Pabasa at pagsusuri ng Teksto

1. Sariling Linangan Kit 1:
Tekstong Impormatibo

2. TEKSTONG IMPORMATIBO
Ang tekstong impormatibo ay isang uri ng
babasahing di-piksyon. Ito ay naglalayong
magbigay ng impormasyon o
magpaliwanag nang malinaw at walang
pagkiling tungkol sa iba’t ibang paksa.

3. •Ang mga impormasyon o kabatirang inilalahad
ng may-akda ay hindi nakabatay sa kanyang
opinyon kundi sa katotohanan at mga datos
kaya’t hindi nito masasalamin ang kanyang
pagpabor o pagkontra sa paksa. Karaniwang may
malawak na kaalaman tungkol sa paksa ang
manunulat o kaya’y nagsasagawa ng pananaliksik
o pag-aaral ukol dito.

4. • Ang mga tekstong impormatibo ay karaniwang makikita sa
mga pahayagan o balita, sa mga magasin, aklatan, sa mga
pangkalahatang sanggunian tulad ng ensiklopedya, gayundin
sa iba’t ibang websites sa Internet. Naglalahad ng mga
bagong impormasyon, bagong pangyayari, bagong
paniniwala, at mga bagong impormasyon ang tekstong
impormatibo. Layunin nitong magbigay ng mahalagang
impormasyon upang alisin o linawin ang mga agam-agam na
bumabalot sa isipan ng mambabasa kaugnay sa isang paksa
o isyung tinatalakay. Ang mga kaalaman ay nakaayos nang
sunud-sunod at inilalahad nang buong linaw at may
kaisahan.

5. MGA ELEMENTO NG TEKSTONG IMPORMATIBO
1. Layunin ng may-akda
Maaring magkakaiba ang layunin ng may akda sa pagsulat ng tekstong
impormatibo: mapalawak ang kaalaman ukol sa isang paksa,
maunawaan ang mga pangyayaring mahirap ipaliwanag, matuto ng
maraming bagay ukol sa ating mundo, o mailahad ang mga yugto sa
buhay ng iba’t ibang uri ng insekto o hayop at iba pang nabubuhay.

6. 2. Pangunahing Ideya
Hindi katulad ng tekstong naratibo, dagliang
inilalahad ng tekstong impormatibo ang
pangunahing ideya sa mga mambabasa sa
pamamagitan ng paglalagay ng pamagat sa bawat
bahagi o tinatawag na organizational markers na
nakatutulong upang agad na makita at malaman
ng mga mambabasa ang pangunahing ideya ng
babasahin.

7. 3. Pantulong na Kaisipan
•Mahalaga ang paglalagay ng mga angkop na
pantulong na kaisipan o mga detalye.
Nakatutulong ito na mabuo sa isipan ng mga
mambabasa ang pangunahing ideyang nais
niyang matanim o maiwan sa kanyang isipan.

8. Pagtukoy sa Paksa ng Teksto
• Isang mahalagang bahagi ng paglinang ng maunawang
pagbasa ang pagtukoy sa paksa ng teksto. Inilalahad
sa paksa ang layunin ng may-akda ng pagsulat ng
teksto. Ito ang nagsasaad kung ano ang ideyang
pinagtutuunan ng pansin. Ang pagtukoy sa paksa ng
teksto at paglalahad nito ayon sa pagkaunawa ng
mambabasa ay lumilinang sa komprehensiyon at
pagsusuri.

9. •Sa pagtukoy na paksa, mababakas ang
layon ng pagsusulat. Maaaring siya ay
nagbibigay ng impormasyon,
naglalarawan, nanghihikayat,
nagsasalaysay o nagmamatuwid

10. Mahalagang Salita na Ginamit sa Teksto
• Sa pagtukoy sa paksa ng teksto, nakatutulong ang mga mahalagang
salita na ginamit sa teksto. Maaaring ito ay kasingkahulugan
(synonym), kasalungat na kahulugan (antonym) at paglalarawan o
depinisyon.

11. PANGKATANG GAWAIN
•Panuto: Basahin ang tekstong impormatibo
na makikita sa bahaging kaliwa. Isulat ang
paksa sa blankong bahagi na nasa kanan.

16. TANDAAN NATIN!

17. Maikling Pagsusulit
• Isulat sa patlang ang I kung karaniwang naghahayag ng impormasyon
ang uri ng teksto na nakasaad sa bilang at H kung hindi