гэрийн даалгавар

гэрийн даалгавар

• 1.
                                              Гэрийн даалгавар хийхэд нь  хэрхэн туслах вэ?      Сурагчийн өдөр тутам заавал гүйцэтгэж байх ажлын нэг нь гэрийн даалгавар юм,     Гэрийн даалгавар нь хичээл дээр олж авсан шинжлэх ухааны мэдлэгийн  үргэлжлэл байдаг учраас сурсан мэдсэнээ бие даан бататгаж, улам гүнзгийрүүлэн  өөрийн болгож авахад тустай.     Хүүхэд өдрийн дэглэмийн дагуу хуваарьт цагтаа гэрийн даалгавраа хийж занших  нь дэгтэй хүмүүжих, чөлөөт цагаа зөв зохистой ашиглахад ихээхэн нөлөөтэйн  зэрэгцээ сурч боловсроход биеэ дайчилж сургадаг.   Гэрийн даалгавраа хийх явцад хүүхэд дутуу дулимаг ойлгосон зүйлээ лавшруулан  мэдэж авах, бие даан бодож сэтгэх, унших, бичих дадлага олох ач холбогдолтой.       Багшийн өгсөн гэрийн даалгавар нь унших, зурах, бичих, бодох, ярьж  тайлбарлах, туршин хийх, биет зүйл дээр ажиллах зэрэг тус  тусдаа зорилго  чиглэлтэй хүүхдийн нас, сэтгэхүйн онцлогт тохирсон тодорхой төрөл зүйл, хэмжээ  заагтай өгөгдөх шинжлэх ухааны нарийн үндэслэлтэй байдаг.        Эцэг эхийн зүгээс хүүхдээ хичээл давтуулах, гэрийн даалгавар хийлгэх  талаар  анхаарахгүй, шахалт шаардлага байхгүй, дэм туслалцаа үзүүлэхгүй бол хүүхэд яах  учраа олдоггүй.      Сурагч бүр өдөрт гурваас доошгүй хичээлийн гэрийн даалгавар хийдэг учраас  гэр орондоо нарийн хуваарь дэс дараатай ажиллах чухал юм. Иймээс эцэг эхийн  зүгээс хүүхдээ гэрийн даалгавар хийж байгаа эсэхэд анхаарч, хяналт тавьж  шаардахын хамт мэдэхгүй чадахгүй зарим зүйлд нь чадахын хирээр тусалж хамтран  ажиллаж байвал хүүхдийн чинь хичээл давтах гэрийн даалгавар хийх сонирхол нь  дээшилнэ.     Ер нь багш даалгаврыг шалгаад гэрийн даалгавар хийгээгүй муу, дутуу хийсэн  тохиолдолд хичээлийн дараа нөхөн хийлгэдэг арга байсан боловч одоогийн  ихэнх  сургууль 2­3 ээлжээр хичээллэж байгаа учир ийм байдлаар нөхөн хийлгэх  боломжгүй болжээ.р   Иймд гэрийн даалгаварт эцэг эхчүүд онцгой анхаарал тавьдаг байя.  Хүүхдийнхээ хичээл сурлагад байнга анхаарал тавьж тусалдаг туршлагатай эцэг  эхчүүд хүүхдээ ямар нэг шалтгаанаар гэрийн даалгавар хийж амжаагүй тохиолдолд  тэр тухай багшид мэдэгдэж дараа нь нөхөж хийлгэдэг байна.   Эцэг эх хүүхдээ хичээлээс тараад ирэхэл нь тэр өдөр орсон хичээлийн тухай,  авсан дүн үнэлгээтэй танилцаж хангалттай үнэлгээ авсан бол баяр талархал хүргэж, 
• 2.
  ямар ямар хичээлд даалгавар өгснийг асууж, хийх талаар сануулж, цаг  бололцоогоор хангаж өгөх хэрэгтэй.