit sleg maar dit is die gevolg van foute. Jy betaal daarvoor. Dit voel meer billik. Elke ou moet mos maar sy eie pak dra. Jy was die oorsaak so jy moet die gevolge dra.#Die stem van die Heilige GeesNet voor ek te lank en te vêr op my selfbejamerrings bootjie kon ry, ervaar ek duidelik hoe die HG met my praat. Hy sê vir my die volgende: jy is nie die eerste of enigste een wat moet betaal vir die foute van iemand anders nie. Derrick, daar is iemand wat daagliks betaal vir die foute wat jy maak!! Ek was nogal geskok.#Daar is ’n onskuldige wat betaal vir my foute. Iemand wat in staan vir die verkeerd wat ek doen dit. Hy doen dit sonder dat ek Hom gevra het om dit te doen. Hy doen dit sonder verwyte#Jes 53:5 ....Op daardie oomblik het hierdie versie opnuut baie naby aan my gekom en baie lewendig vir my geword. Dit is en was nog altyd vir my ’n wonderlike versie, maar op daardie oomblik het ek hom ewe skielik baie beter verstaan. #Die Onskuldige betaalEk het dadelik baie skaam gekry oor dit wat besig was om in my gedagtes te gebeur. Siestog, arme ek. Ek moet sê die feit dat dit my dogter was, het dit baie makliker gemaak as die 2 ander gevalle maar tog was dit nie lekker nie. Jesus het kom betaal vir my sonde, foute en droogmaak voordat ek sy kind was. Hy het vir my, in my plek, betaal toe ek nog Sy vyand was. Met die 2 ander gevalle was die mense betrokke darem nie my vyande nie, hulle is bloot vreemdelinge. Hoe sou dit nie gewees het as hulle vyande van my was nie?
#’n Ander perspektiefNamate God se Gees met my praat en ek my gedagtes laat gaan oor my situasie en wat ek moet betaal en Christus se situasie en wat Hy moes betaal gebeur iets in my binneste. Ek kom tot ’n ander perspektief. Is dit nie eintlik ’n voorreg om aan my dogter uit te deel wat ek van my Pa ontvang het nie?#Wat sou van my geword het as Jesus my gesindheid moes hê? As Jesus moes se, as ek kon kies sou ek wou hê dat jy self betaal vir jou foute. As Jesus baie onwillig die prys betaal het. As hy ’n ding in Sy hart gedra het oor my skuld wat Hy nou moet betaal soos wat die herinnering duidelik in my hart is oor die ander manne se skuld wat ek moes betaal. Ek soek my geld terug. Julle moet betaal vir my skade en ongerief#Ander se foute my ongeriefOns weet dat behalwe die skade wat so ongeluk veroorsaak bring dit ook ongerief. Vir ’n tyd lank moet jy sonder die voertuig klaarkom wat sy eie ongerief bring. Ander planne moet gemaak word om reg te kom. Weet u watter ongerief het ons Jesus veroorsaak om Hom in staat te stel om vir my foute te betaal?#Jesus se ongeriefHy moes die hemel verlaat, gebore word in ’n stal. Hy word groot as die seun van ’n timmerman. Die leiers hou nie van Hom nie en laat Hom swaar leef. Ander maak asof hulle van Hom hou maar toe dit moeilik word, het hulle almal Hom verraai. Dan praat ek nie eers van die ongerief van die 39 katshoue, die doringkroon op sy kop of Sy hang aan die kruishout nie. In Sy moeilikste tyd was daar niemand vir Hom nie. Selfs nie eers Sy Pa nie. Jou en my sonde het Jesus so afskuwelik gemaak vir die Vader dat Hy Hom nie kon aanskou nie. As ons wil praat van ongerief, hierdie is ongerief. #Die onskuldige betaalAan die kruis van Golgota het Jesus, die onskuldige, die skuld kom betaal van die skuldiges, ek en jy. Hy het ons skuld, wat niemand anders sou kon of wil aflos nie, ten volle kom vereffen. Hy het dit vrywillig gedoen. Hy het dit uit liefde gedoen, sonder verwyte of voorwaardes. Hy het gese en sê vanoggend nog steeds .......#Jes 1:18 ....
#2014, die jaar van veranderingHierdie feit staan vas in my hart. 2014 gaan ’n jr. Van totale onmiddelike verandering wees. Verwys na woord op oujaarsaand plus verlede week.Vanoggend kom God se woord en herinner ons net so bietjie van die totale onmiddelike verandering wat alreeds plaasgevind het. Die onskuldige wat kom betaal en vergifnis van sonde en verhouding met God kom moontlik maak. Toe die onskuldige die skuld aflos was daar onmiddelik hoop en redding vir ’n verlore gaande wereld#Jou pa het betaalEk kon vir Derise se, moenie bekommer nie my pop, pappa sal dit laat regmaak. Al sou sy hoe hard probeer sy is in elk geval nie in die vermoë om die skuld te betaal nie. Ek wil vanoggend vir jou kom se, jou Pa het betaal. Moenie verder skuldig of sleg voel en vir Hom probeer wegkruip nie. Die onskuldige het betaal.#Wat staan ons te doen?Gaan praat met jou Pa. Derise moes met my kom praat. Dit was vir haar moeilik, sy het baie sleg gevoel. Dit is dalk ook vanoggend vir jou moeilik, jy voel skaam en sleg. Al wat jy moet doen, is om met Hom te gaan praat. Hy wil vir jou die kwitansie gee van die skuld wat Hy betaal het.