2. Ang opinyon ng isang tinedyer sa usapin tungkol
sa seksuwalidad sa panahon ngayon ay mas
kadalasang naipapahayag sa barkada kaysa sa
sariling pamilya. Marahil, iniisip niya na mas
naiintindihan siya ng mga ito dahil magkakaparehas
sila ng pinagdadaanan. Dito siya nagkakamali
sapagkat tanging ang mga nakatatanda lamang, lalo
na ang mga magulang at pamilya, ang
makapagbibigay sa sa kaniya ng tamang gabay at
patnubay ukol sa mga usaping may kinalaman sa
seksuwalidad.
3. Ang seksuwalidad ay hindi isang bagay na taglay
ng isang tao. Bagkus, ito ay tumutukoy sa
kabuuan ng mga aspektong sikolohikal,
pangdamdamin, pisikal, at espirituwal ng
pagkatao. Sa ganitong pag-unawa lamang sa
seksuwalidad maari siyang makaiwas sa mapanirang
gamit dito. Hindi posibling magkaroon ng maayos
na relasyong seksuwal kung may negatibong
damdamin at pag-iisip hinggil sa mga nasabing
aspekto na bumubuo sa pagkatao. Mahalagang
tandaan na ang seksuwalidad ay hindi tumutukoy sa
katawan kundi sa katauhan.
4. Intindihin Natin
Suriin ang larawan. Sagutin ang mga
sumusunod:
1. Ano ang una mong naiisip kapag
nakakakita ka ng ganitong
sitwasyon?
2. Sa iyong palagay, paano
mapapatibay ang ganitong
relasyon?
5. 3. Ano sa palagay mo ang pamantayan
ng pakikipagrelasyon?
4. Kung ikaw ay tinutukso ng iyong
karelasyon na patunayan ang iyong
pagmamahal sa pamamagitan ng
pagkakaloob ng iyong sarili sa kaniya,
ano ang gagawin mo?
5. Sa iyong edad, sa tingin mo ba ay
handa ka nang pumasok sa isang
relasyon? Bakit o bakit hindi?
6. SEKSWALIDAD
A. Ang Sekswalidad ng Tao
Ang sekswalidad ay isang behikulo na nagbibigay daan sa pagiging
ganap na tao, bilang babae o lalaki. Higit pa ito sa pisikal o bayolohikal na
kakanyahan ng bawat isa dahil ang pagkababae at pagkalalaki ay isang
tungkulin na personal at malaya mong piliing gampanan sa iyong buhay.
Kung kaya’t nagsisilbing isang moral na hamon sa ating lahat ang
pagbubuo o pag-iisa ng ating sekswalidad at ng sarili nating pagkatao
tungo sa ating pagiging ganap na babae o lalaki.
7. B. Ang Sex Drive o Libido
Ang iyong pagkakaroon ng hindi maipaliwang na damdamin tulad ng
paghanga at pagkaakit sa katapat na kasarian ay hindi nararapat na maging
sanhi ng iyong pagkalito, pagtataka, o pagkapahiya. Ang mga ito ay natural
lamang na kaakibat ng iba pang mga pagbabagong iyong pinagdadaanan.
Ang pagkapukaw ng interes sa katapat na kasarian ay maaring iugnay sa
drive o simbuyong sekswal ng tao na higit ang pagkakaiba sa simbuyong
sekswal ng mga hayop. Ang simbuyong sekswal o sekswal na pagnanasa ng
tao, na mas angkop na tawagin bilang udyok o simbuyo ng damdamin, ay
bunga ng pagpili ng at nag-uugat sa pagmamahal. Ang tao ay may
kamalayan, kalayaan, at tuon sa pagpapakilos nito.
8. Puppy Love
Ang puppy love o unang
sa katapat na kasarian ay karaniwang
bunga ng senswalidad, na pinupukaw
ng mga senses o pandama, at
sentiment o damdamin, na bunsod
naman ng emosyon. Ito ay nadarama
ng isang tao na naakit o napukaw ang
interes dulot ng kagandahan ng
mukha, ng katawan, kilos, pananamit,
talent ng isang tao.
9. C. Paggamit sa Kapwa at Pagmamahal
Ang tunay na pagmamahal ay malaya at nagpapahalaga sa kalayaan ng
minamahal. Ito ay kusang ibinabahagi at ipinagkakaloob at hindi idinidikta o
ipinagpipilitan. Ito ay pagtanggap sa kanyang buong pagkatao hindi lamang sa
mga bagay o katangiang kaibig-ibig sa kaniya. Pagbibigay-halaga at pagturing sa
kanya bilang tao at hindi isang bagay o kasangkapan lamang na maaring gamitin.
D. Kalinisang Puri at pagmamahal
Ayon kay Santo Juan Pablo II, tanging ang taong may kalinisang puri ang may
kakayahang magmahal nang tunay. Ito ay kaakibat ng tunay na pagmamahal ang
pagbibigay-halaga sa kalinisang puri ng taong minamahal.
10. Ang kalinisang puri ay isang birtud na kumikilala sa tao bilang tao at hindi
bilang isang bagay. Sa isang binatang nanliligaw at nagpapahayag sa isang
dalaga ng “Malinis po ang hangarin ko sa iyong anak”, ito ay nangangahulugang
ang panliligaw ay bunga ng pagmamahal sa dalaga at sa buong pagkatao nito
hindi lamang sa taglay na ganda at halina.
E. Ang Pagmamahal ay Mapagbuklod
Dahil mapagbuklod ang pagmamahal, ipinaglalapit nito ang dalawang puso
ng dalawang taong nagmamahalan. Nangangahulugang pinagsasaluhan ng
nagmamahalan ang iisang pagmamahal sa pamamagitan ng pagpapakasal.
11. Sa pagpapakasal, ipinagkakaloob ng bawat isa ang kani-kanilang sarili at
kalayaan sa isa’t isa habambuhay. Kasabay nito ang pagbibitiw ng pangako ng
pagmamahalan sa hirap man o ginhawa, sa sakit man o kalusugan, maging
hanggang sa kamatayan. Sa sumpaang ito, ipinapahayag ang pagtanggap sa
buong pagkatao ng isa’t isa, kasama na ang mga katangiang kanais-nais at hindi
kanais-nais.
F. Ang Pagmamahal ay isang Birtud
Ito ay nakatuon sa kabutihan ng taong minamahal at maging ng dalawang
taong pinag-isa ng pagmamahalang ito. Lumipas man ang paghanga bunsod ng
mga pandama at matinding emosyon, mananatiling nag-aalab ang tunay na
pagmamahal dahil ito ay nakabatay sa pagtanggap sa buong pagkatao ng
minamahal.