3. Layunin
Naisusulat ang buod ng binasang kuwento nang
maayos at may kaisahan ang mga pangungusap
Naisasalaysay nang maayos at wasto ang
pagkakasunod-sunod ng mga pangyayari
(Ang mga layuning ito ay hinalaw mula sa Curriculum
Guide ng asignaturang Filipino sa Ikapitong Baitang.)
4. Estratehiya: Isang Payak na Pagbubuod
(The Simple Summary)
Deskripsyon:
Hahatiin sa apat na pangkat ang klase.Magbibigay ng worksheet ang
guro sa bawat pangkat.Bawat pangkat ay kailangang makabuo ng
pagbubuod sa kuwentong tinalakay gamit ang worksheet na ibinigay. Sa
ganitong uri ng pagbubuod ang bawat pangkat ay magtutulungan
magiging batayan ang limang darili kasama ang palad ng kamay sa pag-
unawa ng worksheet. Sa limang daliri ng kamay,kailangang makalikha ng
tiglilimang pangungusap na hindi lalagpas sa limang minuto. Limang
minuto lamang ang ilalaan sa pagsulat ng mga sagot sa worksheet.
5. Ito ang nakapaloob sa Worksheet.
Unang Hakbang:
Isulat kung sino ang mga karakter sa kuwento nang hindi
hihigit sa limang pangungusap.
Ikalawang Hakbang:
Isulat kung ano ang nangyari sa kuwento nang hindi hihigit sa
limang pangungusap.
Ikatlong Hakbang:
Isulat kung kailan ito nangyari nang hindi hihigit sa limang
pangungusap.
6. Ikaapat na Hakbang:
Isulat kung saan ito nangyari nang hindi hihigit sa limang
pangungusap.
Ikalimang Hakbang:
Isulat kung bakit ito nangyari sa kuwento nang hindi
hihigit sa limang pangungusap.
Ikaanim na Hakbang:
Isulat kung paano ito nangyari sa kuwento nang hindi
hihigit sa limang pangungusap.
7. Matapos maisulat ng bawat pangkat ang kanilang sagot.
Kailangan pumili ng kinatawan sa pangkat upang siyang
maghahayag at magbabahagi sa klase. Bibigyan na naman
ng limang minuto upang maisalaysay nang maayos ang
buod ng kuwento gamit ang gabay na inilahad sa
worksheet.
Halimbawa ay ang kuwentong “Si Matabagka at ang
Tagapag-ingat ng Hangin” ni Aurora E. Batnag. Hinalaw
ang kwentong ito mula sa aklat ng Filipino sa ikapitong
baitang.
9. Mga Layunin
Naisusulat ang ilang taludtod tungkol sa
pagpapahalaga sa pagiging mamamayan ng
bansang Asya.
Nabibigkas nang maayos at may damdamin ang
isinulat na sariling taludturan
(Ang mga layuning ito ay hinalaw mula sa
Curriculum Guide ng asignaturang Filipino sa
Ikasiyam na Baitang.)
10. Estratehiya: Spoken Poetry
Deskripsyon:
Hahatiin sa limang pangkat ang klase.Bawat pangkat ay
gagawa ng piyesa ng isang tula na malaya ngunit hindi pa rin
nawawala ang mga elemento nito tulad ng himig, simbolo at
indayog. Ang magiging paksa na pagbabatayan ay ang
pagiging mamamayan ng bansang Asya. Pagkatapos maisulat
ang tula ay pipili ang pangkat ng kinatawan na siyang
bibigkas nang mayos at may damdamin. Bibigyan ng
panahong makapaghanda ang bawat kinatawan upang
maisaulo ang piyesa.Kinabukasan ay bibigkasin ito sa harap
at gagamitan ng musika na nakabatay pa rin sa paksa.
12. Paksa: El Filibusterismo
Pamantayang Pangnilalaman: Naipamamalas ng mag-aaral
ang pag-unawa at pagpapahalaga sa nobelang El
Filibusterismo bilang isang obra maestrang pampanitikan
Pamantayang Pagganap: Ang mag-aaral ay
nakapagpapalabas ng makabuluhang photo/video
documentary na magmumungkahi ng solusyon sa isang
suliraning panlipunan sa kasalukuyan.
(Hinalaw mula sa Curriculum Guide ng asignaturang Filipino
sa Ikasampung Baitang.)
13. Estratehiya: Video Documentary
Deskripsyon:
Hahatiin sa dalawang pangkat ang klase. Bilang
pampinal na gawain sa pag-unawa ng nobelang El
Filibusterismo ay gagawa ang bawat pangkat ng
video documentary na nagmumungkahi ng solusyon
sa isang suliraning panlipunan sa kasalukuyan.Hindi
lalagpas sa 30 minuto ang gagawing video
documentary.