Pagkilala sa pamilya bilang institusyon ng lipunan
1.
2. Itinuturing ang mga magulang bilang pangunahing guro ng
mga bata sapagkat hindi maikukubli na sila ang pinagmulan ng mga
kilos at mga mabubuting asal ng mga ito. Sila ang mga unang
humuhubog sa mga bata kung paano sila makitungo sa kanilang
kapwa. Ang pamilya ang pundasyon sa mga batang ito, at gaya ng
bahay, kung ang pundasyon ay hindi matatag, madali itong
magigiba. Hindi maiwawaglit ang saysay ng pamilya sa pagbuo ng
pagkatao ng bawat isa.
Malaki ang gingampanan nito sa paglinang ng ating
kakayahan, paniniwala, pananampalataya, at pakikitungo sa ating
kapwa.
4. Basahin Natin
Basahin ang tula sa ibaba.
Pamilya
Ni Julyhet Roque
Kaysarap pagmasdan ng masayang pamilya,
Si ama’t si Ina’y responsable sa tuwina
Ang Diyos ang sandigan sa tuwi-tuwina.
Mga anak pinalaki nang may takot sa Diyos,
Tinuruang gumawa, magpawis, at magpagod
‘Pagkat puhunan daw iyon sa paglaking lubos.
5. Edukasyon ng anak ay itinaguyod
Kahit na mangapal ang palad sa pagod
Basta sa pamilya ay may maitustos.
Di nag-aaway sa harap ng supling,
Kapakanan lagi ng anak na hirang ang asa pansin
At pagmamahalan ang laging inaangkin.
6. Isipin Natin
Ang Pamilya Bilang Natural na Institusyon ng Lipunan
Bilang isang pangunahing institusyon sa lipunan, ang pamilya ay
nabuo sa pamamagitan ng pagpapakasal ng isang lalaki at babaeng
nagmamahalan nang walang pag-iimbot, puro, at romantiko na sabay na
nangangakong magsama habambuhay, at magtutulungan sa pangangalaga
at pagtataguyod ng edukasyon ng kanilang mga anak, ayon sa pakahulugan
ni Pierangelo Alejo.
Dagdag pa niya ang pamilya ay isang konkretong pagpapahayag ng
kawanggawa, kabutihang-loob, paggalang, at pagsunod.
7. Bukod sa nabanggit, marami pang ibang depinisyon ang salitang
pamilya, ngunit iisang konsepto lmang ang nag-uugnay sa mga ito. At ito ay
ang pamilya bilang isang likas na institusyon. Itinuturing na isang likas na
institusyon ang pamilya, dahil sa mga sumusunod:
1. Ang pamilya ay pamayanan ng mga tao o community of persons na
kung saan ang maayos na paraan ng pag-iral at pamumuhay ay nakabatay sa
ugnayan.
2. Nabuo ang pamilya sa pagmamahalan ng isang lalaki at babaeng
nagpasiyang magpakasal at masama nang habambuhay.
3. Ang pamilya ang una at pinakamahalagang yunit ng lipunan. Ang
pamilya ang pundasyon ng lipunan at patuloy na sumusuporta rito dahil sa
gampanin nitong magbigay-buhay.
8. 4. Ang pamilya ang orihinal na paaralan ng pagmamahal.
5. Ang pamilya ang una at hindi mapapalitang paaralan para sa
panlipunang buhay o the first and irreplaceable school of social life.
6. May panlipunan at pampolitikal na gampanin ang pamilya.
7. Mahalagang misyon ng pamilya ang pagbibigay ng edukasyon,
paggabay sa mabuting pagpapasya, at paghubog sa pananampalataya.
9. Pagtutulungan
Katulad ng pagmamahal, natural na dumadaloy sa
pamilya ang pagtutulungan ng bawat kasapi nito. Ang pagtulong
sa isa’t isa at ang makitang mabuti ang kalagayan ng buong
pamilya ay nagdududlot ng kasiyahan sa bawat isa.
Maipapamalas ang pagtutulungan ng pamilya sa oras ng
pangangailangan. Makikita rin ito sa paraan ng pagkalinga ng
mga magulang sa kanilang anak, maging sa pag-aaruga sa mga
nakatatandang kasapi ng pamilya.