The document provides details about a lesson plan on the first president of Kazakhstan, Nursultan Nazarbayev. The aims of the lesson are to provide students with comprehensive knowledge about Nazarbayev's contributions to society and government and his economic and political reforms. The lesson will be conducted in groups and include discussions, presentations, and visual aids like photos of the president and slides. Key facts about Nazarbayev's early life, career, accomplishments, and symbolic representations like the presidential flag and emblem will be covered.
1. Қашаған Күржіманұлы атындағы №8орта
мектептің №8 орта мектептің оқу ісінің меңгерушісі
Алхамова Нұрсауле Ишанқызы
Ұстаз-мәңгі нұрдың қызметшісі
Нұрын шашқан Нұрсәуле апай
Мамандар жайлы сөз айту маған қиын-ақ,
Ұраным болды адалдық және тазалық.
Салмақөты ой мен парасат-пайым иесі
Жазатын болсақ, өзіңдей жанды жазалық!
Көңіл дүрбімді бағыттап, өлеңнің мағынасына тереңірек үңілсем, одан
мақалама кейіпкер болғалы отырған- жүзінен көктемнің самал лебі есетін,
қоңыр дауысымен байыппен сөйлейтін, асығыс артық қимылы жоқ,
ұстаздардың ұстазы, шәкірттердің қуанышына айналған Алхамова
Нұрсәуле Ишанқызы апайымды көремін. Ол осыдан тура 61 жыл жыл
бұрын, яғни 1952 жылдың 10-шы қарашасында, Маңғыстау облысының
Ұштаған ауылында дүниеге келді. Ата-анасы оның туған жеріндей дархан,
тауларындай биік, бұлақтарындай таза да мөлдір, шыңырауларындай
терең, білімпаз болуын қалады. Тәрбие мен тәлім беруді осы бағытқа бұрды.
2. Ата-анасының арман-мұраты орындалып,1978 жылы Гурьев педагогикалық
институтының тарих және қоғамтану бөлмін бітіріп, өзінің төл түбегі
Маңғыстауға келіп, еңбек жолын Қарақия ауданына қарасты Сенек
ауылының мектебінен бастады. Ол еңбек етуге, қоғамға аз да болса
пайдасын тигізуге асықты. Алыстан көрінген арман белесіне шығып,
өмірдің көркі-еңбекті сүйетіндігін дәлелдеді. Олай дейтінім, 1980 жылы
отбасы жағдайымен Жаңаөзен қаласына қоныс аударғаннан бастап 2000
жылдар аралығында қаламыздағы №5 орта мектепте мұғалімдікпен қатар
оқу ісінің меңгерушісі және әдіскер қызметін атқарып келді.
«Хас таланттың қашанда арыны шын, ол шығады ортаның жарып
ішін»дегендей, Нұрсәуле апай шәкірт тәрбиелеуде аянбай төккен маңдай
терінің жемісін көріп, 1999 жылы «Қазақстан Республикасының Білім беру
ісінің үздігі»атағына ие болды. 2000 жылдың тамыз айынан күні бүгінге
дейін қаламыздағы жыр дүлділі Қашаған Күржіманұлы атындағы №8 орта
мектепте оқу ісінің меңгерушісі, әдіскері болып қызмет жасады. Осы еңбек
еткен жылдарында да Нұрсәуле апай біршама белестерді бағындырды.
Атап айтар болсақ, әдістемелік кабинетті жабдықтаудың сызбасын
жасауда қалалық сайыста ІІ орын, «Ең үздік әдістемелік кабинет»
байқауында бас жүлде, «Үздік әдіскер» байқауында І орын жүлдегері
атанды. Жас ұрпақты білім нәрімен сусындатуда іс-тәжірбиесі қала,
облыс, республика көлеміне таратылды.
Нұрсәуле апайдың тәрбиелеген шәкірттері ұстаз жолын қуып, білім
ордаларында тарих пәні мұғалімі, мектеп басшысы, әдіскер, т.б. мамандық
иелері болып қызмет жасауда. Сондай-ақ әдіскер ретінде көптеген жас
мұғалімдерді тәрбиелеп, олар қалалық, облыстық, республикалық түрлі
сайыс, байқаулардан үнемі жүлделі орындармен оралуда.
«Бақыттың кілті-еңбекте» демекші еңбегінің нәтижесін көре білген –
Нұрсәуле апай – Қазақстан Республикасы Президентінің «Алғыс хат»,
Қазақстан Республикасының Білім және ғылым министрлігінің «Алғыс
хат», Маңғыстау облысының қалыптасуы мен дамуына қосқан жеке
үлесі үшін «Жаңаөзен қаласына 40 жыл ескерткіш белгісімен»,
«Маңғыстау облысына 35 жыл» естелік төс белгісімен марапатталған.
Сондай-ақ Нұрсәуле апайдың іс-тәжірбиесі 2010 жылы облыс әкімі
Қ.Е.Көшербаев мырзаның қолдауымен республика көлеміндегі «Сердце
отданное детям» атты кітапқа енді. «Үздік қызметкер»медалімен
марапатталды. «Өрлеу» 2013жыл.
Осындай жетістіктермен 22 жыл әдістемелік қызмет еткен Нұрсәуле
апай, биылғы 2013-2014 оқу жылынан бастап, 61 жасқа қараған шағында -
«Білім негізі бастауышта»-деп, бастауыш сыныптар оқу ісінің меңгерушісі
қызметіне тағайындалды, Нұрсәуле апайдың өзінің ақжарқын, биязы
мінезімен, ұйымдастырушылық қабілетімен қай істе болмасын жетістікке
жететінін, педагогикалық ұжымда беделді педагог, отбасында ардақты
ана, үлгілі әже екенін мақтаныш сезіммен айта аламын.
3. Нұрсәуле апайды 61 мүшел жасымен құттықтап, деніне саулық, отбасына
амандық, береке-бірлік, қызметіне шығармашылық шарықтау тілей
отырып, төмендегі жыл жолдарын арнаймын:
Сөйлейсіз терең оймен, күліп тұрып,
Ықылым заңдардан сыр ұқтырып.
Сіздей болар, сұңғыла шежіре ұстаз
Тұла бойын жайлаған біліктілік.
Өмірдің қызығынан қалыс қалма,
Сана сау, бойда қуат, намыс барда.
Қызметтің, туған күнің құтты болсын,
Жетіңіз жеңіл жүріп, алыстарға!
Жаңаөзен қаласының №8 орта
мектебінің ұжымының атынан
Қалдыгүл Қадиқызы 2013 жыл