1. Festa da Exaltación da Santa Cruz
Díxolle Xesús a Nicodemo:
- Como Moisés levantou
a serpe no deserto,
así ten que ser levantado
o Fillo do home,
para que todo o que crea
teña por El vida eterna.

2. Porque tanto amou Deus o mundo que lle deu a seu
Fillo único, para que todo o que crea nel non
(Xn 3, 13- 17)
pereza, senón que teña vida eterna.

3. A festa da Exaltación da Santa Cruz invítanos a preguntarnos
que papel xoga a cruz nas nosas vidas.
A cruz material é máis discutida que nunca.
No nome do laicismo imperante nas modernas
democracias retírase dos lugares públicos.

4. Por outra parte, os mesmos cristiáns temos
trivializado a cruz.
Utilizámola como amuleto para curar certas dores.
Empúñana como cofrades penitenciais os que
non cren no que morreu por redimirnos.
Úsaa a mocidade como signo de distinción.

5. Na outra cruz,
a espiritual,
cústanos ver a vida
e o consolo, como
cantaba santa Tareixa.
Non aceptamos
as nosas cruces.

6. E, ao mesmo tempo, impoñemos cruces pesadas sobre
os ombreiros dos demais. As cruces
da fame e da marxinación,
do desprezo e do abandono,
da miseria e da guerra.

7. «Adorámoste, oh Cristo, e bendicímoste,
porque coa túa cruz redimiches o mundo».
Ela dá sentido a todas as cruces do mundo.
Esa é a razón de que volvamos a ela os nosos ollos.

8. No diálogo de Xesús con Nicodemo, queda clara a fe
dunha comunidade que acepta a Xesús como o seu
Señor.

9. Ten que ser elevado o Fillo do home.
Ten que ser levantado sobre
os intereses humanos,
sobre as ansias de riqueza,
de dominio e de efémeros
goces.
Con El ha de identificarse
o pobo da nova alianza que é
a Igrexa.

10. Señor, noso Deus,
que quixeches realizar
a salvación de todos
os homes por medio
do teu Fillo, morto na cruz; a
cantos coñecemos
na terra este
Misterio, concédenos alcanzar
no ceo os premios
da redención. Amén.

11. Texto: José Román Flecha Andrés
PALABRA DO SEÑOR –Salamanca
Presentación: Antonia Castro Panero