Ito ay isang handout o learner's module na katatagpuan ng aralin o paksa tungkol sa Mga Dahilan ng Imperyalismo sa Silangan at Timog-Silangang Asya. Dito din matatagpuan ang mga iba't-ibang dahilan at konsepto sa Imperyalismo sa Silangan at Timog-Silangang Asya.

1. Lesson 29: Dahilan ng Imperyalismo sa Silangan at Timog-Silangang Asya
Bago pa matuklasan ng mga Europeo ang daan o ruta patungo sa Asya, may ugnayan na nagaganap sa
mga Europeo at mga Asyano. Ito ay nagsimula sa ugnayan nito sa pamamagitan ng pakikipag-kalakalan ng
mga Asyano at Europeo.
Mga Sinaunang Ruta na dinararaanan ng mga produkto at kalakal:
Hilagang Ruta:
China – Samarkand, Uzbekistan – Bokhara
Gitnang Ruta:
Syria – Gulf of Persia
Timog Ruta:
India – Egypt (sa pamamagitan ng pagdaan sa Red Sea)
Ang mga kalakal na nanggaling sa Asya na pumapasok sa Europa ay ang mga tanging pamilyar lamang sa
mga Europeo
Ottoman Turks – Sinakop ang mga rutang pangkalakalan na dinararaanan ng mga produkto at kalakal na
mula sa Europa patungo sa Asya. Sinara din nila ang lahat ng ruta na nag-uugnay sa Europa at Asya
Mga Dahilan na nagbunsod ng Pagtutuklas, Paggalugad, at Pananakop ng mga Kanluranin sa Asya:
1. Krusada – Ito ay isang serye ng kampanya para mapalaya ang banal na lupain, na Jerusalem mula sa
mga Seljuk Turks.
2. Paglalakbay ni Marco Polo – Si Marco Polo ay isang Italyano na naglakbay mula sa Venice patungo
sa China. Siya ay ang unang Europeong nakabisita sa China at siya’y namangha sa karangyaan at
kagandahan ng China. At pagbalik niya sa Italya, isinulat niya ang kanyang Aklat na The Travels of
Marco Polo, sa loob ng kulungan. Sa loob din ng kulungan, naikuwento din niya kay Rustichello da
Pisa, ang kanyang paglalakbay sa Asya. Ang kanyang Aklat ay nagsilbing inspirasyon para sa
paglalakbay ng mga Kanluranin.
3. Renaissance – Ito ay ang nagdulot ng pagkakaroon ng makabagong kaalaman ang mga Europeo
patungkol sa pilosopiya, agham, teknolohiya, paglalayag, at Arkitektura
4. Pagbagsak ng Constantinople – Bumagsak ang Constantinople noong 1452, sa kamay ni Sultan
Mehmed II. Ang Epekto nito ay naputol o nawala ang ugnayan ng kalakalan ng Europa at Asya. Dahil
dito, napilitang maghanap ng bagong rutang pangkalakalan ang mga Europeong mangangalakal
5. Paggamit ng makabagong teknolohiya – Ang mga Arabo ang nakatuklas ng mga bagay na
makakatulong sa paglalayag ng mga Europeo. Katulad ng Compass, ito ay makakatulong upang
malaman ang kinaroroonan o posisyon ng isang bagay sa pamamagitan ng magnetic field, at Astrolabe,

2. na ginagamit upang malaman ang oras sa pamamagitan ng paghihilera ng daigdig, araw, buwan, at mga
bituin
6. Ideyolohiyang Merkantilismo – Ito ay isang doktrinang nagsasaad na ang kapangyarihan ng isang
bansa o estado ay nakabatay sa dami ng ginto at pilak na mayroon sila. Ang Epekto nito ay pagnanais
ng mga Europeo na manguha ng mga likas na yaman sa mga nasakop nila
7. Paglalayag ni Bartolomeu Dias – Si Bartolomeu Dias ay isang Portugese nobleman at manlalayag na
nakarating sa Mossel Bay, Timog Aprika noong Pebrero 4, 1488 at Cape of Good Hope noong Marso
12, 1488. Ito ang nagbukas ng ruta mula sa Europa patungo sa India sa pamamagitan ng Karagatang
Atlantiko
8. Maipalaganap ang Kulturang Europeo sa buong Asya at sa buong daigdig
9. Civilizing Mission – Ang mga Europeo ay naglakbay sa Asya ay upang ikonbert ang mga katutubo sa
bagong ideya o paniniwala.
10. Pagiging makapangyarihan sa buong daigdig sa pamamagitan ng pananakop ng mga teritoryo at
pagkamkam ng mga likas na yaman
11. Upang makakuha ng pampalasa o spices na ginagamit nila panluto ng kanilang pagkain
Ang mga dahilan na nagbunsod sa mga Kanluranin na makarating sa Asya ang naging daan para sumigla
ang palitan ng kalakal ng mga Europeo at mga Asyanong mangangalakal.